رواية نور الفصل الثاني عشر 12 - بقلم شهد احمد

ناني. بصدمة من اللي سمعته وكمان رعد اللي اتصدم. نور. افتكر إنك عرفتي الحقيقة، يلا بره بيتي إنتي والحقير ده. بس قبل ما تمشي يا رعد، عايزة أسألك سؤال واحد بس. إنت ليه عملت معايا كده؟ ليه قلت إنك بتحبني وإنك هتجوزني، وروحت اتجوزت الهانم اللي جنبك دي؟ ليه؟ رعد. علشان انتقم منك يا نور. نور. بصدمة. تنتقم مني؟ وليه يا رعد؟ كنت عملت لك إيه علشان عايز تنتقم مني؟ رعد. بعصبية. بتسألي عملتي إيه؟

إنتِ خليتيني أخسر شغل بالملايين من وراء غبائك. نور. بعصبية. الزم حدك! وشغل إيه ده يا رعد؟ أنا طول ما أنا كنت شغالة معاك في الشركة، كنت أنا اللي بعمل الصفقات وأنا اللي كنت شايلة المسؤولية. وأي حاجة كانت في الشركة، نور نور. دلوقتي نور بقت وحشة وخسرتك؟ خسارتك إيه؟ أنا؟ إنت بتقول أي حاجة علشان تغطي على اللي عملته. رعد. فاكرة يا ست نور صفقة الأدوية اللي إنتِ رفضتيها؟

هي دي أصلاً ما كانتش صفقة أدوية عادية. كانت صفقة مخدرات على هيئة أدوية. كنت هكسب من وراها ملايين، بس إنتِ رفضتي الصفقة من غير ما ترجعي لي حتى. وفوق ده كله، خلتيني أدفع تعويض عن الصفقة اللي حضرتك يا هانم رفضتها، وكنت هروح في داهية بسببك والناس دي كانت هتسلمني. يا ست نور، عرفتي ليه سبتك واتجوزت أمك؟ نور. بصدمة. إيه الكلام ده؟ معني كده إنك شغال في المخدرات؟ وشغل الشركة ده علشان تغطي على عمايلك القذرة؟

بجد أنا بستحقرك قوي. ناني. بصدمة. إيه الكلام ده يا رعد؟ مش إنت اتجوزتني علشان بتحبني؟ وإيه الكلام اللي إنت بتقوله ده؟ وانتقام إيه؟ وبعدين أنا لسه مش مستوعبة إزاي الراجل اللي كنت متجوزاه يخبّي عني إنه ابني مات مني وأنا بولد، وجاب لي واحدة من الشارع علشان أربيها. وفوق كل ده كتب لها البيت باسمها، وسابني أنا من غير ولا حاجة؟ ليه يعمل كده؟ رعد. حب إيه يا ست ناني؟ فوقي. أحب واحدة قد أمي؟

هههه. إنتي أكيد بتهزري. أنا مستحيل إني أبص لكِ حتى. وكل اللي عملته معاكي لحد دلوقتي كانت تمثيلية مش أكتر. وكان هيجي اليوم اللي كنت هخلص فيه منك، بس الوقت جه بدري بقى. نعمل إيه؟ معلش، تتعوض بقى. وإنتي طالق يا ناني. ناني. بصدمة. إنت بتقول إيه؟ رعد؟ رعد. تفتكري الأم اللي كانت المفروض إنها تحمي بنتها وتدافع عنها، وباعتها علشان واحد غريب عنها؟ تفتكري هيأمن على نفسه وحياته معاكِ؟

إنتِ ده إنتِ عملتي فيها كده وإنتي لسه ما كنتيش تعرفي إنها مش بنتك. أومال لو كنتي عارفة كنتي عملتي إيه؟ طيب أنا في الآخر واحد غريب عنها. إنتِ بقا إيه ده؟ إنتي كنتي أمها. نور. برافو برافو. حلوة التمثيلية دي. خلصتوا؟ يلا بقى بره بيتي ومش عايزة أشوف وش حد فيكم تاني. رعد. نور، أنا آسف على اللي حصل مني. سامحيني. مكنتش شايف قدامي أنا... نور. إنت فاكر إنك ممكن تضحك عليا بكلامك ده؟

أنا فاهماك كويس قوي يا رعد. ويلا بره. برررره. رعد. كان ماشي، بس وقفه صوت نور. نور. استنى. خد الهانم دي معاك. يلا. رعد. مش عايزها. أنا طلقتها، وهي بقت مش مراتي. خليها تروح مكان ما تروح. ناني. بدموع. لا يا رعد، متعملش معايا كده. أنا حبيتك. ناني مراتك، وإنت اخترتني واتجوزتني. متعملش معايا كده. رعد. ببرود. كان فيه وخلص. واتقبلي الوضع عادي. محصلش حاجة يعني؟ لكل ده؟ مش ده كان كلامك برضه ساعة ما عملنا كده في نور؟

وقولتي إيه؟ الأوفر ده، ما تتقبلي الموضوع وخلاص. اتقبلي الموضوع بقى إنتِ كمان. وسابهم ومشي. ناني. بدموع وصريخ. لا رعد، متتمشيش. رعد، لا! مليش حد غيرك. هروح فين أنا دلوقتي؟ أنا خسرت كل حاجة. نور. كنتي مفكرة إيه يا ناني هانم؟ إنه بيحبك؟ أي هيحب واحدة قد أمه؟ كنتي مفكرة إنه مش هيبيعك زي ما باعني؟

وإنتي كمان بعتيني. وزي ما بيقولوا، كما تدين تدان. وجاء الوقت اللي إنتِ عملتيه معايا يتعمل معاكي يا ناني هانم. أنا شفقانة عليكي قوي. تؤتؤ. ما كنتيش متوقعة كده صح؟ اممم. تعيشي وتاخدي غيرها. يلا بقى الوقت اتأخر وعايزين ننام. روحي شوفي إنتِ رايحة فين. يلا. ناني. نور، أنا آسفة إني عملت معاكي كده. أنا آسفة. متسبنيش. أنا مليش مكان أروح عليه. جوزي قبل ما يموت كتب لكِ البيت باسمك. هروح فين؟ نور. مليش دعوة. يلا برررره.

ناني. بدموع. أبوس إيدك، متعمليش كده. خليكي أحسن مني يا نور. على الأقل راعي إنه ربّاكِ وكبّركِ. وهو اللي شيطان ودخل على حياتنا ودمرها. إحنا من قبله كنا كويسين مع بعض. آه مش أحسن حاجة، بس مش زي ما حصل من ساعة ما دخل حياتنا. لو سمحتي يا نور، متسبنيش. مليش غيرك. نور. ...........