رواية نور الادم الفصل الثامن عشر 18 - بقلم اسراء علي

في بيت نور.. أسوة: نور حبيبتي، مش عايزه أي حاجه ترجعك زي زمان، أنا ما صدقت إنك بقيتي كده، فرفشي كده. نور: هحاول.... وفجأة سمعوا صوت خبط جامد على الباب ولما فتحوا. أسوة ونور: انتوا. في الشركة. آدم بعصبية: انتو يلي هنا، يا متخلفين. السكرتيرة: أيوه يا افندم. آدم: ايه التسيب ده، إحنا نقفل الشركة وتعملها قهوة بقا. السكرتيرة: يا افندم. آدم: بلا افندم، بلا نيلة، مخصوم منكم كلكم أسبوع. موظف: بس يا افندم احنا معملناش حاجه.

آدم: مش عاجبك امشي من هنا. وتركهم ومشي. في المكتب. آدم لنفسه: أنا ايه اللي بيحصلي ده. قلبه: يمكن بتحب. آدم: لا لا، مش ممكن. قلبه: مش ممكن ليه، أنت مش شايف نفسك. آدم: مالي ما أنا فل اهو. قلبه: فل ايه، ده أنت شويه تاني وهطلع نار من ودنك. آدم: بس أنا مش بحب حد. قلبه: طالما مش بتحب حد بتقول لي إنك مش بتحب حد. آدم: مش بحب حد، ولا عمري هحب.

قلبه: يعني مش بتحب نور، ولا فرحت لما عرفت إنها بنت عمك، ولا زعلت عليها لما اتخطفت، ورحت انقذتها وانت متصاب، كل ده ومش بتحبها. آدم: ايوه مش بحبها، ومش هحبها، وأصلا هسافر واسيب كل حاجه. آدم: بعدين اي الهبل اللي بعمله ده أنا بكلم نفسي، أنا اتجننت. عند نور. أسوة ونور: انتوا. عمر بضحكه صفرة: أيوه. أسوة ونور: اي اللي جابكم. إسراء: أصل آدم طردنا من البيت، ف قولنا طبعا بنات عمنا حبايبنا مش هيسبونا في الشارع كده، ولا أي.

نور: أيوه هنسيبكم. عمر: نور أنا مش متعود عليكِ كده. نور: مالي. عمر: مش عارف، ها هتدخلونا ولا نرجع. أسوة: لا ادخلوا. عمر: تصدقوا الشقة حلوه انا ماخدتش بالي منها لما جيت المره اللي فاتت. أسوة: ده من ذوقك. عمر: بلاش بقا الرسميات دي يا جماعه إحنا أهل. إسراء: أيوه. أسوة: ماشي. إسراء: نور أنتِ زعلانه مني. نور: ليه بتقولي كده. إسراء: لأنك مش راضيه تتكلمي معانا من وقت ما جينا.

نور: لا بس أنا تعبانه شوي، بعد اذنكم هروح أرتاح شوي. إسراء: يعني مش زعلانه مني. نور: لا. عند آدم. السكرتيرة: أستاذ آدم في واحد بره عايز يقابل حضرتك. آدم: خليه يتفضل. أدهم: ازيك يا آدم. آدم: الحمدلله يا أدهم، أنت عامل ايه. أدهم: الحمدلله، مالك حالك مش عاجبني. آدم: والله انا مش عارف مالي، أنا عايز أسافر. أدهم: تسافر ليه، هو انتو مش نازلين علشان تدوروا على أولاد عمكم. آدم: م إحنا عرفناهم. أدهم: والله مين هما.

آدم: نور وأسوة. أدهم: أنت بتتكلم جد. آدم: أيوه بتكلم جد. أدهم: اومال مالك كده. آدم: أصل. وحكاله على اللي حصل. عند أسوة. أسوة: تحبوا تأكلوا ايه بقا يا جماعه. عمر: أنتِ وذوقك بقا. أسوة بضحكة: ماشي، تعالي يا إسراء ندخل نعمل الأكل. عمر: براحتكم، أنا هسمع شوي عقبال ما تخلصوا. في أوضة نور. نور بعياط: وراجع ليه دلوقت، راجع علشان يكسرني تاني. فلااااش باااك. نور: اادم، ياا آدم. آدم: ايوه يا نوري.

نور: انا شاطرة والميس ادتني عثره من عثره علشان انا كنت شاطره معاها. آدم: شاطره نوري حبيبتي، ودي أحلى شوكلات لاحلى نور. نور ببراءة وباست آدم على خده: ثكرا يا دومي. آدم بضحكة: يلا روحي نامي بقا. نور: طيب هو أنا عايزه اقولك حاجه. آدم: قولي يا ست نور. نور: أنا بحبك يا آدم. آدم: وأنا كمان يا ستي. نور: يعني هتتجوزني لما أكبر. آدم بصدمة: ايه. نور: أنت هتتجوزني لما أكبر ومش هتتجوز حد غيري، صح.

آدم: لا مش صح، ويلا روحي نامي، ايه الكلام ده، في طفله تقول كده. وضربها وراحت عايطه تنام. نور: أنا مش بحبك يا آدم، وبكرهك خالص، ومش هكلمك تاني. باااااااك. نور: كان بيرجع ليه، تاني، كان بيرجع ليه. عند آدم. آدم: أنت كنت عايز حاجه ولا ايه يا أدهم. أدهم: هو بصراحه يعني. آدم: في أي يا أدهم، م تتلكم بسرعه. أدهم: بصراحه. آدم: لا ده احنا هنام هنا بقا. أدهم: لا خلاص هقول بس بالراحه ي عم عليا، أنت بتخض لي كد.

آدم: هو أنا هكلك، ما تخلص تنطق. أدهم: طيب غمض عينك. آدم: ليه هنلعب استغاميه، احنا هنهزر يا أدهم. أدهم: اصل أنا خايف منك الصراحه. آدم: هو أنا عفريت يا ابني قدامك م تتكلم وتخلص. أدهم: يا آدم بالراحه عليا. آدم: ماشي يا نغه، يلا ارغي. أدهم: آدم أنا. آدم: ايه.