رواية نور الرعد الفصل الثاني عشر 12 - بقلم مروة مرزوق

عند رعد ونور. كان رعد قد آفاق وذهب ليأخذ حمامًا. وعند خروجه وجد نور مازالت نائمة. فذهب إليها. رعد: نور، نور. نور: اممم. رعد: قومي يلا. نور: سبيني أنام يا ماما شوية. رعد: ماما؟ نور: وأحلى ماما. رعد: يعني انتي صاحية؟ نور: أيوه. رعد: صباح الورد والفل والياسمين يا قلبي. نور: صباح النعناع والفراولة يا رعد. رعد: أنا بقول نفضل هنا كمان يوم على الكلام الحلو ده.

نور: لا وعلى إيه. انت ناسي إن ورانا جيش مستنينا هناك. يلا قوم اطلع بره. رعد: انتي بتكرشيني؟ نور: إذا عندك مانع. رعد: ماشي يا نور. عقابك معايا بس لما نروح. نور: ده بعينك. ويلا اطلع بره. رعد: ماشي. وخرج رعد. وقامت نور وأخذت حمامًا وأعدت نفسها وخرجت. رعد: هو انتي احلوتي ولا إيه؟ نور: ليه؟ رعد: هو انتي هتطلعي كده؟ لا خشّي غيري الهدوم دي يلا. يخرب بيت جمالك. طب أوديكي أنا فين دلوقتي؟

نور: ما انت اللي جايبهم. أنا مالي. ثم إحنا كده هنتاخر. يلا قوم. رعد: ماشي يا نور. يلا يا ست الكل. نور: انت بتغير يا رعد؟ رعد: لا مبغيرش. نور: اممم ماشي. يلا. وذهب رعد ونور. في القصر. فؤاد: جاسر، عارف لو جرالي حاجة والله ما هسا محك. جاسر: ليه؟ فؤاد: خطتك دي انتحار والله. بس مقدمناش حل غيرها. جاسر: هيه لاهي انت حار ولا حاجة. انت اللي مكبر الموضوع وخلاص. فؤاد: يا صغيرة على الهم يا لوزه. جاسر: لوزه؟

فؤاد: قصدي يا صغير على الهم يا فؤاد. جاسر: لا لوزه حلوه. فؤاد: يا جاسر. جاسر: لوزه. علا: لوزه مين؟ فؤاد: يا فضحتك يا فؤاد. جاسر: لوزه مين؟ علا: أيوه. جاسر: حبيبة فؤاد. فؤاد وعلا: إيه؟ مجهول ١: باشا، إحنا عرفنا إنها مش في البيت. مجهول ٢: خلاص نفذ الخطة التانية. المهم إنها تموت النهارده وقدام عينه. فاهم؟ مجهول ١: تمام. مجهول ٣: انت ليه اخترت البنت؟ ليه مش الولد؟ مجهول ٢: لأن البنت هي نقطة ضعفهم.

مجهول ٣: بس الجواسيس اللي هناك قالوا إنها مبتكلموش وإنه بيكلم ابنه بس. مجهول ٢: عبد الله كان عنده بنتين. واحدة ماتت من خمس سنين والتانية نور. فلما بناته الاتنين يموتوا، ساعتها بس هيعرف إننا قادرين نخل ص على عيلته. هو بيعامل بنته وحش. خلاص يبقى نخل ص من بنته ونفهمه إننا قادرين نأذي حبيب قلبه ابنهم. مجهول ٣: قصدك إن ده بيكون دليل إننا قادرين نأذيه بأي شكل؟ مجهول ٢: أيوه. مجهول ٣: ده انت عقلك سم والله.

مجهول ٢: هههههه عارف. يلا خلينا مستنيين الخبر الجميل. مجهول ٣: هههههه يلا. علا: حبيبته؟ جاسر: أيوه. وهيخطبها قريب. باركيله. علا: الف مبروك يا فؤاد. فؤاد: الله يبارك فيكي. عقبالك يا علا. علا: شكرا. عن إذنكم يا جماعة. وذهبت علا. فؤاد: ممكن أفهم إيه اللي انت قولته ده؟ جاسر: قلت إيه؟ فؤاد: جاسر، بطل استهبال. جاسر: خلاص هفهمك. فؤاد: سامع. جاسر: علا يا سيدي بتحبك. فؤاد: إيه؟ جاسر: أيوه. فؤاد: وعرفت إزاي؟

