رواية نور حياتي الفصل التاسع 9 - بقلم زينب بهاء

ماما أنا أسفه على معاملتي ليكي والله العظيم ما كنت أقصد، بس فعلا أنا اتصدمت من الكلام اللي قرأته وفعلا عقلي وقتها اتشل عن التفكير، مصدقاكي يا ماما والله مصدقاكي وعمري ما اشك فيكي ولو للحظة. احتضنت احسان ابنتها وأخذت تربت على ظهرها بكل حنان الكون وما فيه، فهي أختها وابنتها وكل دنيتها.

أخذت نور تبكي على معاملتها لوالدتها أمس وندمت كثيرا واعتذرت لها حتى تسامحها، لأنها كانت تعرف الذي قالته والدتها كله، ولكن أرادت أن تعطي لوالدتها الفرصة أن تتحدث وتخرج ما بداخلها. قبل ساعتين تقريبًا، قامت نور من مكانها لتصلي وجلست في مكتب والدها رحمه الله. أخذت تقلب في المكتبة وكأنها تبحث عن شيء بعينه، ولكن لا تدري عن ماذا تبحث، ولكن قلبها دلها على أنها ستجد الحقيقة هنا.

وفي الدرج السفلي للمكتب الخاص بوالدها وجدت مذكرات والدها، واستغربت كيف هي لم ترها من قبل. أخذت هذه المذكرات ووجدت ورقة مطوية بها بخط يد أبوها، فهي لم تتوه عنه أبدًا.

"نور حبيبتي، أنا بكتب ليكي الورقة دي وبقول لك إنك لازم تقرأي المذكرات دي. أنا كاتبها عشانك وعشان لو أي حد قال لك حاجة في يوم عشان يشككك فيا أنا أو والدتك، يبقى الورق ده هو دليلك. كل كلمة هتقرأيها هنا هي حقيقة يا حبيبتي، وأي حد يقولك غيرها متصدقهوش مهما كان مين هو. وبحذرك من نادر يا بنتي، هو آخر واحد في الدنيا دي ممكن تثقي فيه."

وبعد مرور 3 أشهر، بدأت نور في تجهيز نفسها لزفافها على خالد الذي تحدد بعد شهر من اليوم، والذي يسبق زفاف هدير على ماجد جارهم بشهر تقريبًا. وفي يوم الزفاف كانت نور أجمل عروسة في الكون، وكانت فرحة احسان ودادة نبيلة بها لا توصف. خالد: ألف مبروك يا حبيبتي. نور: الله يبارك فيك. خالد: إيه يا نور كفاية كسوف بقى، أنا جوزك يا حبيبتي. نور: متأسفه والله، بس بجد لسه مش اخدت عليك، معلش اديني وقتي.

خالد: معاكي كل الوقت والعمر يا قلبي، ربنا يقدرني وأقدر أسعدك يا نور حياتي. انتي يا نور جيتي حياتي بس عشان تنوريها وتفوقيني من الضلمة اللي مكنتش شايف غيرها في حياتي، ربنا يديمك ليا يارب، أوعدك يا حبيبتي طول ما أنا عايش هعيش ليكي وبس، هعيش عشان أسعدك وبس. نور: ابتسمت وشكرته على كل ما فعله معها في الفترة الماضية.

انت يا خالد اللي نورت حياتي، جيت زي السحر حليت كل المشاكل اللي إحنا فيها من غير ما أطلب منك ده، قبلك أنا شفت مشاكل كتير أوي وتحملت كتير أوي، بس بمجرد ما أنت جيت أنا نسيت كل ده لأنك عوضتني عن كل حاجة وحشة شفتها قبلك، ربنا يقدرني وأكون زوجة صالحة ليك يارب. فهي أحبته وتمنته زوجًا لها وأن يكون بجانبها طول العمر. وبدأوا حياتهم على الحب والمودة والصدق والإخلاص.

أساس أي علاقة بين زوجين، لو توفرت الصفات دي بين أي اتنين هيبدأوا حياة جديدة، يبقى لازم بعد مشيئة الله تكمل حياتهم بفرحة وسعادة وسرور.