رواية نور الجاسم - نيللي ياسر - الجزء الأول والثاني الفصل الثالث عشر 13 - بقلم نيللي ياسر

"جاسم بيرقص مع مادلين بس قلبه بيوجعه بدون سبب وبيتجاهل الوجع بس قلبه وجعه جدا. انسحب بعيد وحط ايده علي قلبه وغمض عيونه بوجع علشان يسمع صوت صراخ جوه ودنه. حط ايده علي ودنه ولسه مغمض عينيه علشان يفوق على ايد مادلين على كتفه. مادلين: جاسم.. جاسم انت كويس؟! جاسم: اه.. كويس. مادلين: طب انا هطلع اغير هدومي علشان نروح للمأذون!! جاسم: مأذون!! مادلين: ايوه يا حبيبي.. مش انت قولتلي النهارده هنروح المأذون يكتب كتابنا من الأول..

جاسم بتوهان: اه.. اطلعي البسي. مادلين طلعت تلبس وشادي قرب من جاسم. شادي: انت مش حاسس ان في حاجة غريبة؟! جاسم: حاجة غريبة ازاي. شادي: يعني لو مادلين.. أقصد نور فقدت الذاكرة زي ما قولنا فـ اكيد مع الوقت اللي قضته معانا والحكايات اللي حكتهالها كانت هتسترجع ولو جزء بسيط من الذاكرة. ولو اللي عندها ده مش فقدان ذاكرة وصدمة من أنها بعدت عنك فـ مجرد ما بتشوفك المفروض تفتكر.. بس هي محصلهاش حاجة من دول!! جاسم: انت تقصد إيه.

شادي: مقصدش يا صاحبي.. بس حاول تفهم!! ليلي دخلت الڤيلا كالعادة بس كانت اتعودت على الكلب شوية وبدأت تنضف وطلعت أوضة آدم نضفتها وفتحت باب الحمام بتاع الأوضة علشان تتصدم وهي شايفة آدم لابس بنطلون بس وواقف يسرح شعره. ليلي وهي بتداري وشها: ا.. انا اسفة ب.. بس مكنتش اعرف انك هنا... ادم: معلشي انا اللي محستش بيكي.. ليلي: انت منزلتش ليه.. أقصد يعني.. النهارده أجازة؟!

ادم أبتسم: يعني حاجة زي كده.. قررت آخد النهارده وبكره أجازة. ليلي بفرحة: بجد!! ادم: مالك فرحانة كده ليه.. ليلي بتصنع التكشيرة: انا فرحانة.. لا خالص. ادم: طب انتي قاعدة كتير. ليلي: قاعدة فين.. ااه.. لا هسيبك تلبس عن إذنك.. ادم بصوت عالي: حضري لينا الفطار بقي.. هتفطري معايا. ليلي من تحت: حاضر!!

جاسم لبس بدلة سودة وقميص أبيض فاتح أول زرارين وواقف هو والشباب مستني مادلين اللي البنات طلعوا يجهزوه. وأخيراً نزلت لابسة فستان أبيض برقبة وبتلت كم ديق جدا واصل لبعد الركبة بشوية وجزمة بكعب سودة مع شعرها الأسود القصير والميكب والروج الأحمر. "حلوة بس نور أحلى" جاسم قال الجملة دي في نفسه واستغرب هو قالها ليه بس اتصنع الابتسامة. مادلين: مبروك يا حبيبي. جاسم: اللي يبارك فيكي. حور: أيوه يا عم عروسة من أول وجديد..

مادلين: ههههه. عمر: وعقبالك يا قمر. حور: يارب.. امتى بقى نتلم في بيت.. ههههه. وسط ما كلهم بيتكلموا صفية مسكت إيده وقربت منه وقالت. صفيه: جاسم.. انا مش مستريحة!! جاسم وهو بيربط على كتفها: ولا أنا!!!! مادلين: مش يلا يا حبيبي. جاسم: يلا. ركبوا العربيات كلهم واتجهوا للمأذون. "يا دكتور إشارات القلب بتزيد جداً." "فوقي بقى فوقي.. هي عايزة تفوق بس جسمها رافض." "ارجوك اتصرف.."

"هي قوية وهتفوق اللي تستحمل اللي حصلها ده كله لازم تفوق.. حكايتك مش هتخلص مش هتخلص يا نور!!!! المأذون: قول وأنا قبلت زواجك. جاسم: المأذون: يلا يا ابني قول وأنا قبلت زواجك. جاسم: مادلين: جاسم حبيبي.. يلا قول وراه. شادي بيبص لصاحبه ومبتسم. ملك: جاسم في إيه؟ جاسم قام وقف: انا مش موافق!!! "جاااااااااااسم!!!!