رواية نور الجاسم - نيللي ياسر - الجزء الأول والثاني الفصل الثاني عشر 12 - بقلم نيللي ياسر

جاسم: متقوليش حاجة... انتي طالق! صدمة للجميع. ملك مصدومة، وشادي بيبص لجاسم بعدم فهم، ورأفت مش فاهم حاجة. نور بتبصله وبتدمع. وفجأة جاسم: والله يا جماعة أنا خسارة أبقى هنا. أنا المفروض أكون في الوسط الفني. ههههه... يا هبلة، إحنا متجوزين عرفي أصلاً. نور خدت نفسها وحضنته جامد. ملك بتضحك، وشادي مش مصدق صاحبه والمقالب بتاعته. رأفت قرر يخرج وخد ابنه معاه. جاسم: يلا بقى علشان ورانا مشوار مهم. نور: مشوار إيه؟

جاسم: هروح أكتب عليكي رسمي. نور ابتسمت بحب. جاسم: طبعاً هتيجي معايا يا شادي علشان تشهد على العقد، وهات معاك الواد عمر صاحبنا وهيبقى الشاهد التاني. شادي بخنقة: هو لازم عمر ده؟ هجيب أي حد. جاسم: لا هات عمر... واطلع البس بقى... وانتي كمان يا ملك. ملك: ماشي... يلا يا نور نروح نلبس. نور: يلا... رأفت: فوقت يا وسخ... يا ابن ال***. يوسف: آآآه... أنت أكيد قولتلهم. رأفت: طبعاً قولتلهم...

إنت عايز تخرب على البنت ليه، مش كفاية اللي شافته؟ رايح تخرب عليها حياتها كمان. يوسف: دي مراتي... أنا أولى بيها من الغريب. رأفت بغضب: إنت مصدق نفسك! مين دي اللي مراتك؟ مش إنت طلقتها لما روحت اتجوزت بنت زبالة شبهك. يوسف: كنت غلطان بس... بس أنا بحبها. رأفت: لا... إنت مش بتحبها... إنت طمعان فيها... لما شفتها وهي كبرت طمعت فيها... إنت نسخة من عمك... اتفووو عليك. يوسف: وحياة اللي خلقني وخلقها ما هسيبها...

وهوريك إن هيا اللي هتيجي تحت رجلي. رأفت: الو... الو يا صفية... نور اتجوزت. رأفت: مش مهم أمتى ومين... إنتي لازم تنزلي مصر. رأفت: لا متخافيش من أخوكي... نور محتاجاكي يا صفية. رأفت: ماشي وأنا هحجزلك على أول طيارة نازلة مصر...

نور لبست فستان أبيض شيفون طويل ومش واسع أوي وماسكة على إيديها جاكت جلد، وشعرها المموج فردته. وملك حطت ليها ميكب خفيف ولبست شوز بكعب. وشعرها مفرود. وملك لبست فستان قطن دقيق بكم لونه أسود وحزام وسط لونه أوف وايت وشوز بكعب أوف وايت وشعرها مفرود. جاسم: هما اتأخروا ليه كده؟ شادي بسخرية: مستعجل يا عريس؟

جاسم كان هيضربه بالبوكس، بس وهو بيلف وشه شافها وهي نازلة من على السلم. تنح فيها شوية ومش مصدق أن أوزعته الصغيرة شكلها آنسة كده لغاية لما نزلت. نور: هو الميكب مخليني شكلي كبير صح؟ جاسم: شكلك زي القمر. ملك: ههههه... نحن هنا. كانت ضحكة ملك اللي خلت شادي يلف ويشوفها. حس لثواني إنها فعلاً كبيرة مش طفلة، وكان عندها حق لما قالتله... بس نفض الفكرة على طول من دماغه. شادي: احم... طب أنا هستنى في العربية.

جاسم: طب خد ملك معاك في عربيتك علشان عايز أبقى لوحدي مع نور. شادي: تمام... يلا. ملك بتوتر: طب ما هستنى أنا فوق. جاسم: يلا يا كوكي بقى. ملك: ماشي يلا. نور: هو انت خليتهم يستن... باسها وهي مخضوضة جداً. وبعد شوية بعد عنها. جاسم: الروج كان تقيل شوية. نور بصتله ومصدومة، واتصدمت أكتر لما شالها. جاسم: إنتي مش عارفة تمشي بالكعب وأنا مش عايز رجلك توجعك.

نور ابتسمت لإن فعلاً هي قصيرة جداً ولما لبست الجزمة الكعب كانت مش عارفة تمشي بيها خالص وهو لاحظ. جاسم فتح باب العربية: يلا يا وزعة. نور: هههه. جاسم: إيه الضحكة السافلة دي يا لطفي. نور: إنت بارد والله... أوعى بقى نزلني علشان أركب. جاسم: إنت بتعلي صوتك. نور: لا والله معلتش صوتي. جاسم: يعني أنا كداب صح؟ نور: لا إنت مش كداب. جاسم: لا أنا كداب بقى. نور: لا أنا مقصدش. جاسم: خلاص هاتي بوسة وهتركبي.

نور: إيه ده مش هعمل كده طبعاً. جاسم: يبقى هاخد أنا. نور: لا... لا. جاسم: طب يلا خدي أهو مستنيكي. نور: طب... ماهو شادي وملك باصين علينا. جاسم: امم... عادي. نور: يا جاسم... جاسم: يبقى هاخد أنا. نور بتسرع: لا... خلاص... غمضي عينيك. جاسم: ماشي... أهو. نور قربت منه ببطء وباسته. وملك طالعة من شباك عربية شادي وبتصفر وشادي بيضحك. وبعدين جاسم فتح عيونه وهي كانت اختفت من قدامه. ضحك وركب جنبها.

كلهم متجمعين عند المأذون مستنيين عمر. شوية ودخل شاب لابس بنطلون جينز أزرق غامق وتيشيرت أبيض وبليزر أزرق غامق وكوتشي أبيض وشعره كيرلي وكبير بس ناعم وأصفر وعيونه لبني وبشرته بيضة. وجسمه رياضي. وأول ما دخل كان بيزغرط. عمر: لولولولولولولي! مبروك يا جااااسم! جاسم: الله يبارك فيك... وحشتني والله. عمر بصوت أنوثي: هان عليك متسألش عليا يا وحش؟ طب أنا مخصماك. جاسم: يخربيتك... ههههه... عمر بلطف: إزيك يا كوكي وحشاني والله.

ملك: وإنت والله وحشتني بقالي كتير مشوفتكش. شادي وقف قدامها ومسك إيديه. شادي: وأنا موحشتكش؟ عمر ببرود: خاااالص... يلا يا جاسم علشان كتب الكتاب. الشيخ: بارك الله لكما وبارك عليكما وجمع بينكما في خير. ملك: مبروك يا نور. نور: الله يبارك فيكي. شادي: مبروك يا جاسم... مبروك يا نور. الاتنين: إلله يبارك فيك. عمر: مبروك يا جدعان. الاتنين: الله يبارك فيك. عمر: وعقبالك يا ملك. ملك ابتسمت ابتسامة باهتة. شادي: مش يلا يا جاسم.

عند أبو نور الباب بيخبط وهو سكران. أبو نور: أ... أيوه ياللي بره. أبو نور: يوووه... جاي... فتح الباب. أبو نور: إنت مين؟ : معقولة نسيت جوز بنتك بالسرعة دي!