تحميل رواية نور الادم بقلم اسراء علي pdf

أنتِ يا بت يا هبلة أنتِ.

= أنا هبلة الله يسامحك.

= هيسامحني.

= بلاش استظراف يا أسوة.

حاضر يا نور.

أنا بجد زهقت من حياتي دي.

احمدي ربك في ناس مش لاقية أوضة تعيش فيها، واحنا اللهم لك الحمد عندنا شقة.

الحمدلله.

نور: بنت عندها ٢٢ سنة، بيضاء، عيونها زرق.

أسوة: بنت عم نور عندها ٢٢ سنة، عيونها خضر.

نور وأسوة أولاد عم، عايشين لوحدهم في شقة بعد وفاة أهلهم، ليهم عم واحد تاني عايش بره مصر ومحدش يعرف عنه حاجة.

نور: إيه الملل ده يا ربي، أما أُقلب في الفيس شوية كده.

إيه ده، إيه القمر ده، هو في كده؟ يخربيت جمالك يا أخي، والله إنك قمر قمر يعني.

= نور يا ماما أنتِ هبلة بتكلمي نفسك يا حبيبتي.

= .....

= لااا ده يبقى الموضوع خطير أوي.

= ....

= وريني كده بتشوفي إيه.

= نور عيب كده، مينفعش نقعد نشوف صور شباب، غض البصر يا حبيبتي.

= والله أنا مش قصدي حاجة بس أنتِ مش شايفة القمر، هو في كده.

= لا أنتِ حالتك مش طبيعية خالص.

= على فكرة يا أسوة أنا حاسة إني أعرف الشخص ده.

= ده تأثير البص عليه بس، اقلبي عنه، وبعدين هو مش ظاهر ليه اسم ولا أي شيء، إزاي حاسة إنك تعرفيه.

= مش عارفة.

= نور يا حبيبتي ربنا أمرنا بغض البصر، واللي أنتِ بتعمليه ده مش كويس، يلا اقفلي الموبايل، علشان عندك مقابلة شغل بكرة مهمة.

= حاضر يا أسوة.

أسوة: يا نور اصحي.

= سيبني شوية.

= يا نور بالله اصحي.

= خمسة بس.

= ما هو ده اللي بقول عليه، تفضلي سهرانه وتقرفيني أنا بقى.

= خلاص خلاص صحيت أهو.

= شطورة نوري، يلا قومي صلي ركعتين كده، وتعالي افطري.

= حاضر يا ماما.

= مش هتتغيري.

أسوة: كُلي كويس، ومتتوتريش، خليكي هادية، واعرفي إن اللي ربنا كاتبه ليه هيكون.

= حاضر.

= كل ما تلاقي نفسك خايفة ردي آية الكرسي، وقولي الأذكار وأنتِ تبقي أحسن.

= حاضر يا قلبي، ربنا يخليكِ ليا.

= أنتِ كده بتدعي عليا مش بتدعيلي.

= إزاي.

= لما تقوليلي ربنا يخليكِ، يعني كده بتدعي عليا بأن ربنا يتركني؛ لأن التخلي بمعنى الترك، فأتمنى تدعيلي بالبقاء، قوليلي ربنا يديمك ليا.

= أنا بجد فرحانة إنك أختي يا أسوة.

= حبيبتي وأنا كمان، يلا امشي على المقابلة بقى.

في شركة فخمة، واقفة نور قدام الشركة.

= يا اختي كل دي شركة، ربنا يستر عليا....

= لو سمحتي حضراتكم كنتوا منزلين إعلان عن سكرتيرة، وأنا جايه بخصوص الشغل...

= تمام يا أستاذة ممكن تتفضلي هنا وأنا هقولك لما يجي دورك.

= شكرًا لحضرتك......

نور في نفسها: يا اختي كل ده جاي للمقابلة، وبعدين إيه اللي هما لابسينه ده، دول ولا اللي جايين فرح، أنا مالي أنا، هعمل زي ما أسوة قالتلي..

= نور أحمد الأدهم.

= نعم...

= اتفضلي حضرتك على المقابلة.....

= ممكن أدخل....

= ادخلي خلينا نخلص.

= .. مش ممكن... أنت.....

= أنا إيه...

نور: ممكن أدخل؟

: ادخلي، خلينا نخلص.

نور: مش ممكن... أنت...

: أنا إيه؟ مش فاهم.

نور: احم احم، لا ولا حاجة.

: طيب اتفضلي يا آنسة.

نور: شكراً.

: وأخيراً واحدة جاية بلبس كويس.

نور: بتقول حاجة حضرتك؟

: لا، ما تاخديش في بالك. اسمك يا آنسة، وهل سبق لكِ اشتغلتي قبل كده؟

نور: احم، نور أحمد الأدهم، خريجة تجارة إدارة أعمال، وواخدة كورسات كتير. ما اشتغلتش في شركات قبل كده، دي أول مرة ليا أشتغل.

: وحضرتك جاية هنا، ما قريتيش الإعلان كويس؟ لازم تكون لكِ خبرة سابقة في المجال.

نور: حضرتك، أنا شاطرة جداً، وممكن أفهم الشغل بسرعة.

: ما عنديش أنا حاجة اسمها "ممكن". أنا عندي "هعمل" و"هفهم". ولأني شايفك مش زي البنات اللي كانوا قبلك، وفعلاً أنتِ محتاجة الشغل، فأنا هشغلك، لكن الغلطة عندي بحساب.

نور بخنقة في صوتها: إن شاء الله هكون عند حسن ظن حضرتك يا فندم.

