رواية نور الجاسم - نيللي ياسر - الجزء الأول والثاني الفصل الرابع عشر 14 - بقلم نيللي ياسر

ملك بارتباك: دي... دي... كنز. وهي بتجري عليه: بابي! جاسم شالها على دراعه: بابي مين يا حبيبتي؟ أنا مش بابي. كنز: لا، أنت بابي. جاسم: يا بنتي، هو بالعافية؟ كنز: هههه. جاسم نزلها ووجه كلامه لملك: مين دي يا ملك؟ ملك: دي... (حكت له اللي حصل) جاسم: أنتي مجنونة يا ملك؟ إزاي تعملي كده؟ أكيد أهلها قالبين عليها الدنيا. ملك: بقولك أمها رمتها. جاسم: ممكن متكونش أمها ودي واحدة خطفتها. ملك: لا، أنا لما سألت كنز قالتلي "دي مامي".

جاسم: هي اسمها كنز؟ ملك: آه، وعندها 3 سنين. جاسم: طيب، يلا يا حبيبتي عشان تنامي معانا. ملك: هنام معاك أنت ونور إزاي؟ جاسم: أنتي هبلة يا بت، أنا بكلم كوكي. كنز. كنز: مين دي يا بابي؟ (شاورت على نور) جاسم: دي مراتي يا حبيبتي، وأنا مش بابي. كنز: بس يا كوكو. جاسم: حاضر يا... إيه؟ بتقوليلي "بس يا إيه"؟ كنز: كوكو. أنا على طول بقولك تده. جاسم: تده؟ طيب يلا، يلا ننام. يلا يا نور. طلعوا الأوضة عشان يناموا. شادي: ملك.

ملك: عايز إيه؟ شادي: أنتي بتعاملي عمر كده ليه؟ ملك: كده إزاي يعني؟ شادي: كده... يعني... أنتي بتحبيه؟ ملك بدموع: حاجة متخصكش. وعشان أريحك، آه. شادي: أنتي مجنونة؟ إزاي تعملي كده؟ ملك بسخرية: أعمل إيه؟ هو الحب بإيدينا؟ شادي سكت، وهي طلعت أوضتها وافتكر من تلات سنين قالها نفس الجملة. « فلاش باك » شادي: تعرفي يا بت يا ملك، أنا أول مرة أبقى مبسوط كده. ملك: إيه اللي مخليك مبسوط بقي؟ شادي: أنا حاسس إني بحب. ملك بصدمة: بتحب؟

بتحب مين؟ شادي: مايا. ملك بصدمة: موظفة الحسابات عندك في الشركة؟ شادي: آه، بحبها أوي، وعايز أعترف ليها. ملك: أنت إزاي تعمل كده؟ شادي: أعمل إيه؟ هو الحب بإيدينا؟ « باك » في مكان تاني في مصر، واقف واحد باين عليه إنه صغير ومتعصب جداً. آدم: أنتي السبب يا ريناد. ريناد بدموع مزيفة: والله العظيم هي اللي جرت من أيدي، وملحقتهاش، وقولت للجارد يدوروا عليها بس مفيش أثر. آدم: أنا...

هتصل بعاصم. هو أكتر واحد بثق فيه، وهو اللي هيلاقي بنتي. رينا: أيوه، كلمه، إن شاء الله هيلاقيها. آدم: الو يا عاصم، بنتي لقتها. عاصم: للأسف، كنز ملهاش أثر. آدم بغضب: يعني إيه؟ بنتي ضاااعت. عاصم: لا طبعاً، أنا بدور عليها وإن شاء الله هلاقيها. آدم: ماشي يا عاصم. عاصم: سلام يا فندم. جاسم بيهزر مع كنز وهي بتضحك. نور كانت بتاخد دوش وخرجت وهي لابسة ترنج أزرق. جاسم: يلا يا مصلحجية، عايزة شوكولاتة وأقولك (بيقلدها)

كنز بضحك: أنا مش... مصلحجية، أنا كنت هقولك بس هات شوكولاتة الأول. نور بمداعبة: اممم، ده شكله سر. كنتي هتقوليله إيه؟ كنز: كان عايز يعلف. جاسم: اااايه! بس ده سر. كنز: يعني هتجيب شوكولاتة؟ جاسم: هو أنا قولت غير كده. نور: كنز، أنتي ليه قولتي لجاسم يا بابا؟ كنز بطفولة: عشان هو بابا، هو شبه أوي. نور بصدمة: