رواية نور و الأسد الفصل الثامن 8 - بقلم نور عصام

اسد: يامصيبتي ياني هتفضنا ف الفرح. ياسمين: ياعيني عليكي يا علا. حمزه: بنت خالتك هتطلق النهارده. ياسمين: ياريت بس على طلاقها، إلا طلاق بفضيحه بجلاجل. حمزه: ربنا يستر. خالد: راح عليهم وقال: إيه ده؟ ومالها نور بتجري كدا؟ حمزه: مستعجله على فضيحة علا، ياعين أمها. خالد: إيه؟ ياسمين: علا سلمت على أسد وبسته. خالد: باسته! ياختييييييي، دا العيلة كلها مفضوحة وهو حلالها، أومال دي بقا؟ أنا هروح الحقها. حمزه: وأنا كمان.

ياسمين: خدني معاك. خالد: الله، إيه ده؟ أسد كمان خد مايك؟ دا شكلهم ناوين يردوا على بعض في المايك، وتبقى فضيحة الموسم. حمزه: تعالي بسرعة نلحقهم. وفجأة شافوا أسد بيبص لنور وبيغني وبيقول: أسد: الليل وسماه ونجومه وقمرو، قمرو وسهرو، وانت وانا ياحبيبي أنا، ياحياتي أنا، كلنا كلنا في الحب سوا، والهوى آه منه الهوى، آه منه الهوى... نور عصام: شفتوا الواد أسد مثبت البت نور إزاي؟ نور انبهرت بصوته وبصت في عيونه وردت عليه وقالت:

نور: عنيك الحلوة شاغلني. أسد: لوحدك بس في النوم. نور: تعالي في حضني يا عمري. أسد: تعالي ياروحي طمنيني. نور وأسد: مع حب الحياة هنعيش ونداري من الفرقة، وإيه يعني لو العشاق في دنيتنا يزيدوا اتنين، وإيه يعني لو الدنيا دي تسعدنا ولو ساعتين، ناخدهم من الحياة سرقة، أنا عاشق وأنا عاشقة. وهووب، أسد راح شايلها ولف بيها وبصلها بكل حب وقالها بحبك، وفي لحظة أخدها وجرى برا القاعة. حمزه: إيه دا؟ دول مشوا. ياسمين: ببلاه، أيوا.

حمزه: طيب واحنا إيه اللي مقعدنا؟ ياسمين: يعني إيه؟ حمزه: يعني كدا. ومسكها من إيدها وجرى على برا هما كمان. جدها: ابتسم وقال: يا واد يا مجنون. خالد: بص لأميرة وقالها: حبي. أميرة: نعم يا قلبي. خالد: بما إن العيال دول مشوا، إحنا نستغل الفرح ونروح نقعد في الكوشة دي، وأهو إنهارده كتب كتابنا، وجاي الحاج معتز يغير رأيه، ونخليها دخله. وغمزلها بعينه. أميرة: بس ياقليل الأدب. محمود: من وراهم: هههههه، على فكرة أنا سمعتكم.

و بعد بعض الوقت انتهى الفرح، والكل مشي بابتسامة من جنان العرسان واللي حصل منهم. في البيت أسد: شايل نور وطالع بيها السلم. نور: بصت لقت حمزه وراهم وكمان شايل ياسمين، غمّزت لأسد وقالتله: شايف يا حبيبي الواد حمزه شايل أختك إزاي من غير كسوف ولا حشمة؟ إيه؟ أومال لو انت مش موجود. أسد: بمرح بصّله وقاله: نزلها يالا، إنت إزاي تعمل كدا في وجودي؟ وبص لياسمين: اتكسفت. حمزه: منك لله يانور، اللي أنا مش متهني بسببك.

وقال: مش هنزلها، دي مراتي حبيبتي وأنا حر. نور: أنا هعديها بس بمزاجي الليلة، لكن بعد كدا أشوفك تلمسها هفضحك قدام العيلة كلها. حمزه: أبوس إيدك سيبها لي الليلة بس، وبعد كدا اعملي اللي انتي عايزاه. نور: أمري لله. أسد: ابتسم وباس أخته وقالها: ألف مبروك حبيبتي. نور بمرح قالت: هو الواد أحسن منك يالا؟ حمزه: مش فاهم كلامها. نور: قالت: يعني هو يبوس أخته ويباركلها، وأنا إيه؟ معنديش إخوات؟ مقطوعة طبعًا، مليش حد.

