رواية نجمة هزت كيان ظابط الفصل السابع 7 - بقلم جاسمين محمد

وقفنا البارت اللي فات إن روح شافتهم وقالت لهم: "شرفتوه". وصقر قام على حيله. صقر: هو انتي؟ ميادة: صقر انت بتعمل إيه هنا؟ وواقف مع البنت دي ليه؟ صقر: البنت دي! فهميني الأول، هو انتي اللي اتمسخرتي عليها؟ ميادة بصت في الأرض من الخوف من صقر وبتوتر: اممم، ليه؟ روح: آه هي ياصقر، انت تعرفها؟ صقر بعصبية: آه، ردي ياميادة، انتي اللي اتمسخرتي عليها؟ ميادة اتخضت من صوت صقر: آه ياصقر، أنا... صقر بعصبية وصوت عالي: مانتي صايعة أهو!

أمّال عاملة قدامنا ليه إنك المحترمة الشريفة؟ ليه؟ الناس كلها اتخضت من صوت صقر وقامت على حيلها. نجمة سمعتهم وراحت عندهم. نجمة: انت مين عشان تعلي صوتك كده على بنتك؟ ولسه بتبص، لاقته صقر، راحت سكتت. صقر: هو انتي تعرفيها؟ أوعى تكوني مشتركة معاها برضه؟ نجمة: لا، بص، هو مش عشان بسكتلك تزيد فيها. صقر قرب منها وبعصبية: لا والله! وزيد براحتي مع واحدة أهلها رموها ومعرفوش يربوها. الكلام نزل على نجمة زي اللي ضربها كف على وشها.

خديجة بحزن على صحبتها: صقر باشا، انت مالكش دعوة بيها ولا بحياتها ولا بأهلها. ويا ريت بقى تخلي عندك دم، ومالكش دعوة بيه. انت مش عشان ظابط تجرح مشاعرها كده كل شوية. أنا بجد معرفش هي أصلاً حبتك وحبت فيك إيه. نجمة سابتهم وجرت. خديجة جرت وراهم. صقر سمع كلام خديجة إن نجمة حبته وانصدم، وفضل ساكت. روح: ليه عملت كده ياصقر؟ نجمة هي اللي ساعدتني وجابت لي حقي منهم. مش شريكة معاهم. ليه جرحتها ياصقر؟

صقر عرف الحقيقة وبص لروح وسابها ومشي. راح ركب العربية. نجمة جرت دخلت الحمام بتاع الجامعة. وقفت الباب وراها. وخديجة خرجت وراها وبتخبط على الباب. خديجة: نجمة، افتحي الباب أرجوكي. نجمة: أنا ذنبي إيه يعني إنهم سابوني ومحدش فيهم وافق يتحمل مسؤوليتي؟ ليه الناس كلها بتعايرني بسبب كده؟ أنا ذنبي إيه؟ خديجة: طيب افتحي الباب ومالكيش دعوة بيهم. أنا جنبك ومعاكي. نجمة: حتى انتي كمان هتسيبيني زيهم؟ وهيجي يوم أكيد وتعايريني بأهلي.

خديجة بعياط: والله ما أقدر أعمل فيكي كده. انتي زي أختي والله وأكتر. افتحي الباب عشان خاطري. وفضلت تخبط ونجمة مش بتتكلم. خديجة: نجمة، مش بتردي عليا ليه؟ افتحي الباب يلا، اخلصي. وتخبط على الباب بس نجمة مش بترد. خديجة راحت مزعقة وطلعت جري على بره. لقت روح كانت جاية عندهم. خديجة: روح، الحقيني! تعالي، نجمة مش بترد عليا في الحمام. وأحمد شافها جري عليها. ودخلوا هم التلاتة.

أحمد: نجمة، افتحي الباب أحسن نكسره عليكي. نجمة، ردي طيب. خديجة: أحمد، اكسر الباب. شكلها أغمي عليها. يلا بسرعة. أحمد: حاضر، ارجعي ورى طيب. ارجعوا ورى. وراح رجع ورى وراح كسر الباب. أحمد كسر الباب وبيبص، لاقي نجمة مغمي عليها في الحمام ومرمية على الأرض. راحوا جرو عليها. وأحمد جري شالها وطلع بيها على بره. أحمد بصوت عالي: افتحي العربية بسرعة عشان آخدها ونروح المستشفى. خديجة خرجت فتحت العربية وركبت هي وروح مع أحمد العربية.