: هنشوف. تقدري تبدأي شغل من بكرة.

نور: تمام يا فندم.

***

: إيه يا ابني، نص البنات طالعة عايطة من مكتبك.

عمر: بالله عليك لم نفسك، علشان أنا مش طايقك.

عمر: وليه بقا يا أخويا؟

: أنت عارف ليه.

عمر: علشان خليتك رجعنا يعني مصر يا آدم.

آدم: أيوه، أنا ما كنتش عايز أرجع.

عمر: ليه؟ إحنا لينا هنا شغل زي هناك، وبعدين أنت ناسي وصية بابا.

آدم: مش ناسي، بس اشمعنى كان جاي يعرفنا إن لينا أهل قبل ما يموت؟ وبعدين أنا بكره أهلي دول اللي ما سألوش علينا.

عمر: آدم، أنت سمعت بابا قال إيه؟ هو اللي سابهم ومشي، مش هما.

آدم: مش عارف بقا، بس أنا لو شفت حد منهم مش هتقبله في حياتي.

عمر: هتندم على كلامك ده بعدين. سلام يا آدم، هروح أشوف إسراء أخرت ليه.

آدم: روح أنت رجعها البيت، واطمن عليها كويس، دي اختنا الوحيدة.

عمر: حاضر.

***

عند أسوة ونور...

أسوة: إيه يا نوري، مالك زعلانة ليه كده؟

نور: تعرفي إن اللي عمل معايا المقابلة النهارده هو نفس الشخص اللي شفته على الفيس امبارح.

أسوة: بجد؟

نور: بجد، بس هو مش كويس. قعد يقولي إن لازم يكون عندي خبرة وبتاع.

أسوة: يعني رفضوكي؟

نور: لا، بعدين قالي "باين عليكِ محتاجة الشغل" فوظفني.

أسوة: اومال زعلانة ليه؟

نور: مش عارفة، حاسة إن أعرفه من زمان.

أسوة: أكيد إنك كنتِ شايفة صورته بس.

نور: مش عارفة، يمكن.

أسوة: ما تفكريش كتير يا قلبي.

***

في بيت آدم...

آدم: إسراء.

إسراء: أيوه يا ابيه.

آدم: ها، إيه رأيك في مصر؟

إسراء: هو أنا لسه شفتها علشان أقول رأيي فيها.

آدم: معلش يا قلبي، هنفضي يوم أنا وعمر وأفسحك.

إسراء: أيوه كده بقا. بس هي باين عليها بلد جميلة، وحاسة إن ليا ذكريات فيها كتير، بس مش عارفة إيه هي الذكريات دي.

آدم: وأنا كمان حاسس إني أعرف ناس فيها، بس هما مين مش عارف. إحنا مشينا من هنا واحنا صغيرين أوي.

عمر: بخ! بتعملوا إيه؟

إسراء: ولا حاجة، بندردش.

عمر: طيب يلا علشان الأكل وصل.

إسراء: يا سيدي يا سيدي.

عمر: والله أنا ما عارف أنتِ بنت إزاي. يا بنتِ اتعلمي تطبخي، هنفضل نطلب كتير كده؟

إسراء: من عنيا حاضر، هعملك بكرة أكل جامد أوي.

آدم: طيب يلا نأكل، طيب.

عمر: أيوه، أحسن حاجة الأكل.

***

في صباح اليوم التالي...

أسوة: جينا لصداع كل يوم بقا. وفجأة...

نور: صباح الخير يا أسوة.

أسوة: يعني صاحية بدري كده تتحسدي.

نور: يعني أصحى بدري مش نافع، أتأخر في النوم برضه مش نافع. وبعدين أنا مش عايزة أتأخر من أول يوم لحسن عم هولاكو يموتني.

أسوة بضحكة: مين هولاكو ده؟

نور: ده مديري.

أسوة: لو يسمعك بس.

نور: ولا يقدر يعمل حاجة.

أسوة: طيب افطري بس، وبعدين شوفي أنتِ هتعملي إيه.

***

أمام الشركة تقف نور...

نور: يا رب يسر لي أمري.

نور: صباح الخير، أنا نور الموظفة الجديدة.

سكرتيرة: اتفضلي على مكتب أستاذة إسراء، وهي هتفهمك الشغل.

نور: شكراً جداً. فين مكتب أستاذة إسراء؟

سكرتيرة: الدور الثالث، تالت مكتب من جهة اليمين.

نور: شكراً مرة تانية.

سكرتيرة: العفو يا فندم.

نور: احم، ممكن أدخل؟

إسراء: اتفضلي يا قمر.

نور: احم، أنا الموظفة الجديدة.

إسراء: آدم قالي أدخلي.

نور: آدم مين؟

إسراء: مدير الشركة، وأخويا.

نور: سبحان الله، مش باين إنك أخته.

إسراء: ليه يعني؟

نور: أصل تحسيه كده غامض، على بارد، على واخد في نفسه مقلب جامد أوي مش عارفة على إيه.

وصوت من ورا بيقول: وواضح إنك هتترفدي.

نور: احم، ممكن أدخل.

إسراء: اتفضلي يا قمر.

نور: احم، أنا الموظفة الجديدة.

إسراء: آدم قالي أدخلي.

نور: آدم مين.

إسراء: مدير الشركة واخويا.

نور: سبحان الله مش باين إنك أخته.

إسراء: ليه يعني.

نور: أصل تحسيه كده غامض، على بارد، على واخد في نفسه مقلب جامد اوي مش عارفه على ايه.

وصوت من ورا بيقول: وواضح إنك هتترفدي...

