رواية نقابي ليس عائق الفصل الخامس 5 - بقلم هند

أبو يزن: مش تسلم على أخوك وتبارك له؟ خلاص قرر هيقعد معانا ومش هيسافر تاني. يزن: مبروك. في حاجة تاني؟ أبو يزن بنبرة محبطة: لا. اتفضل على أوضتك. زين: لسه لحد دلوقتي مش مسامحني يا بابا. والله أنا ندمت على اللي حصل. خمس سنين عدوا ولسه مش قادر يسامحني. أبو يزن: معلش يا ابني. هو برده اللي حصل مش قليل. وأنت عارف إنه أكثر واحد كان يحبك. وأنت مش بس خذلته، وجعته. بس أنت عارف يزن قلبه طيب، ومصيره يسامحك. زين: امتى بس يا بابا؟

أنا من ساعة اللي حصل وأنا سافرت عشان ميفتكرش اللي حصل. كنت فاكر لما أبعد هينسى ويسامحني. بس أنا كنت غلطان. كان لازم أفضل جنبه وأخليه يسامحني. الاب: هيسامحك إن شاء الله. يلا روح استريح عشان تطلع معايا الشركة بكرة. زين: حاضر. عند سلمي، خلصت شغل في المستشفى ورجعت البيت. لاقت مامتها وباباها رجعوا من زيارة عيلته في الصعيد. سلمي: إيه دا! إيه دا! بوووووووي! وأنا بقول البيت منور ليه.

الاب بضحك: بتتريقي عليا يا بت عشان روحت الصعيد يومين؟ سلمي: معاش ولا كان اللي يقدر يتريق عليك يا أبو الحجاجيج. في حد يتريق على أصله؟ دا أنا بحس بفخره أصلاً إني صعيدية. مع إني مولودة هنا ومبروحش هناك كتير، بس أنت عارف إني بحب أسافر هناك. الاب بهزار: عارف يا بنتي. وبعدين تعالي هنا. ومسكها من ودنها وقالها: إيه أبو الحجاجيج دي؟ ومرة يا اسطا! قوليلي يا بت انتي اتخرجت من كلية إيه بالظبط؟ اعترفي.

سلمي بهزار: زراعة قسم خراطيم يا حج. الاب بضحك: أيوة كدا اعترفي. أنا أصلاً كنت شاكك. الام بزعل مصطنع: هو انتوا نسيتوني ولا إيه؟ من لقى أحبابه نسي أصحابه. سلمي: إيه دا القمر زعلان؟ أنا أول مرة أشوف قمر زعلانة. الاب والام بضحك: يا بكاشة. الاب: قوليلي يا سلمي، مبسوطة في شغلك الجديد؟ سلمي: أه الحمد لله يا بابا. الام: أنا هقوم أحضرلكم الأكل بقا.

الاب بضحك: طب خد الـ 500 جنيه دول. هاتي بيهم الأضنا والنقاب. صدعتيني بيهم. أنا معرفش بتفرقي بين لبسك إزاي وهو كله غوامق. سلمي: حبيبي حبيبي. ربنا يحفظك ليا يا رب. الاب: ويخليكي ليا يا بنتي. سلمي بزعل مصطنع: ليه كدا يا حج؟ أنا عملتلك حاجة وحشة؟ الاب: ليه يا بنتي؟ هو أنا قولت حاجة غلط؟

سلمي: مش قولت ربنا يخليكي. معنى كلمة "يخليك" في اللغة "تخليه". يعني "تركه.. يتركه.. تركا". فالتخلية بمعنى الترك. يعني معنى كلمة "الله يخليك" اللي بنقولها كتير جداً بنية الدعاء، أحنا من غير ما نقصد بندعي عليهم. يعني كلمة "الله يخليك" يعني "الله يتركك أو يتخلى عنك". ممكن نبدل الكلمة دي بأي دعاء حلو فعلاً زي: الله يكرمك، الله يرضى عنك، الله يبارك لك، الله يحفظك، وهكذا. فهمت بقا يا حج؟

الاب: ربنا يحفظك ليا يا بنتي ويزيدك علم. سلمي: فاللهم آمين يا حج. وفجأة جرس. سلمي: عااااااا! نسيت عائش. الاب بضحك: البت اتجننت. سلمي راحت أوضتها واتصلت بعائش وبعدت التليفون من ودنها لما سمعت عائش بتصرخ فيها. عائش: نفسي نفسي! مرة تكلميني بدري. ساعتين ساعتين! كنتي فين يا ست هانم؟ دا كله ولا الشغل بينسي الصحاب. ماشي ماشي.

سلمي: يابنتي أهدي. أنا شوية وهطرب بسببك ياستي. خلصت الشغل ورجعت. لقيت بابا رجع. قعدت معاه وجيت أكلمك. عائش: خلاص طالما فيها الحاج، هعديها. عملتي إيه بقا؟ سلمي حكتلها كل اللي حصل معاها. عائش: جايبة الثقة دي كلها منين يختي؟ مش كان ممكن يطردك. سلمي بهزار: مش هقولك عشان متروحيش تجيبي من هناك. عائش بغيظ: اقفلي يا سلمي! اقفلي! وأنا كنت متصلة أقولك على اللي حصل. سلمي بضحك: خلاص خلاص بهزر. قولي.

عائش: الشركة اللي أنا بشتغل فيها ياستي، انتي عارفة إنه صاحب الشركة راجل كبير. وأنا السكرتيرة بتاعته. طبعًا النهاردة جي قالي ابنه رجع من السفر وهيمسك الشغل معاه. وعاوزني أنا أبقى السكرتيرة بتاعته عشان أنا أكتر حد بيثق. سلمي: طب وفيها إيه يا بنتي؟ ما انتي من ساعة ما اتخرجتي وأنتي بتشتغلي هناك. والشركة زي ما قولتي محترمة وكبيرة. خايفة ليه بقا؟ عائش: مش عارفة. متوترة. زي ما يكون أول يوم شغل ليا.

سلمي: لا متتوتريش. واستغفري وصلي على النبي كتير. وربنا هيريح بالك. عائش: عليه أفضل الصلاة والسلام. طب يلا بقا هروح أصلي العشا وأنام. سلمي: وأنا كمان. يلا سلام. بعد ما قفلت معاها، قامت اتوضت وصلت. وسمعت مامتها بتناديها عشان تاكل.

عند يزن، بعد ما طلع الأوضة بتاعته قعد عالكنبة في الأوضة بإرهاق. وبيفكر إزاي يسامح أخوه وهو خذله. يمكن وجع قلبه مش زي وجعه لما حس إن أخوه اللي بيعتبره ابنه، خزله. هو مسامحه بس مش قادر ينسى. رجع رأسه لورا، وبعدين بدأ يفتكر اللي حصل من 5 سنين. Flash back ...