رواية نور الفصل الحادي عشر 11 - بقلم شهد احمد

صقر. كل اللي عايزكم تعرفوا أنه الانسه دي وشاور عليها هيا اختي نور وبنت زيدان باشا أكبر رجال أعمال. انبسطوا في حفلتكم والكل كان بيهني ويسلموا عليها وبقت معرفة لكل الدنيا أن نور بقت بنت أكبر رجال الأعمال، الخبر انتشر في سرعة البرق. رعد. كان مشغل التلفزيون واتصدم ونادى على ناني. ناني. فيه إيه يارعد؟ رعد. بصي في التلفزيون كده وشوفي. ناني. بصدمة. ازاي ده يحصل؟ ازاي المفروض إنها بنتي؟ أنا إيه اللي بيحصل ده؟

أنا مش فاهمة حاجة، أنا لازم أفهم. ازاي هي بنتي وهما بيقولوا إنها بنتهم؟ أنا هتجنن. رعد. كان عمال يبص على التلفزيون وكان مصدوم ومش مصدق وقال: يلا نروح ونفهم إيه اللي بيحصل. ناني. يلا. وجهزوا وكانوا في الطريق. عند نور، تالا كانوا واقفين مع بعض. تالا. بقولك إيه يانونا. نور. نعم. تالا. الا قوليلي مين الموز اللي واقف مع أخوكي ده؟ نور. في إيه ياتالا؟ مالك؟ شوية أخويا وشوية اللي واقف مع أخويا.

تالا. يابنتي لا ده علشانك إنتي، وهو يكون الموز بتاعك، إنما أخوكي ده حاجة تانية خالص. نور. ههه خالص. حاجة إيه دي بقا ياست تالا؟ تالا. احم، شكلي وقعت في أخوكي يانونا. وكانت مكسوفة. وكانت بتبص عليه. إيه ده؟ الحقي يانور أخوكي واللي معاه جايين علينا. نور. ما تهدي يابنت وخليكي تقيلة شوية، طول ما إنتي مكشوفة كده كده الواد هياخد باله. تالا. بجد؟ لا خلاص أنا تقلت أهو. وبعدين ثواني يانور أنا مش عارفة أتقل.

نور. هههه بجد هموت من الضحك. هو إيه اللي مش عارفة تتقلي؟ ما تهدي يابنت ههه. وصقر واللي معاه كانوا راحوا عند نور. صقر. نور أحب أعرفك بغسان صاحبي وحبيبي وزي أخويا بالظبط. ودي يغسان أختي نور. غسان. مد أيده وسلم على نور وقال: اتشرفت بمعرفتك آنسة نور. نور. وأنا اتشرفت بمعرفتك أستاذ غسان. غسان. بلاش أستاذ دي خليها غسان بس. نور. خلاص بلاش آنسة دي وخليها نور بس تمام. غسان. بابتسامة. تمام. صقر. ودي آنسة تالا صديقة نور.

غسان. اتشرفت بيكي يآنسة تالا. تالا. مرسي ده من ذوقك. اشتغلت أغنية رومانسية. صقر. تسمحي لي يآنسة تالا بالرقصة دي؟ تالا. تمام. نور. قربت منها وقالت: خليكي تقيلة يابنت. تالا. بفرحة. اوكي اوكي. نور. بضحك. هههه هبلة. ومع أول بحبك منه هتقوليله وأنا كمان ههههه. يلا ربنا يقدرني على فعل الخير وأجوز أخويا وصحبتي لبعض، خلينا نخلص ونفرح بقا. غسان. كان واقف متابع نور، ابتسامتها وشكلها اللي يسحر، ومش شال عيونه

من عليها وراح وقالها: تسمحي لي بالرقصة دي سنيوريتا. نور. أجلي ههه. غسان. ههه. وأخدوا ورقصوا مع بعض وكان بيبص في عيونها، ونور كانت بتكسف منه وتودي عيونها في مكان تاني بعيد عن عينيه. وهما بيرقصوا نور لاحظت وهيا قريبة منه قد إيه هو موز زي ما قالت تالا، بس حاولت تبان طبيعية وعادي. عند صقر، تالا. صقر. تعرفي إنك طالعة حلوة أوي انهارده. تالا. بفرحة. بجد؟ صقر. آه والله. تالا. تسلم ده من ذوقك.

صقر. تعرفي إنه إنتي عجبتيني من أول ما شوفتك. تالا. كانت هتقول وأنا كمان، بس افتكرت نور وهيا بتقول لها خليكي تقيلة ههههه. وقالت لصقر: ياسلام. صقر. آه والله كده دخلتي قلبي وعلمتي عليه. تالا. يعني إيه ياصقر؟ صقر. يعني أنا حبيتك ياتالا. تالا. بصدمة. مين؟ أنا تقصدي أنا؟ صقر. هههه هو فيه غيرك اسمه تالا هنا؟ معرفش ولا إيه؟ تالا. هااا؟ لا. صقر. مالك كده؟ تالا. ماليش. صقر. طيب حابب أعرف إنتي كمان إيه. تالا. أنا إيه؟

صقر. مشاعرك إنتي كمان ياتالا، عادي قولي الصراحة. إنتي كمان حبيتينى ولا لا؟ لو كده همشي وأسيبك ومش هتعرض ليكي تاني. وكان هيمشي لما هي سكتت، أصل كانت مكسوفة. تالا. بسرعة في الكلام. استني بس تمشي إيه ده؟ أنا كمان بحبك. واستوعبت هيا قالت إيه واتكسفت ومشيت من قدامه. صقر. طيب استني طيب طيب هقولك ههه. تالا. كانت اختفت من قدامه وهيا مبسوطة. غسان، نور كانوا خلصوا رقص. تالا راحت عند نور وقالت لها اللي حصل بينها وبين صقر. نور.

