رواية نجمة كيان الفصل الحادي والعشرون 21 - بقلم هاجر سلامة

كيان..نجمة أنا آسف، أنا لسه بحبك وعايزك. نجمة.. وأنا كمان عايزك، بس كنت مستنية الحكم علشان أقرر أعمل إيه. قررت إني مش هسيبك. كيان اتصدم وبص حواليه، وراح حضنها ولف بيها. كلهم فرحانين ليهم. داليا.. إزاي ده يحصل؟ يعني أنا كنت فاكرة إنهم مش هيرجعوا لبعض تاني. لا مستحيل، لازم كيان يكون ليا. ياسين.. طب ما أنا كمان عايز نجمة، بس مفيش في إيدينا حاجة. إحنا عملنا كل حاجة وبرضه مفيش فايدة.

داليا جت لها فكرة فجأة وقالت.. طب خلاص بقى، لما تعرف هنعمل إيه ابقى قولي. أنا مروحة. وطلعت وهي بتفكر في الخطة وقالت.. مفيش غير الطريقة دي، لازم أعملها. واتصلت بشخص وقالت.. أنا عايزاك دلوقتي حالا، أو تعالى قابلني كافيه. بعد أسبوع. في فيلا كيان. كيان.. والله يا طنط ما هتروحي من هنا، خليكي قاعدة معانا. أحمد.. آه والنبي خليكي قاعدة معانا، مينفعش تعيشي لوحدك. نجمة.. خلاص بقى يا ماما، بقى اقعدي معانا.

إيمان.. ماشي، هقعد معاكو بس فترة مؤقتة. نعمة.. انتي مفيش فايدة فيكي، ماشي يا ست الكل. كيان.. طب بقولكم إيه بقى؟ عايزين نعمل حفلة كده حلوة نفرح بيها سوا، وكمان بمناسبة رجوعي أنا وحبيبة قلبي نجمة. وروح حضنها. سالي.. طب راعي طيب شعور أمي سنجل. كيان.. بس يابت. نعمة.. حلوة الفكرة دي، اهو نفرح شوية. كلهم.. اشطاا، ماشي. كيان.. طيب الحفلة هتبقى بكرة، إيه رأيكم؟ نجمة.. واحنا هنلحق نعمل كل حاجة؟ كيان.. آه هنلحق. ها حلو؟

كلهم.. حلو، يلا بينا. تاني يوم. الحفلة. الفيلا اتظبطت وبقى شكلها في قمة الروعة. في أوضة البنات. سالي.. نجمة، شكلي حلو؟ نجمة.. قمر، إيه ده مالك؟ سالي برقت وقالت.. إيه الحلاوة دي، اللهم بارك. الحجاب شكله حلو أوي عليكي. نجمة.. تسلمي يروحي، انتي مش ناوية تلبسي الحجاب ولا إيه؟ سالي.. نفسي والله، بس مش لاقية اللي تشجعني. نجمة.. إيه رأيك أشجعك أنا؟ سالي.. موافقة. نجمة.. ماشي يروحي، يلا بينا.

نجمة كانت لابسة فستان أحمر وطرحة بيضاء وهيلز أحمر. سالي كانت لابسة فستان أزرق طويل وبكم، وسابت شعرها وحاطة ميكب خفيف وزي القمر. دخلت إيمان قالت.. اللهم بارك، إيه الحلاوة دي يا بنات. سالي.. دي حلاوتك يا طنط. نجمة.. طالعة ليكي زي القمر. إيمان.. ربنا يحميكو يا حبايبي، يلا بينا. دخلت نعمة بسرعة وقالت.. استنوا. كلهم.. في إيه؟ نعمة.. في حاجة. نجمة.. خير، في إيه؟ نعمة.. بنت عمك ياسالي هنا. سالي بصدمة.. إييييييييييي؟

ينهار أسود. نجمة.. في إيه، مالها يعني؟ سالي.. لو عرفتي هتصوتي. نجمة.. قولولي في إيه. سالي.. أصل بنت عمي سوري كانت بتحب كيان، كانت هتموت عليه علشان تاخده ليها، بس هو مكنش بيحبها. بصراحة هي عيلة ملزقة وبتدخل في اللي مالهاش فيه، وكمان بتروح تلزق في كيان على طول حتى لو عرفت إنه متجوز. نجمة.. نعممممممممم؟ وهي تحت صح؟ نعمة.. أها. نجمة.. طيب اوعوا بقى كده، أنزل أشوفها.

ونزلت وشافتها واقفة مع كيان وبتحاول تمسك إيده. راحت عندها ومسكت إيده هي وقالت.. كيان حبيبي، أنا جيت. كيان.. إيه القمر ده؟ نجمة.. انت القمر يا حبيبي. سوري.. انتي إزاي تدخلي كده؟ انتي متعرفيش أنا مين؟ نجمة.. هتكوني مين يا حبيبتي؟ أنا مرات كيان، وداخلة عشان أسلم على حبيبي ونور عيني. حاجة تخصك دي ولا إيه؟ سوري.. أها، انتي بقى مراته؟ ذوقك وحش أوي يا كيان بجد. كيان.. سوري، احترمي نفسك، دي مراتي.

سوري.. آسفة، انت عارف إني جريئة، مبعرفش أخبي والله. نجمة.. والله يا حبيبتي، رايك ده مش يهمني، ولا كاني سمعته. عارفة أنا أحطه فين؟ أحطه في الزبالة. المهم إني حلوة في عين نفسي وفي عين حبيبي قلبي. كيان هيموت من الضحك. سوري هتولع من الغيظ ومشيت. نجمة بصت لكيان لقيته بيضحك. قالت بغيظ.. انت فرحان بقى كده؟ كيان بضحك.. شكلك عسل أوي وانتي غيرانة. سالي.. جدعة يامرات أخويا. نجمة.. أومال.

وفجأة نجمة وقعت على الأرض، رصاص دخل في ضهرها.