رواية نجمة كيان الفصل التاسع 9 - بقلم هاجر سلامة

نجمة بفرحة: موافقة طبعًا. الكل صفق، وكيان لبسها الخاتم وقالها بصوت واطي: "بحبك". نجمة ضحكت بكسوف. رقصوا مع بعض، وبعدين كل واحد راح على بيته. *** إيمان بزعيق: انتي اتجننتي؟ انتي إزاي تعملي كده؟ نجمة: في إيه يا ماما؟ إيه اللي عملته؟ أنا بجيب حقنا. إيمان: تاخديه من أبوه مش من ابنه. ابنه مالهوش ذنب. نجمة: مانا لازم أتقرب من ابنه عشان آخد حقي من أبوه. لازم أخش العيلة عن طريق كيان.

إيمان: يا بنتي يا بنتي، أنا خايفة عليكي. بصي، أنا مش عايزة حقي خلاص. أنسي كل حاجة، أنا مسامحاهم. أنسي كل حاجة عشان خاطري. أنا مليش غيرك. نجمة: ماما مالك في إيه؟ مش هيحصل حاجة. خليكي واثقة فيا. إيمان: يا بنتي حرام عليكي. مينفعش تكسري قلب كيان. طب بصي، مش خايفة لأ تحبيه؟ نجمة توترت. إيمان بصتلها وقالت: شكلك حبتيه يا نجمة. ده اللي كنت خايفة منه. نجمة: لا يا ماما. أنا محبتش. أحبه إزاي؟

إحنا لسه متعرفين على بعض. أحبه أنا في المدة دي؟ إيمان: امال توترتي كده ليه لما قلت اللي انتي ممكن تحبيه؟ نجمة: متوترتش ولا حاجة. ماعلينا يا ماما، كيان هييجي بكره يتقدم. مش هيجيب حد غير مامته وإخواته. إيمان: يعني انتي مصممة؟ نجمة: آه يا ماما مصممة، ومش هاسيب حقنا إلا لما أجيبه. إيمان: جيبيه بس مش بالطريقة دي. نجمة: ماما، أنا عارفة أنا بعمل إيه. إيمان: ربنا يسترها يا رب. *** نعمة: يا فرحة قلبي!

أنا مش مصدقة. انت قررت تتجوز؟ انت إمتى حبيت يولا؟ كيان: مش هتصدقي أنا حبيت مين. سالي ونعمة: مين؟ كيان: فاكرة الدكتورة اللي عملتلك عملية؟ نعمة تصدمت وقالت: لا، متقولش. كيان قاعد يضحك وقال: لا، هي اللي خطفت قلبي. سالي بضحك: سبحان الله! أشوف كنت يوم مكنتش طايقها، دلوقتي حبيتها وعايز تتجوزها؟ مش مصدقة. ألف مبروك يا حبيبي. فرحتلك أوي. نعمة قامت حضنته وقالت: خير، شفتك عريس. ألف مبروك يا حبيبي، عقبال ما أشوف عيالك.

كيان: الله يبارك فيكو يا حبايب قلبي. دخل حسن وقال: إيه؟ بتتباركوا له على إيه؟ نعمة بصت لكيان. كيان ببرود وهو بيعدل بدلته وقال: أصلي هتجوز. حسن ابتسم وقال: خبر حلو برده. أصل صاحبي برده كان مقرر معايا من شوية وبيقول إنكم تتجوزوا انت وداليا. كويس إنها جت منك. كيان ببرود: لا، معلش يا أستاذ حسن. أنا مش هتجوز داليا. وأنا قلت إني مش هعمل حاجة غصب عني. أنا هاتجوز دكتورة نجمة. حسن اتعصب وقال: يعني إيه؟

انت إزاي تعمل كده من ورايا؟ وإزاي تقرر أصلاً؟ كيان: أنا بقيت كبير يا بابا، مش عيل صغير عشان تجبرني على حاجة وتخليني أعمل كل اللي انت عايزه وخلاص. والجواز مش بالعافية. حسن بغضب: الجوازة دي مش هتتم. انت جوازك هتتم من داليا، غير كده ماشوفش وشك في الفيلا دي تاني. كيان: لا، أنا هاتجوز الدكتورة نجمة. وعادي، أنا هاخد فيلا تانية وهاخد أمي وإخواتي معايا. حسن: بقيت وريني تعملها إزاي. اوعوا من وشي كده. وطلع أوضته. نعمة راحت عند

كيان وطبطبت عليه وقالت: متزعلش نفسك يا حبيبي. أبوك هيعرف إنه اللي هو فيه ده غلط. ربنا يهديه يا حبيبي. المهم، قرر كده. تشوف كده هتروح تتقدملها إمتى؟ وهروح أنا وسالي معاك. سالي: أيوا. كيان ابتسم وقال: إيه رأيكم أروحلها بكره؟ نعمة: خير وبركة. نروح بكره. *** تاني يوم. كيان لبس وتشيك، واخد مامته وأخته وراح على بيت نجمة. عند نجمة. نجمة لابسة فستان أبيض وطرحة زرقاء وهيلز أزرق. نجمة: عشان خاطري يا ماما، قابليهم حلو.

إيمان: مش قادرة أضحك عليهم يا بنتي. حرام عليكي. ليه تحطينا في الموقف ده؟ نجمة: في إيه يا ماما؟ هو انتي نسيتي اللي حصل؟ لازم أجيبلك حقك من الحيوان اللي اسمه حسن ده. إيمان: أيوه بعترف إني مش ناسيه حاجة وعايزة حقي، بس مش بالطريقة دي يا بنتي. نجمة: ماما، عشان خاطري. لو ليا غلاوة عندك، اعملي اللي بأقولك عليه. إيمان بصتلها بقله حيلة وقالت: ربنا يسترها يا رب.

بعد شوية وصل كيان وطلع البيت. وإيمان استقبلتهم أحسن استقبال وقعدت معاهم. نعمة: طيب، إحنا جايين نطلب إيد بنتك نجمة لابني كيان.