رواية نور الجاسم - نيللي ياسر - الجزء الأول والثاني الفصل الحادي عشر 11 - بقلم نيللي ياسر

جاسم بصدمة: إيه ده! نور ببكاء: والله أنا.. أنا.. مكنتش أعرف. جاسم بغضب: متجوزة مين؟ انطقي. نور ببكاء: يوسف ابن عمي. وهو اللي اتهجم عليا! جاسم بص لها بغضب وشفقة وخرج. نور ببكاء: جاسم استنى، متسبنيش! جاسم خرج وقفل الباب ووقف وراه وغمض عينه. هي ملهاش ذنب، بس هو زعلان. ولما سمعها بتعيط وتنده عليه، دخل تاني. لقاها قاعدة في الأرض بتعيط، خدها في حضنه. نور ببكاء: والله.. والله أنا مكنتش أعرف.

جاسم: خلاص يا نور، أنا هتصرف. اهدي. نور: يعني مش هتسبني؟ جاسم بحب: عمري ما أقدر يا أوزعتي. نور: هههه. جاسم: يلا ننام بقى. نور هزت رأسها بمعنى موافق. جاسم فضل جنبها لحد ما نامت، وبعدين قام ودخل يصحي شادي. جاسم: شادي.. شادي اصحي. شادي: جاسم.. في إيه؟ أنت كويس؟ جاسم: آه.. اصحي، هنروح مشوار. شادي: مشوار إيه؟ دي الساعة أربعة بليل؟ جاسم: اصحي البس وهفهمك. شادي: ماشي. جاسم عمل مكالمات كتير، وبعدين خرج هو وشادي.

شادي: هنروح فين بقى؟ جاسم: هتعرف لما نوصل. تاني يوم ملك صحيت ودورت على جاسم، ملقتهوش. ودورت على شادي برضو مش موجود. وطلعت لنور. ملك: تك تك. نور بنوم: مين. ملك: أنا ملك يا نور. نور: ادخلي. ملك: صباح الخير يا نور. نور: صباح الخير يا حبيبتي. ملك: عاملة إيه دلوقتي. نور: الحمد لله، أحسن. ملك: هو فين جاسم.. و.. وشادي مش موجودين. نور: مش عارفة.. تقريبًا خرجوا. ملك: طب نور، هو مش أنتي قولتيلي لو حبيت أحكي، أجلك؟

نور: آه طبعًا، أنا سامعاكي. ملك: أنا زمان كنت... جاسم: نور.. يا نور. ملك: ده صوت جاسم. تعالي نشوف في إيه. نزلوا تحت، ونور اتصدمت من اللي شافته. يوسف غرقان في دمه، وباين أنه مضروب جامد. وشادي ماسكه واقف جنبه. جاسم، راجل هي تعرفه كويس.. ده.. ده رأفت عمها. نور: عمو رأفت؟ رأفت: أيوه يا حبيبتي، وحشتيني أوي. جاسم: هتحكي إنت ولا أنا. رأفت: أنا اللي هتكلم. نور: هو في إيه؟

رأفت: زمان يا نور، لما جوزتك ابني وإنتي عيلة، كان عشان أحميكي من أبوكي. قولت أحميها عشان أكيد لما تكبر هيجوزها حد زبالة شبهه. قولت أهي تكون مرات ابني وساعتها مش هيقدر يجوزها. وبعدها سافرت أنا وأولادي. بس لما يوسف كبر، كان عايز يتجوز وأنا رفضت. وقولتله أنا مش هقبل عشان إنتي متجوزة. هو رفض وراح طلقك رسمي. ودي ورقة طلاقك. اتجوز من بت خوجايه، مقعدش سنة وطلقها. ولما رجعنا مصر وعرف إنك اتجوزتي وشاف صورك، طمع فيكي. طلع وسخ زي عمه. بس والله هو طلقك والورقة أهي يا نور. سامحيني يا بنتي.

نور حضنت عمها وهي بتعيط، وبعدين بعدت وبصت لجاسم. نور: أنا مش عارفة أشكرك إزاي، بس بجد أنا متشكرة أوي. من غيرك مكنتش هعرف أعمل أي حاجة. جاسم ببرود: متقوليش حاجة.. إنتي طالق.