رواية نجمة كيان الفصل الخامس 5 - بقلم هاجر سلامة

الضابط: مطلوب القبض عليكي بتهمة قتل الأستاذ يحيى. نجمة: إيه! أنا ما عملتش حاجة. تمني: لا يا حضرة الضابط، مش هي دي الدكتورة نجمة اللي عملت العملية، تبقى الدكتورة سناء، لسه ما جتش. الضابط: أنا آسف يا دكتور، وإحنا هنعرف فين الدكتورة دي وهنجيبها. امشوا. نجمة: أنا اتخضيت بجد. تمني: وأنا كمان. نجمة: المهم، قوليلي إيه اللي حصل؟ سناء عملت إيه؟ تمني: هقولك، تعالي ع المكتب. في المكتب:

تمني: بصي يا ستي، اللي حصل إنه في واحد اسمه يحيى، جاء هنا، رجل كبير شوية، تقريباً كان عنده سخونية جامدة. سناء الغبية أدته إبرة مخدر من غير ما تعمل اختبار ولا أي حاجة، وده غلط. كل حاجة عدت تمام. الموضوع ده من يومين. سمعنا إنه مات امبارح، وعملوا له تحاليل، طلع إنه من إبرة المخدر. فاضيين يقبضوا ع سناء. نجمة: يا الله! دي كارثة. ومدير المستشفى عرف ولا لسه؟

تمني: لا عرف وقلب الدنيا. وراح يكلم أهل سناء. فلما جيتي إنتي، الضابط افتكرك سناء. نجمة: ربنا يستر. تمني: يارب. في شركة حسن العمري: كيان دخل بهيبة، والكل بيبص عليه، وبالذات البنات. كيان دخل المكتب. دخل يوسف: صحبي وأخويا ده. كيان: عشرة كام سنة. يوسف: عامل إيه يا واد؟ وحشني. كيان: يا واد؟ يخربيت ألفاظك. وإنت كمان واحشني. أنا كويس الحمد لله، بس في كام حاجة كده خانقاني. يوسف: خير إن شاء الله، في إيه؟

كيان: أبويا عمال يحكم عليا ويؤمر عليا. والنهاردة كلمني بيقولي إنه عايز يجوزني بنت صاحبه عشان الصفقة. إنت متخيل؟ يوسف: بنت صاحبه مين؟ أوعوا تقولوا الشرقاوي. كيان: آه، هو، بنته بقى. يوسف: ما أنا عارف إنه بنت. أمال هتتجوزوا هو البنت الملزقة دي. كيان: يوسف، هو أنا بقولك عشان تحرق في دمي. أنا دلوقتي قلت له أنا مش موافق ومش هعمل اللي هو قال عليه. بيقولي: لا هتجوزها. ويهددني. أه، أمي جيت في دماغي. عروسة!

أنا مش متخيل إني ممكن أبص في وشها تاني. الدكتورة البهايم دي اللي عملت العملية لأمي. يوسف قاعد يضحك: طب والله عندها حق. الدكتورة زي القمر، إنت اللي مبتفهمش. كيان حس بغيرة لما يوسف بيتكلم عنها كده، وقال: لا مش زي القمر، فين القمر ده؟ دي دكتورة بهايم. يوسف بخبث: لما نشوف يا كيان بيه. كيان: إنت بتتكلم كده ليه يا يوسف؟

هتفهم، هتفهم. يلا، أنا هطلع بقى عشان عندي شغل كتير قوي. وكمان تلات ساعات وعندنا اجتماع مع الشرقاوي وبابا ك. دخلت واحدة وقالت: هاي. يوسف وكيان اتخضوا وبصوا لها بصدمة.