رواية نور الادم الفصل التاسع عشر 19 - بقلم اسراء علي

أدهم: طيب غمض عينك. آدم: ليه هنلعب استغماية؟ احنا هنهزر يا أدهم. أدهم: اصل أنا خايف منك الصراحة. آدم: هو الموضوع خطير قوي كده. أدهم: آدم أنا... آدم: إيه؟ في بيت نور... عمر: انتو يا جماعة اللي في المطبخ، طمنونا عليكم. إسراء بضحك: أيوه اللي برا، خمسة ونيجي. عمر: طيب حاسبي على نفسك يا أختي. إسراء: هيهيهيهيهي، عنيا يا أخويا. أسوة بضحك: يلهوي انتو هتموتوني، إيه ده. إسراء: والله ده جزء بسيط من اللي بيعملوه معايا.

أسوة: هو لسه في أكتر من كده. عمر: شكلك نسيتي أيام زمان. أسوة: إحنا مكنش بناطق بعض أصلاً، أنت بتتكلم في إيه. إسراء: أين الجبهة لا أراها. عمر: أنتِ مالك يا رخمة أنتِ، وأنتِ يا أسوة، بالله عليكي ما كنتِ بتطقيني. أسوة: أيوه، عشان كنت بتفضل لازق لنور. عمر: قولي كده بقى، أنتِ كنتِ بتغيري عليا بقى. أسوة: مقلتش كده. عمر: اعتبري نفسك قولتي. إسراء: بس بقى أنت وهي، هروح أصحّي نور عشان نأكل. عمر: هو ده الكلام الصح.

نرجع لآدم وأدهم... آدم: أنت بتتكلم جد. أدهم: أيوه. آدم: طيب وخايف كده ليه. أدهم: الصراحة أنت مش مضمون وإيدك تقيلة يا عم، ابعد عني. آدم بضحك: واضح إنك رائد قوي. أدهم: لا عيب عليك، أنا وحش في شغلي. آدم: واضح واضح. أدهم: طيب ها، قلت إيه. آدم: نشوف رأيها الأول. أدهم: يا رب توافق. آدم: واقع أنت يا أدهومي قوي. أدهم: متقلش أدهومي دي تاني، مش بحبها، ده أنت رخم يا أخي. آدم: هرجع في قراري. أدهم: لا بالله عليك.

آدم: طيب أنا هعمل مكالمة وأرجع لك. أدهم: تمام. عند نور... إسراء: يا نور. نور بتعب: أيوه يا إسراء. إسراء: أنتِ منمتيش. نور: معرفتش. إسراء: هو أنتِ كنتِ بتعيطي. نور: لا. إسراء: لا، كنتِ بتعيطي. نور: مفيش يا إسراء. إسراء: مش أنتِ بتعتبريني زي أختك؟ كلميني على إني إسراء أخت أستاذ آدم، وقولي اللي في قلبك يمكن ترتاحي. نور: مش قادرة. إسراء: معلش.

نور: أخوكي كسر فرحتي من وأنا صغيرة، أنا بعد سفركم فضلت ساكتة ومش بتكلم لمدة طويلة، وعرضوني على دكاترة كبيرة، وكل ده بسبب أخوكي، ومازال بيتصرف زي زمان، تجاهل واحتقار، أنا عملت إيه بس. إسراء: يا قلبي، كل ده في قلبك، متزعليش، بس صدقيني آدم طيب، والله. نور: واضح. إسراء: زي ما بقولك يا نور، آدم كويس بس من يوم موت بابا، وهو متأثر بيه قوي. نور: ماشي. عمر: إيه يا بنات آخرتكم هنا. إسراء: جايين أهو. عمر: ونور مالها.

إسراء: مفيش، كانت بتتفكر أيام زمان. عمر: آه، خلاص يا نور اللي فات عدى. نور: ماشي يا عمر. عمر: تعالوا نلعب لعبة. نور: لعبة. عمر: أيوه، وبعد ما نخلص لعب، نأكل وبعدين نسمع كرتون. نور: هو انتو ناويين تستقروا معانا يعني. عمر: انتو وذوقكم بقى، عايزين تمشونا. نور بضحكة: أنت مشكلة يا عمر، روح اشتغل ممثل أحسن. عمر: أنا محدش يتوقعني، يلا نروح نلعب بقى. عند آدم... آدم: أنا كلمت عمر، وعملوا اللي دماغهم برضو.

أدهم: يا آدم هما صح، أنا مش عارف مالك كده، أنا حاسك مش على بعضك. آدم: ليه مالي يعني. أدهم: والله متغير كده، ومتدهول على عينك. آدم: لسانك يا حلو، بينقط سكر. أدهم: مقصدتش، أقصد إنك بقيت مسهوك قوي. آدم: والله. أدهم: بص يا آدم، هو في حاجة في حياتك وأنت هتقولي. آدم: أنا محتار. أدهم: احكي، وأنت ترتاح، يمكن أكون سبب حل المشكلة دي. آدم: ماشي، بص يا سيدي... عند نور... نور: يخربيتك يا عمر، أنت مسخرة قوي، إيه دا.

عمر: عيب على فكرة تقولي كده على ابن عمك. نور: يا عم اسكت. إسراء: على رأيك يا بت يا نوري، أنت مهندس أنت، والله عيب اللقب عليك. عمر: سوسو، اسكتي أنتِ عشان مش بتحبي هزاري وهزعلك. إسراء: زعلني. عمر: يا بت اسكتي. أسوة: بس بقى يا جماعة، اهدوا وبعدين انتو كنتو بتلعبوا برا جاي تلعبوا لي هنا. عمر: أصل الدكتور قالنا نلعب في حتة طراوة. أسوة بكسوف: طيب اطلعوا برا بقى لو سمحتوا. إسراء: مش طالعين، ولا إيه رأيك يا نوري.

نور: رأيي من رأيكم، يلا الخطة "ج". إسراء وعمر: الخطة "ج". أسوة: إيه الخطة "ج" دي. إسراء ونور وعمر: هتعرفي دلوقتي. نور: لا... عند آدم... آدم: بس يا سيدي، ادي كل اللي حصل زمان. أدهم: طيب يمكن بتحبها بجد، يا آدم. آدم: مش بحب حد أنا. أدهم: طيب غمض عيونك وفكر وشوف مين اللي هييجي في خيالك. آدم: أنا مش فاضي للعب العيال ده. أدهم: آدم حقيقي، أنت بتحبها فمتضيعش منك أجمل سنين عمرك وبعدين تيجي تندم في الآخر.

آدم: أنا مش عارف أعمل إيه. أدهم: امشي ورا قلبك. آدم: ماشي، هشوف المرة دي. أدهم: هتكسب بإذن الله. آدم: ماشي، يلا عشان نروح عند عمر وإسراء. أدهم بهيام: يلا بسرعة. آدم: أعدل نفسك كده يا حضرة الرائد. أدهم: أنا معدول مع الكل إلا عندها هي بالذات. آدم: طيب امشي بقى لأديك بوكس. أدهم: لا لا وعلى إيه. آدم: عسل. عند نور... نور بضحك: كفايا بقى. عمر: والله أبداً. أسوة: والله حسابكم معايا عسير.

عمر: عسير جوافة ولا موز، هيهيهيهيهيهي. أسوة: بايخ، نينينينينينينيني. نور: أنتِ اللي بايخة، الجرس بيرن روحي شوفي مين. أسوة: ماشي. إسراء: عمر، نور، واحد اتنين تلاتة، هووووب... : يا نهار أسود عليكم. : إيه ده.