رواية نجمة هزت كيان ظابط الفصل الثاني والعشرون 22 - بقلم جاسمين محمد

صقر بصدمه: انتي بتعملي إيه هنا؟ وبص لفاطمه بتساؤل وحيره. حور: صقر، دي مامتي زي ما مامتك. صقر: يعني انتي كنتي بتعرفي إنها عايشه ومقولتليش؟ حور: أنا لسه عارفه من كام يوم من حوريتك، بس كنا ناوين نعملها مفاجأة ليك، بس خلاص أنت عرفت. صقر بحيره وتوتر: حوريتي؟ طيب هي فين؟ حور: بتجيب الطلبات وجاية، يلا أخرتي ليه كدا. صوت من بعيد: جي اهو يامفترية.

صقر بيبص على الباب وواقف متوتر ومنتظر حد يدخل عليه ويشوفها. بيبص يلاقي حد دخل وشايل طلبات والطرحة على وشها ومش شايف وشها. صوت: يازفتة انتي تعالي، حتى شيلي الطرحة من على وشي عشان شكلي هقع ومش شايفه حاجة. صقر بتوتر وصدمة: نجمة! نجمة سمعت صوت صقر وقفت مكانها ونزلت اللي في إيدها على الأرض وشالت الطرحة. نجمة بصدمة: صقر، أنت بتعمل إيه هنا؟ صقر: انتي حوريتي؟

خديجة وهي داخلة من الباب: نجمة، انتي أخرتي ليه كدا ومطلعتيش تاني. وبتبص لقت صقر انصدمت وقفت ساكته. صقر بنرفزة وعصبية: انطقييي، أنتِ حوريتي؟ فاطمة: صقر، في إيه؟ إيه هي حوريتك؟ مالك؟ صقر بنرفزة: لما انتي، هي مقولتيش ليه؟ انطقي. وقرب منها. نجمة واقفه وباصه في الأرض ومش بتتكلم. صقر مسكها من كتفها وبيهزها بعصبية: باصة في الأرض ليه؟ متتكلميش، ساكته ليه؟ لما أنتِ عارفه مقولتيش ليه إنك هي؟

وإنتي عارفه إن روحي فيكي وعارفه إني بدور عليكي ومستنيكي من زمان. نجمة بصوت عالي: مقولتش عشان حضرتك مش صقر بتاع زمان، مش صقر اللي حبيته زمان. صقر اللي كان قلبه أبيض وبيحب كل الناس وبيخاف على مشاعر أي حد. صقر اللي حبني، مش صقر اللي كل يوم في حضن واحدة. شكلها إيه؟ انطق، كنت عايزني أقولك إني أنا حوريتك وأنت بالطريقة دي؟ وخد هنا، أنت بتقول مستنيني صح؟ صقر: آه مستنيكي، ودورت عليكي كتير.

نجمة بعياط: دورت فين وأنا علطول جنبك؟ دورت فين وأنا مسبتكش ثانية؟ دورت فين وأنت كل يوم مع واحدة؟ دورت فين وأنت كنت بتخطب؟ دورت فين وأنت حبيبت واحدة اسمها نجمة ونسيت حد اسمه حوريتك؟ دورت فين وأنت زمان كنت بتقولي أنا بعرفك من وسط مليون بنت، وأنا كنت قدامك لوحدي ومعرفيتنيش؟ بصوت عالي، انطق يا صقر، دورت فين؟ فاطمة: نجمة، اهدي كدا. نجمة بتتريقة: هههه، أهدا حاضر. أهدا وهو يزعق ليا؟

وكل ميشوفني يزعقلي ويكسرني. عارف يا صقر، أنا لما ناويت أرجعلك بعد كل اللي عملته، ناويت أرجع باسم جديد، نجمة، عشان تحبني وأقدر أغيرك، عشان مكنتش عايزة أرجعلك وأعيش معاك على إني حوريتك وأنت بالنظام ده. بس اللي بيتعود على حاجة مش بيغيرها. صقر بيأس: مهو انتي سبتيني، انتي وهي كنتوا عايزينيني أبقى عامل كيف؟ ها؟ عايزاني أبقى عايش حياتي وطبيعي وقلبي أبيض وسط ناس عاملة زي الوحوش بتاكل في بعض.

نجمة وهي بتصقف: لا، برافو. دايما لازم تطلع غلطك على غيرك. بس عارف يا صقر، أنا عشان أريحك هبعد خالص عنك، عشان مبقاش عايزة أعيش مع واحد زيك، واحد قلبه بقى كله حقد، واحد بقى جبار، واحد بقى خاين، واحد بقى زبالة ومعندوش حتى ضمير. صقر سمع كدا راح ضربها بالكف على وشها. صقر بعصبية: أنا مسمحلكيش تقولي عليا كدا. نجمة بصتله وعينها مليانة دموع وسابته وجرت على برة. خديجة وحور بصوا لصقر وطلعوا يجرو ورا نجمة.

فاطمة بحزن: إيه اللي أنت عملته ده؟ بقا هي دي اللي مستنيها بفرحة إنك تشوفها؟ هي دي اللي بتحبها؟ هي دي اللي كنت بتدور عليها يا صقر؟ صقر بص لها ومن غير كلام سابها ومشي. فاطمة قعدت على الكرسي وبعياط: يارب استرها يا رب. صقر طلع ركب العربية وشغلها ومشي. خديجة بصوت عالي: نججججممههههههه، حاسبييييي. صقر سايق العربية بسرعة كبيرة وبييبص يلاقي تليفونه بيرن. مردش. بيبص يلاقي عمال يرن. بيبص يلاقي فاطمة أمه اللي بترن.

صقر وهو سايق بسرعة كبيرة: نعم، في إيه تاني؟ سيبيني دلوقتي، مش عايز أكلم حد. فاطمة بعياط: صقر، الحق نجمة بتموت. صقر سمع كدا ووقف العربية والتليفون وقع من إيده.