رواية نجمة هزت كيان ظابط الفصل السادس 6 - بقلم جاسمين محمد

وقفنا في البارت اللي فات عند نجمة وهي ماشية هي وخديجة في الجامعة وحد خبط فيها. نجمة بتبص تشوف مين خبطها. "مش تفتحي ياحجة انتي؟ البنت بخوف: "أنا آسفة والله مش كان قصدي، حقك عليا." وجت البنت تمشي، نجمة بتبص لقت ولدين وبنت واقفين بيضحكوا. نجمة مسكت إيد البنت: "مالك فيكي إيه؟ احكي." البنت: "مفيش حاجة، أنا آسفة والله." نجمة: "اسمك إيه طيب؟ ومتخافيش، خايفة من إيه؟ البنت: "مش خايفة من حاجة، واسمي روح."

نجمة مدت إيدها تسلم عليها: "اتشرفت بيكي ياروح، وأنا اسمي نجمة." روح: "اتشرفت بيكي، بعد إذنك." نجمة: "هما اللي هناك دول عملوا لك إيه؟ روح بتوتر: "ها، لأ، معملوش حاجة." نجمة: "متخافيش، احكيلي واجبلك حقك." خديجة: "نجمة فكك، مدام مش راضية تحكي، المحاضرة." نجمة: "استني بس، في إيه؟ روح: "عملين يضحكوا على لبسي وبيتريقوا عليا." نجمة: "لبسك كويس، بنوتة لابسة خمار ودرس، هو في أحلى من كده؟

أحسن من أم شعر والضيق اللي هي لابساه. تعالي معايا." وشدت البنت وراحت عندهم. وراحت وقفت وربعت إيدها: "ممكن أفهم بتضحكوا عليا إيه عشان أضحك معاكم؟ شاب من الولاد: "وإنتي مالك يانجمة؟ امشي من هنا." نجمة: "مالي كيف بس؟ يعني أشوفكم بتضحكوا ومتضحكش معاكم؟ طيب ده يبقى مايصحش." البنت: "نجمة روحي شوفي محاضراتك عشان تطلعي الأول زي كل سنة." نجمة:

"هروح دلوقتي حاضر، بس قبل ما أروح لو متلمتوش إنتو التلاتة وبطلتوا تضايقوا أي حد، والله لازعلكم، وإنتو عارفين نجمة كويس في الجامعة، انتوا سامعين؟ "نجمة، إنتي مش عشان في ناس بتخاف منك هنا في الجامعة يبقى إحنا نخاف." نجمة: "أنا قولت وحذرت، براحتكم انتوا بقى." وراحت سابتهم ومشت. وروح مشت وراها هي وخديجة. روح: "شكراً ليكي، ممكن نبقى صحاب؟ نجمة بابتسامة: "ينفع ياقمر؟ مينفعش ليه؟

بصي، خدي رقمي أهو، لو حصل حاجة رني عليا. يلا، هتعوزي حاجة؟ أروح محاضرتي." روح: "لأ، شكراً. روحي ربنا يوفقك." نجمة: "يارب." خديجة: "يلا يانجمة." نجمة: "يلا، سلام." *** عند صقر. صقر: "نعم، في إيه؟ ميادة: "إنت بتكلمني ليه كدا؟ لو مش حابب نفضل مع بعض، قولنا وأنا أقول لخالو ومنكملش." صقر فكر في كلام عمته قبل ما تموت، قبل ما تخلي باله من بنتها وميسيبهاش أبداً. وراح نافخ وتنهد وتكلم:

"لأ عادي، بس عندي شغل كتير وتعبان، مطبقلي يجي يومين. احكي عامله إيه؟ ميادة: "الحمد لله بخير، وإنت؟ صقر: "أهو الحمد لله. في حاجة؟ ميادة بزهق تاني: "لأ، مافيش. بس خالو قالي أرن عليك وأقولك تيجي تاخدني أروح أشتري فستان لبكرة، مش بكرة الخطوبة بتاعتنا." صقر بزهق: "اممم، تمام. اجهزي، وعلى الساعة 9 هاجي آخدك ونروح." ميادة بفرح: "بجد ياصقر موافق تيجي معايا؟ صقر بيبص لقى تليفونه بيرن:

"آه بجد، يلا سلام بقا دلوقتي عشان التليفون بيرن." ميادة: "تمام، ماشي. سلام ياقلبي إنت." "الحلوة فرحانة ليه كدا؟ فرحيني معاكي." ميادة: "صقر وافق ييجي يروح معايا أروح أجيب فستان الخطوبة ياخالتي." صافي: "ألف ألف مبروك ياروحى، صقر طيب، بس مش عارفة ماله كدا." ميادة: "إن شاء الله هعرف ماله، بس لما أحاول أقرب منه وأفهمه." صافي: "صعب تفهمي صقر." ميادة: "هحاول، يمكن أقدر." صافي بضحك:

"ماشي، ابقي افهميه. المهم دلوقتي يلا عشان نتغدى." ميادة: "اشطا، يلا." صقر: "الو، أخبارك إيه؟ طمنيني عنك." "أنا الحمد لله بخير." صقر: "صوتك حاسة منه في حاجة، احكي، في إيه ياروح؟ ويلا." روح: "ههههه، بتعرفني دايماً سبحان الله، مع إني مش قدامك." صقر: "مش إنتي بنت صاحبي، فيعتبر بنتي." روح: "ههههه، حصل، بنتك، بس بنتك إزاي وإنت أكبر مني بـ 12 سنة بس؟ صقر: "بت، اخلصي، في إيه؟ مش فاضي، بطلي ضحك." روح:

