رواية نور و الأسد الفصل الحادي عشر 11 - بقلم نور عصام

نور. بس سمعت اغمي عليها ف الحال. الكل اتخض وبيحاولوا يفاقوها. ليلي. ابني ابني! حمزه. احنا هنروح وانتو استنوا مع نور. نور. فاقت وقالت لا لا انا جايه. خالد. حبيبتي انتي تعبانة بس نروح نطمن. نور. بغضب وعصبية لااا انا هاجي. حمزه. يلا والكل جري علي المستشفى. وبعد بعض الوقت وصلوا وسألوا عليه. الدكتور. طمنهم. نور والكل جريوا على الأوضة اللي هو فيها. ليلي. دخلت ومعاها نور في نفس اللحظة.

أسد. ابتسم لهم وقالهم اهدوا أنا بخير. الرصاصة جت في كتفي وأنا الحمد لله كويس. حمزه. حمدلله على السلامة يا بطل. خالد. ضربه على كتفه وقاله كنت هتموتنا منك لله. ليلي. طبعا حضنته وقالت سلامتك يا قلب أمك. أبو وجده وعمه وباقي العيلة باسوه وفرحوا إنه بخير. أسد. بص لنور. نور. راحت عليه وقالت انت صاحي انت عايش ليه كدا؟ مش حرام عليك ليه تعمل فيا كدا؟ أسد. باستغراب قالها انتي زعلانة إني كويس ولسه صاحي؟

نور. منك لله دا أنا طول الطريق محضرة سيناريو أكشن على دراما وفي الآخر أجي ألاقيك كويس. راحت قعدت جنبه وقالت كان المفروض أدخل وأصرخ وأصوت بأعلى صوتي وأجي عليك وأقولك لا لااا أسد حبيبي متتكسفش دلوقتي أنا بحبك ليه كدا تسيبني ليه تسيبني لوحدي أومال مين اللي هيربي ابننا؟

ليه كدا أنت نسيت وعدك ليا وقعد أضرب فيك والكل يحاول يشدني من عليك وأنا أمسك في صدرك وأقعد أرج فيك وأقولك أوعي تموت أنت مش هتموت وبعدين أرمي نفسي على صدرك وأنت بصوت هامس تقول. أسد. قاطعها وقال أقولك قومي يا فيل من على صدري كتمتي نفسي منك لله. نور. لا لا استني بس أكم... أسد. تكملي إيه؟ الله يحرقك.

نور. استني بس. وبعدين وأنا على صدرك يشاء السميع العليم والروح ترجع لك تاني وتهمس باسمي وتقولي نوري حبيبتي أنا معاك ومستحيل أسيبك يا عمري. أسد. بص لها بأرف وقالها غوري يا بت ده أنتِ فصيلة كتك البلا. جدها وكل العائلة ضحكوا. خالد. ههههه يخربيتك يا نور وبيت المسلسلات اللي بتتفرجي عليها دي. أسد. آل كانت عايزاني أموت آل، وبعدين قالهم ارموها بره ومحدش يدخلها عليا. نور. بقا كدا الحق عليا إني كنت عايزة أعمل الواجب معاك.

أسد. الواجب تموتيني وتقولي واجب؟ نور. منا صحيتك تاني. أسد. بصلها. نور. مرة واحدة راحت حضناه ودموعها نزلت. أسد. حس بيها وبخوفها عليه اللي كانت بتداريه ورا هزارها. ضمها لصدره بإيده اللي مش تعبانة وبعدين قالها حبيبتي أهدي أنا أهو قدامك بخير والحمد لله. نور. بشهقات قالت الحمد لله كنت هموت والله من خوفي عليك كنت حاسة إني رجليا مش شيلاني. حمزه. بهزأ قالها ما طبعاً هي رجليكي اللي كانت شيلاكي. أسد. بصله.

حمزه. هو ف غيري تتعب قلبه معاها أول ما عرفت إنك أصبت أغمي عليها وبعد ما فاقناها صمتت تيجي. وطبعاً بعد ما نزلنا من العربية طلعت تجري وكانت هتقع اضطريت أشيلها لما قطعت نفسي أعوذ بالله منها وياريت عجبها. أسد. طبطب عليها وقالها خلاص يا عمري وابتسم وقالها خسارة السيناريو اللي رسمتيه في خيالك متحقق. نور. ضربته على صدره وقالت بعد الشر عنك إن شاء الله أنا. أسد. بنظرة حب قالها سلامتك يا قمر.

