رواية نجمة كيان الفصل الثامن عشر 18 - بقلم هاجر سلامة

في ثاني يوم، استيقظ كيان ولم يجد نجمة في الغرفة. استغرب، فغير ملابسه وتوجه للخارج. وجد نجمة جالسة مع سالي وتضحكان. قرب منهما، فسمع نجمة وهي تقول: "والله انتي عسل، مش عارفة انتي أخوكي كيان ده إزاي مش فاهمة." قال كيان ببرود: "وماله كيان مش عاجبك ولا إيه؟ ردت نجمة: "هو أنا قلت كده لا سمح الله." ضحكت سالي وقالت: "صباح الخير يا كيان." قال كيان: "صباح النور يا أختي." قالت نعمة: "يلا يا ولاد الفطار جاهز."

قرب كيان من نجمة وقال: "انتي ما عملتيش الفطار ليه؟ نهارك أسود، خليتي أمي تعمل." قالت نجمة: "والله هي اللي قالتلي عايزة تعمل انهاردة." قال كيان: "هنشوف الكلام بعدين، يلا غوري كدة." وفطروا وخلصوا. قال كيان: "أنا همشي عندي شغل." قالت نعمة: "انت لسه عريس جديد، عايز ناس تاكل وشنا." قال كيان: "وحضرتك من امتى بيهمك الكلام ده؟ ناس! أنا همشي وأجي بدري، يلا سلام."

وخرج وركب سيارته. وفجأة، جاءت له رسالة. فنظر إليها، والدم يعلق في عروقه. رجع بالسيارة مرة أخرى وذهب إلى الفيلا. دخل كيان وهو متعصب وقال: "نجمممممة! قالت نعمة بخضة: "في إيه يا ابني صوتك عالي ليه؟ قالت نجمة: "في إيه يا كيان؟ أخذها كيان وطلع بها إلى غرفته وقال: "محدش يطلع ورايا، أنا عايز مراتي في حاجة." في الغرفة، كيان يمسك نجمة ويضربها بالأقلام وقال:

"يعني مش كفاياكي إنك ضحكتي عليا وتجوزتيني، وكمان بتغفليني وبتعملي علاقة مع شباب؟ إيه ده يا هانم؟ وأراها صورة وهي في حضن واحد. صدمت نجمة من الصورة وقالت: "انت فاهم غلط، والله العظيم ده ياسين." قال كيان: "وانتِ عرفتي منين؟ وشه مش باين أصلاً، وشك انتي اللي باين يا سافلة يا رخيصة." قالت نجمة: "لأ بقى، انت زودتها قوي. انت هتطلقني حالاً، أنا مش هقدر أعيش معاك ثانية." قال كيان: "نعم؟

هتطلقك على جثتك، هتمشي من هنا وانتي ميتة، غير كده لأ." قالت نجمة: "ابعد عني بقى حرام عليك، أنا عملتلك إيه؟ قال كيان: "فهميني دلوقتي الصورة دي إيه؟ قالت نجمة: "ماشي، هريحك. في المستشفى كان في حاجة في الأرض وأنا ماشية، واتعثرت وهو مسكني. بس أنا كنت خايفة فعلشان كده حضنته. ولما هو كان بيحقنني مش أكتر ولا أقل. أنا معرفش إنه كان بيتصور، حرام عليك بجد." نظر كيان إليها وقال: "انتي كذابة، مستحيل أصدقك ولا أوثق فيكي."

قربت نجمة منه وقالت: "طب أنا عايزة أسألك إيه اللي حصل وإيه اللي خلاك تقول إني ضحكت عليك؟ أنا عملتلك إيه؟ وأنا أحكيلك السر اللي أنا مخبياه." قال كيان: "تمام، هحكيلك. بس انتي هتحكي ولا هتحوري؟ قالت نجمة: "لأ والله العظيم هاحكيلك كل حاجة، بس أنا عايزة أفهم منك ليه بتعمل معايا كده؟ كيان حكى لها كل حاجة. انهارت نجمة من البكاء وأغمي عليها. كيان مستغرب، قرب منها وحاول يفيقها. فاقت وقالت:

"حسبي الله ونعم الوكيل فيكم، حسبي الله ونعم الوكيل فيك يا كيان. منك لله، هانداك أوي على اللي عملته معايا. وابوك ده أنا هودي السجن، هخليه يتعذب زي ما عذب أمي وخليها تحمل في الحرام."