رواية نور الجاسم - نيللي ياسر - الجزء الأول والثاني الفصل الرابع والعشرون 24 - بقلم نيللي ياسر

شادي بيقرب: أنا.. أنا بحبك يا ملك. (واترمى على السرير ونام). نور وهي بتقفل باب الأوضة عليه: استغفر الله العظيم بيشرب خمرة.. خمرة.. استغفر الله العظيم.... ملك في أوضتها ضامة رجليها وبتعيط. نور: جاسم.. جاسم يا ابني اصحي. جاسم: إيه يا نور بتصحيني ليه. نور: قوم شوف شادي. جاسم: ليه. نور: نزلت أجيب حاجة آكلها لقيت شادي داخل وباين عليه إنه سكران دخلته أوضته. جاسم بغضب: سكران.. أوعي يا نور من قدامي. نور: أنت هتروحله دلوقتي. جاسم بغضب: نور خليكي هنا. نور: حاضر. المحامي: الحمد لله إنك خرجت يا يوسف. يوسف: الحمد لله يا متر.. كنت عايز أتكلم معاك في موضوع كبير. المحامي: اتكلم يا ابني. يوسف: مش هينفع هنا تعالي نتكلم في أي كافيه. جاسم بغضب: شااادي.. أنت يا ابني اصحي. شادي بتعب: عايز إيه يا جاسم. جاسم بيشده من دراعه وقومه وبيزعق فيه ونور واقفة قدام الباب وجمبها ملك اللي خرجت على الصوت. شادي بغضب: عاااايز إيه مني بقي. جاسم ضربه بالبوكس وفضلوا يضربوا في بعض جامد والبنات خايفة لأن شكلهم بيضربوا بعض جاامد. ملك: روحي هاتي المناديل من تحت عشان شادي اتعور وأما هروح أجيب ميه. نور: ماشي. نور بتجيب المناديل وحد حط إيده على بوقها وجمب دماغها مسدس وإيده فيها منديل خلاها تنام وخرج بيها بره الڤيلا وركبوا عربية. الشخص: الو يا باشا.. الأمانة معانا. يوسف بشر: ****.