رواية نجمة كيان الفصل الرابع عشر 14 - بقلم هاجر سلامة

مؤمن بعت لها مسدج. تمني فتحتها. "الصور سليمة بس في حاجة غريبة في الصور إن الراجل متخدر وباين أوي." تمني: بصي يا نجمة بيقول إيه. نجمة قرأت المسدج. قالت: فعلاً باين كده في الصورة. طيب أعمل إيه؟ تمني: أنا من رأيي إنك تكلميه وتفهمي منه الأول وبعد كده تقوليله. نجمة: ماشي، هعمل كده. استني أرن عليه. رنت. كيان: صباح الخير يا حبيبتي. نجمة: صباح النور يا كيان. ممكن أشوفك انهاردة؟ عايزة في حاجة ضروري. كيان بتوتر: حاجة إيه؟

نجمة: هقولك عليها لما أشوفك. إنت فاضي ولا لأ؟ كيان: آه فاضي. نزلي ساعة ٤. كافية. نجمة: تمام، أشوفك هناك. باي. كيان: باي. نجمة: تعالي معايا يا تمني. تمني: لا لا مينفعش. علشان بتكلموا مع بعض لوحدكم، وكمان علشان كيان ميتكسفش. نجمة: طيب ماشي، هقوم ألبس. تمني: وأنا همشي. هروح المستشفى. نجمة: خلي بالك من نفسك. تمني: وإنتي كمان. يلا باي. نجمة: باي. تمني مشيت. في الكافية. كيان قاعد مستني نجمة. نجمة دخلت الكافية وقعدت.

كيان: عاملة إيه؟ نجمة: الحمد لله كويسة. وإنت؟ كيان: تمام الحمد لله. ها قوليلي في إيه. نجمة طلعت الصور وقالت: بص الصور دي كده. كيان اتصدم وقالها بلهفة: استني، والله العظيم إنتي فاهمة غلط. نجمة: اهدا يا كيان، اهدا. أنا جاية ليك علشان تقولي حصل إيه بالظبط، لأنه شكلك في الصور مش مظبوط. كيان: أيوه فعلاً. إيه دا؟ نجمة: اهدا كده واحكيلي حصل إيه في اليوم ده.

كيان: كنت نازل صبح عادي. ركبت العربية. فجأة حسيت بحد ضربني على دماغي ومغمى عليا. قمت بليل وأنا نايم جنبها. مش فاكر أي حاجة. ولما صحتها لقيتها بتصرخ وبتعيط وتقول إني ضيعتها واني قلتلها تعالي. مش عارف حصل ده إزاي. نجمة: لا، في حد قصد إنه يعمل كده. الموضوع باين من أوله. أما إيه الصور دي؟ جاءتلي ليه؟ في حد عايز يوقع ما بينا يا كيان؟ كيان: معقول تكون داليا؟

نجمة: آه معقول. عادي. بس لازم يكون في حد معاها. مستحيل تعمل كل ده لوحدها. كيان: عندك حق. نجمة: أنا جاءتلي فكرة علشان نعرف مين معاها وعملت كده ليه. كيان: قولي. نجمة: هقولك. تاني يوم. كيان صحي من النوم مستعد ليومه. أخذ شاور ولبس قميص أبيض وبنطلون كحلي وساعة شيك وسرح شعره وحط برفان ونزل. سالي شافته قالت: إيه الحلاوة دي! كيان بضحك: دي حلاوتك. سالي: هنكدب بقى؟ هو في زي حلاوتك؟ كيان بضحك: يابكاشة.

نعمة جت من المطبخ وقالت: أنا ابني حلو طول عمره مش جديد عليه. صباح الخير يا قلبي. كيان: صباح النور يا حبيبتي. نعمة: أنا النهاردة قررت أفطر فطار مصري اللي على حق. فول وفلافل. كيان: الله الله الله. يلا بينااا. سالي: بس أنا عاملة دايت يا ماما. هتبوظلي إنتي كده. نعمة: بلا دايت بلا دايت. هتاكلي الأكل ده. ده بيشبع كده. وبعدين ده دايت أكلي. وحطت الأكل في بوقها. كيان بيضحك عليهم. نعمة: كل يا حبيبي. ألف هنا وشفا.