مختار. رفع حاجبه وبصلهم وقال بتعمل إيه يا ده انت وهينور. نور. خرجت من حضن أسد وقالت هنكون بنعمل إيه يا خوي. مختار. شوفي انتي بقا. نور. رفعت حاجبها وقالت واحدة وجوزها وأجواء بينهم كلها حب وشوق ولهفة، أنتو إيه اللي مقعدكم معانا يا عالم يا رخمة. مختار. والكل بص لها ومش متوقعين إنها تقول كدا. جدها. قاله كنت فاكر إنك هتقدري عليها وتجاريها. مختار. قاطعه وقال أعوذ بالله دي معندهاش دم خالص.

نور. بقا أنا معنديش دم يا مختار، طيب والله لأقولهم على اللي شفته امبارح. مختار. أبوس إيدك خلاص أخر مرة أتحد اك. نور. لا بقا أنا مصممة أقولهم. مختار. علشان خاطري يا أم مختار. نور. نعععععم كمان سميت الواد مختار، ده أنت مصمم بقا. أقولهم. وبصت ل ليلي وقالت عارفه يا ليلي وأنا في المصنع امبارح شفت إيه. ليلي. انتبهت ليها. نور. شوحت بإيدها وقالت كان بيعاكس السكرتيرة. ليلي. نهار أسود. مختار. أنا يابت.

نور. وأيه يا ليلي السكرتيرة صاروخ حاجة كدا من الآخر. ليلي. عملت زعلانة وقالت بقا كدا يا مختار بعد العمر ده كله. مختار. محصلش والله ده أنا حتى عندي سكرتير راجل مش بنت. وقرب عليها. نور. قامت وقالتله يلا يا حبيبي أنت وهي اطلعوا بره وتصالحوا. وزقهم برا الأوضة وقالت لجدها والكل مع السلامة أنتو كمان يلا شوفوا قرايبكم اللي زعلانين دول حاولوا تصالحوهم. وكانت طلعتهم كلهم برا وقفلت الباب. أسد. هههههههه يخربيتك أنتِ طردتيه.

نور. منا عارفة. وراحت عليه وقالت سلامتك يا قلب نور. أسد. مال عليها والتقط شفايفها بين شفايفه وذهبا معا ف عالم النسيان. وبعد ثلاث أيام خرج أسد من المستشفى وبعد فترة تعافى تماماً ورجع شغله تاني والحياة بين نور وأسد في أحسن حال ومع الكل جو من المرح بشقاوة نور وهزارها. أسد. كان راجع من الشغل دخل وباسها من خدها. نور. ابتسمت وبعدين قالت حبيبي أنا عايزة بطيخ. أسد. نعمم وأنا أجيب لك بطيخ منين دلوقتي.

نور. بزعل قالت أعمل إيه بتوحش. أسد. طيب خلاص متزعليش بس ارتاح شوية وأروح أشوف هجيبه منين. نور. بزعل على راحتك. أسد. اتنهد وبعدين قالها طيب متزعليش مقدرش على زعل القمر والله مقدر. نور. أنا مش عايزة حاجة ابنك اللي عايز. أسد. اممم ابني ماااشي أنا عيوني لابني وأم ابني. وباسها من شفايفها بوسة سريعة وخرج. وبعد ساعة رجع ومعه بطيخ. نور. فرحت قوي وأكلت منه. أسد كان مبسوط إنها فرحانة. وبعد فترة على حمل نور وهي في شهرها السابع.

نور. كانت قاعدة تحت مع العيلة وبعدين طلعت أوضتها. أسد. كان بياخد شاور وفونه رن كذا مرة وبعدين رسالة. نور. فتحت الفون وشافت الرسالة وانصدمت وقعدت على السرير. أسد. خرج وقالها نوري حبيبتي طلعتي امتى. نور. قامت وقفت قدامه وبصتله بقوة. أسد. مالك يا قلبي أنتِ تعبانة. نور. بغضب قالت لييييها. أسد. استغربها وبعدين قالها ليه إيه وليه بتتكلمي كدا. نور. بصوت عالي قالت لييييه عملت فيك إيه عشان تخوني. أسد. أخونك أنتِ اتجننتي؟

وبعدين هدي صوتك وأنتي بتتكلمي فاهم. نور. أنت كمان ليك عين تتكلم. أسد. مسكها من دراعها وقالها اعقلي كدا وتعالي اقعدي واتكلمي كويس. نور. رمت الفون في وشه وقالت اعقل وأنت بتخوني. أسد. أخد الفون من الأرض وشاف الصورة وكانت صورة لبنت عريانة وف وضع غير لائق وكاتبة تحتها أسد حبيبي فينك أنا ف انتظارك يا عمري. نور. بعصبية قالت ياترى بتخوني من امتى. أسد. نور أهدي واسمعني.

