رواية نقاء قلبي الفصل السادس عشر 16 - بقلم ايه عيد

دخل الفيلا بسرعة، وشاف الخادمة. عز: هي فين؟ الخادمة: في أوضتها يا بيه. عز طلع بسرعة على فوق. دخل بسرعة وشافها. شافها قاعدة على السرير وماسكة صندوق صغير في أيدها. قرب منها ومسك أيدها وقومها وحضنها بقوة، كان بيضمها أكتر، خايف لتبعد عنه تاني. بعد وحاوط وجهها بيديه: انتي كويسة؟ أومأت له. عز: هربتي ليه؟ أنا كنت جاي ليكي. ليل سكتت بحزن. عز بحده خفيفة: اتكلمي قولي حاجة، ساكتة ليه؟ ليل رفعت قدامه الصندوق، وهو استغرب.

مسكه وفتحه ولقى فيه صورة وجواب، لكن اتصدم لما لقي صورة رقية أم جميلة فيها. بص لـ ليل، الدموع بدأت تتجمع في عينها. مسك الرسالة وبدأ يقرأها. "ليل، الصورة دي تبقى صورة أمك، رقية، أنا متأكدة إن لو جرالي حاجة، هتيجي وهتلاقي الصندوق. أنا عايزة أقولك، دوري على أمك، وشوفيها، وكلميها، واسمعي منها. هي آه غلطت لما سابتك بس هي ليها أسبابها. اسمعي منها الأول. أوعي تحكمي عليها بسرعة. بحبك يا بنت اختي. خالتك صباح"

عز بص لـ ليل اللي بتعيط وبتترعش. حط الصندوق على السرير وقرب منها واخدها في حضنه. وهي انهارت من العياط. ليل بدموع: أنا روحت بيت خالتي الأول ولقيت الصندوق دا. ورقية طلعت أمي، دي كانت قدامي، وأنا مش عارفة إنها أمي. طب إزاي هي محسّتش إني بنتها. عز بهدوء: اهدي، كل حاجة هتتحل، يلا تعالي عشان نرجع القصر. ليل حركت رأسها بـ لا: لا لا مش هرجع هناك تاني.

ورفعت رأسها وبصتله بدموع: والنبي يا عز، خلينا هنا. أنا حابة أقعد هنا، مش عايزة أرجع، عايزة أفضل هنا. عز مسح على شعرها: طب اهدي، اهدي وهعمل كل انتي عايزاه، بس متعيطيش. مسح دموعها بإبهامه، وهو ينظر لها. بعدها على السرير ومسك أيدها: المهم دلوقتي، هربتي ليه؟ ليل: الدكتورة، عملت ليا صدمات كهربية. عز نزل رأسها بـ حدة وهو بيتوعد للدكتورة. ليل بخوف: انت مش هترجعني هناك تاني يا عز، صح؟ أنا هبقى كويسة بس لو قعدت هنا.

عز نظر لها بهدوء: مش هنرجع، اللي انتي عايزاه هو اللي هيحصل. استلقت على السرير بتعب وهو غطاها كويس، وجه يمشي. لكن هي مسكت أيده: عز. عز نظر لها بهدوء: مش هتأخر، هعمل حاجة، وهرجع. نظرت له وتركت أيده، وهو اقترب وباس جبينها. وبعدين خرج. وهي غمضت عينها ونامت. في مخزن آخر. تجلس الدكتورة والبنات على الأرض بخوف. فجأة دخل كريم، ووراه الرجالة اللي.