إسراء: البس.

نور: أوعى يكون هو.

إسراء: امممم.

نور: يبقى هو.

عمر: للأسف الشديد مش هو، احمدي ربنا أنو أنا ده لو كان آدم، كنتِ زمانك ميته دلوقت.

نور بضحك: والله اسمه اي ده رعبني من أول يوم، أنا نور السكرتيرة الجديدة.

عمر: وأنا عمر اخو آدم.

نور: بس أنت باين عليك كويس عن آدم.

عمر: سبحان الله الناس كلها بتقول كده، بس قدري بقا هعمل اي.

إسراء: طيب اسكت بقا علشان آدم وصل.

نور: هولاكو حضر.

إسراء بضحكه: يخرب عقلك يا نور.

آدم: احنا نفتحها كافية بقا ونقعد نحكي فيها، دي شركة يا أستاذ منك ليها، يلا كل واحد على شغله، وأنتِ هتقعدي مع إسراء انهارده تفهمي منها الشغل، علشان مش عايز أي غلط بعد كده، وزي م قولتلك الغلطه عندي بحساب.

نور: تمام يا مستر.

آدم: إسراء بقولك مش عايز استهتار في الشغل، فهميها الشغل ماشي ازاي.

إسراء: تمام يا آدم.

إسراء: بُصي يا نور وركزي معايا لأن آدم وقت الشغل بيبقى عصبي جدًا ومش بيحب أي حاجه تبوظ، واحنا داخلين على صفقة مُهمة اوي.

نور: ماشي معاكي، يلا ابدئي.

إسراء: اسمعي بق...

عمر: ها يا آدم، أخبار الصفقة الجديدة.

آدم: لسه بنخلص في الورق بتاعها اهو، وأديت المهمة دي لإسراء واللي اسمها نور دي.

عمر: على فكرة إسمها نور عادي، وهي حلوه مش عارف أنت مالك، حاسك واقفلها على غلطة.

آدم: حلوة اي عمر أنت هتهزر، وبعدين أنا مش واقف لحد على حاجه، وبعدين أنا بشوف شغلي كويس، خليك في شغلك أنت بس.

عمر: أي يا عم كله ده، أنا شايف شغلي كويس، وبعدين متنساش إننا لازم نعمل اللي نزلنا مصر علشانو، مش نشتغل بس.

آدم: ياخي شوف سبحان الله كل ما انسى تيجي أنت تفكرني.

عمر: آدم أنا مش عارف أنت قلبك حجر كده ازاي.

آدم: خليك أنت يا ابو قلب حنين.

عمر: ربنا يهديك يا آدم، مش هقول غير كده.

آدم: اللهم قوي إيمانك يا شيخ عمر.

عمر: بطل تتريق بس عليا علشان أنت هتيجي للوقت اللي هتندم فيه على كلامك، وهتقول عمر قال.

آدم: ماشي ي سي عمر، في محاضرات تاني ولا خلصت كده.

عمر: أحسن حل إني امشي من قدامك.....

إسراء: ها يا نور فهمتي كده.

نور: ماشاءالله عليكِ بجد، فهمت خالص.

إسراء بغرور: يا بنتي ده أنا إسراء.

نور: من تواضع لله رفعه يا ست إسراء.

إسراء: بهزر يا نوري، الاه.

نور: هزري ياختي ومالو، واخوكي يج.....

آدم: مالو أخوها.

نور في نفسها: بسم الله الرحمن الرحيم بيطلع امتى ده.

آدم: بتقولي حاجه.

نور: لا لا ولا حاجه.

إسراء ضحكت..

آدم: مالك أنتِ كمان.

إسراء: ولا حاجه.

آدم: طيب يلا علشان عمر مستنيكي تحت، وأنا هاجي وراكم.

إسراء: اوك، نور عايزة حاجه.

نور: لا يا قلبي، أنا هظبط الدنيا زي م فهمتني وهروح بعدك.

إسراء: اوك، باي يا قلبي..........

بعد يوم طويل في الشغل كل واحد رجع على بيته......

أسوة: باين إنك مبسوطة كده.

نور: قابلت واحده إسمها إسراء اخت المغرور، بس ايه عسلية كده.

أسوة بضحكة: يا بنتي أنتِ كل يوم تطلعيله إسم كده.

نور: يستاهل أصلا.

أنا: والنبي أنتِ بتاعه كلام، وبتقلبي زي القطة قدام آدم.

أسوة: يلا أدخلي غيري، وصلي وتعالي نأكل، علشان عندي مفاجأة ليكِ.......

في بيت آدم.......

إسراء: يا عمر، يا آدم، يلا علشان تأكلوا.

عمر وآدم مع بعض: نأكل.

عمر: أنتِ طلبتي أكل يعني.

إسراء: تؤتؤتؤتؤ.

آدم: اوعى تقوليها.

إسراء بفخر: ايوه عملت أنا الأكل انهارده.

عمر: واضح إننا هنبات في المستشفى انهارده.

إسراء: يلا بس أنت وهو دوقوا الأول وبعدين قرروا......

عند نور..

نور: ها يا أسوة ايه هي المفاجأة.

أسوة: أنا لقيت شغل في مستشفى.

نور: ايه الاخبار الحلوة دي بقا، لازم نحتفل.

أسوة: نحتفل اي يا هبلة أنتِ.

نور: الاه ايوه مش اختي حبيبتي هتشتغل في مجالها، منحتفلش ليه.

أسوة: هههههه، ماشي ي ستي نحتفل......

عند إسراء...

