رواية نجمة كيان الفصل السادس 6 - بقلم هاجر سلامة

دخلت واحدة وقالت هاي. يوسف وكيان اتفاجئوا وبصوا لها بصدمة. كيان: داليا إيه اللي جابك هنا؟ يوسف: بسم الله الرحمن الرحيم، إحنا كنا بنجيب في سيرتها. كيان ضحك. داليا: عامل إيه يا كيان؟ أنا جيت أطمئن عليك، أصلك وحشتني. كيان: أنا كويس الحمد لله، مكانش ليه لازمة إنك تيجي شغلي، كان ممكن تكلميني في التليفون. داليا: ما أنا برن عليك مبتردش عليا. أهلاً يوسف، عامل إيه؟ يوسف: الحمد لله تمام. طيب أنا هطلع بقى، عليا شغل كتير.

كيان: خلاص ماشي. وبص لداليا وقال: أصل أبوكي جايب. داليا بدلع: مممم، قالي إنه عندكم شغل مع بعض. طيب ابقى رد عليا لما أجي أتصل بيك، عايزين نرجع صحاب وأيام الجامعة. فكر. و ضحكت. داليا: أنا هامشي بقى، عايز حاجة يا بيبي؟ كيان: داليا، الزمي حدودك وأنا مش عايز حاجة. داليا: مالك يا بيبي؟ في حاجة؟ وقربت وحطت إيديها على صدره. كيان: قلتلك الزمي حدودك. ونزل إيديها وتفضلي بقى. داليا اتكسفت وطلعت. كيان: أوف، دي متعبة أوي. إيه ده؟

بجد؟ يوسف بنت ملزقة. يلا بقى أما نشوف الاجتماع. بعد ساعه. جاء وقت الاجتماع. دخل الشرقاوي على كيان المكتب. كيان: أهلاً وسهلاً شرقاوي بيه. الشرقاوي: أهلاً بيك يا كيان، يلا بينا الاجتماع. كيان: يلا بينا. وراحوا الاجتماع وعملوا شغلهم. كيان: وكده أكون خلصت. في حد عنده سؤال؟ الكل: لا، شغلك جميل يا كيان بيه. كيان: بشكركم. الشرقاوي: طيب يا كيان، أنا هامشي وابقى خلي باباك يكلمني. كيان: تمام. الاجتماع خلص. كيان طلع. عدا أسبوع.

كيان والشرقاوي وحسن كسبوا الصفقة. يوسف: مبروك يا صاحبي. كيان: الله يبارك فيك. أنا عايز أعمل حفلة، إيه رأيك؟ يوسف: جميل، اعمله في الفيلا عندك أحسن. كيان: قشطة، وضبط أنت كل حاجة واكلم شركة ديكور تضبط الفيلا. يوسف: حاضر. وطلع. كيان رن على حسن أبوه. حسن: أهلاً، مش قولتلك هنكسبها؟ كيان: ما أنا كنت عارف إننا هنكسبها. وأنا من إمتى خسرت حاجة. حسن: تربيتك. كيان ضحك بسخرية. كيان: المهم عايز أقولك، هعمل حفلة عندنا في الفيلا.

حسن: وماله، جميل. أنا هعزم في الشرقاوي وبنته وأصحابي. هتبقى إمتى؟ كيان ببرود: بكرة. حسن: ماشي يا حبيبي، مع السلامة. وقفلت. عند نجمة. إيمان: خلينا نرجع القاهرة، أنا مبحبش أقعد في إسكندرية. عادي هتلاقي مستشفيات كتير أوي أحلى من هنا، أنتِ أحلى دكتورة وشاطرة، مفيش مستشفى تقدر ترفضك. نجمة: يا أمي، أنا عارفة الكلام ده. بس مالها القاهرة؟ فيها إيه؟ ماما، أنتِ مخبية عليا حاجة؟

إيمان دمعت: آه، مخبية سر بقاله سنين محدش يعرفه. تعالي معايا. ودخلت أوضتها وقعدت. إيمان: بصي، اللي أنا هحكيهولك ممكن يصدمك شوية، بس دي الحقيقة. أنتِ خلاص كبرتي والمفروض إنك تعرفي. بس توعديني إنك مش هتسبيني. نجمة: في إيه يا ماما؟ هو الموضوع خطير أوي؟ أنا عمري ما هسيبك غير لما أموت.

إيمان: بعد الشر عليكي. بصي، وحكتلها الماضي كله. وبعدها جيت القاهرة واشتغلت كل حاجة عشانك. بعد شهرين من اللي حصل اكتشفت إني حامل، بس القدر كان ليه رأي تاني واللي في بطني مات. أيوه، أسقطت. ممكن ربنا مكانش عايز يجيبه على الدنيا لأنه كان هيبقى ابن حرام. نجمة عيطت وقالت: انتي استحملتي كل ده إزاي؟ وليه مرحتيش بلغتِ عنه وتحبسيه؟ إيمان: حسن ده كان راجل كبير في البلد، محدش يقدر يقف قصاده.

نجمة بغل: وأنا خلاص بقيت موجودة وعمري ما هسيب حقك أبداً. وهاخليه يندم ع اليوم اللي بصتلك فيها. إيمان بخوف: لا يا نجمة، أوعي تعملي حاجة. أنا مليش غيرك. نجمة: اطمني يا ماما، أنا هبقى كويسة لما آخد حقي وحقك. إيمان حضنتها وعيطت. يوم الحفلة. نزلت داليا من العربية وهي لابسة فستان أحمر وصغير وعريان خالص. وأبوها نزل من جنبها ودخلوا الحفلة. وناس كلها بدأت تيجي الحفلة والصحافة. كيان

راح واقف جنب سالي وقالها: إيه القرف اللي أنتِ لابساه ده؟ هو أنتِ مش هتتعدلي أبداً؟ حالا تطلعي تغيري الفستان ده وتلبسي حاجة تانية محترمة. سالي: في إيه يا كيان؟ ماهو الفستان حلو. يوسف: لا، هو عنده حق. الفستان عريان خالص. سالي: ممكن ملكش دعوة؟ كيان: ساااالي، هي كلمة واحدة. اطلعي غيري المسخرة دي. سالي طلعت وهي متغاظة من أخوها. يوسف: اهدا، هي بس مدلعة حبتين. كيان: دا كله متدلع. والحلوف التاني ده معرفش عنه حاجة.

يوسف: أحمد، أنا في ناس بتقولي إن هو بيروح كباريهات يا كيان. كيان: مانا عارف، مش أول مرة أصلاً. حسن طلع على المسرح وأخد المايك وقال: شكراً أوي على حضوركم معانا ومبسوط قوي إنكم جيتوا، بس في خبر تاني هيفرحنا كلنا، وبالذات ابني كيان، لأنه خطوبته على داليا بنت الشرقاوي. كلهم سقفوا. وكيان ويوسف اتصدموا. داليا جريت حضنت كيان. كيان قرر يكمل الليلة علشان ميخليش شكله وشكل أبوه وحش. كل الناس راحت تبارك لكيان والشرقاوي وحسن.

عند نجمة. نجمة بتتفرج على التلفزيون وبتقلب. شافت حفلة كيان. قعدت تتفرج. وفجأة لقيت حاجة بتقع على الأرض. بصت وصرخت. ماااااااااااماااااا.