رواية نور الفصل الثامن عشر 18 - بقلم شهد احمد

نور. كانت بتفكر في كلام غسان وأخيراً أخدت قرارها. إنها مش هتوقف حياتها ولا تدمرها بس عشان واحد حقير سبب ليها الألم ده كله. قررت إنها توافق على غسان وتنسى رعد وكأنه ما دخلش حياتها أصلاً ولا بتعرفه. وأخدت قرار إنها تبلغ زمرد إنها تراجعت وإنه يكمل طريقه لوحده بدون مساعدة منها، وإنها تراجعت عن فكرة إنها تاخد حقها. وبعد التفكير ده كله نامت.

في الصباح، تالا صحيت من النوم وكانت زعلانة وبتعيط لأنه صقر ما سألش فيها ولا كلمها تاني في موضوعهم. وقالت إنه خلاص بعد ما اتأكد إني بحبه سابني ومشي. وقررت إنها تسيب الشغل خالص ومش تشتغل معاهم. ومسحت دموعها وجهزت ونزلت راحت الشركة. صقر. قام من النوم، كان الوقت متأخر وهو مش متعود إنه يصحى متأخر كده. قام بسرعة جهز وقال يروح يشوف نور. وراح عندها ولاقاها لسه نايمة. صقر. نور، نور، انتي لسه نايمة؟ الوقت أتأخر على الشركة.

نور. سبني أنام بقى يا صقر. صقر. بأستعجال. تنامي إيه؟ قومي إحنا اتأخرنا، عايزين نعدي على الشركة ونجهز للمفاجأة. إنها خطوبة أخوكي، قومي بقى. نور. خلاص قمت أهو، يلا بقى. صقر. يلا إيه؟ بقولك قومي عشان نمشي. نور. في إيه يا صقر؟ هقوم أمشي معاك كده بهدوم البيت ولا إيه؟ ما تطلع بره عشان أغير ونمشي. صقر. ههه، معلش بقى يا نونه، ما أخدتش بالي. نور. طيب اطلع يا عم الأمور، انت هتاخد بالك مني أنا ليه؟ انت تاخد بالك من تالا بس.

صقر. آآآه، بدأنا يا ست الكل، قومي بس اجهزي وأنا هاخد بالي منك ومن تالا ومن كل حاجة. قومي بقى اجهزي وأنا هنزل أبلغ ماما وبابا وأقعد معاهم عقبال ما تنزلي. نور. تمام. وقامت تجهز نفسها. صقر. نزل وبلغ أهله إن النهاردة المفاجأة في قاعة... الساعة... هتبدأ الحفلة وإن أهل تالا هيكونوا موجودين كمان. وأهله قالوا تمام. ولقى نور نزلت. نور. صباح النور يا ماما. صباح النور يا بابا. عاملين إيه؟ رفيدة. زيدان. تمام الحمد لله.

صقر. طلع بره وكان بينادي. نور، نورررر. نور. ابنك المجنون ده يا ماما مش عارفة مستعجل ليه؟ الدنيا هتطير يعني. رفيدة. ههه، معلش بقى عريس والنهاردة يومه ولازم يدلع ويستعجل كمان. نور. ههه، ماشي يا موزة. هروح أمشي بقى، سلام. رفيدة. ههه، سلام. صقر. إيه ده كله؟ سنة تأخير. نور. أنا ما جيتش، أمشي بقى. صقر أخدها وراحوا على الشركة. وهما في الطريق، نور رنت على زمرد. نور. الو. زمرد. الو. نور. اتصلت عشان أبلغك بحاجة مهمة.

زمرد. تمام، قوللي. نور. أنا مش هكمل في المنافسة دي، وتقدر إنك تتابعها لوحدك. زمرد. انتي بتقولي إيه؟ وليه رجعتي في كلامك؟ نور. أصل رجعت في كلامي ومش عايزة آخد حقي من أخوكي. أخوكي آه حقير ودمر لي حياتي، بس ربنا هيجيب لي حقي. زمرد. بتفهم، أقدر أعرف رجعتي في كلامك ليه؟ نور. أنا دلوقتي واحدة هتكون مخطوبة وهتبدأ حياتها من أول وجديد، وعشان أبدأ صح لازم أرمي القديم ورا ظهري ومفكرش فيه. زمرد. تمام، ربنا يوفقك.

نور. تسلم، سلام. وبعد ما قفلت. آه، كده خلصت من رعد ومشاكله وبلاويه. صقر. كان قاعد مصدوم وقال. انتي وافقتي على غسان؟ نور. آه يا صقر، وبلغيه إني وافقت على طلبه بإن يتجوزني. وقولي له إني نهيت كل حاجة بخصوص رعد وإني عايزة أنتقم منه. صقر. بفرحة. هو ده الكلام الصح. ده أنا هبلغه أول ما نوصل، وألف مبروووووك يا نونه. نور. الله يبارك فيك يا صقر. وشوية وكانوا وصلوا الشركة.