عمر: لا بجد بجد مكنتش اتوقع إن العظمة دي تبقى منك.

آدم: يعني مش هنطلب دليفري تاني.

إسراء: علشان تعرفوا بس إني مُتعددة المواهب.

عمر: بس ابت، اكيد اتعلمتي من النت.

إسراء: لا.

آدم: اومال.

إسراء: هو الصراحه يعني وأحنا بندردش أنا ونور قلتلها اني مش بعرف اطبخ، ف راحت اي بقا طلعت هي كمان مش بتعرف تطبخ، بس ليها اخت إسمها أسوة، كلمتها وقالتلي على الوصفة دي بقا، وبقينا اصحاب واخدت رقمها.

آدم: أنتِ من يوم عرفتي كل ده، واتعرفتي عليها، وكمان بقيتوا أصحاب.

عمر: خليها تتصاحب، على الأقل نأكل أكل بيتي.

إسراء: حبيبي ي عوووووووومر.

عمر: حطيلها ياااء بقا.

إسراء بضحكة: عووووومري........

تاني يوم في الشركة...

آدم: دي مُصيبة.

عمر: اهدي يا آدم مش كده.

آدم: اهدي أي وزفت ايه، أسكت أنت.

آدم: دي مصيبة وحطت علينا.

عمر: يا آدم اهدي، دي مش طريقة.

آدم: متقولش أنت اسكت ومتسكتش. وبعدين فين الهانم اللي لسه مجتش؟

عمر: آدم اهدي أرجوك، لحد ما نعرف المشكلة فين. مش عايزين نظلم حد.

آدم: يا عمر اسكت، أنا مش وقت أفهم أي حاجة.

أنا: يا عم، ما قالك اسكت بقا. إيه بلاعة واتفتحت. أما رخم بصحيح. وبعدين البت مسكينة، مش بتاع الحاجات دي.

إسراء: يا آدم، بقولك إيه، نور معملتش حاجة. وأرجوك متتعصبش عليها.

آدم: إسراء، أنا مش عايز أزعلك مني، فكل حاجة هتبان دلوقتي.

أنا: ليه؟ هو أنت تقدر تقولي حاجة أصلا؟ كنت نفختك.

نور: أستاذ آدم عايزك عنده بسرعة.

نور: خير يا رب.

نور: احم. السلام عليكم.

عمر: وعليكم السلام يا نور.

آدم: أهلاً بالهانم، اتفضلي.

عمر: آدم اهدي.

آدم: عمر، أنا هتكلم. أستاذة نور، بكل بساطة تقولي حصل إيه امبارح بعد ما إسراء مشيت وأنا نزلت وكنتِ لسه موجودة.

نور: هو في حاجة يا أفندم؟

آدم: فيه إنك مش قد الأمانة، وإنك سرقتي ملف الصفقة. أكتر صفقة مهمة في حياتنا. ف أنتِ ليه عملتي كده؟ يلا اتكلمي.

نور: أنا معملتش اللي حضرتك بتقول عليه يا أفندم.

آدم بصوت عالي: أومال أنا اللي سرقته يعني؟

نور بخنقة في صوتها: يا أستاذ آدم، أنا هقول لحضرتك كل حاجة. امبارح بعد ما إسراء مشيت، أنا كنت بظبط الورق ومشيت قبل حضرتك، بس بعدين افتكرت إني نسيت الموبايل بتاعي فوق. وأنا طالعة حضرتك نزلت. طلعت جبت الموبايل ونزلت تاني، وبعدين دخلت الملف لمكتب حضرتك. بس هو ده اللي حصل.

آدم: وأنا مطلوب مني إني أصدقك، صح؟

نور: ما فيش حل غير كده، لأني قولت الحقيقة.

آدم: أومال أنا اللي سرقته يعني؟

إسراء: بالراحة يا آدم.

نور عيطت.

عمر: يا آدم بالراحة، مينفعش كده. نور اهدي بالله عليكِ. آدم بس متعصب لأن الصفقة دي أهم صفقة لينا، ف أنتِ مش فاكرة أي حاجة لفتت نظرك امبارح.

نور بعياط: لا يا أفندم. آه، ثانية بس، أنا افتكرت حاجة.

آدم: قولي بسرعة.

نور: امبارح لما نزلت وكنت جاية اطلع، لقيت.

آدم: قولي بسرعة.

نور: امبارح لما نزلت وكنت جايه اطلع، لقيت أستاذ كامل داخل مكتب حضرتك، بس قولت يمكن يكون هيعمل حاجه في مكتب حضرتك، بس مجاش في بالي أنو هيسرق ملف الصفقة، هو ده اللي حصل، وأنا مستحيل اخون ثقة حد، ويعلم ربنا إني حبيتكم واسراء دخلت قلبي، وعمري ما أعمل حاجه زي كده.

آدم بهدوء: احم، عمر هاتلي كاميرات المراقبة، نشوف الأستاذ كامل عمل اي في المكتب.

عمر: تمام.

إسراء: أنا آسفه يا نور، بسبب اللي عمله آدم.

نور: ولا يهمك يا إسراء، أنا عارفه أنو لولا صفقة مهمة مكنش هيعمل كده.

....

#بقلم_إسراء_علي

.......

في مكالمة تيلفون...

أسوة: مالك يا نور صوتك مالو.

نور: مفيش، ها عاملة اي في أول يوم شغل.

أسوة: الحمد لله تمام.

نور: طيب كويس اسيبك بقا.

.....

عمر: آدم تعالى أنا شغلت الكاميرا على اللاب.

