رواية نجمة هزت كيان ظابط الفصل الخامس عشر 15 - بقلم جاسمين محمد

نجمه مسحت دموعها ووقفت. "أنا هروح أتوضى وأصلي وأدعيله، أكيد ربنا هيجبر بخاطري ويسمعني." وسابتها وراحت اتوضت. خديجه رفعت إيدها وقعدت تدعي: "يارب اجبر خاطرها يارب." _الو بقولك في أخبار أي جامدة؟ _في أي احكي بسرعة! _صقر اغمى عليه نتيجة سم انتشر في جسمه واحتمال يودع! _بفرحة بجد؟ _أمال بهزر! _عارف لو مات والعملية تمت كويس المعلم هيبسطك! _ههههه وأنا عايز كدا، ومتخافش أي حاجة تحصل هعرفكم!

_تمام سلام دلوقتي عشان أروح أعرف المعلم! _تمام سلام! _في أي؟ _صقر بيسافر هاهاهاهاها. _بيسافر كيف؟ _يعني بيموت والعملية هتحصل كدا من غير مشاكل. _بجد! _آه والله لسه الخبر جي دلوقتي. بيضحك وهو بيقعد على الكرسي: "كويس كويس يلا نحتفل بالخبر ده يلا." _ههههه يلا ياباشا. عند نجمه بتصلي وخلصت. "السلام عليكم ورحمة الله وبركاته. السلام عليكم ورحمة الله وبركاته." وقعدت تسبح وتصلي على النبي. صقر بصوت ضعيف: "نجمه... نجمه."

نجمه بفرحة جرت راحت عنده: "نعم، أنا جنبك أهو، أنت كويس؟ صقر حط إيده على وشها: "أنتي اللي كويسة." نجمه بعياط: "آه بس أنت مش كويس." صقر: "متخافيش، أنا كويس. آخ آخ آخ." وبدأ يكح. نجمه: "ثانية أجيبلك تشرب." وقامت جرت جابتله يشرب. نجمه: "ها، دلوقتي كويس؟ صقر: "آه، ساعديني أقوم عشان أطلع بره." نجمه: "خليك مرتاح عشان لسه أنت تعبان." صقر: "لا أنا بقيت كويس مدام شوفتك كويسة." نجمه بحب: "يارب دايماً كويس."

وساعدته يقف، وهم طالعين صقر مال وكان هيقع، بس نجمه لحقته قبل ما يقع. صقر بابتسامة: "متخافيش مش هقع طول ما أنتي جنبي." نجمه: "وأنا هكون جنبك دايماً." أسد لما شاف صقر جري عليه هو العساكر والممرضين. أسد: "صقر صقر، أنت كويس طمني عليك، أنت كويس." صقر: "آه كويس، اهدوا." خالد: "جمد الله على السلامة ياباشا." صقر: "الله يسلمك يا خالد." خديجه: "نجمه، هو أكيد لسه تعبان، ليه بتطلعي بره دلوقتي؟

أسد: "مهي مش عايزاه يكون كويس وعايزة دايماً يكون تعبان زي ما كان بسببها كان هيموت." نجمه بصت لأسد وعينها كلها دموع وقعدت. صقر وجت تمشي، صقر مسكها من إيدها. صقر: "خليكي، رايحة فين؟ وأنت مين قال إنها السبب في موتي؟ "آه ياصقر، لو أنت مطلعتش السم من جسمها مكنتش زمانك كدا." صقر بعصبية: "حد جاب ليكي سيرة؟ أنتِ دلوقتي تقفي زي اللي واقفين ومتدخليش في موضوع مش يخصك، رد يا أسد." أسد: "ليه متخليها تتكلم؟ ماهي زيها زي نجمه."

صقر بص لنجمه بحب: "محدش زي نجمه أبداً." أسد: "ليه بقا محدش زيها؟ هي ممرضة زيها زيهم." صقر: "يمكن هي ممرضة زيها زيهم، بس عند صقر لا، وأياك أسمع إن حد قرب من شعرها منها أو زعلها، بس أنتو سامعين." الكل وهو موطي راسه: "سامعين." صقر: "يلا كله يروح مكانه." الكل مشي، وأسد بص لنجمه بغضب ومشي. خديجه: "نجمه، أروح أجهز الخيمة وأجيلك." نجمه: "ماشي." نجمه: "صقر، هتعوز حاجة؟ أروح أساعد خديجه."

صقر: "خليكي معايا، متمشيش. هي مش صغيرة، دي عندها لسان، أسد بيحكي عنه، فاكيد إيدها قد لسانها، هههههه." نجمه: "هههههه، طيب أوعى تسمعك وتيجي." صقر: "ههههه، متخافيش، حبيبتي قدها وأكتر." وغمزلها. نجمه بفرحة واستهبال: "مين حبيبتك دي؟ صقر: "واحدة خطفت قلبي من أول مرة شوفتها فيها، بس كنت بستبل عليها." نجمه بلهفة: "بجد ياصقر؟ صقر: "بجد." وغمزلها. أسد: "صقر صقر، تعال هنا عايزك." صقر: "جي أهو، أروح أشوفه عايز إيه وأجيلك، ماشي؟

نجمه: "ماشي، بس خلي بالك من نفسك." صقر: "حاضر، سلام." نجمه: "سلام." نجمه دخلت على خديجه الخيمة وهي فرحانة وعمالة تغني وترقص. "وأخير لقيت حبيبي، وأخير لقيت حبيبي." خديجه: "أنتِ اتجننتي ولا إيه؟ في إيه؟ نجمه: "صقر أخير قالي إن أنا حبيبته." خديجه: "ههههه، يعني ده كله عشان قالك ياحبيبتي؟ نجمه بفرحة: "آه." خديجه: "يامجنونة، يلا طيب عشان نجهز المكان عشان ننام، بكرة هيكون يوم صعب، ويارب يعدي على خير." نجمه: "يارب، يلا."

عند صقر. أسد: "صقر، في إيه؟ وإيه اللي مغيرك كدا؟ أنت حبيبتها ولا إيه؟ صقر: "أنا مستحيل أحب حد غير حوريتي في الجنة ونجمتي في السماء." أسد: "لا والله، ماهو واضح. المال إيه اللي كان من شوية ده؟ كان ناقص أجبلكم اتنين لمون." صقر: "لازم أعمل كدا عشان نجمه وخديجه تبع المافيا." أسد بصدمة: "أنت بتقول إيه؟