رواية نور حياتي الفصل السابع 7 - بقلم زينب بهاء

احسان: نور يا بنتي خالد طلبك مني للزواج. وانا شايفة انه ميعيبش الحقيقة. نور: بس نادر يا ماما ووصية بابا. احسان: نادر خلاص سافر يا بنتي وكان غرضه المحلات مكنش بيحبك ولا انتي كنتي طيقاه. انا اسفة يا بنتي ان كنت هظلمك بالجوازة دي، بس والله انا كنت بفكر انه ابن عمك واولى بيكي. وحوار الوصية دي انا عمري ما سمعت ابوكي بيقولها. هو بس نادر اللي قال ان ابوكي وصاه.

وانا سألت الشيخ وقالي طالما الشخص مش صالح والبنت مش حباه فخلاص سيبيها تختار الانسب لها طالما هتختار حد هيراعي ربنا فيها. نور: خلاص يا ماما مش تلومي نفسك. انا كنت عارفة احساسك وعشان كده كنت بقول ماشي وبس عشان راحتك ووصية بابا اللي كان نادر كل شوية يفضل يفكرنا بيها. اللي تشوفيه اعمليه يا ماما. احسان: لا يا بنتي انتي اللي هتتجوزي مش انا. خدي وقتك في التفكير وانا في انتظار ردك.

نور: خليني استخير يا ماما واللي فيه الخير يقدمه ربنا. على الفور اتصلت نور بهدير لتخبرها عما قالته لها والدتها بشأن طلب خالد لها. هدير: انا بصراحة كنت عارفة يا نور ومحبيتش ان انا اللي اقولك. بصراحة خفت انك تتحرجي مني. وكمان مكنتش حابة الموضوع يجي من ناحيتي عشان نادر وكده. نور: بالله عليكي ما تجيبيلي سيرة الكائن ده تاني يا هدير. هدير: حاضر يا نور، بس قوليلي ايه رأيك في خالد بقى. نور: بصراحة مش عارفة يا هدير.

انا محتارة جدا ومش عارفة افكر. هدير: صلي واستخيري يا نور وربنا هيرشدك للصواب والخير ليكي باذن الله. نور: ما انا قولت لماما كده وناوية استخير واللي فيه الخير ربنا يقدمه باذن الله. هدير: يارب يا قلبي، وعلى فكرة انا كمان متقدملي عريس وقولت لهم هفكر. نور: وساكتة كل ده يا بنتي، يلا بسرعة قوليلي اسمه ايه وبيشتغل ايه وايه شكله. هدير: حيلك حيلك يا بنتي شوية، العريس مش غريب اصلا وانتي تعرفيه. نور: اممم ويطلع مين ده بقى؟

هدير: ماجد ابن طنط فوزية جارتنا. نور: بصراحة يا هدير الولد ميعيبش، وياما قولتلك انه عينه عليكي. هدير: والله يا نور انا هستخير واللي فيه الخير يقدمه ربنا. بعد مرور اسبوع. احسان: ايه يا نور يا بنتي مردتيش عليا. خالد داوشني اتصالات، ايه رأيك. نور: على خيرة الله يا ماما انا موافقة. انا من يوم ما قولتيلي وبستخير وكل يوم بشوف بابا الله يرحمه في المنام بيبصلي وبيبتسم.

احسان: الله يرحمه ويحسن إليه، خلاص يا بنتي هكلمه وربنا يكتب لكم الخير يارب. بالفعل كلمت احسان خالد وبلغته الرد، والذي فرح كثيرا بموافقة نور وحدد معها موعد بعد اسبوع لقراءة الفاتحة. وجاء يوم خطوبة خالد ونور والذي مر بسلام، وسط أجواء من الفرحة والسرور للعائلتين. وفي الليل وبعد انتهاء هذا اليوم الجميل وصلت رسالة غريبة لنور على هاتفها.