آدم: ماشي....

......

قدام اللاب..

آدم: أنا كنت حاسس إن اللي هيعمل كده شخص واطي.

عمر: هتعمل اي.

آدم: هتشووف.

إسراء: ناوي على ايه.

آدم: كل خير.

......

#بقلم_إسراء_علي

في مكتب آدم....

آدم: ها يا كامل وأخبار الشغل ايه.

كامل: الش..الشغل تمام..

آدم: وأخبار شركة.....

كامل بتوتر: دي...دي.. دي الشركة المنافسة لشركتنا يا افندم.

آدم بضحكة صفرا: ما أنا عارف إنها الشركة المنافسة، أنا بقول ايه اخبارك مع مديرها، ها العلاقة كويسة كده.

كامل بتوتر: أنا مش عارف حضرتك عايز توصل لايه يا افندم.

عمر: عايزين نوصل، للملف اللي اتسرق.

آدم: ألا قولي يا كامل، ايه رأيك في الملف اللي اتسرق، تفتكر مين يكون اللي سرقه.

كامل: اكيد اللي سرقه الشخص الجديد اللي دخل الشركة.

آدم: فكرة برضو، طيب قولنا حل طيب للملف، خلاص الاجتماع آخر الأسبوع.

كامل: معرفش يا افندم.

آدم: طيب تعالى شوف الفيديو ده كده يا كامل.

كامل: احم...

آدم: أعمل فيك ايه كده.

كامل: أنا... أنا معملتش كده.

آدم: اومال أمي...

...

عمر: رايح فين....

كامل: سيبووني...

أنا: ده أنت هتاكل ضرب ياض يا كامل.

إسراء: مش هنسيبك غير لما تقولنا عملت ليه كد.. لسه هتكمل...

وفجأة طلع صوت ضر**ب نا**ر..

آدم: لااااااا.

في الشركة، وبالتحديد في مكتب آدم.

إسراء: مش هنسيبك غير لما تقولنا عملت ليه كده.

وفجأة طلع صوت ضرب نار.

آدم: لاااااا.

عمر بصدمة: إسراء.

نور بعياط: إسراء.

آدم: عملت كده ليه، قولي. إحنا لسه نازلين البلد تعرفنا منين علشان تحقد علينا.

كامل: لأنك في سني وعندك كل حاجة. فلوس وبيت وعربيات وشركات، وأنا مش عندي ولا حاجة. اشمعنى أنت.

عمر: وأختي مالها بتعمل كده ليه فيها.

آدم: عمر مش وقته. خد إسراء على المستشفى بسرعة دي نزفت كتير وأنا هشوف شغلي مع الواطي ده وهحصلكم.

عمر: ماشي. نور تعالي معايا.

في المستشفى.

عمر: دكتور، دكتور.

نور: لو سمحتي عايزين دكتور بسرعة، حالتها صعبة.

ممرضة: تعالوا معايا، بس الأول لازم تملوا الاستمارة دي الأول.

عمر: يعني أسيبها تموت لحد ما أملي الاستمارة يعني. أشوف دكتور وبعدين أعمل اللي انتو عايزينه.

عند آدم.

آدم: زي الشاطر كده، وقولي مين اللي خلاك تسرق ملف الصفقة ومن غير لف ودوران.

كامل: ده مدير الشركة المنافسة هو اللي عرض عليا المبلغ وأنا وافقت.

آدم: تمام. أنا هخليك معايا بس اليومين دول، وبعدين هبقى أشوف هعمل فيك إيه.

كامل: هتعمل إيه تاني يا باشا.

أنا: ما أنت ما سمعتش كلامي قلتلك هتأكل ضرب.

آدم: ملكش فيه.

وبعدين بص للاثنين معاه.

آدم: تخلوا عينكم عليه، وإلا هتشوفوا مني وش تاني.

: تمام يا أفندم.

في المستشفى.

نور: هي هتكون كويسة يا أستاذ عمر، متقلقش.

عمر: يا رب يا رب.

أسوة: إيه ده نور، بتعملي إيه هنا، ومين ده.

نور: أسوة أنتِ بتشتغلي هنا.

أسوة: أيوه. مردتيش عليا. بتعملي إيه هنا.

نور: ده موضوع طويل أوي. إسراء أخت أستاذ عمر في أوضة العمليات جوا وده أستاذ عمر.

أسوة: ألف سلامة عليها. طيب أنا هدخلهم جوا، وأطمنكم.

عمر: شكراً جداً ليكي.

بعد فترة.

آدم: ها يا عمر عملت إيه.

عمر بزعل: لسه جوا.

آدم: هتكون كويسة يا عمر متزعلش.

عمر: يا رب عمر، دي بنتي مش أختي بس.

نور: هتكون كويسة بإذن الله. وأسوة جوا معاهم إن شاء الله هتطلع وتطمنا.

آدم: ومين أسوة دي.

عمر: دي أخت نور وهي دكتورة هنا.

آدم: آه.

بعد فترة.

عمر: ها يا دكتورة في إيه.

أسوة: للأسف.

أنا: يا شيخة نفس الأفلام بتاعت الهندين، بتوقفي قلب الناس معاكي. حرام عليكي.

آدم: في إيه.

عمر: ها يا دكتورة في أي.

أسوة: للأسف...

أنا: يا شيخه نفس الأفلام بتاع الهندين، بتوقفي قلب الناس معاكم، حرام عليكي.

آدم: في أي، إسراء حصلها حاجه...

أسوة: نزفت دم كتير، ولازمها نقل دم، وفصيلة دمها نادرة.