نور. بغضب الدنيا كلها قالت اسمعك ليك حق تقول كدا منا نايمة على وداني منا المغفلة. والدموع ف عيونها قالت خلاص شكلي مبقاش عاجبك زهقت مني. أسد. نووور أهدي وخلينا نتكلم. نور. قالت بقهر اللي مستغرباه إنك مانكرتش وبتتعامل عادي وبهدوء لدرجة دي. بقيت حقير. أسد. ضربها بالقلم على وشها وقالها أنا حقير. نور. حطت إيدها على خدها وقالت كمان بتمد إيدك عليا. أسد. حط إيده على راسه واتنهد وزعل من نفسه إنه ضربها.

نور. بعصبية وغضب قالت مديت إيدك عليا وخنتني بعد حبي ليك وخوفي عليك سلمتك روحي وحياتي وعمري كله وف الآخر تطعني وبكل برود يبقى متلزمنيش. أسد. بص لها. نور. طلقني. أسد. أنتِ اتجننتي. نور. من غير ولا كلمة. أسد. بنفاذ صبر قالها ممكن تسمعيني.

نور. قاطعته وقالت طلقني عشان ما أفضحك قدام الدنيا كلها مش عيلتك بس. وبعدين قالت لو كان حد جالي وقالي إن أسد بيخونك مستحيل كنت صدقت وكنت أكيد اتكلمت معاك لكن للأسف عرفت وقدام عينك وانت ما أنكرتش يبقى كلامنا ملوش لازمة ومش نور الجوهري اللي تتخان. أسد. بص لها ومقدرش الحالة اللي هي فيها. نور. بصت له بقوة وقالت طلقني لأني مش هعيش مع واحد زيك تاني مهما كانت أسبابك. والتفتت للدولاب وغيرت هدومها والتفتت للباب.

أسد. نور رايحة فين استني. نور. بكبرياء قالت طلقني وابعد عن حياتي. وزقته عنها رغم وجعها وكسرتها إلا إنها اتكلمت بكبرياء. أسد. سابها تخرج وقال أكيد هتروح أوضتها القديمة وبس ترتاح شوية بيكلمها ويفهمها. حمزه. كان خارج من أوضته سمع صوتهم عالي وشاف نور نازلة تحت راح على أسد ودخل وقال مالكم صوتكم عالي. أسد. مارد. حمزه. مادام مارديت يبقى غلطان إيه اللي حصل. أسد. نور عايزة تتطلق. حمزه. إيييها. أسد. للأسف هي دي الحقيقة.

حمزه. عملت إيه خليتها تقول كدا؟ نور بتحبك بجنون ويوم ما تطلب كدا يبقى الموضوع كبير قوي. أسد. فاكراني خنتها. حمزه. إيه؟ وبعدين قاله فكراك ولا خونتها فعلاً. وبصله وقال أنا عارفك كويس مستحيل تعمل كدا بس هتجنن ليه نور تقول كدا وإيه اللي خلاها تعتقد إنك خونتها. أسد. فتح الفون وقاله شوف كدا. حمزه. شاف الصورة وانصدم من شكلها والكلام اللي تحتها. أسد. بصله. حمزه. أنت غبي إزاي تعمل كدا وليها. أسد. ده شغل.

حمزه. شغل شغل إيه ده اللي بالمنظر ده. أسد. حمزه أهدي واسمعني ده قضية وأنا لازم أجاري البنت دي لأنها هي اللي هتوصلنا للي إحنا عايزينه. حمزه. بعصبية تجاريها على حساب مين؟ نوووور ولا حسابك يا حضرة الظابط ليها حق نور والله. أسد. أهدي أنت كمان واسمعني. البنت دي شغل وأنا أول مرة أتعامل معها أنا بس شفتها مرة ف مكان عام بس متوقعتش إنها تعمل كدا علطول. حمزه. شغل إيه ده اللي يخليها تعمل كدا بسرعة وكمان أنت.