"يو يو، ده قلب عليا. المهم، مفيش حاجة حصلت، بس كان في ولدين وبنت كانوا بيدايقوني، وواحدة جت وساعدتني وهزقتهم." صقر بعصبية: "طيب مرنتيش عليا ليه وعرفتيني؟ ومين دول؟ أنا هاجي بكرة الجامعة وأعلمهم الأدب." روح بفزعة: "لأ، خلاص والنبي، حصل خير، فكك بقا." صقر: "مفيش حاجة اسمها فكك، أنا هاجي بكرة يعني هاجي." روح بتنهيدة: "يالهوووي، ماشي. ابقا تعال، لم نشوف آخرتها، هيكون في بكرة معركة." صقر:

"لأ والله، طيب يلا روحي عشان عندي شغل." روح: "ماشي، روح ربنا معاك، سلام." صقر: "يارب، سلام." خديجة: "نجمة، قاعدة ليه كدا؟ في حاجة؟ نجمة: "ها، لأ. بقولك، متيجوا نطلع أنا وإنتي نمشي شوية." خديجة: "لأ، مش قادرة." أحمد: " ازيكم، ازيكم، بتعملوا إيه؟ خديجة: "مش بنعمل، نجمة عايزة تخرج بس." أحمد: "اشطا، يلا نخرج." نجمة: "بجد ياحمد؟ يالا." أحمد: "بجد، قومي البسي ويلا." نجمة: "اشطا، استنى خمس دقايق بس وأجي." أحمد:

"تمام، وإنتي مش هتيجي معانا؟ وفين فاطمة؟ خديجة: "فاطمة راحت عند أهلها يومين، وأنا ماليش نفس أطلع." أحمد: "اممم، تمام." نجمة: "خلصت، يلا." أحمد: "اشطا، يلا. سلام ياحلوة." ومشي هو ونجمة. صقر: "ها، ناوية تروحي تشوفي فين؟ ميادة بفرح: "هنروح نشوف الفستان من المول اللي بنجيب منه، وبعدها هنروح نتمشى شوية على البحر." صقر: "نخلص الأول الفستان، ولو في وقت نبقى نروح." ميادة بفرحة: "ماشي، يلا." أحمد: "ها ياستي، بقا هنروح فين؟

نجمة: "بص، تعال نتمشى شوية على البحر، وبعدين نبقى نروح ناكل عشان جعانة بصراحة." أحمد: "ههههه، إنتي دايماً جعانة أصلاً." نجمة خبطه في كتفه: "مالكش دعوة ياض إنت، يلا، مش إنت اللي وافقت تيجي معايا؟ أحمد: "ههههه، طيب يلا." عند صقر. "ها، خلصتي؟ ميادة: "آخر واحد ده، والنبي بس." صقر: "هوف، طيب يلا، عقبال ما أعمل مكالمة." ميادة: "اشطا." "ها، في حاجة؟ "لأ ياباشا، بس الظابط خالد عايزك الساعة 11 ونص." صقر: "تمام، سلام." "سلام."

ميادة: "خلصت، يلا نروح نتمشى بقا." صقر: "متلغي إننا نتمشى النهاردة عشان جعان ومش هلحق أخلص وأروح آكل عشان عندي شغل." ميادة: "اممم، طيب يلا نروح ناكل في مطعم." صقر: "تمام، يلا." وليد: "سلام عليكم." صافي: "وعليكم السلام." وليد: "أمال فين ميادة؟ صافي: "صقر أخدها وراح يجيبوا الفستان." وليد: "اممم، ووافق كويس." صافي: "آه، ربنا يهديه. يلا نتعشى." وليد: "يلا." أحمد: "ها ياستي، يلا اختاري هتاكلي إيه؟

نجمة حطت صباعها على راسها زي العيال الصغيرة وبتفكر. أحمد: "إنتي صغيرة، يلا." نجمة: "خلاص، اهدى، عايزة سمك." أحمد: "يخربيتك إنتي والسمك ياشيخة." نجمة: "هس." أحمد: "غوري طيب، وأنا هاتلي زيها لو سمحت." "تمام يافندم، خمس دقايق." أحمد: "تمام، براحتك." عند صقر. "مطلبتيش حاجة غير السمك ليه؟ ميادة: "عادي، حابة أتعود على أي حاجة بتاكلها عشان ناكل سوى." صقر: "اممم، طيب." نجمة: "هف، هم أخروه ليه كدا؟

وبتبص لقت العامل جاي ومعاه سمك، راحت قامت وراحت خدته منه وهو معدي من جنبها. "يافندم، الطلب ده مش بتاعك." نجمة: "إحنا طلبنا سمك، يبقى بتاعنا إحنا." "يافندم، الطلب ده بتاع الأستاذ اللي هناك ده." نجمة: "هاته، هو الطلب التاني." صقر: "حضرتك فين الطلب؟ "أهو، بس الأستاذة مش راضية تسيبه." صقر: "هو إيه الهبل ده؟ يافندم، إنتي مجنونة؟ سيبي الطلب بتاعي." نجمة: "مجنونة لما تجنك يابعده، ده طلبنا إحنا، إنت لسه بيعملوه جو."

صقر بعصبية: "إنتي اتجننتي ولا إيه؟ وبيبص. نجمة: "إنت؟ صقر: "إنتي تاني؟ هاتي الأكل بتاعنا وبطلي جنان، مش ناقصه هنا." نجمة: "لأ، مش هاخده، استنى إنت، أنا مش بحب أستنى، وجعانة." صقر: "اخلصي وهاتي الأكل." نجمة: "هف، بقا." وراحت ماسكة السمك وراحت رميته عليه. "آآآآآآآآآآآآآآآآه."