عمر: طيب شوفي مين ينفع فينا.

أسوة: ماشي، يللا.

بعد شويه...

أسوة: نور، أنتِ فصيلتك زيها.

نور: طيب يلا خدي مني...

عند نور...

نور: خدي مني تاني، أنتِ مالك أنتِ بيا.

الممرضة: يا آنسة مينفعش كده، خطر عليكي.

نور بعصبية: أنتِ مالك، خدي مني.........

برا عند عمر وآدم...

عمر: نور دي طلعت جدعة أوي.

آدم: "ساكت"

عمر: ساكت ليه.

وفجأة...

الممرضة: يا أستاذ أنت وهو، الآنسة اللي جوا دي، هتموت ومش راضية تسمع كلامنا.

عمر: مين.

الممرضة: نور، أخدنا منها كيس، وخطر عليها ناخد تاني، وهي مصممة ناخد منها.

عمر: لا متاخديش.

آدم: أنا هدخلها....

آدم: يا آنسة نور، كفايا كده.

نور بعياط: لا أنا هديها، انتوا مالكو.

آدم: ولما تموتي.

نور: اموت اموت.

آدم: يا آنسة نور مينفعش كده.

نور: لما اموت متسألش فيا....

عند أسوة...

الدكتور: هاتي جهاز الصدمات بسرعة يا دكتورة.

أسوة: ماشي يا دكتور.

الدكتور: على الجهاز شوي بسرعة، قلبها هيقف.

أسوة بعياط: إسراء اصحي، اصحي علشان اخواتك، وعلشان نور صحبتك......

عند نور..

الممرضة: خلصنا، بس لو حصلك حاجة إحنا مش مسؤولين.

نور: ماشي......

نور: أستاذ عمر، عرفتو حاجة عن إسراء.

عمر: لا يا نور ادعيلها.

نور بتعب: ربنا معاها، إن شاء الله هتقوم.

عمر: طيب تعالي استريحي، علشان أنتِ تعبانة.....

بعد فترة...

طلع الدكتور وأسوة من أوضة العمليات.....

آدم: ها يا دكتور.

الدكتور: العملية كانت صعبة جدا، وقلبها وقف لكن بفضل الله رجع اشتغل تاني؛ بس هتفضل تحت المراقبة النهاردة وبعدين هننقلها أوضة عادية، لكن لو مصحتش احتمال تدخل في غيبوبة.

أنا: يعني أنت لازم تحور كل ده علشان تقول إنها بقت كويسة، ياخي وقفت قلبنا.

آدم: يعني هي كويسة ولا لا.

الدكتور: الحمد لله العملية نجحت.

عمر: الحمد لله.

أسوة: متقلقوش يا جماعة، هي بخير، وهي بإذن الله هتفوق.

عمر: يا رب.

نور: أسوة، طمنيني هي هتفوق.

أسوة: متقلق.. نوورر.

نور: أسوة، طمنيني هي هتفوق.

أسوة: متقلق..

نوورر.

عمر: حصل أي...

أسوة: تعالى شيلها معايا لو سمحت.

عمر: ماشي.

آدم: هي مش بتسمع الكلام قالولها هتتعب، ابعد أنت يا عمر هشيلها أنا.

أنا: وه أنت بتغير ولا اي يا سي آدم، احنا بنحب ولا أي.

أسوة: أي حد يشيلها معاايا هنسيبها تموت التانيه يعني ولا أي.....

في أوضة نور....

أسوة: اي اللي عملتيه ده يا نور.

نور بدموع: يعني اسيب إسراء تموت يعني، دي بقت زيك خلاص، انا اتعلقت بيها، وكأنها أختِ.

أسوة: ربنا يديمكو لبعض يا قلبي.

عمر: يعني ينفع كده يا آنسة نور، تقلقينا عليكِ.

آدم: مش بتسمع الكلام، دماغك ناشفة ليه.

نور: يعني اسيبها تموت، وبعدين علشان أقولها أنتِ خدتي نص دمي واذلها بيهم.

عمر بضحك: حتى وأنتِ تعبانه بتهزري.

آدم: احنا هنقضيها ضحك ولا أي.

عمر: مالك يا آدم ما تضحك معانا.

آدم: أنا طالع برا.....

عمر: سيبك منه يا نور، هو آدم كده، أنا رايح اجيبلكو حاجه علشان تأكلوا أنتِ تعبانه.

نور: مش هاكل حاجه غير لما إسراء تفوق.

عمر: مينفعش كده.

نور: مش هآكل.

أسوة: خلاص يا أستاذ عمر، هي لما بتحط حاجه في رأسها مش بتعمل غيرها.

عمر: عنيدة زي آدم يعني، على العموم لو احتاجتو أي حاجه إحنا برا......

تاني يوم...

نور: أسوة روحي شوفي إسراء.

أسوة: ماشي.....

عمر: يا آنسة أسوة إسراء فاقت.

أسوة: ايوه الحمدلله بس هننقلها الأول، وكمان لازمها راحه ومتتكلمش كتير.

عمر: الحمدلله.

آدم: طيب عايزين نشوفها.

أسوة: لما ننقلها الأول.

آدم: تمام.......

في أوضة إسراء.......

آدم: حبيبتي، قلقتينا عليكِ.

إسراء: حبيبي يا دومي، متقلقش أنا بقيت زي القرد اهو.

عمر: الله الله، دومي، وأنا ايه.

إسراء بضحكة: عووووومري.

عمر بضحكة: ايوه كده، رجعتي إسراء بتاعتنا.

نور: عامله ايه يا قلبي.