أسد. أولاً ملكش فيه بس عشان أريحك. البنت دي شغالة مع ناس كبار لتجارة الأعضاء وهي اللي عارفاهم كلهم شكلاً واسماً ولازم حد يوقعها عشان تقول وتعترف عنهم. حمزه. خلاص فهمتك بس نور. أسد. المجنونة شافت الصورة من هنا وعفاريت الدنيا اتنططت في وشها. عارف إنه حقها بس هي مدتنيش فرصة أقولها. حمزه. لأنك بارد واتعاملت مع الموضوع بهدوء كأنها حاجة عادية وهي عرفاها. أسد. كنت هفهمها بس هي اللي اتسرعت.

حمزه. مش سهل عليها اللي شافته وانت عارف الحمل وهرموناته ونور بتحبك بغباء مش بس بجنون وانت عارف. أسد. أنا كمان بموت فيها. حمزه. طيب يلا قوم صالحها قبل ما الموضوع يكبر. أسد. هي راحت أوضتها هسيبها تهدي شوية وبعدين أكلمها. حمزه. لا مش ف أوضتها أنا شفتها نازلة تحت. أسد. اوووف منها. حمزه. يلا تعالي انزل معايا وأوعي تزعلها مهما قالت. أسد. نزل وما لقاها سأل أمه عليها.

ليلي. والله يا ابني شوفتها من شوية نازلة بسرعة ناديت عليها بس تقريباً ما سمعت وخرجت علطول. أسد. بغضب قال خرجت ليه. ليلي. أيوا يابني أهدي دلوقتي تيجي جايز تكون برا في الجنينة انت عارف الحمق. أسد. خرج بسرعة ومعه حمزه بس ما لقوها. حمزه. روحت فين يا مجنونة عيلة الجوهري. أسد. أنا عارف راحت فين متقلقش. حمزه. فين يا ابن الجوهري. أسد. شقتها القديمة. حمزه. معقول. أسد. أيوا. حمزه. طيب تعالي نروح لها بسرعة.

أسد. خليك أنا هروح وأجيبها. حمزه. لا هاجي معاك. أسد. ماشي يلا وانطلقوا. نور. فعلاً وصلت شقتها القديمة. أم فاروق. شافتها وهي بتفتح قالت لها نور حمدلله على سلامتك والله كنت وحشاني إيه الغيبة دي كلها. نور. الله يسلمك يا أم فاروق انتي كمان وحشاني. أم فاروق. أنا بس أخلص الأكل وأجي أقعد أرغي معاكي شوية.

نور. ماشي يا أم فاروق. ودخلت وقفلت. بصت للشقة افتكرت كل ذكرياتها مع أمها ولما كانت لوحدها راحت نضفت الكنبة وقعدت عليها. طبعاً الشقة كلها غبار واتنهدت ودموعها نزلت وقالت بقا كدا يا أسد تحرق قلبي بدم بارد. في بيت الجوهري. الجد. ياسمين فين نور مش باينة. ياسمين. مش عارفة يا جدو ماما قالت خرجت بس فين معرفش. لحظة أسألها تاني. الجد. ليلي ليلي. ليلي. نعم يا بابا. الجد. فين نور. ليلي. خرجت وناديت ليها ماردت وشكلها كان مستعجل.

الجد. وأسد فين. أسد. سأل عنها وخرج يشوفها. الجد. استغرب وبعدين قال ليه هي خرجت من وراه. ليلي. سكتت لأنها هي كمان شكت يكون فيه حاجة بينهم. الجد. مفيش فايدة في ابنك ولا في عصبيته. ياسمين. لحظة يا جدو اتصل عليها. الجد. لا عليه هو وخليه يكلمني بس يفتح. ياسمين. حاضر واتصلت عليه. أسد. شاف فونه قال خد يا حمزه دي مراتك رد انته. حمزه. هي بتتصل عليك يبقى عايزك انت مترد. أسد. حمزه رد مش ناقصه عصبية.

