رواية نور الادم الفصل الثالث عشر 13 - بقلم مريم الكسار

ادم بإطمئنان: خير إن شاء الله يا حبيبتي تعالي عشان الرائد تيم عايز يسألك على حاجة. رحمة: ط. طيب. وراحت معاه قعدت جمب ادم. تيم بصّلها وقال: ازيك يا آنسة رحمة؟ رحمة بخجل: الحمد لله. تيم بتنهيدة: تقدري تقوليلي شُفتي إيه يوميها؟ رحمة بتوتر بتخفيه بثباتها: يوميها كنا خارجين كلنا وفجأة ظهرت عربية سودة قدامنا وأنا اتخضيت لما شُفت المسدس خارج منها وبصّت لخالد موجهة لخالد. أنا اتخضيت ولما لقيتهم مصدومين فُقت بسرعة ومعرفتش أعمل حاجة غير إني أقف قدامه. تنهدت وقالت: بس كده. تيم بصّلها وعرف إنها صادقة في كلامها وقالها: تمام، يعني مشوفتيش وش أي حد فيهم؟ رحمة: لا للأسف مكنوش واضحين. بس فيه واحد كده... كلهم بتركيز: ها يا رحمة، ماله؟ رحمة بتوتر وبتفتكر: كان لابس خاتم في إيده على شكل جمجمة كده كبيرة. خالد وقف مرة واحدة وقال بصدمة: معقول؟