رواية نجمة كيان الفصل الحادي عشر 11 - بقلم هاجر سلامة

دخلت داليا القاعة وأخذت المايك. داليا بخبث: أيوه أنا داليا الشرقاوي خطيبة كيان اللي قاعد هناك ده. وأشارت عليه وكملت: كنا بنحب بعض. جات البنت الشوارع دي خطفته مني. خطافة الرجالة. الصحافة بدأوا أنهم يصوروا وكلهم اتصدموا. نجمة اتكسفت وعيطت. كيان قام وراح عندها وقال بغضب: حسابك بعدين. داليا بخبث: هتعمل إيه ممم.

كيان أخذ منها المايك: ثانية معلش ثانية. أول حاجة نجمة مخطفتنيش من حد، أنا بحب نجمة وإن شاء الله هتكون مراتي. وأه تاني حاجة داليا كانت خطيبتي السابقة، مكانش فيه تفاهم بينا وأنا فركشت الموضوع. هي اللي مش عاجبها الوضع وحبت إنها تعمل المسخرة دي. أنا حابب أقول لنجمة أنا بحبك وحقك عليا. وراح عندها ونزل على ركبته وطلع خاتم وقالها: تقبلي تتجوزيني. الناس انبهروا بيهم وقعدوا يسقفوا له. وداليا تغاظت والنار زادت في قلبها ومشيت.

الفرح تم على خير. هم مروحين من القاعة. في عربية كيان. نجمة: كيان، أنا عايزة أسألك على حاجة. مين داليا؟ أنا معرفش عنها حاجة. إنت محكيتليش عنها. كيان حكى لها كل حاجة. نجمة: مممم تمام. كيان: إيه رأيك نروح مطعم ناكل وناخذ عيلتنا معانا. نجمة: أشطا ماشي. كيان: يلا بينا. كلهم راحوا وأكلوا وخلصوا أكل وكل واحد راح على بيته. عند داليا. راحت تسهر مع صحابها وشربت كتير. صديقتها: إيه يا بنتي كل الشرب ده؟

إنتي اللي ضيعتيه. كنتي راحة لازقة فيه أوي والراجل ميحبش البنت اللي تلزق فيه. داليا وهي سكرانة: أنا في إيه وحش علشان بس يبصلي؟ أنا عملت عمليات تجميل كتير وضفرت مناخيري وعملت شفايفي وبرضه مش عاجباه. بس أنا مش هاسيبه. كيان لو مكانش ليا مش هيكون لحد. جاء واحد وقال لها: داليا، مالك؟ مين مزعلك؟ داليا: بجد أنا جميلة. الشاب: أيوه انتي أحلى من القمر كمان. داليا: أومال هو مش بيحبني ليه.

الشاب بخبث: تعالي معايا وهقولك إنتي جميلة قد إيه. عند نجمة. صحت من النوم. قرار تروح الشغل. لبست وفطرت مع مامتها ونزلت. لقيت واحد واقف بعربية جري عليها وقالها: أنا السواق بعتهولك كيان بيه. قالي أوصلك لأي مكان حابة تروحيه. نجمة ابتسمت وقالت: تمام. يلا بينا نروح المستشفى. وركبت العربية ومشيت. عند كيان. كيان صحي ولبس بدلة سوداء وسرح شعره. كان زي القمر ونزل. لاقى مامته وأخته قاعدين فطر معاهم.

وجات له مسج من السواق إنه أخذ نجمة ورايح المستشفى. ابتسم. كيان: أنا ماشي، رايح الشغل. عايزين حاجة. أمه: لا يا حبيبي سلامتك. خلي بالك من نفسك. كيان: وانتوا كمان. يلا باي. أمه وأخته: باي. ونزل ركب العربية وفجأة لاقي حد ضربه على دماغه وأغم عليه.