حمزه. هات يا خوي ماهو الواحد مش بياخد منكم غير الزهق والعصبية. وفتح عليها وقال الو يا قلبي. ياسمين. حمزه هو أسد معاك. حمزه. أيوا خير يا حبي ف حاجة. ياسمين. جدو عايز يكلمه. حمزه. جده وقاله جدك عايزك ربنا يستر. أسد. اتنهد وبعدين قاله هاته وقال أهلاً جدو خير ف حاجة. الجد. بغضب قال نور فين وعملت فيها إيه. أسد. اتنهد. الجد. مترجعش البيت غير ومراتك معاك وليا كلام تاني بس تيجي لحد كدا وكفاية البنت مش ناقصة عصبيتك كمان.

أسد. بزهق قال حاضر يا جدو مع السلامة وقفل. حمزه. إيه عرف حاجة. أسد. لا بس انت عارفه مش بيحب نور تزعل. حمزه. انته عارف إنه بيحاول قدر الإمكان يعوضها. أسد. عارف والله بس. حمزه. مبس يلا نلحقها. أسد. ربنا يهديها. وبعد شوية وصلوا عند نور وطلعوا وخبطوا. نور. بصوت عالي قالت جرا إيه يا ولية أنت لحقتي وفتحت واتفاجئت ب أسد وحمزه وكانت فكرة إنها أم فاروق. حمزه. بابتسامة قال مالو القمر مين زعلها. أسد. طول لسانك طويل كدا.

نور. بصتلهم وقالت نعم ف حاجة. حمزه. من الباب كدا يا نور مكنتش أعرف إنك بخيلة قوي كدا يا بت الجوهري. نور. معلش بقا الزمن بيغير كل حاجة. حمزه. بس اختي عمرها ما بتتغير. أسد. إيه يا نور مش هندخل يعني هنفضل كدا كتير على الباب. نور. بأرف قالت اتفضلوا. وبعدين قفلت الباب. حمزه. نور ممكن تهدي ونتكلم شوية. نور. مفيش كلام بينا انتهينا. أسد. نور حبيبتي والله أنا مظلوم.

نور. بغضب قالت مظلووم. وبعدين قالت خونتني وتقول مظلوم يابجاحتك يا أخي. أسد. نوووور دا شغل. نور. ياحبيبي شغل ليه نقلت الأداب وأنا معرفش. أسد. مش عايز تريقة اكتمي شوية واسمعيني. نور. كفاية اللي شفته منك طلقني ومش عايزة أشوفك تاني. أسد. لو سمعتك تقولي الكلمة دي تاني هقطع لسانك فااهم. نور. لا مش فاهمة وهطلقني ورجلك فوق رقبتك.

أسد. كور إيده واتنهد بصوت عالي وبعدين مسك إيدها وقعدها غصب عنها وقالها اخرصي ومسمعش صوتك لحد ما أخلص كلامي فاهم. نور. بصت له وعوجت بوئها. أسد. أنا مستحيل أخونك أنا بحبك وأنتي عارفة وبعدين أخونك ليه إيه اللي ناقصني عشان أعمل كدا. نور. عينك فارغة. أسد. مد إيده ف وشها كأنه هيضربها وقالها اكتمي خالص وبعدين قالها الزفتة اللي شوفتيها دي شغل. نور. تاني هيقولي شغل.

أسد. والمصحف هضربك اخرصي شوية. وبعدين قالها دي بنت بتشتغل مع ...... وقص عليها المهمة اللي هو فيها. وبعدين قالها أنا المفروض مقولكيش حاجة لأن دي أسرار شغل وكمان غير كدا البنت دي أنا شفتها مرة واحدة وكان ف مكان عام يعني قدام الدنيا كلها أعتقد مش هعمل حاجة قدام الناس ومش ذنبي إنها خفيفة ووقعت فيا من أول مرة. وعموماً هو دا المطلوب عشان أقدر أوصل للي عاوزه. نور. بدموع مديت إيدك عليا. أسد. آسف حقك عليا.

نور. لو حمزه ضرب ياسمين تعمل إيه. أسد. بتسرع قال كنت قتلته. وبعدين فاق لنفسه. نور. بصت له وحست بالقهر وبعدين قالت ليه هي غالية وليها أهل وأنا لا. أسد. أنا مقصدش أنا. نور. اطلع برا يا أسد ومشوفش وشك تاني ف حياتي. وبعدين قالت أنا موضوعي مش ياسمين أنا بتكلم عامة يعني اختك كنت هعمل إيه بس واضح إن. حمزه. قاطعها وقالها حبيبتي مين قال إنك مش اختنا وغالية عندنا وأوعي تفتكري إن حد فينا هيسكت له لو غلط فيكي.

