رواية نجمة هزت كيان ظابط الفصل الحادي والعشرون 21 - بقلم جاسمين محمد

معتز بتوتر: أسد وصقر؟ أسد: أنت كنت منتظر حد ولا إيه؟ مالك؟ صقر بمكر: هو أنت متوتر كده ليه؟ هو في حاجة؟ معتز: حاجة إيه عادي، بس صدفة غريبة إنكم جايين عندنا النهاردة. أسد: ولا غريبة ولا حاجة، بس أمي قالت إن مرات خالي تعبانة شوية، قولنا نيجي نشوفها. معتز: اممم، تمام. اتفضلوا. صقر بمكر: هههه، أخيراً افتكرت تقولنا اتفضلوا يا جدع. معتز: معلش نسيت. اتفضلوا. خديجة: نجمة، هتعملي إيه دلوقتي؟

نجمة: عادي يعمل اللي يعملوا، مبقتش فارقة معايا. قعدت على البحر. خديجة: مبقتش فارقة إزاي؟ أنتي اتجننتي صح؟ مستقبلك هيضيع لو راح واتهمك بالنصب. نجمة بعياط: يعمل اللي يعملوا، تعبت يا خديجة، تعبت! عارفة أنا كل دقيقة بدعي إني أموت عشان الحياة جاية عليا أوي، وكل ما بحس إنها هتتعدل ترجع تصعبها عليا أوي، ومحدش بيحبني، كله بيكرهني. خديجة: أنتي بتقولي إيه؟ أنا بحبك ومعاكي أهو.

نجمة: مافيش حد بيحبني غيرك أنتي وباباكي ومامتك وبس، والباقي مش بيحبوني. طيب أنا عملت إيه في الدنيا عشان يعملوا فيا كده؟ وكل ما أحب حد يبعد عني والدنيا تعاقبني عليه وتبعتلي ناس مش كويسة، عملت إيه؟ قولي! خديجة خدتها في حضنها وبتعيط معاها: اهدّي كدا، أنتي اليومين دول بدأتِ تكفري ليه كدا؟ كل حاجة والله هتتعدل وتفرحي قريب، وربنا هيجبر بخاطرك. اهدّي كدا، واللي بتحبيه بيحبك والله.

نجمة: بيحبني وسابني وبقى بيكرهني، ده حتى مش طايق يشوف وشي، صح؟ خديجة: قصدك على مين؟ نجمة: صقر. أنا شفت رسالته اللي أنتي خبيتيها عليا من يومين. خديجة: والله غصب عني عشان مش عايزة إياكي تقعي في مشاكل. نجمة: هو في مشاكل أكتر من كدا؟ يلا، مبقتش فارقة. يلا نرجع، المغرب قرب يأذن. خديجة: ماشي، يلا. أسد: صقر، هنعمل إيه دلوقتي؟ صقر: وديني لهوري أيام أخلي يتمناها الموت فيها عشان قرب نحيتها. نزل دمعه منها.

أسد: صقر، استهدى بالله كدا وفكر بعقل الأول، وسيبك من قلبك. صقر بتفكير: قلبي وأمشي وراه؟ أنا مشيت وراه مرتين وتعبني معاه، فهبطل أمشي وراه عشان ما أتعبش زيادة. المهم، مش ناوي تروح تعترف ليها بحبك ولا هتفضل كدا؟ غمزلوا. أسد بتوتر: ها؟ هي مين دي؟ وحب إيه؟ أنا مش بحب حد. صقر: ياض عليا، ده أنا أخوك واللي مربيك. يلا روح، متعملش زي ويعدي الأوان وتندم بعدها. أسد: بس أنا مش بحب حد.

صقر: أسد، قلتلك أنا أخوك وأنا اللي مربيك، يعني عارفك كويس. خديجة بنت كويسة والله، وهي دي اللي هتصومك رمضان في رجب. مش عارف إزاي، بس والله لتظبطك. أسد وهو بيعدل لياقة القميص: مش أنا اللي واحدة تظبطني، أنا جامد يلا. صقر: هههه، واضح واضح. بأمره ما كل ما تشوفها تتوتر وتكون زي الكتكوت. أسد: يخربيتك، دانت مركز بقا. صقر: هههه، ده أنا صقر. يلا، أسيبك وأروح عند أمي. صح، أنت عرفت حد في البيت إني لقيتها؟ أسد بتوتر: حد هنا؟ لا.

صقر: أسد! أسد: بصراحة، عرفت داده زينب وحكتلي على كل حاجة حصلت زمان عشان هي كانت عارفة الحقيقة. صقر بعصبية: بقا زينب كانت عارفة ومقلتليش؟ اممم، ماشي. أسد: صقر، سامحهم. صقر: مش هقدر عشان دايماً بسامحهم. يلا، أسيبك دلوقتي ونشوف ربنا هيعمل إيه بعدين. أسد: تمام يا أخويا. يلا، أروح أنا. صقر: اشطا. سلام. خديجة: نجمة، نجمة، هي حور جاية معانا بكرة صح؟ نجمة: آه، مهي بتيجي معانا دايماً، إيه الجديد؟

خديجة: لا عادي، بس نفسي أفهم، بتحب تقعد مع الست الكبيرة اللي هناك على طول ليه؟ نجمة: ههههه، وأنتي إيه غايظك؟ يلا بس ننام عشان نصحى بدري نروح. خديجة: اشطا، يلا. فاطمة: حبيبي، حمدالله على السلامة. صقر وهو بيبوس إيدها ورأسها: الله يسلمك يا روحي. إيه مصحيك لحد دلوقتي؟ أنا قلت أكيد نامت. فاطمة: ههههه، أنام كيف وأنت لسه بره؟ وحتى ما طمنتنيش عليك. صقر: تسلميلي. يلا طيب، ننام شوية عشان تعبان أوي. فاطمة: يلا يا روحي.

تاني يوم. نجمة وخديجة نايمين والباب عمال يخبط. خديجة: نجمة، قومي شوفي مين. نجمة: يوه، قومي أنتِ، أنا عايزة أنام. خديجة: وأنا مالي؟ قومي أنتِ يلا بقا. نجمة: يوه، حاضر. قامت فتحت الباب. نجمة: أخيراً! دانتوا باردين. نجمة: حور حبيبتي، حمدالله على السلامة. حور: الله يسلمك يا روحي. إيه، يعني نايمين لحد دلوقتي؟ نجمة: لسه بدري، هي الساعة كام؟ حور: الساعة تسعة. نجمة: يلهوي!

وجرت على الحمام: أنا هاخد دش عقبال ما تصحي الغيبوبة التانية. حور: هههه، حاضر، روحي. حور: خديجة، قومي الساعة تسعة. خديجة بخضة: يالهوي! تسعة! وقامت بسرعة وجرت على الحمام. حور: نجمة في الحمام، يالهبلة، استني. خديجة: يوه. وجرت تطلع لبس. ونجمة خلصت ولبست وخديجة. حور: ها، يلا بقا عشان آخرنا النهاردة. نجمة: اشطا، يلا. صقر: هما اتأخروا ليه كدا؟ مش قولتي بييجوا الساعة تسعة؟

فاطمة بقلق: مش عارفة والله يا ابني، الساعة عشرة ونص ولسه مجوش. أنا خايفة أحسن يكون في حاجة. صقر: إن شاء الله خير. المهم، أنا هدخل أجيب حاجة من جوه وجاي. فاطمة: ماشي، روح. فاطمة قاعدة وبتبص، لقت اللي حط إيده على عيونها. فاطمة: حوري؟ حور: هههه، صح. صقر طلع، وأول ما شافها.