رواية نقابي ليس عائق الفصل الأول 1 - بقلم هند

الأم: هتفضلي لحد امتى متمسكة بالنقاب؟ انتي بقالك أكتر من 3 شهور متخرجة ومفيش مستشفى واحدة قبلت تدريبك بسبب النقاب. سلمي: ياماما، قولتلك النقاب مش هخلعه. وبعدين لسه فيه مستشفى كبيرة بتدرب الخريجين الجداد. ادعيلي إنهم يقبلوني إن شاء الله. يلا بقا هنزل، سلاموز.

ونزلت أشوف المستشفى دي آخر أمل ليا لأنها مستشفى كبيرة وبتمنى إنهم يقبلوني لأني هكتسب خبرة كبيرة منها. مع إني تقديري ممتاز، بس إحنا في بلد مش بتهتم غير بالواسطات والمظهر. يالا مش مهم، على أساس إنه هخلعه يعني. بسم الله. سلمي: السلام عليكم ورحمة الله وبركاته. موظف الاستقبال: وعليكم السلام ورحمة الله وبركاته. سلمي: أنا سمعت إنه فيه تدريب في المستشفى للأطباء الخريجين. موظف الاستقبال: آه حضرتك جاية تقدمي لبنتك؟

سلمي: لا، جايه أقدم لنفسي. موظف الاستقبال: ودا إزاي يعني؟ سلمي: هو إيه اللي إزاي؟ أنا دكتورة لسه متخرجة جايه أقدم عشان التدريب اللي بتعمله المستشفى كل سنة وبتاخد منهم الطلاب المتميزين. الموظف: بس إحنا مش بنقبل منتقبات. روحي دوري على شغل في حتة تانية. سلمي: طب ممكن أقابل المدير؟ الموظف: المدير مش بيقابل حد. سلمي: لا، ما هو أنا لازم أقابله. عايزة أعرف المشكلة عندي ولا عندكم. هو إنتوا هتشغلوني أنا ولا نقابي؟

الموظف: تمام، ثانية. (يتحدث في الهاتف) الموظف: أيوه يافندم، فيه واحدة من الطلاب الخريجين جايه تقدم. يزن: طب وإيه المشكلة؟ العدد اكتمل؟ الموظف: لا يافندم، بس دي منتقبة وحضرتك قولت متقبلوش المنتقبات. وهي عايزة تقابل حضرتك. يزن: تمام، ابعتها. الموظف: اتفضلي معايا. سلمي: روحت معاه وأنا جوايا هموت من الخوف، مش عارفة ليه. أنا أصلاً عمري ما اتكلمت مع حد. كان لازم أعمل فيها شجاعة أوي. ربنا يستر. خبط على الباب ودخلني، وكان

هيقفل الباب بس قولتله: سيبه مفتوح. دخلت وكان في بالي إنه واحد كبير وعجوز بقا، بس لقيته واحد صغير، يعني مش كبير أوي. فأنا اتوترت وغضيت بصري بسرعة أول ما سمعته بينادي. يزن: يا آنسة، ممكن حضرتك تقولي عايزة إيه؟ بلغوني إنه مش راضية تمشي غير لما تقابليني. سلمي: ممكن أعرف حضرتك إنتوا مش بتقبلوا تشغلوا المنتقبات ليه؟ يزن ببرود: دي حاجة متخصكيش.

سلمي: لا تخصني. لما متقبلونيش لمجرد إني لابسة نقاب تبقى تخصني. لما أكون من أوائل دفعتي والمفروض إنكم بتقبلوا المتفوقين عشان تدربوهم في المستشفى، وترفضوني لمجرد إني لابسة النقاب عشان أرضي ربنا، يبقى يخصني. أنا جيت هنا بس عشان أي أفهم إيه العيب إني أكون لابسة النقاب؟ جربتوا شغلي وشوفتوا إني مش قده؟ يزن: كل واحدة لابسة النقاب هتقولي الكلمتين دول. وهما بيداروا مصايبهم ورا النقاب. سلمي: حضرتك اتعاملت معايا؟

شوفت مني حاجة وحشة تخليك تقول كده؟ ولا بتتعامل معايا على حسب تجربتك مع حد تاني؟ معرفش ليه حسيت بتوتره وهو بيجاوب ببرود وبيقول: تمام. قدامك 5 شهور هتتدربي مع المتدربين في المستشفى. لو حصل غلط واحد من ناحيتك، أنا هخليكي تقعدي بشهادتك في البيت.