نور. وأهو غلط ومد إيده عليا. حمزه. بتسرع ضرب أسد بالبوكس ف وشه. نور. بلهفة قالت أسد.

حمزه. داري ابتسامته وبعدين قالها أعتقد إني أخوكي وأنتي غالية قوي عندي ولو مرة تانية فكر بس مجرد تفكير إنه يعملها قسماً بالله ما حد هيقفله غيري. وزق أسد عنه وراح عليها واخدها ف حضنه وقالها أوعي تفكري إن ملكيش حد اقتلك لو قولتي كدا تاني. وبعدين قالها كفاية جدك واللي عامله ف البيت بسبب غيابك ولا طنط ليلي وبص ل أسد وقاله ولا الواد الزفت ده من ساعة ما خرجتي وهو هيتجنن. نور. متقولش عليه زفت. حمزه. لا. نور. قعدت وعيطت.

أسد. راح عليها واخدها ف حضنه وقالها بحبك ومقدرش على زعلك واللي حصل غصب عني انتي عارفة إن عصبي وكمان انتي شتمتيني ومحبتيش تسمعيني ودا جنني. وبعدين طبطب عليها وباسها من جبينها وقالها حقك عليا عشان خاطري سامحيني. آسف يا عمري كانت تنقطع إيدي قبل ما تتمد عليكي. وبصلها نظرة فهمتها وقال على فكرة انتي غالية أوي وزي ياسمين وأكتر كمان وانتي عارفة. نور. مش بترد. أسد. حبيبتي خلاص عشان خاطري أهدي بقا ويلا نروح. نور. لأ.

أسد. نور كفاية عند. نور. مش هرجع وكلامي معاك انتهى وطلاقك مني هيحصل. أسد. بغضب قالها أنا مراتي متباتش برا بيتي مهما كان اللي بينا فاااهم. نور. رفعت حاجبها وبصت له بعند. أسد. وتاني مرة تخرجي من بيتك بالشكل ده مش هعديها على خير وكلامك عن الطلاق هعاقبك عليه ويلا قومي. نور. أنا محدش يمشي كلمته عليا وانت عارف. أنا مش ضعيفة ولا مكسورة الجناح عشان أعديلك مدت إيدك عليا. أسد. اوووف ولسه هيتكلم.

حمزه. قال نور خلاص عديها المرة دي هو غلط واتأسفلك وكمان برر لك موقفه من ناحية البنت دي يبقى خلاص قومي نروح وإن شاء كل شيء هيبقي تمام. نور. مش خارجة من بيتي. أسد. أنتِ مفيش فايدة فيكي. نور. ف نفسها إيه دا هو هيمشي ولا إيه؟ طيب يتحايل عليا شوية كمان دا الأسد ده. أسد. قام وقف وف لحظة مال عليها وشالها. حمزه. ابتسم. نور. نزلني نزلني بقولك خلاص مش عايزك. حمزه. راح وفتح الباب.

أم فاروق. بصت لهم وقالت إيه يا نور دا أنا كنت جاية أدردش معاكي شوية. نور. كان بودي يا أم فاروق بس اهو شايفه مخطوفة. أم فاروق. يا مصيبتي مخطوفة. وصوتت الحقونييييي. أسد. اكتمي يا ولية انتي أنا جوزها. أم فاروق. منا عارفه يا خويا بتزعق ليها. أسد. باين إن المنطقة كلها هبلة. حمزه. يلا يا عم ونزلوا. في العربية. نور. متفكرش اللي عملته ده أنا هسكت له أنا محدش يلوي دراعي وانت عارف. أسد. ببرود قالها الصوت يا ماما شوية.

نور. ماشي يا بارد أنا هوريك. حمزه. منكم لله انتوا الاتنين كفاية بقا صدعتوني تكوا الأرف. نور. خبطته ف كتفه وقالت وانت كمان والله لأوريك. حمزه. بهزار الله يخليكي بلاش أنا انتي حبيبتي يا نور. نور. حبك قرد يابعيد. حمزه. قرد ليه كدا بس. أسد. ممكن تخرصوا بقا جدي بيتصل. نور وجمزه. سكتوا. أسد. فتح وقال نعم يا جدي. نور. بصوت عالي قالت الحقنيييي يا جدوووو أسد بيضربني اااااه جدوووو اااااه الحقني يا جدوووو اااااه هموووت.