نزل حسن وشافهم وقال: صباح الخير. إيه القرف اللي انتم بتاكلوه ده. نعمة: حسن، أنا سايبالك الفطار في المطبخ. عايزني أطلعلك أوضتك؟ اللي إنت عايزه. الأكل ده لينا. حسن بص لها بقرف وقال: طلع لي أوضتي. وطلع. كيان: أيوه يانعوم يا جامد. نعمة: يولا يابكاش. زينب بقى، طلعي الأكل ليه. زينب: حاضر. عند كيان في العربية. كيان

بيتكلم في التليفون ويقول: لا لا انزلي. أنا عندي حل للمشاكل دي. لا لا متقلقيش. هتجوزك. إنتي أكيد بعد اللي حصل ده مش هسيبك. يلا انزلي. عايزة أتكلم معاكي. ماشي. سلام. وطبعاً داليا نزلت وركبت معاه العربية. داليا: صباح الخير يا بيبي. كيان: صباح النور يا حبيبتي. داليا: ها، قولي عايزني في إيه. كيان: خلينا نروح حتة نقعد فيها. داليا: ماشي. بعد شوية. داليا: كيان، إنت رايح فين؟ إيه الطريق الغريب ده؟ كيان مش بيرد عليها. داليا

خافت وقالت بصوت عالي: كيااااان! قولي رايحين فين؟ إيه الطريق ده؟ كيان بص لها وقال: هتعرفي. متقلقيش. داليا خافت أكتر وجاية تفتح الباب مش بيفتح. كيان بص لها بخبث: رايحة فين يا حبيبتي؟ داليا بتعيط: كيااااان، ونبي قولي رايح فين وإيه الطريق ده؟ كيان: هقولك دلوقتي. وهضر،بها على دماغها وأغمى عليها. في البيت على الصحراوي. كيان بيرش عليها مية وهو بيقولها: فوقي. داليا بعد ٥ دقايق فاقت وقالت: اهاااا! دماغي. أنا فين؟

وبصت حواليها وتفكرت وخافت. كيان دخل عندها وقال بابتسامة: مساء الخير. داليا بخوف: كيان، إيه المكان ده؟ وإنت جايبني هنا ليه؟ كيان طلع الصور ورماها في وشها وقال: اتفضلي شوفي. داليا بتوتر وخوف: إيه الصور دي؟ أنا معرفش عنهم حاجة. كيان: إنتي دلوقتي بتقولي إن أنا اللي اتصلت بيكي وقلتلك تعالي، وإني ضيعت مستقبلك. الصور دي مين اللي صورها؟ وليه تبعت لخطيبتي؟ إلا لو كان حد عايز يوقع ما بينا. داليا بخوف: لا والله.

كيان مسكها من شعرها وقال: إنتي دلوقتي تقوليلي الحقيقة وتقولي مين معاكي. كل حاجة اتكشفت وعرفنا إن إنتي اللي صورتي وعملتي كده علشان توقعي ما بينا. بس تقولي الحقيقة كاملة دلوقتي، وإلا هخليكي مت،لط وصورك وأخليكي ترند على سوشيال الميديا. داليا بعد تهديدات كتير قالت الحقيقة كلها. وقالت على ياسين إنه متفق معاها.

كيان: حلوة أوي. دلوقتي اتصلي بيه وقوليله يجي على المكان ده. وإياكي تجيبي سيرتي ولا تقولي أي حاجة هيبقى فيها مو،تك. داليا بخوف: حاضر حاضر. واتصلت بيه. داليا: الو، أيوه يا ياسين، إنت فين؟ بقولك إيه، تعال على المكان ده علشان في حاجة. آه آه بيخص نجمة وكيان. عايزين نعرف هنعمل إيه معاهم. خلاص ماشي. هستناك. وأقفلت. كيان: شطورة. بعد ٣ تلات ساعات. جاء ياسين. بمجرد ما دخل على المكان في رجالة كتفوه ودخلوه جنب داليا.

ياسين: إيه ده؟ في إيه؟ إنتوا مين؟ وإيه اللي على عيني ده؟ حد يشيل البتاع ده وإلا هقلبكم المكان ده كله على دماغكم. هي فين داليا؟ إنتي اللي عملتي كده؟ وحياة ربنا مهسيبك. كيان شال الشريط من على عين ياسين وقاله: أهلا وسهلا. أول ما دخلت كده عملت دوشة. إيه مش عايز تصبر؟ ياسين اتصدم وخاف وقال: كيان. كيان بضحك: آه كيان. إيه اتصدمت؟ ياسين بص جنبه لقي داليا نايمة قال: إيه ده؟ في إيه؟

كيان: هتعرف في إيه وهتتعلم إزاي إنك تبعت الصور لخطيبتي. هو مش إنت برده شغال مع نجمة في المستشفى؟ ياسين: أنا معملتش حاجة. هي اللي عملت كل حاجة. كيان: بلاش الشغل ده. لأنها قالت كل حاجة. ياسين خاف وحاول يتكلم بقوة وقال: آه، أنا عملت كده. أنا بحب نجمة والمفروض إنها تكون خطيبتي. أنا ليه أقعد تلات سنين بقدم لها وبترجاها ومتوافقش عليا؟ وفي الآخر تتجوزك إنت؟ ليه يعني؟ فيك إيه أحسن مني؟

كيان اتعصب والدم علق في عروقه وراح نزل فيه ضر،ب وقال: متجيبش سيرتها يا حيوان. لو سمعت سيرتها تاني هقت،لك. ياسين أغمى عليه من الض،رب. كيان طلع بره وشوية دخلت نجمة مع كيان.