رواية نهر الكنان بقلم ايه دياب | كاملة
قيّم الرواية:
لا توجد تقييمات بعد
من أحداث الرواية
بهي الزفتة اللي هناك هتفضل ساكتة كده على طول ومبتتكلمش حد؟ ولا هي يعني عشان بنت صاحب المستشفى بتتكبر علينا؟ مين دي؟ دي دكتورة نهر، طيبة قوي والله، انتي بس اللي ظالمها، لو عرفتيها هتحبيها. كفاية، ده انتي بتحبيها، دي واحدة باردة وفاكرة نفسها حاجة، أصلاً وهي من غير أبوها ولا حاجة. أنا سامعة كل ده، وبسمع شتيمتي بودني كل دقيقة من اللي حواليا، بس هما ظالمني. أعرفكم بنفسي، أنا دكتورة نهر بحر المحمدي، عارفة إنكم انتوا كمان ممكن تتريقوا على اسمي، بس هو كده، بابا اسمه بحر وحب يكون اسمي مميز زيه، بس ده طبعاً كان طول الوقت بيخلي زمايلي يضحكوا على اسمي. أنا دكتورة جراحة، بنت الجراح الكبير بحر المحمدي، وصاحب المستشفى اللي أنا بشتغل فيها طبعاً. وزي ما سمعتوا، بيتقال عليا بشتغل بس عشان والدي، وكلام تاني كتير. وحتى مش بعرف أرد وأنا سامعة أبشع الاتهامات بتتقال في حقي. يمكن أكون ضعيفة وجبانة، بس أنا مش بعرف...