وخدوا نجمة وطلعوا بيها على المستشفى. صقر وصل الفلة بتاعته وركن العربية ونزل ودخل جوه. ودخل أوضة الملاكمة بتاعته، وقلع القميص وبصوت عالي: يارب! ليه بس كده؟

أنا مستحيل أحب حد أبداً مهما يحصل. كفاية اللي جرالي. أول مرة وتاني مرة، كل ما أحس من ناحية حد بالحب، يختفي من حياتي. حبيت أمي، مكملتش، وخدتها مني. ولما حبيت بنت الدادة زينب، خدتها برضه مني واختفت. وكل ما أحب حد وأقرب منه، تاخده يارب. مش عايز أحب تاني. أرجوك، ابعدها عن حياتي. مش كل ما تقرب مني أحس ناحيتها بإحساس غريب. أنا مستحيل أحبها ولازم أبعد عنها. وهنقل نفسي بكرة أي مكان هي مش فيه. وبيبص، لاقي تليفونه بيرن.

راح جابه ومسكه. بيبص، لاقي روح اللي بترن. صقر: الو، إيه؟ في إيه؟ روح بعياط: صقر، الحقني بسرعة. صقر بخضة: إيه؟ في إيه؟ احكي. روح بعياط: نجمة أغمي عليها في الحمام، وجبناها المستشفى، ومش راضيين يكشفوا عليها غير لما نعمل إجراءات، وأي حد يقرب لها يجي. تعال بسرعة، اتصرف معاهم عشان هي فاقدة دم كتير عشان اتعورت في دماغها. صقر سمع كده وسكت، ومش قادر يتكلم خالص. وقلبه فضل يدق جامد أوي. روح: صقر، انت اختفيت فين؟ رد عليا.

صقر: ها، جاي أهو. مسافة السكة وجاي. سلام. وقفل مع روح ومسك الجاكت وخد المفاتيح وطلع يجري على بره. ووصل لحد العربية وجه يركب، وقف. وصوت بداخله: متسيبهاش، ما هو أنا كنت عايز تبعد عنها. هي بعدت وهترتاح خلاص. وصوت تاني: لا ياصقر، انقذها. انت مستحيل تسيب حد يحتاج لك. الحق وانقذها. نجمة ممكن تضيع منك، وانت بدأت تحبها بسرعة ياصقر. صقر ركب العربية وساق بسرعة. جري على المستشفى. خديجة: ها، عملتي إيه؟ صقر جاي؟

روح بعياط: آه، جاي في السكة. صقر وصل ودخل جري. روح شافته قامت جرت عليه. صقر: ها، فين نجمة؟ روح: أهي. صقر شاف نجمة وهي مغمي عليها ومرمية على الكرسي في المستشفى. مقدرش يتحرك، كأنه اتشل. أحمد بصوت عالي: صقر، ساعد نجمة بسرعة. صقر فاق من شروده وجري على الدكتور. مسكه من القميص بصوت عالي وعصبية: يلا بسرعة خدها اكشف عليها، اخلص، يلا. الدكتور بخوف من صقر: حاضر، حاضر. يا ممرض، يا ممرضين، بسرعة دخلوها أوضة عمليات.

ودخلوا نجمة والممرضين دخلوا وراها. والدكتور داخل، صقر مسكه تاني. صقر بعصبية: إن حصلها حاجة، مش عارف إيه اللي هيحصلك. انت سامع؟ الدكتور وهو بيبلع ريقه من كتر الخوف: حاضر، حاضر. سيبني خليني أدخل ألحقها طيب. خديجة: سيبه ياصقر، خلص. صقر سابه والدكتور دخل. والكل قعد خايف. وعملينا بيدعوا لنجمة وهي جوه في أوضة العمليات. بعد شوية، الدكتور طلع وكلهم جرو عليه. صقر: ها، نجمة عاملة إيه؟ الدكتور: والله مش عارف أقولكم إيه.