جاسر: لما جات وسألت عن... ههه لوزه. وشها ظهر عليه علامات الحب والغيرة والغضب. ساعتها أنا فهمت. فؤاد: يا سلام. وانت إيه عرفك بقى إذا كانت عملت كده عشان بتحبك ولا فضول عادي؟ جاسر: فؤاد، صدقني لما أقولك علا بتحبك. يبقى بتحبك. فؤاد: والله يا جاسر لو طلع الكلام ده صح، ساعتها أنا ممكن أعملك أي حاجة. جاسر: ماشي. فؤاد: طب أستأذن أنا بقى. جاسر: رايح فين؟ فؤاد: راح أصالح الغزال. ههههه. جاسر: ربنا معاك. عقبالي أنا كمان.

فؤاد: ههههههه لا خليك كده. وذهب فؤاد إلى علا. عند علا. علا: ليه؟ ليه حبيته؟ فؤاد: الحب مش بإيدينا يا علا. علا: فؤاد؟ فؤاد: أيوه. فؤاد اللي بيحبك. علا: إيه؟ فؤاد: أيوه. مالك كده اتخضيتي ليه؟ علا: بس انت بتحب لوزه. فؤاد: لوزه مين بس؟ علا: مش عارفة. جاسر اللي قال كده وانت أكدت على كلامه.

فؤاد: لا يا علا. أنا بحب بنت واحدة بس. هي من أول ما شفتها وسرقت قلبي. مش عارف إزاي. بس بقيت كل ما أشوفها قلبي بيرقص من الفرحة. بقيت كل ما أقول اسمها أحسن قلبي هيطلع من مكانه. هي دي اللي سكنت قلبي. هي دي اللي دخلته وقفلت بالمفتاح وخدت المفتاح معاها. هي دي ملكة الفؤاد. علا: طب هي مين؟ فؤاد: واحدة اسمها بيدا. بحرف العين وآخره ألف وفي النص حرف الميم. والاسم من تلت حروف. علا: أوله عين وآخره ألف ونصه الميم. يبقى...

علا: أنا؟ فؤاد: أيوه. انتي. هو في غيرك ممكن يسحر قلبي ويديله عاصفة مخليه مش عارف يعيش؟ علا: بس انت قلت إنك هتخطب لوزه. فؤاد: منك لله يا جاسر الـ... علا: جاسر؟ فؤاد: أيوه. هو اللي اخترع اسم لوزه ده. طب إيه دلوقتي؟ علا: طب إيه؟ فؤاد: حددي معاد مع الباشا. علشان خلاص القلب مش قادر يستحمل. علا: تمام. ماشي. فؤاد: علا. علا: نعم. فؤاد: بحبك. علا: ممكن متقلش كده تاني لحد ما أبقى حلالك. فؤاد: الجميل يأمر وأنا أنفذ.

علا وقد احمر وجهها من شدة الخجل وتركته وذهبت. وصل رعد ونور إلى القصر. رعد: السلام عليكم. الجميع: وعليكم السلام. جاسر: أهلاً يا عريس. رعد: أهلاً يا جاسر. جاسر: مبروك. عقبال السناجل اللي هنا. نور: أنا طالعة فوق. رعد: تمام. وقبل أن تذهب نور إلى غرفتها، أتى لها اتصال من المستشفى. نور: الو. مجهول ١: مدام نور، في حالة طارئة وصلت المستشفى ومحتاجينك حالاً. نور: طب أنا جايه حالا. وقفلَت. رعد: في إيه يا نور؟

نور: ده اتصال من المستشفى. طالبيني حالاً هناك في حالة طارئة ولازم أروح. فريال: استني يا نور. أنا جايه معاكي. نور: ليه يا ماما؟ فريال: هجيب التقارير بتاعة أبوكي. يلا. نور: تمام. أنا ماشية يا رعد. رعد: تمام. خلي بالك من نفسك. نور: حاضر. يلا يا ماما. فريال: يلا. وأثناء خروجهم من بوابة القصر، كان هناك قناص مصوب سلاحه تجاه نور. مجهول ١: الهدف قدامي يا باشا. مجهول ٢: نفذ المهمة يلا. مجهول ١: تمام.