فرحت ليهم وقالت: ألف مبروك ياتالي هتكوني مرات أخويا يابنت وهتعيشي معايا. تالا. الله يبارك فيك يانونا وعقبالك ياحبيبتي مع حد يستاهلك ويقدرك. نور. تسلمي ياتالي. والاتنين حضنوا بعض وكانوا مبسوطين والحفلة خلصت. رعد، ناني. استنوا بعد الحفلة وراحوا عند بيت نور الجديد عند عائلتها اللي ظهرت فجأة. ومش رضوا إنهم يروحوا الحفلة علشان مايحصلش فضيحة لرعد. ناني. بسب اللي عملوه في نور.

صقر. أخد نور، تالا. وراح علشان يوصل تالا. وبعد ما وصلها راح هو ونور عالبيت. ونور اتصدمت لما لقت رعد وناني مع زيدان، رفيدة. صقر. مين دول يابابا؟ زيدان. معرفش يابني، قالوا إنهم يعرفوا أختك. نور. وأخيرا اتكلمت وقالت: إنتوا ليكم عين تيجوا هنا؟ إنتوا عايزين مني إيه؟ أنا قولت إني مش عايزة أشوفكم تاني وإنكم متوا بالنسبة لي. رعد. لو سمحتي يانور اهدى وخلينا نتكلم على انفراد. نور. انفراد إيه يابو انفراد؟

خد الهانم دي وبره بيتي يلا. صقر. نور حبيبتي اهدي. هما دول اللي. نور. أيوه ياصقر هما دول اللي دمروا حياتي. بس أحب أشكركم علشان لولا إنكم دمرتوني، وجعتوني مكنتش هلاقي عائلتي الحقيقية. ناني. عيلتك إزاي هااا؟ المفروض يعني إنك بنتي؟ إزاي هما بقا عيلتك؟ نور. ياشيخة بس متقوليش بنتي والجو ده. أنا بحمد ربنا ألف مرة إنك مش أمي علشان مفيش أم تعمل في بنتها اللي إنتي عملتيه. وعايزة تعرفي مش بنتك إزاي؟

اسمعي. بعد ما دمرتوا حياتي قررت إني أبدأ حياتي من أول وجديد وأنسكم، وفعلاً عملت كده. ونزلت دورت على شغل وشوفت صقر لأنه هو المدير. ولما شوفنا بعض اتصدمنا وإنه إزاي بنشبه بعض كده. صقر قال إنه ليه أخت ضايعة وإني ممكن أكون أخته وإنه لازم نعمل التحاليل ونتأكد. وبعد إصرار منه وافقت والتحاليل بتأكد إنه أخويا وإنه أنا بنت العائلة دي. مكنتش فاهمة ولا عارفة إزاي. فلاش باك.

زيدان. صدقيني يابنتي اللي حصلك مكنش بأيدينا. إنتي رحتي مننا من وقت ما اتولدتي. كل القصة إنه أختي خطفتك مننا. كانت مفكرة إنه رفيدة جابت تؤام ولاد وهيا كانت خايفة على الورث والفلوس. وأخدتك وراحت عطتك للراجل اللي رباكي واللي كبرتي وعرفتي إنه أبوكي. وقتها مراته كانت بتولد في نفس المستشفى والبيبي مات منه. ومكنش عارف يقول لمراته إيه وكان قاعد يعيط ومقهور على ابنه اللي مات. وقتها جات عمتك وعرفت اللي حصل معاه وسلمتك ليه على

أساس أنه أمك بتولدك ومات، وبقا ملكيش أهل ومن الأفضل إنه ياخدك وتتربي وسط عيلة. وبكده مش يكسر فرحة مراته بأن مراته خسرت ابنها. دي كل الحكاية يابنتي. وإحنا معرفناش إلا من كام سنة لما عمتك كانت بتموت. ومن وقتها وإحنا بندور عليكي ومقهورين عليكي. وإحنا مش عارفين إنتي عايشة إزاي ولا عاملة إيه. سامحينا يابنتي حقك علينا.

نور. عرفتي ياناني هانم حصل إزاي؟ تعرفي إنه مبسوطة أوي إنك مش أمي. ناني. بصدمة من اللي سمعته. وكمان رعد اللي اتصدم. نور. افتكر إنك عرفتي الحقيقة. يلا بره بيتي إنتي والحقير ده. بس قبل ما تمشي يارعد عايزة أسألك سؤال واحد بس. إنت ليه عملت معايا كده؟ ليه قولت إنك بتحبني وإنك هتجوزني وروحت اتجوزت الهانم اللي جنبك دي؟ لييي؟ رعد. علشان .......... نور. بصدمة.