رواية نجمة هزت كيان ظابط الفصل الثاني 2 - بقلم جاسمين محمد

صقر بعصبية: متظبطي يابت انتي انتي شاربه إيه ولا أهلك سيبينك ليه كده. حور بحزن: آسفة يا باشا بعد إذنك. صقر: غوري يلا. حور طلعت قالت أقوالها للعسكري وكتبها ومضت عليها ومشت. أول ما طلعت مشت شوية بعيد وقعدت تتلفت حواليها. "اطلعوا يلا." فاطمة: ها عملتي إيه يا مجنونة احكي. أحمد: يا رب كان سجنك عشان تستاهلي. خديجة: بس انتوا الاتنين احكي يا نجمة.

نجمة: الواد الظابط مزز يالهوووي ياماااااا لو تيجي تشوف عريس بنتك. وقعدت في الأرض. أحمد: لحق يبقى عريس بنتها وهو هيبص لوحدها مجنونة زيك ده لو عرف اللي انتي عملتيه مش بعيد يلبسك الأحمر. نجمة: اتلم عشان مخليش وشك شوارع دلوقتي ها اتلم وأنت عارفني وعملت إيه يعني. قلت له إن اسمي حور بدل نجمة عشان خوفت شوية وعملت نفسي إني سرقت عشان أروح أشوف الظابط الجديد مز ولا لأ عشان هتجوزه بس. ودي حاجة قليلة بالنسبة لعقلي.

فاطمة: حصل حصل وربنا انتي المفروض يودوكي مستشفى المجانين. نجمة: اتلمي طيب عشان مودكيش أنتِ. خديجة: بجد يا نجمة فكك من فكرة عايزة أتجوز ظابط ده عشان سمعت إنه عصبي وشديد في معاملته والكل اللي في القسم بيخافوا منه. نجمة: وأنا بحب الشخصية دي وعايزة أتجوز أصلًا ظابط عشان حابة الشاب اللي ليه كيان كده والكل بيخاف منه. مش واحد فافي بتاع بابا وماما وبتاع محن. وبصت لأحمد.

أحمد: بتبصيلي ليه كده. نتلم عشان مخليكيش تلحقي تشوفيه تاني وعارفة انتي لو خدتي. وربنا هبقى فرحان عارفة ليه. نجمة: بتعجب. ليه. أحمد: عشان الوحيد اللي هيقدر عليكي ويلمك عشان انتي عايزة تتلمي ياجعفر أنتِ. نجمة وهي بتبص له بنص عينها: محدش يقدر يعملها حتى لو مين. فاطمة: على فكرة هتتعبي نفسك على الفاضي وهتضيعي مستقبلك. فكك منه. نجمة: مش هفكني وهوريكم إن ما بقيت حرام صقر باشا مبقاش أنا نجمة.

خديجة: اسمعي كلامهم يا نجمة وفكك وخلي بالك من تعليمك وشيلي فكرة إنك عايزة تتجوزي ظابط دي. نجمة: أنا قلت هتجوز ظابط يعني هتجوز وهتجوز صقر كمان. وبس بقى يلا نروح عشان ننام. أحمد وفاطمة بصوا لبعض وبصوا لخديجة ومع بعض يلا نروح. تاني يوم. نجمة صحت من النوم غيرت اللبس وصلت وبصوت عالي: قوميييي يا غيبوبة منك ليها. فاطمة: في إيه يا نيلة سيبينا نايمين. خديجة: في إيه حرامي.

نجمة بضحك: هههههه قوموا الساعة سبعة في محاضرة الساعة 8 يا هبلة منك ليها. فاطمة: روحي أنتِ احضريها وابقى اكتبيها. نجمة: قومي يا خديجة معايا طيب. خديجة: حاضر هقوم ألبس أهو بس روحي جهزي فطار. نجمة: اممم حاضر يلا. نجمة راحت تجهز الفطار. عند صقر. صحى من النوم على المنبه قام قفله وبيص لقى تليفونه بيرن. صقر: الو. ميادة: صباح الخير يا بيبي. صقر بعصبية: قلت كذا مرة مش بحب السهلوكة دي. اتلمي واتكلمي عدل. إيه بيبي دي؟

أنا اسمي صقر باشا. ميادة: بخوف. آسفة يا صقر معلش مش هقولها تاني. صقر: أيوه كده شاطر. المهم عاملة إيه. ميادة: تمام. أنت عامل إيه. صقر: الحمد لله بخير. في حاجة عشان رنيتي. ميادة: هو مش المفروض إني هبقى خطيبتك كل يوم أرن براحتي ولا لازم يبقى في سبب.