إسراء: حبيبتي الحمدلله.

أسوة: والله يا آنسة إسراء أنتِ تعبتينا جدا امبارح، بس الحمدلله إنك بخير.

إسراء: أنتِ أسوة، اللي علمتني الطبخ.

أسوة بضحكة: ايوه يا ستي.

إسراء: استني بس أرجع لصحتي وأنا اقرفك.

نور: الله الله، انتوا هتتصاحبوا ولا ايه، ده أنا متبرعالك بنص دمي يا بت لمي نفسك.

إسراء: أنتِ قلبي يا بت........

بعد أسبوع، رجعت إسراء البيت وكان لازمها لسه راحه، وكامل اتحبس طبعا بعد شويه ضرب حلوين من آدم....

في الشركة...

نور: أستاذ آدم، أنا حضرت للمشروع بتاع الصفقة الجديدة بنفسي، ممكن حضرتك تشوفه غير اللي اتسرق، لأن الإجتماع بكرا، ولأن حضرتك كنت مشغول بتعب إسراء فأنا جهزته.

آدم: وأنتِ تعرفي اي بقا علشان تجهزي المشروع.

نور: شوف بنفسك يا أستاذ آدم.

آدم: ماشي، بس بما أنك أنتِ اللي جهزتي للمشروع، يبقى أنتِ اللي هتقدمي المشروع بكرا.

نور: أعتبر ده أمر.

آدم: اعتبريه أمر اعتبريه تحدي تبيني فيه جدارتك، براحتك.

نور: تمام يا افندم........

في بيت نور....

نور: الحقيني يا أسوة.

أسوة: في ايه.

نور: المغرور بيقولي إني بما أنا اللي عملت المشروع يبقى أنا اللي هقدمه، أنا متوترة.

أسوة بضحكة: متقلقيش تعالي بس صلي، ونأكل، وبعدين اعتبريني الشركة اللي هتقدمي المشروع قدامهم، واعرضي المشروع.

نور: اووك............

تاني يوم..............

في الشركة....

عمر: نور اتاخرت اوي.

آدم: أنا كنت عارف، إن هي مش هتقدر تعملها.

عمر: الإجتماع هيبدأ دلوقت، مفيش وقت.....

الموظفة: أستاذ آدم الشركة المنافسة وصلت والاجتماع بدأ، وبيسألوا عليكم........

: يا نهااار اسوود.....

في الشركة....

عمر: نور اتاخرت اوي.

آدم: أنا كنت عارف.

عمر: الإجتماع هيبدأ دلوقت، مفيش وقت.

الموظفة: أستاذ آدم الشركة المنافسة وصلت والاجتماع بدأ، وبيسألوا عليكم.

نور: يا نهااار اسوود.

في الاجتماع..

شخص: يا أستاذ آدم، شركة**** قدمت عرضها، وأنتو قلتوا إن عرضكم هيجهز خلال ربع ساعه، وعدى من الوقت نص ساعه، ومفيش حاجه، ف هنضطر ندي المشروع لشركة**.

نور: لا استنى لو سمحت، العرض جهز خلاص، وممكن أبدا فيه، أولا بعتذر عن تأخيري، كان غصب عني.

نفس الشخص: تمام يا آنسة، تقدري تتفضلي.

نور: طبعا اعتذر مرة تانية عن تأخيري، ثانيًا إحنا عمرنا ما فكرنا...

وبدأت في عرض المشروع، والكل كان قاعد مبسوط بالعرض.

نور: وده كان مشروع شركتنا، أتمنى أكون وفقت في عرضه.

بعد تقييم الشركات..

شخص آخر: طبعا إحنا شوفنا عرض الشركتين، ولكن شركة واحده بس هي هتاخده، والمشروع هيبقى من نصيب شركة الأستاذ آدم؛ لأنهم كانوا الأحسن.

بعد الإجتماع...

عمر: عرضك للمشروع كان رائع يا نور، وكمان أنتِ طلعتي ممتازة.

نور وهي بتبص لآدم: ده من ذؤقك يا أستاذ عمر.

عمر: بس أنتِ اتأخرتي ليه.

نور: أنا فضلت الليل كله سهرانه بقدم المشروع لنفسي علشان أقدر أقدمه بالشكل ده انهارده.

عمر: آه تمام.

عند نور...

نور في نفسها: هو أي الغرور ده، ده حتى مقالش شكرا، طيب والله متكبر.

آدم: طيب استني لما ترجعي البيت، واشتمي براحتك.

نور: ماا...هووو.. أصل.

آدم: أنتِ هتماهمي خلاص، كنت جاي أقول، إن إحنا هنروح إجتماع مهم في السخنه، وأنتِ لازم تروحي معانا، ف جهزي نفسك.

نور: اشمعنا أنا.

آدم: لأن إسراء تعبانه مش هتقدر تسافر.

نور: آه تمام.

في بيت نور...

أسوة: يعني كده أنتِ هتسافري بكرا.

نور: ايوه.

أسوة: وأنا هكون لوحدي.

نور: ايوه، لا..هو هو.

أسوة: يبقى عملتي مصيبة، احكي.

نور: عمر عرض عليا إنك تروحي تباتي مع إسراء وأنا وافقت الصراحه لأنها هتكون تعبانه ومينفعش تكون وحدها، اوعى تضربيني.

أسوة بضحكة: هبلة اضربك ليه، موافقه، أنا أصلا حبيت إسراء.

في بيت آدم.

آدم: طيب كده أنا مش هبقى مطمن إنك تكوني لوحدك.

