رواية نجمة كيان الفصل الثامن 8 - بقلم هاجر سلامة

داليا قاعدة مع سالي. داليا: يعني أخوكي مش بيحب حد خالص؟ سالي: يوووه ياداليا بقالك ساعة بتسألي نفس السؤال وبقولك أيوه، معرفش حاجة، كيان مش بيقولنا أي حاجة، هعمل إيه؟ داليا بغيظ: المفروض إنتي أخته تعرفي كل حاجة عنه. سالي: معلش بقى هو اللي حصل. داليا: طيب مش سمعتي قبل كده إنه بيكلم حد؟ سالي: يوووه بقى انتي مفيش فايدة فيكي، أنا هطلع أوضتي. داليا: طيب استني هو جاي إمتى؟ سالي: معرفش، سبيني أطلع بقى. داليا بغيظ: طلعتي؟

وقالت بصوت واطي: غوري في داهية. وقعدت تفكر في كيان وقالت أحسن حاجة أروح الشركة عنده، وقامت راحت عند كيان. عند نجمة. في المكتب معاها تمني. تمني: وبعدين خدتي رقمه؟ نجمة: أيوه أخذت رقمه، بس ده عشان أكلمه عشان ياخد باقي الفلوس، متخليش دماغك تروح بعيد عشان أنا عارفاكي. تمني: بقولك إيه أنا حاسة كده إنه في قصة حب قريبًا. نجمة: مع مين؟

تمني: هتعرفي، لو حصلت هقولك عليها، المهم هتعملي حاجة كده وترني عليه تشكري إنه ساعدك والكلام ده. نجمة: وأنا أشكره على إيه؟ هو اللي غلط من الأول والمفروض إنه يعمل كده فعلًا. تمني: اعملي بس اللي بقولك عليه وهتكسب. نجمة: هكسب إيه؟ أنا مش عايزة منه حاجة. تمني: يابنتي اسمعي مني. نجمة: بقولك إيه ماتقومي كده تروحي تشوفي شغلك أحسن. تمني: براحتك، والله لو سمعتي كلامي هتكسبي. نجمة: امشي من قدامي أحسنلك.

تمني مشيت من قدامها فعلًا. نجمة قعدت تفكر هتعمل إيه، قررت إنها فعلا هتكلمه تشكره، ورنت عليه. عند كيان. لقى تليفونه بيرن، قال: إيه ده رقم غريب. رد وقال: الو، أيوه مين؟ نجمة: زيك، عامل إيه؟ أنا نجمة. كيان: آه آه الدكتورة البهائم دي. نجمة اتعصبت وقالت: تصدق إني غلطانة إني اتصلت بيك. كيان: بضحك، استني بس أنا بهزر معاكي، أنا كويس يا ستي، إنتي عاملة إيه؟

نجمة: تمام الحمد لله، أنا رنيت عشان حبيت إني أشكرك على اللي عملته معايا. كيان: لا عفواً على إيه، أنا متعملتش حاجة. نجمة: تمام، عايز حاجة؟ كيان: أيوه. نجمة: تفضل. كيان: ممكن أعزمك في مطعم بره نقعد مع بعض شوية. نجمة: بمناسبة إيه؟ كيان: عادي يعني، أنا مخنوق وعايز أخرج وكده، نقعد مع بعض كأصحاب يعني. نجمة: ممم تمام ماشي، موافقة، بس مش هينفع النهارده. كيان: أومال إمتى؟

نجمة: بكرة عشان عندي إجازة، بكرة الأحد، النهارده عندي شغل كتير. كيان: تمام، ربنا معاكي. نجمة: سلام بقى. كيان: سلام. نجمة لفت بالكرسي وبتضحك بخبث. عند كيان. دخلت داليا. السكرتيرة بتوقفها وبتقولها: ثانية يا مدام، إنتي رايحة فين؟ داليا: هو إنتي متعرفيش أنا مين؟ أنا بقى خطيبة سيدك كيان. السكرتيرة: برضه، ولو لازم أخُش أقوله إنك موجودة. داليا: هو إنتي عبيطة ولا إيه؟ أوعي من قدامي كده.

السكرتيرة: لو سمحت وطي صوتك، إحنا مش في السوق. داليا: لا دا إنتي قليلة الأدب بقى. طلع كيان من الصوت العالي وقال: إيه ده داليا، إنتي إيه اللي جابك هنا؟ داليا: كنت عايزة أتكلم معاك، لقيت الحمارة دي بتوقفني ومتعرفش أنا مين، قولها إني أبقى خطيبتك. كيان: حتى لو كده، افرض عندي ناس جوه، افرض عندي الشغل، لازم تيجي تقولي إنك بره. داليا بغيظت، والسكرتيرة بصتلها بشماتة.

