رواية نجمة كيان الفصل التاسع عشر 19 - بقلم هاجر سلامة

كيان.. انتي بتقولي إيه؟

نجمة بعياط وقالت: هقولك أنا. أبوك المحترم اغتصب أمي. اغتصب أمي يا كيان لما كان ملهاش حد ولوحدها. استغل ضعفها واغتصبها. أمي كانت شغالة عندكم خدامة فعلاً، وده بسبب ظروف، لأنه عمي كان طردنا بره بيتنا واضطرت إنها تشتغل خدامة في البيوت. واشتغلت عند أبوك. فرايحة جاية يعكسها ويعمل حركات مش كويسة زي أهله. جيت في يوم واستغل ضعفها واغتصبها. أمي مشيت اليوم ده وشافت المرار والعذاب. بعد كده اكتشفت إنها حامل في الحرام من أبوك. بس ربنا مكانش عايز يجيب الطفل ده لأنه كان عايز يتعذب في الدنيا. أنا مش هاسيب حق أمي. أنا لو عليا هقتل أبوك دلوقتي قبل بكرة.

كيان.. اهدّي اهدّي. أنا والله معرفش حاجة. بابا قالي الحوار أنا منعرفش حاجة والله يا نجمة. نجمة.. للأسف يا كيان أنا كنت فاكرة هتعوضني وهتكون غير أبوك، بس أنت طلعت نسخة منه. كيان.. والله أبداً يا نجمة. أنا بحبك وأنا آسف. حقك عليا أبوس إيديك سامحيني. أنا والله معرفش حاجة. هاجيبلك حقك وهيكون معايا دليل. نجمة.. إزاي؟ كيان.. هقولك. بعد يومين. كيان رايح ع مكتب أبوه ودخل وقال: بابا عايز أتكلم معاك. حسن.. اتفضل طبعاً.

كيان.. بابا أنا جاي أقولك إني عرفت كل حاجة حصلت من زمان بينك انت وايمان مامت نجمة. حسن اتوتر وقال: عرفت إيه؟ كيان.. إنك اغتصبتها. ومش زعلان بالعكس، هي تستاهل. حسن.. يعني إيه؟ كيان.. يعني هي تستاهل اللي يحصلها. وبنتها أنا هاعمل فيها نفس اللي انت عملته يا بابا. هم الاثنين أوسخ من بعض. حسن بفرح.. أيوه كده. انت ابني. كنت فين من زمان. بس بأمانة البنت ايمان دي وحشتني. مشفتهاش من ساعة اللي حصل.

كيان.. نجمة حكتلي كل حاجة امبارح وإنك اغتصبتها. ده فعلاً وعملت كده إزاي؟ حسن بضحك.. سهلة جداً. هي كانت معدية قدام الأوضة. أخدتها وعملت اللي عملته بقى. بس كانت أحلى ليلة في حياتي. عقبالك ما تستمتع كده في حياتك مع نجمة. وفجأة البوليس دخل المكتب وقال: مطلوب القبض عليك يا أستاذ حسن. حسن.. إيه ده؟ إيه اللي بيحصل ده؟ نجمة.. اللي بيحصل ده عقابك اللي عملته في أمي. حسبي الله ونعمة الوكيل فيك. الضابط أخده وراح على القسم.

كيان قرب ع نجمة وقال: فرحانة دلوقتي؟ نجمة.. أوووي بجد. نار قلبي هددت أوي الحمد لله. كيان.. نجمة أنا آسف. نجمة.. يا ريت منكلمش ف الموضوع ده دلوقتي. ومشيت. كيان ضرب إيده ف الحيطة وقال: غبييي غبيي. نجمة رجعت عند مامتها ودخلت الشقة لقيت مامتها قاعدة. راحت عندها وحضنتها وقالت: حقك جه يا نور عيني. ايمان.. يعني إيه؟ نجمة.. يعني حسن اتحبس واتكشف على حقيقته. ايمان.. بجد؟ يا فرحة قلبي والله. ريحتيني.

وحضنتها تاني وقالت: بس عملتي كده إزاي؟ نجمة.. اقعدي يا ماما هاحكيلك كل حاجة حصلت. وحكتلها من أول يوم لحد لما البوليس أخد حسن. ايمان بتعيط.. انتي تعذبتي قوي يا نجمة. وكله بسببي. حقك عليا يا حبيبة قلبي. نجمة.. ولا أي حاجة حصلت. كله لأجلك. كان لازم أجيب حقك وأريحك وأريح النار اللي جواكي. ايمان حضنتها وقعدت تعيط.

ايمان.. بس لازم تسامحي كيان وترجعي له. وهو بيحبك. هو مكانش يعرف أي حاجة. أبوه حكاله حكاية غلط. كان المفروض يعمل إيه؟ سامحينه علشان خاطري. نجمة.. لا مستحيل ده يحصل. مينفعش نكون مع بعض تاني بعد اللي حصل. ايمان.. وليه مينفعش؟ ماهو متمسك بيكي وعايزك. نجمة... ماما خلص الكلام. يا ريت حضرتك متكلميش فيه تاني. ايمان.. اللي يريحك يا بنتي.