و أطلق ذلك الشخص رصاصة من سلاحه تجاه نور. فريال: نوووووووووووووور! ليخرج الجميع على صوت فريال لينصدموا. نور: ماما! لا متسبينيش يا ماما. فريال وقد ضحت بحياتها لأجل نور. فاتت الرصاصة فيها. فريال: انتي كويسة يا نور؟ نور: أيوه كويسة. بس انتي اسكتي بس علشان الجرح. جاسر: ماما. نور: جاسر هات ماما على المستشفى بسرعة يلا. جاسر وقد حمل فريال ووضعها في السيارة وذهب بها إلى المستشفى هو وعلا وعبد الله. رعد: نور، انتي كويسة؟

نور: رعد... ماما. رعد وأخذها في حضنه: ششششش. هتبقى كويسة. بس إيه اللي حصل؟ نور: أنا كنت طالعة من البيت أنا وماما. وأنا بدور على تليفوني في الشنطة. سمعت ماما وهي بتنادي باسمي. وفجأة لقيتها قدامي وهي بتقولي انتي كويسة. وأخذت نور تبكي. رعد: ششششش. فريال هانم هتكون كويسة. واللي عمل كده هيتعاقب. بس اهدئ بقى ويلا نلحقهم. نور: يلا. في المستشفى. جاسر: نقالها بسرعة. وأتت نقالة وأخذت فريال إلى غرفة العمليات.

كان الجميع واقف بالخارج والدموع لا تفارق عيونهم. منهم من كان يصلي ويدعو لفريال. ومنهم من كان يقرأ القرآن. وصلت نور ورعد إلى المستشفى. نور: جاسر، ماما عاملة إيه؟ جاسر: لسه ما طلعتش من أوضة العمليات. والدكاترة بيقولوا إن حالتها صعبة. نور: أنا هخشالها. علا: نور، انتي منهارة دلوقتي. مينفعش تخشي لها. نور: ميهمنيش كلام حد. أنا هخش لها يعني هخش لها. جاسر: نور.

نور: ده واجبي. اللي جوه دي مريضة دلوقتي. مش أمي. وأنا من واجبي إني أنقذها. فياريت محدش يدخل في شغلي. علا، جني، نرمين. تعالوا ورايا. وذهبت نور. رعد: جاسر، فؤاد. تعالوا أنا عايزكم. عند نور. كانت قد أعدت نفسها لتدخل غرفة العمليات هي وعلا وجنى ونرمين. نور: جهزوا كل حاجة يلا. علا: نور، انتي كويسة؟ نور: أيوه يا علا. ويا ريت محدش يكلمني دلوقتي. ويلا. وذهب هؤلاء الأربعة إلى غرفة العمليات. عند رعد. جاسر: انت بتقول إيه يا رعد؟

رعد: أيوه يا جاسر. نور هي اللي كانت مقصودة. مش فريال هانم. فؤاد: ومين اللي ليه مصلحة بقتل نور؟ رعد: ده اللي عايز أعرفه. عبد الله: بس أنا عارف. جاسر: بابا؟ عبد الله: أيوه. رعد: إيه السبب يا عمي؟ عبد الله: اللي عمل كده هو رأفت. علشان هو عرف إني لسه عايش وإني معايا معلومات ممكن تعرضه للخطر. جاسر: الراجل ده اتعدى كل الحدود. وأنا خلاص جبت آخري منه. النهاردة يكون هو القاتل يا المقتول. غير كده مفيش.

وجاء أن يذهب جاسر. أوقفه رعد. رعد: استنى يا جاسر. هو مش عايز المعلومات خلاص. تمام. هنديله المعلومات بس بطريقة الغول. جاسر: قصدك إيه؟ رعد: هقلك. عند نور. كانت قد دخلت غرفة العمليات وبدأت تعمل العملية. وده بعد معارضة كبيرة من الدكاترة اللي كانوا موجودين هناك. بس كلهم استسلموا قدام إصرار نور. وعندها. وبعد مدة طالت لأربع ساعات تم إنقاذ فريال وأصبح الوضع مستقر. نور: الحمد لله. العملية نجحت.

علا: كان لازم تنجح. انتي ناسيه انتي مين؟ انتي يا بنتي أفضل جراحة هنا. جني: الحمد لله إن كل حاجة عدت على خير. نرمين: أيوه الحمد لله. نور: طب يلا نطمن اللي برا. علشان أنا حاسة إنهم شوية وهلاقيهم مكتسحين المكان هنا. علا: ماشي. يلا. وخرجت نور والفتيات. وطمأن الجميع على حال فريال. نور بتسأل: أمل رعد وجاسر وفؤاد وبابا فين؟ أمجد: راحوا مشوار كده وجايين. نور: تمام. ازيك يا جدو؟ ماجد: لؤي؟