رواية نور الاسر الفصل الرابع 4 - بقلم كيان كاتبة

اسر بهدوء: اممم تيجي تحضري معاي عيد ميلاد مس سلمي؟ نور بضيق: انا مش بحب المس دي.... وبعدين تروح عيد ميلادها بتاع إيه؟ اسر ابتسم لما حس إنها بتغير: زميلتي وعزمتني، ما أروحش ليه. المهم هتجي ولا لا؟ نور: لأ. اسر: طاب يلا البسي وأنا هقول لمرات عمي إنك جايه معايا. نور بحماس: ماشي. بعد شوية اسر قاعد مع مرات عمه ولابس قميص أسود وبنطلون أسود ومظبط شعره. نور طلعت وهي بتلف قدام اسر بحماس: إيه رأيك؟

اسر قام وباس راسها: قمر يا حبيبتي. نور ابتسمت بخجل. أم نور: متتأخرش يا اسر. اسر: لأ إن شاء الله مش هنتأخر. ..... نور: بس هنا. اسر بضيق: أنا مش عارف لزمته إيه مريم صاحبتك دي. نور: والنبي عشان خاطري، أنا ما بروحش مكان من غيرها. اسر: طاب يختي فين هي؟ نور: أهي جات. مريم: إزيك يا مستر اسر. نور بحماس وهي بتنزل: هنزل أقعد مع مريم ورا. اسر مسك إيدها: لأ خليكي. اسر بعد إيده وبدأ يسوق. ونور بتتكلم مع مريم بحماس.

بعد شوية كانوا وصلوا ونور ماسكة في دراع اسر. همسلها: يا نور سيبي دراعي مش كدا. نور بضيق: لأ. اسر: يا حبيبتي مش هعرف أتكلم ولا أقدم الهدية. نور ابتسمت من كلمة حبيبتي: لأ برضو. اسر ابتسم بفرحة على تمسكه بيه. وسلوي جات عليه. قدمله الهدية. اسر: كل سنة وإنتي طيبة يا مس سلوي. سلوي ابتسمت بضيف أول ما شافت نور: إزيك يا نور؟ نور بضيق: كل سنة وإنتي طيبة يا مس سلوي. اسر ونور قعدوا على تربيزة بعيدة شوية.

اسر أصلاً مكنش حابب يقعد بس سلوي قالتله مينفعش. اسر: هو مين اللي قاعدة معاه مريم دي؟ نور وهي بتشرب العصير: ياسين ابن مستر علاء معانا في الدرس. اسر بضيق: وإزاي تقعد معاها كدا؟ نور: هما بيحبوا بعض عادي. اسر قام بضيق: طاب قومي قوليلها يلا خلينا نمشي. اسر سايق العربية. اسر: بس غلط يا مريم موضوع ياسين ابن مستر علاء ده. إنتي لسه صغيرة وفي أهم سنة في حياتك، علشان مترجعيش تندمي بعدين. مريم بتوتر: حاضر يا مستر.

اسر اتنهد: مريم هو لو بيحبك بجد هيخاف عليكي. احتفظي بمشاعرك لحد ما يدخل الباب من بيته. اسر حس إنه لازم يقول الكلام ده لنفسه. اسر وقف العربية قدام بيت مريم. نور: تصحي على خير يا مريم. مريم: وإنتي من أهله. تصبح على خير يا مستر. اسر: وإنتي من أهله. مريم مشيت. اسر اتنهد ولف لنور. اسر: نور كفاية مرقعه لحد كدا. إنتي لازم تركزي في دراستك. متخليش حد يعطلك حتى لو أنا. فهمت. نور هزت راسها: حاضر.

اسر قرار مع نفسه إنها هيبعد عنها وهيقف جنبها ويدعمها في دراستها بس، ومشاعره هيركنها على جنب دلوقتي. نور بعد وقت كانت نامت في العربية. اسر وقف قدام البيت. وفضل يبصلها بتمعن ومسك إيدها وباسها. اتنهد وشالها وطلع بيها. فتحت أم نور: نامت؟ اسر: أيوه. افتحيلي بابا أوضتها. أم نور فتحتله الباب وهو حطها على السرير بهدوء وبصلها وتنهد وو...