نور. راحت مكتبها وبعتت الإيميل وكل حاجة بتخص المنافسة لزمرد، وقالت لها بالتوفيق. وصفحة رعد وزمرد انتهت على الآخر. ولسه بتاخد نفسها، لقت تالا دخلت. نور. تالا حبيبتي، عايزة أقولك على حاجة. تالا. قبل ما تقولي، أنا مش هشتغل معاكم تاني، ودي استقالتي. نور. 🙄 لي كده يا تالا؟ هو حصل حاجة ولا إيه؟

تالا. أنا مش هستنى لما يحصل. أنا وأخوكي في مكان واحد، ده هيتعبني. كفاية لحد كده. أنا غلطت ومكنش ينفع إني أحب واحد زي أخوكي. أنا فين وهو فين أصلاً عشان يحبني ولا يفكر فيا. أخوكي أول ما اتأكد إنه حبني سابني ولا كلمني حتى. عشان كده أنا هسيب الشغل. نور. وهتسبيني يا تالا؟ ده أنا صحبتك واختك. تالا. أكيد، وهنفضل نتواصل مع بعض، بس بكرة الشركة وبعيد عن أخوكي.

نور. اللي شايفاه صح اعمليه يا تالا، أنا مش هضغط عليكي. ودلوقتي روحي عند صقر وقدمي له الاستقالة بتاعتك، لأنه هو المدير وهو اللي وافقك إنك تشتغلِ معايا. أنا آه أخته، بس مليش أي حاجة في الشركة، أنا مجرد بشتغل وبساعده بس. تالا. تمام، هروح أقدم الاستقالة ليه وهعدي عليكي قبل ما أمشي. نور. ماشي، وأنا هستناكي ونمشي مع بعض، عندي كلام كتير عايزة أقوله ليكي. تالا. تمام. وراحت عند صقر ودخلت وقالت. أستاذ صقر. صقر. في إيه يا تالا؟

تالا. دي استقالتي يا صقر باشا. صقر. يعني إيه الكلام ده؟ تالا. يعني أنا مش هشتغل في الشركة دي تاني. صقر. في حد دايقك ولا حاجة؟ تالا. لا، وعن إذنك. صقر. تمام، واتفضلي. تالا. طلعت من عند صقر وراحت عند نور. صقر. بعت لنور رسالة وقال. اتصرفي وخلي تالا تجهز نفسها،،، أنا حجزت ليكم في فندق... وهبعت السواق يجي ياخدكم. نور. شافت الرسالة، وتالا كانت وصلت عند نور. ونور أخدتها وطلعت. تالا. نور، إحنا رايحين فين؟

نور. هنروح على الفندق، أنا حجزت أوضة لينا. هنقعد نتكلم وهنجهز نفسنا عشان هنروح سهرة حلوة، إنما إيه لوز اللوز. تالا. لا، أنا عايزة أقعد لوحدي يا نور. نور. لا، هتروحي معايا. وافقي بقى يا تالا علشان خاطري، وافقي. تالا. تمام، يلا. وراحوا الفندق وقعدوا يتكلموا مع بعض، ونور حكت اللي حصل معاها وإنه قابل غسان، طلبها للزواج وهي وافقت. تالا. بجد يا نور؟ ألف مبروك يا نونه. نور. الله يبارك فيك يا تالا، عقبالك يا حبيبتي.

وحضنوا بعض، وبعدين جهزوا نفسهم وكان كله تمام، وكانوا مستنيين السواق. صقر. قبل ما يطلع من الشركة، اتصل ب غسان وقاله إن نور وافقت على إنها تتجوزك، ونسيت فكرة الانتقام من رعد وإنها نهت كل حاجة بخصوصه. وغسان فرح أوي، وقاله صقر. تسمح لي أعمل مفاجأة لنور وإني أخطبها بعد ما تخطب أنت تالا؟ صقر. أكيد يا صاحبي، اسمح لك. يلا نروح نجهز نفسنا للحفلة.