إسراء: يا آدم مش هتخطف والله عادي.

آدم: لا برضو.

عمر: مين قال إنها هتكون وحدها.

آدم: اوومال ايه ي ذكي.

عمر: أنا عرضت على نور إن إسراء تيجي تبات مع إسراء يومين السفر.

آدم: بتتصرف من دماغك أنت، وافرض هي موافقتش.

عمر: أكيد هتوافق.

إسراء: يا رب توافق.

في مكالمة تيلفوووووون....

عمر: أنت بتقول ايه.

عمر: طيب سلام.

عمر: هعمل اي دلوقت في المصيبة دي.

وصلنا في الفصل اللي فات لغاية ما عمر كان بيكلم حد...

عمر: أنت بتقول إيه؟

...

عمر: طيب سلام.

...

عمر: طيب أنا أعمل إيه دلوقتي؟ يا ترى هيصدقني؟ أنا مش هقول لآدم الحقيقة بعد السفر...

...

تاني يوم...

نور: أستاذ عمر، أنا قدام البيت ممكن تنزل لي.

عمر: تمام.

...

عمر: صباح الخير، أخبارك يا نور، أخبارك يا آنسة أسوة.

نور: الحمد لله بخير.

عمر: تعالوا ادخلوا، وإحنا هنمشي دلوقتي يا نور.

نور: تمام...

عمر: يا آدم، يا إسراء، تعالوا يلا.

إسراء وآدم: صباح الخير يا جماعة.

نور وأسوة: صباح النور.

نور: اديني جبت لك أسوة تونسك أهو يا ست إسراء.

إسراء بضحكة: ميرسي يا قلبي.

آدم: شكرًا جدًا لكِ يا آنسة أسوة.

نور في سرها: إيه ده إيه ده، بقى تشكر أسوة ببساطة كده، وأنا اللي بناهد معاك من يوم ما اشتغلت مش عايز عليك تقول لي شكرًا حتى من غير جدًا.

أسوة: على إيه، أنا حبيت إسراء زي نور بالضبط.

إسراء: قلبي وأنا كمان.

آدم: يلا بقى...

أنا: يا عم بطل العصبية دي بقى مش حلوة علشان صحتك.

...

بعد ما آدم ونور وعمر سافروا....

...

إسراء: تعرفي يا أسوة أنا حبيتك زي نور بالضبط.

أسوة: وأنا كمان، حاسه إني أعرفك من زمان.

إسراء: هنهيص اليومين دول.

أسوة: أنتِ زي نور باين عليكِ.

إسراء بضحكة: أيوه.

...

عند عمر ونور وآدم..

آدم: عمر حجزت في الأوتيل اللي هننزل فيه؟

عمر: أيوه حجزت غرفتين.

آدم: تمام.

نور: هو فاضل كتير على ما نوصل؟

عمر: أيوه.

نور: هو ليه سافرنا بالعربية؟

عمر: لأن الأستاذ آدم عايز كده.

آدم: خلاص يا أستاذ عمر، وأنتِ يا آنسة نور مش عايزين نسمع صوت لحد ما نوصل.

نور: حاضر.

وبعدين طلعت سندويتشات من شنطتها.

نور: أستاذ آدم اتفضل، أستاذ عمر اتفضل.

عمر: تصدق إني جعان هاتي، تسلم يدك.

آدم: متشكر مش عايز.

نور: أستاذ آدم إحنا في سفر زي بعض اتفضل.

آدم: ماشي.

نور: أنا هنام بقى لحد ما نوصل.

...

عند إسراء...

إسراء: والله أنتِ شيفة في عمل الأكل، إيه الجمدان ده؟

أسوة: مش للدرجة دي.

إسراء: أكثر من كده.

أسوة بضحكة: ماشي ماشي.

إسراء: تعرفي يا أسوة، أنا حاسه إن في علاقة بتربطنا ببعض غير إننا بقينا أصحاب، قلبي حاسسني كده.

أسوة: ده بس إننا اتقربنا من بعض في فترة صغيرة خالص.

إسراء: مش عارفة بس أتمنى إننا نكون أكثر من أصحاب.

...

عند آدم...

عمر: آدم على فكرة إحنا كان ممكن نسافر من غير نور عادي.

آدم: قصدك إيه يا عمر متلفش وتدور عليّ.

عمر: مش قصدي حاجة، بس حاسس إن نور هتغيرك.

آدم: ما فيش الكلام ده.

عمر: لا فيه، أنت ما شوفتش نفسك، لما نور تعبت ما رضيتش تخلي حد يشيلها غيرك حتى أنا، شكلك بتغير.

آدم: عمر، أنا مش بحب أهزر في المواضيع دي، اقفل على الموضوع ده.

عمر: ماشي، بس خليك فاكر كلامي.

آدم: ماشي، قول لي بقى عايزين نبدأ في المشروع علشان نخلص...

...

عند أسوة..

إسراء: تعالي بقى نسمع فيلم كرتون، فيلم الجميلة والوحش شغال.

أسوة: لا أنتِ فعلًا فعلًا زي نور، حتى الكرتون بتحبيه.

إسراء: يعني أنتِ مش بتحبيه؟

أسوة بضحك: بعشقه، هروح أعمل فشار واثنين عصير وآجي.

أنا: يا بختكم ما تخلوني أسمع معاكم الكرتون أصل أنا طفلة كبيرة بتحب الكرتون لسه.

...

عند آدم...

عمر وآدم بيتكلموا في موضوع الشغل والسفر وفجأة سمعوا صوت عالي.

...: لااااااااا.