كيان: روحي يا رودي على شغلك، داليا تعالي ورايا، دخل المكتب. داليا: إنت إزاي تقول كده؟ إزاي تخلي شكلي وحش قدامها؟ كيان: أنا مخلتش شكلك وحش ولا حاجة، أنا بقول الحقيقة إنه فعلاً مينفعش تدخلي عشان افرض لو عندي حد. داليا: وفيها إيه يعني؟ أنا خطيبتك وهبقى مراتك. كيان: هو إنتي صدقتي نفسك بجد؟ أنا أصلاً مش موافق على الخطوبة دي وعمرها ما هتتم طالما مش بإرادتي. داليا قربت منه وقعدت على الترابيزة قدامه وقالت

وهي ماسكة القميص بدلع: إنت ليه بتعمل فيا كده؟ إنت عارف إني بحبك، ولو لفت العالم كله مش هتلاقي واحدة تحبك قديك. كيان: والحب مش بالعافية، مش كفاية إنك تكوني بتحبيني وأنا لأ، أنا مش شايفك غير أختي، لو كنت عارف أحبك كنت حبيتك من زمان، إنتي كنتي قدامي بقالك سنين، اعذريني معلش. داليا: طيب متسبلي نفسك وأنا هخليك تحبني. كيان: ما إنتي بتحاولي بقالك كتير ومش عارف أحبك كده، لإن أنا شايفك أختي وبس. داليا: ليه مش عايزة تحبني؟

هو إنت في حد في حياتك؟ كيان: أيوه، معجب بواحدة كده. داليا قامت بغضب وقالت: يعني إيه؟ وأنا فين من كل ده؟ كيان: قلتلك إنتي أختي ومش هقدر أشوفك أكتر من كده. داليا: ماشي، بس أنا عمري ما هسيبك تتهنى بحياتك أبدًا، وأخذت شنطتها ومشيت. كيان: لا حول ولا قوة إلا بالله، هي البنات اتجننت ولا إيه. وأكمل شغل عادي. تاني يوم كيان بعت لنجمة عنوان المطعم. على الساعة 5:00 نجمة دخلت المطعم لقيت كيان قاعد ومستنيها،

راحت قعدت قدامه وقالت: السلام عليكم. كيان: وعليكم السلام ورحمة الله وبركاته، اتأخرتي كده ليه؟ نجمة: اتأخرت خمس دقايق، عادي يعني. كيان: ماشي يا ستي، المهم عاملة إيه؟ نجمة: الحمد لله تمام، وإنت عامل إيه؟ كيان: الحمد لله بخير، تطلبي إيه بقى؟ نجمة: مش عارفة. كيان: هطلبلك نفس اللي أنا عايزه، إشطا. نجمة: إشطاا. أجى الأكل وأكلوه وقعدوا مع بعض شوية وقرروا إنهم يتمشوا شوية ويأكلوا جيلاتي، وبعدين كل واحد راح على بيته.

عدى شهر وكيان ونجمة كل يوم بيخرجوا تقريبًا ويتكلموا في التليفون كتير وتقربوا من بعض. داليا بدأت تراقب كيان وشافت نجمة معاه في مرة، افتكرت إنه هي دي البنت اللي هو معجب بيها وقررت توقع ما بينهم. عند نجمة بتكلم كيان تس. كيان: ولا ألبس التيشيرت الأبيض والبنطلون الأسود؟ نجمة: لا لا، البس القميص الأبيض وبنطلون أسود، هيبقى حلو قوي. كيان: قشطة، أروح ألبس وأحضر نفسي وهرجعلك. نجمة: ماشي يا شق. لبس وصور نفسه وبعث لنجمة.

نجمة: زي القمر والله العظيم، تسلم ذوقي. كيان بعتلها إيموشي ضحك. نجمة: يلا روح الحفلة، ولما تخلص كلمني. كيان: يابنتي ماتسمعي الكلام وتعالي معايا. نجمة: مممم ماشي، هقوم ألبس أهو. كيان: إشطا. نجمة قامت لبست فستان لونه أزرق غامق شوية وهيلز لونه فضة ولمت شعرها وعملت تسريحة حلوة، ونزلت لقت كيان مستنيها قدام العربية. شافها سرح فيها. نجمة قربت منه وقالتله: يلا بينا. كيان: استني بس، إيه القمر ده.

نجمة بضحك: يولا بكاش، يلا بينا. كيان فتحلها العربية وقالها: اتفضلي يا أميرة. نجمة بصتله وضحكت وركبت العربية وراحوا الحفلة. دخلوا الحفلة وفجأة كل الأنظار كانت عليهم هما. وفي نص الحفلة كيان أخذ المايك وقال: ثواني يا جماعة عايز أقول حاجة، أنا في واحدة هنا بحبها، كلمة بحبها دي قليلة عليها أوي، أنا بعشقها، بعشق كل تفاصيلها، أنا باتمنى اليوم اللي هتكون فيه مراتي وفي بيتي، ونزل على ركبته قدام

نجمة ورفع الخاتم وقال: تتجوزيني.