وكله كان جهز نفسه للحفلة. أهل نور، تالا كانوا وصلوا القاعة الأول، وبعدين وصل صقر وغسان. وكانت كل حاجة جاهزة وكانوا مستنيين نور. تالا. وهما كانوا في الطريق. عند رعد، قال إنه لازم يخلص من ناني عشان ترتاح ومش تهدد حياته وتعمل له حاجة ولا تبلغه عنه. وقرر إنه يروح عندها. ناني. رعد؟ إيه جاي تديني حقي؟ رعد. ههه، بتحلمي. أنا جاي آخد روحك. وطلع المسدس وصوبه عليها. ناني. انت اتجننت يا رعد؟ بقا عايز تقتلني؟

رعد. وأشرب من دمك كمان يا حقيرة! انتي مفكرة نفسك إيه؟ ده انتي واحدة ولا تسوي، ده انتي بعتي بنتك من قبل ما تعرفي إنها مش بنتك. قولي لي إزاي هأمنك على حياتي؟ وبعدين انتي كنتي وسيلة مش أكتر عشان أنتقم من نور، بس كده. وقتك خلص، طاقتك وكنت هسيبك في حالك، بس انتي معجبكيش كده وحفرتي قبرك بـ ايدك يا حلوة. اتشهدي على روحك. ناني. لا يا رعد، لا، متعملش كده.

وفجأة الرصاصة طلعت واخترقت قلب ناني. رصاصة اخترقت جسمها، وفضل يضرب فيها لحد ما ساحت في دمها. طبعاً الجيران سمعوا صوت ضرب النار. رعد لما حس إنه في حد جاه، حاول يهرب، بس الجيران كانوا اتصلوا بالشرطة وكانوا وصلوا، وتم القبض على رعد بتهمة قتل ناني، لأنه الجيران شافوه وملحقش يهرب. وتم حبسه، والأخبار انتشرت في كل مكان. نور، تالا كانوا وصلوا الحفلة.

وصقر فاجأ تالا وطلب منها الزواج قدام الموجودين، وقالها إنه طلبها من أهلها وهما وافقوا، وإنه كان حابب إنه يعمل لها مفاجأة. وتالا كانت مبسوطة، وافقت إنها تتجوز صقر. وصقر لبسها الخاتم وبقوا مخطوبين، وحضنها ولف بها وقال لها. أنا مش بس بحبك، أنا بعشقك. تالا. بفرحة. وأنا كمان بحبك يا صقررر. صقر. وتالا في حضنه، قال. فيه مفاجأة تاني. 1, 2, 3. وفجأة غسان ظهر قدام نور ببوكيه ورد وخاتم، وقال لها. تقبلي تتجوزيني يا نور؟

نور. اتخضت وبصت حواليها، وهيا مبسوطة. وبصت ل رفيدة، زيدان. وهما قربوا منها وقالوا إنهم عارفين كل حاجة وإنهم موافقين. وقالوا لها. وافقي يا نور، خلي الفرحة فرحتين. غسان. يلا بقى، وافقي يا نور. نور. بفرحة وكسوف. موافقة يا غسان. غسان. وأخيراً يا نوري. وعطاها بوكيه الورد ولبسها الخاتم، وقال لها. بحبك يا نور. نور. احم، وأنا كمان شكلي حبيتك يا غسان. غسان. أحلا غسان وأحلا حبيتك.

وراح حضنوا، واشتغلت أغنية رومانسية، وكل واحد أخد خطيبته وراح يرقص، وكانوا مبسوطين. وهما بيرقصوا وفرحانين، وصل لهم خبر موت ناني، وإن رعد تم القبض عليه بتهمة قتل ناني. غسان. شوفتي يا حبيبتي؟ أهو ربنا أخد حقك منهم بدون ما تعملي حاجة ليهم، لأنه كما تدين تدان.

نور. معاك حق يا غسان. كان ممكن أضيع نفسي عشان الانتقام منهم، بس انت جيت وأنقذتني من إني أدمر نفسي. والمرة دي بـ إيدي. انت عوض ربنا ليا يا غسان، وأحلى عوض شفته في حياتي. كفاية إنه كلامك وقت ما طلبت إيدي ريحني، وده اللي خلاني أوافق إني أتزوجك. غسان. وانتِ عوض ربنا ليا يا حبيبتي. وحضنها. والكل كان مبسوط، وانتهت حفلتهم والكل كان مبسوط وفرحان. وتم الحكم على رعد بالإعدام شنقاً، وتم تنفيذ الحكم. وخلصت قصة رعد وناني.

وبعد 3 شهور، كان فرح نور وتالا. وقضوا أجمل أيام حياتهم. صقر، تالا كانوا مبسوطين مع بعض وعايشين بكل حب وسعادة. جابوا بنت وسموها نور، وجابوا ولد وسموه قيس.

نور. كانت مبسوطة مع غسان، وحمدت ربنا على عوض ربنا ليها، وإنه بعت لها غسان عشان يعوضها عن العذاب اللي هي شافته في حياتها. وكانوا عايشين حياتهم بكل حب، وغسان كان بيعمل مفاجآت لنور وكان بيحاول يعوضها عن اللي هي شافته في حياتها. وجابوا ولد وبنت. وسموا صقر، وغسان صمم يسمي البنت نور على اسم مراته نور. وبكده تكون خلصت حكايتنا.