حمزه. بص لها وقال يخربيتك دا انتي هتوديه ف داهية. أسد. بص لها وتوعد لها. الجد. إيه اللي بيحصل ونور بتعيط ليه انت عملت فيها إيه. أسد. معلش يا جدي أصل بنت ابنك اتجننت ياريت تتصل بمستشفى الأمراض العقلية عقبال ما أوصل عشان نخلص منه. نور. أنا مجنونة وراحت مصوته اااااااااااه الحقوني ياناااااس. وخبطت عالشباك بتاع العربية. أنا مخطوووفة حد ياحقنيييي. وف لحظة وقفت عربية قدامهم وأسد وقف. الشاب. نزل وراح عليهم وقال ممكن تنزلها.

أسد. غور ياض من وشي. الشاب. البنت كانت بتصوت وبتشاور وتقول إنها مخطوفة نزلها بدل ما أبلغ عنك وأخبط على العربية وبحاول يفتح الباب عشان ينزلها بس طبعاً أسد قافل الباب من عنده. حمزه. ادخل وقال اتفضل أنت دي مراته. الشاب. مراته إزاي يعني. نور. ولا أعرفه الحقني وخليه ينزلني دول خاطفني. أسد. بص لها والشر يتطاير من عينه وقالها قسماً بالله لو ما سكتي ما هتعرفي هعمل فيكي إيه. نور. بصت للشاب وقالت شوفت وكمان بيهددني.

الشاب. بصوت عالي نزلها أحسن لك بدل ما أنادي كل الناس اللي ف الشارع ونموتك دلوقتي. أسد. بص له وبعصبية وصوت عالي قاله وربي لو ما مشيت واختفيت من قدامي في خلال ثانية لأخليك تقول حقي برقبتي وأندمك على اليوم اللي اتولدت فيه. الشاب. للحظة خاف وبعدين قال مش همشي غير والبنت معايا ولو حكمت بموتي وأعمل اللي عايزه. نور. ابتسمت وبصت له وقالت تسلملي ربنا يحفظك.

حمزه. أعجب به وبعدين قاله خلاص لو سمحت هي فعلاً مراته وبينهم مشكلة وشوية عند. الشاب. بص لها من إزاز العربية وقالها أمشي. نور. بابتسامة أومأت بعيونها. الشاب. ابتسم وقالها ربنا يهدي ومشي. أسد. مبسوطة وبص لها وقال وحياتك عندي وحياة اللي عملتيه ده لعرفك وأخليكي تشوفي أسد على حق. نور. رفعت حاجبها وبصت له بغرور وماردتش. حمزه. يلا يا أسد حصل خير. أسد. مشي. وبعد شوية وصل البيت. نور. نزلت ورزعت باب العربية وراها.

أسد. مسكها من دراعها وقالها على فين. نور. بمكر قالت ااااه ااااه بطنييي. أسد. بت انتي الحركات دي مش عليا. نور. اااااه اااااها. أسد. بلهفة قالها نور انتي بجد تعبانة. حمزه. بخوف شكلها تعبانة فعلاً تعالي نروح لدكتور. أسد. حبيبتي مالك. نور. بتنهيدة قالت خلاص مفيش داعي أنا بس تعبت بسبب الانفعال. وبصت له وعملت زعلانة. أسد. طيب أهدي عشان متتعبيش. ومسكها من إيدها براحة. حمزه. بص لها وغمز بعينها.

نور. ابتسمت ابتسامة جانبية ودخلوا. حمزه. دخل وقال السلام عليكم. الجد والكل ردوا السلام ولكن قلقانين وعايزين يفهموا إيه اللي حصل ونور كانت فين ويا ترى هي وأسد زعلانين ولا. الجد. بص لهم وقال كنتي فين يا نور. نور. كنت غضبانة. الجد والكل. اتفاجئوا من ردها. نور. بصت لهم وقالت أيوا أنا مش بحب أكذب جوزي زعلني وأنا غضبت وسيبت البيت. مش بردو الطبيعي لأي واحدة بتزعل بتمشي. الجد. وروحت فين وسيبتي بيتك يابنت ابني.

نور. روحت شقتي القديمة. الجد. وده مش بيتك بردو ولا أتا بيتهيأ لي. نور. أعمل إيه مهو بيته هو كمان. الجد. قرب منها وف لحظة.