صقر: لا عادي مش قصدي بس أنا مش بحب شغل المخطوبين والأطفال دي. يعني لو أمي ترن يبقى فيه حاجة للأم. مافيش يعني مش كل شوية ترني. وأنتِ عارفة إن لو تليفوني رن واللي رن عشان حاجة تافهة إيه بيحصل له. ميادة بعصبية: صقر سلام ومش هرن أبداً. وقفلت في وشه السكة. صقر اتعصب راح رانن تاني. ميادة: نعم بترن ليه. صقر: وديني لو عملتيها تاني وقفلتي في وشي السكة معرفش هيحصل إيه. أنتي سامعة. ميادة بخوف: سامعة سامعة. صقر: شاطرة سلام.

ميادة: سلام. صقر قفل معاها وقام دخل الحمام. "كنتي بتكلمي صقر ولا إيه." ميادة بخوف وجرت في حضنها: آه يا دادة بس هو بيعاملني بعصبية وبيزعقلي دايماً مش عارفة ليه. زينب: معلش أكيد في حاجة. وكمان ما أنتي عارفة صقر كده دايماً. ده أنا عايشة معاهم أديلى يجي 25 سنة مشوفتش فهد ده بيضحك غير من عشر سنين. ميادة: نفسي أفهم ليه كده. زينب: معرفش والله يا بنتي. المهم متزعليش يا قمر. اضحكي كده وإن شاء الله هيتغير. ميادة: يارب يارب.

زينب: يلا بقى نفطر. خالتك صافي عمالة تنادي عليكي. ميادة: حاضر يلا. ميادة نزلت تحت هي وزينب وكانوا قاعدين بيفطروا. ميادة: صباح الخير. وليد: صباح الورد يا حبيبتي. اقعدي افطري. صافي: اقعدي يا روحي. ميادة بحزن: ماليش نفس. هطلع أقعد شوية في الجنينة لحد ما سليم يصحى وأروح معاه الجامعة. وليد: ماشي روحي يا حبيبتي. صافي: بس. وليد بصلها إنها تسكت. روحي ويا زينب اعمليلها قهوة تشربها وطلعولها الجنينة. زينب: حاضر يا وليد بيه.

صافي بعد ميادة ما طلعت: ليه وافقت تطلع من غير فطار. وليد: الأستاذ صقر ابنك متخانق ومزعلها باين عليها. أنا مش عارف أعمل إيه للواد ده. أنا هرن عليها وأشوف آخرتها معاه. مش كل يوم يزعلها. صافي: اهدى بس يا وليد. وليد: اسكتي أنتِ خالص بقى. ومسك التليفون يرن على صقر. عند نجمة في الجامعة. "هي هي هي هي هي مافيش محاضرة كده أقدر أروح أشوفه." خديجة: تشوفي مين. نجمة: الظبوطة يابت يلا نروح.

خديجة: أنتي اتجننتي يا نجمة صح. ظبوطة مين. نجمة: صقر. بصي أنا من أول ما شفته ومش هسيبه. يعني مش هسيبه. خديجة: هو كيس شيبسي مش هسيبه. يلا نروح ننام أو نذاكر حاجة. نجمة بطفولة وهي بتخبط في الأرض برجليها: نروح بسرعة نشوف ونروح والنبي والنبي. خديجة: يوه طيب لو شافنا هنقوله إيه. نجمة: هنقوله جينا نشوف لقينا اللي اتسرق مني ولا لأ. خديجة: هو إيه اللي اتسرق منك بقى يا أختي.

نجمة حطت إيدها على قلبها: قلبي قلبي اللي اتسرق. آه يا قلبي. خديجة: بطلي جنان بقى واخلصي يلا نروح عشان نروح. نجمة بفرح: هاهاها يلا بسرعة. ومسكت خديجة ومشت. عند صقر. "انت حيو&ان ازاي تعمل في أختك كده يازبا&له أنت." وضربة بالكف على وشه. "أنا آسف والله يا باشا غلطة والله مكنتش في وعي لم جيت عندها." صقر: وحياة أمك وأنا هخليك في وعيك دلوقتي. "صقر باشا والدك بيرن." صقر: حاضر خد المجرم ده لحد ما أخلص. "حاضر يا باشا."

صقر: الو. وليد: ممكن أفهم هتعقل إمتى وتعامل بنت عمتك كويس. صقر: بص بقى أنت مش تعمل فيها الخال الكويس الطيب على حسابي أنا. مش عايز أتجاوزه. إيه هتجوز واحدة عندها 19 سنة ليه؟ هتجوز طفلة وأربيها. عايز تكسب ثواب وتحافظ على بنت اختك شوف لها حد غيري. وليد: أنا قلت هتتجوزها يعني هتتجوزها. أنت سامع. صقر: متعصبنيش يا وليد باشا وأنت عارفه لو حلفت إني مش هتجوزها. وأنا لو حلفت مستحيل أرجعني في كلمتي. وأنت عارف صقر الشامي.

وليد: متنساش إني أنا اللي ربيت صقر الشامي وأكتر منه. لأني أنا أبوه. صقر: وقتك خلص معايا. وبيص لقى خيال حد واقف بيسمعه.