رواية نجمة كيان الفصل العشرون 20 - بقلم هاجر سلامة

يوم جديد. صباح الخير ياماما. أنا اتجوزت. صباح الخير. أحمد وحشتني أوي. واتجوزت مين؟ تعالي يا هنا. دخلت بنت جميلة، قصيرة، بشعرها، وبيضاء، وعينيها زرقاء. بسم الله ما شاء الله. إيه الجمال ده يا ابني. ربنا يحفظك يا حبيبتي. أنا اتغيرت يا ماما. أنا كنت بعيد الفترة دي كلها لأني كنت بتغير. وكله من فضلها. هنا: والله ما عملت حاجة. نعمة راحت حضنتها وقالت: شكرًا ليكي. رجعتيلي ابني. هنا: على إيه. دي أقل حاجة ممكن أعملها. أنا بحبه.

نعمة: جدع ياض. تنك. جوزتها. هي دي الأشكال الصح اللي أنت تتجوزها وتبصلها. أحمد: خلاص بقى يا ماما. متفتحنيش. نعمة وهنا بيضحكوا. نزلت سالي وقالت: صباح الخير. صباح النور ياقلبي. تعالي. أحمد. حمد الله ع السلامة. ورحت حضنته. وحشتيني أوي. كنت فين. نعمة ضربتها ع دماغها: اهدي شوية. الواد لسه جاي. خليه ياخد نفسه. سالي: يووووووه ياماما.

أحمد بضحك: وانتي كمان وحشتيني أوي. دي هنا مراتي. كنت غايب الفترة دي كلها بسبب إني كنت بتعالج واتغيرت للأحسن. سالي: أكيد العسل دي السبب. أحمد: اها. سالي راحت حضنت هنا وقالت: أهلاً بيكي في عيلتنا ياقلبي. هنا: ده شرف ليا أكون من عيلتكم. سالي: والله يا أحمد أنت محظوظ. عقبالي بقى. كلهم ضحكوا وراحوا ياكلوا. أحمد: فين بابا. نعمة بحزن: أبوك اتسجن يا أحمد. أحمد قام وقال بخضة: إيه ده. إزاي. وحصل إيه.

سالي: أنا هحكيله ياماما. بص يا أحمد. وقالت اللي حصل. أحمد بصدمة: معقول بابا يعمل كدا. نعمة: للأسف. أحمد: طيب وكيان. وضعه إيه مع مراته إيه. سالي: نجمة سابت البيت وقاعدة عند مامتها. وكيان معرفش عنه حاجة. أحمد: إزاي دا. أنا هروح أشوفه. وطلع ركب العربية ويرن ع كيان. تلفونه مقفول. أحمد: بقولك إيه يا ياسر. تعرف فين كيان. ياسر: في القسم بتاعه. انهاردة. أحمد: ماشي. شكرا يا ياسر. وقفّل وراح عند كيان. أحمد وصل ونزل.

العسكري: أهلاً يا أستاذ أحمد. أحمد: هو كيان موجود. العسكري: أيوا موجود. بس عنده شغل دلوقتي. أحمد: طيب خش قوله إني موجود. العسكري: حاضر. بعد ٥ دقايق. العسكري: اتفضل ياباشا. أحمد: شكراً. ودخل المكتب. كيان: أهلاً يا أحمد. أحمد: أنا عرفت اللي حصل. كيان: ممم. أحمد: ممم إيه. أنت إزاي كدا. المفروض تكون عند مراتك. كيان: مانا بحاول أشوفها وأكلمها. وهي بترفض. أعمل إيه. أحمد: تعمل إيه. المفروض إنك تفضل وراها لحد ما ترجعلك.

كيان: أنت مالك. عقل كدا ليه. أنت كويس. أحمد ضحك: بس ياهبل. أنا خفت. الحمد لله. وكنا بنتعالج الفترة الفاتت. وتجوزت كمان. كيان: ياااه. فينك يازمان. المهم إنك مبسوط. أحمد ضحك: الحمد لله. صح. بابا فين. كيان: في القسم اللي فوق. وبكرة المحكمة. ويتحاكم. أبويا بجد أنا مكنتش متخيل إنه أبويا بالشكل دا. أحمد: ولا أنا ياكيان. وقلبي وجعني أوي عليه. كيان حضنه وقال: إن شاء الله خير يارب. أحمد: يارب. تاني يوم في المحكمة.

كيان قاعد. ونعمة وسالي وأحمد وهنا. دخلوا إيمان ونجمة. كيان شافهم. وحطت عينيه في عين نجمة. نجمة دورت وشها. وراحت قعدت. وحسن دخل. إيمان شافته. هان عليها تقوم تقتله. القاضي دخل. من المحامين قاعدين. بدأوا إنهم يتكلموا. قامت نجمة وقالت: أنا معايا دليل يا سيادة القاضي. القاضي: اتفضلي. نجمة: دول تحاليل. تثبت إن الولد ابن حسن. كيان وأحمد ونعمة وسالي اتصدموا. وحسن واقف بيعيط وندمان.

القاضي: حكمت المحكمة الحضوريه على المتهم حسن بـ 10 سنوات سجن. حسن لسه هيمشي. قال: الضابط. ونبي استنى. هكلم أهلي وعيالي. الضابط: عشر دقايق بس. حسن بندم: أنا آسف. حقكم عليا بجد. مش عرف إنه هيوصل لكدا. أتمنى تسامحوني وتدعولي. عشان شكلي هاموت ولا في السجن. وامشي. وهو زعلان. نعمة راحت عند إيمان وقالت: ما عارفة أقولك إيه ولا إيه. بس أتمنى إنك تخلي نجمة ترجع لكيان. أهم. مالوش ذنب باللي حصل.

إيمان: أنا مش زعلانة. وعايزاهم يرجعوا. بس الري ري نجمة. بصت لأحمد وقالت: أنت أحمد صح. وانتي سالي. سالي وأحمد: أيوا. إيمان عيطت: أنا كنت بتاعتكم. كبرتوا أوي. مشاء الله. ممكن حضنكو. سالي وأحمد: أكيد طبعاً. وحضنوها. نجمة بغيرة: خلاص يا أمي. كل شوية حضن يعني. سالي ضحكت: وانتي مالك. نجمة رفعت حواجبها وقالت: نعم ياحبيبتي. دي أمي. سالي: وأمي أنا كمان. نجمة: لا. أنا. سالي: لا. أنا. إيمان

خدتهم في حضنها وقالت: انتوا الاتنين ولادي. حبايبي. كلهم ضحكوا. كيان: نجمة. أنا آسف. أنا لسه بحبك. وعايزك. نجمة. كيان اتصدم.