رواية نور الادهم الفصل الثالث 3 - بقلم فاطمة حسن

ضحي وهي تحاول أن تخفي دموعها، لأنها تحب الدكتور أسر. نور: آه والله زي ما بقولك كده، طلب إيدي وأنا قلت له هفكر. ضحي: وإنتي إيه رأيك؟ نور: لسه مش عارفة. ضحي: ط. ط. طب هتوافقي يعني؟ نور: قلت لك لسه مش عارفة، ويلا نروح بقى.

ضحي: لا، روحي أنتي، أنا عايزة أمشي لوحدي شوية، خليني أتكلم عن ضحي شوية، ضحي بشرتها بيضا وشعرها طويل جداً وجسدها رائع ومتناسق يجمع بين الأنوثة والنحافة، بس هي عكس نور، بتخاف من الناس عشان كده بتحاول تخبي جمالها. ضحي: ليه كده يا ربي، يعني الإنسان اللي أحبه بيحب بنت خالته؟ نور: ماما، أنا جيت. سمر: أهلاً يا قلبي، ثواني والأكل هيكون جاهز. نور: مش جعانة، أنا عايزة أنام يا ماما، مش قادرة.

سمر: استني يا نور، عايزة أتكلم معاكي. نور: ياما، بقولك عايزة أنام. سمر: أنا قلت استني. نور: أوف يا ماما، طب يلا بسرعة بقى. سمر: أدهم كلمني تاني النهارده في موضوع الجواز. نور: ماما، أنا مش بحب أدهم ومستحيل أتجوزه، أنتي فاهمة؟ أنا رايحة أنام. سمر: ربنا يهديكي يا بنتي. نور وهي تكلم نفسها: مستحيل أتجوز أدهم ده، أنا بخاف منه وكمان مش بحبه وعصبي أوي وبارد، أنا مستحيل أتجوزه. سمر: الو، با أدهم.

أدهم: ازيك يا خالتي، عاملة إيه؟ سمر: الحمد لله على كل حال. أدهم: في حاجة ولا إيه؟ سمر: أنا كلمت نور في موضوع الجواز وهي مش موافقة، فياريت يا أدهم متفتحش الموضوع ده تاني يا حبيبي، وكل حاجة نصيب. أدهم بعصبية: نور دي نصيبي أنا ومش هتكون لحد غيري يا خالتي، سلام. سمر: بصوا الولد الوسخ قفل السكة في وشي إزاي. نور: الو يا ضحي، عاملة إيه؟ ضحي: كويسة يا نور، الحمد لله. نور: أمال مشيتي لوحدك ليه؟ ضحي (تحاول ألا تبكي)

: كنت عايزة أكون لوحدي شوية يا قلبي. نور: مش مستريحالك، مش عارفة ليه؟ لو في حاجة قوليلي، أنتي دايماً بتقوليلي على كل حاجة، إيه اللي حصل؟ ضحي: مفيش يا نور، قولتلك. هو أنتي هتعملي إيه مع أسر صح؟ نور تكلم نفسها: أنا معجبة بـ أسر وكمان هخلص من أدهم، فـ أوافق أحسن، أشوف إيه اللي هيحصل. ضحي: نور، فينك أنتي، معقول؟ نور: آه معاكي يا قلبي، الصراحة أنا معجبة بـ أسر، فـ ممكن أوافق، أنتي إيه رأيك؟

ضحي: مش عارفة، أنا لازم أقفل دلوقتي ونتكلم بكرة، سلام. نور: استني يا ضحي، إيه دي؟ دي قفلت، مالها دي؟ ضحي: آسفة، مش هقدر يا نور، آسفة. في ثاني يوم الصباح. أدهم: تعالي يا ضحى، أنا اللي هوصلك النهارده. ضحى: إيه ده، بجد يا أدهم؟ ليه يعني من امتى وانت بتوصلني؟ أدهم: يلا يا أختي، دي كفاية أنا أدهم باشا هوصلك بنفسي. ضحى: ههههه، طب يلا عشان اتأخرت على نور يا باشا. أدهم: طب يلا. نور: أنا نزلت يا ماما. سمر: افطري الأول.

نور: فطرت، يلا سلام. نور دخلت الكلية وكان الدكتور أسر هناك مستنيها. أسر: إزيك يا نور، عاملة إيه؟ نور: كويسة الحمد لله يا دكتور. أسر: إيه دكتور دي؟ وبعدين دي أنا طلبت إيدك وممكن تقوليلي باسمي عادي؟ وبعدين مفيش حد معانا. نور: آسفة يا دكتور، لما أوافق وماما كمان تساعدني، ممكن أقولك يا أسر من غير دكتور. أدهم وضحى وصلوا الكلية، وأدهم دخل مع ضحى عشان يتكلم مع نور، وشاف نور واقفة مع أسر. أدهم: مين دي يا هانم؟

وإزاي واقفة معاه كده؟ نور: وأنت مالك؟ دي حاجة متخصكش، أنت فاهم؟ أدهم مسك نور من إيدها وجرها ورا لحد العربية. أدهم: اركبي يلا. نور: لا، مش هركب، أنا مش عايزة أروح معاك، أنت فاهم. أدهم: يلا اركبي أحسنلك. نور ركبت مع أدهم ومشي بسرعة أوي. أدهم: انزلي. نور: أنزل فين؟ وبعدين أنت جايبني هنا ليه؟ أدهم: دي شقتي.