رواية نور الفصل الثاني 2 - بقلم شهد احمد

ميهمنيش تعيشوا فين وانت ملكش كلام معايا ولا كأنك تعرفني. أنا معرفكمش. وطالما البيت بيت أبويا يبقى خد الهانم وامشي. اطلعوا برة ومش عايزة أشوف وشك أنت وهيا تاني. يلا بررررررة. "أم نور" بصوت عالي: نورررر! اتكلمي عدل مع اللي هيكون جوز أمك واللي هيكون في مقام أبوكي. وبعدين يا رعد يا حبيبي أنا مستحيل إني أسيب البيت ده، ده هو اللي طلعت بيه من ورا أبوها. وهيا عايزة تقعد تقعد، مش عايزة براحتها.

وبعدين متقلقش يا حبيبي هتقعد غصب عنها، أصل معندهاش مكان تروح فيه. صح يا نونة؟ نور بصدمة: أكبر في أمي! انتي مستحيلللل تكوني أمي، مستحيل. أنا مليش علاقة بيكي. انتي موتي بالنسبة لي. وانت ولا أعرفه أب. إيه اللي بتتكلمي عنه؟ أنا معنديش غير أب واحد بس، ومات وسابني وحيدة من غير ضهر ولا سند أتسند عليه.

كان مفكر إنه هيسبني مع إيد أمينة هي اللي تسندني وتدعمني وأجري عليها لما أبكي ولا أتوجع، بس هي أكتر واحدة وجعتني وأخدت حبيبي مني. وحبيبي خاني معاكي. اتصديقي انتوا الاتنين لايقين على بعض، وهيجي اليوم اللي هيعمل معاكي كده ويسيبك زي ما عمل معايا. "أم نور" بغضب جامد: نورررر! أنا مش هسمحلك تقولي كده. رعد هيكون جوزي حبيبي ليا لوحدي وبس، ومتقوليش عليه حبيبك تاني. ومستحيل يعمل كده، صح يا رعد؟ رعد: آه طبعاً يا روحي.

أنا مش عارف هيا مكبرة الموضوع أوي ليه كده. نور: هههههه. بكرة الأيام تثبتلك يا ناني هانم، وانت يا أحقر خلق الله خود الهانم دي واطلعوا برة البيت وسيبوني لوحدي. وبعدين انتي عايزة إيه من البيت طالما هتروحي تعيشي في قصر زي ما بيقول البيه بتاعك؟ رعد: في إيه يا بت أنتِ؟ ما تلزميش حد بقا. أنا ساكت ليه بس من الصبح؟ علشان خاطر ناني، إنما كلمة زيادة وغلط في حقي مش هسكتلك، سامعة ولا لأ؟

معرفش كنت مستحملاك إزاي، كويس إنه خلصت منك ومن قرفك يا شيخة. وقال ناني حبيبتي، ما تسيبي ليها البيت بقا. ده حتى مش حلو، خليها تعيش فيه وإحنا هنعيش في القصر بتاعنا. ناني: يا حبيبي ده حقي وورثي من أبوها. مستحيل أسيب حقي. وبعدين إحنا أولى بيه ولا إيه يا حبيبي؟ رعد: اللي تشوفيه يا حبيبتي. نور بقررف: ليهم ما توريني كده عقد البيت اللي معاكي ي ناني هانم؟ نشوف البيت مكتوب باسم مين.

ولو مش مكتوب باسم حد نبيعه وكل واحد ياخد حقه ويغور من وش التاني. ناني: اممم 🤔 فكرة برضوا. وراحت تجيب عقد البيت. رعد: لـ نور. لو عايزة تعويض عن اللي عملته فيكي أنا ممكن اخليها تتنازل ليكي عن البيت. نور بصت بقررف ليه ومش اتكلمت. ناني: العقد اهو، خودي شوفي باسم مين. نور: اخدت العقد ولما شافته وقرأت اللي فيه اتصدمت. ناني: مالك اتصدمتي ليه كده؟ ي ترى إيه اللي حصل؟