وبطريقة درامية قالت: ياعيني عليكي يا نور، مليكيش إخوات ولا أهل. حمزه: راح عليها وحضنها وقالها: مين قال كدا؟ وحضنها وقالها: ألف مليون مبروك يا قلب أخوكي، ربنا يسعد قلبك. وباسها من جبينها وابتسم. نور: أهو كدا. وبصت لياسمين وقالت: أهو محدش أحسن من حد. وضحكوا كلهم، وبعدين كل واحد دخل أوضته. أسد: ألف مبروك يا قلب الأسد. وقرب منها وطبع قبلة على خدها وضّمها أكتر لصدره. نور: اتكسفت. أسد: رفع وشها وقالها: إيه بقا دا؟

نور بتكسف؟ نور: بإحراج قالت: أنا جعانة. أسد: ابتسم وقالها: من عيوني. عند حمزه وياسمين حمزه: حضنها وباسها من شفايفها، وبعدين قالها: أخيراً. ياسمين: ابتسمت بإحراج. حمزه: دا أنا كنت خلاص قربت أتجنن. وضمها لصدها وقالها: بحبك، بحبك ياعمري كله، ربنا يخليكي ليا. ياسمين: ويخليك ليا حبيبي. عند أسد ونور أسد: إيه ياروحي؟ مش هتغيري الفستان دا؟ وغمزلها. نور: دقات قلبها سريعة. قالت لأسد: لحظة بس أشوف ياسمين. أسد: نعم؟ ياسمين؟

ليه إن شاء الله؟ وبعدين قالها: إنتي يابت إيه؟ مفيش دم؟ هو إنتي مش عارفة إن النهاردة إيه؟ نور: وحياتي عندك خليني أشوفها بس دقيقة. أسد: لسه هيتكلم. نور: فتحت الباب وخبطت عليهم. حمزه: لا مين الرخم؟ ياسمين: ضحكت وقالت: افتح. حمزه: دا أنا هفتح دماغهم. وراح فتح، لقى نور بتقول: نور: أوعى من وشي، أنا جاية أبِيت عندكم النهاردة. حمزه: نعم؟ تباتي فين يا مان؟ نور: إيه؟ مش أخويا؟ ولما أزعل ولا أضيق أجيله. حمزه:

بدهشة قالها: أخوكي وتزعلي وتضايقي؟ وفي نفسه قال: دا الغلب دا ياربي. وراح عليها وقالها: مالك بس يا قلبي؟ نور: مليش، إنت أخويا وأنا هنام هنا الليلة، ولا مش عاوزني؟ طبعًا منا مليش حد، يتيمة ومليش صدر حنين، أهئ أهئ. أسد: واقف عالباب ميت ضحك عليها وعلى حمزه اللي هيولع. حمزه: راح عليها وقالها: نور حبيبتي، إنتي مش عارفة إن النهاردة إيه بالنسبة ليكي ولينا؟ فرقي يا أما كدا واهدي. نور: أنا قولت مش ماشية من هنا، وخصوصًا الليلة.

حمزه: يابنتي حرام عليكي، دا أنا مصدقت. وبص لياسمين وقالها: ذنبها إيه المسكينة دي تكسري قلبها وفرحتها؟ نور: متتعبش نفسك، مش همشي من هنا. حمزه: يا حبيبتي، هو إنتي لحقتي؟ دا إنتي لسه بالفستان. ومسك إيدها وقالها: قلبي، لو أسد زعلك تعالي وأنا أصالحكم على بعض، مينفعش يا قلبي تزعلوا في ليلة زي دي. نور: ليلة؟ ليلة؟ مالها الليلة؟ ماهي ليلة زي كل الليالي. حمزه: استغفر الله العظيم. إنتي طلعتيلي منين؟

وبعدين قالها: نور يا حبيبتي، الليلة دخلتنا، ولازم... نور عصام: قاطعته وقالت: لازم إيه يا قليل الأدب؟ وبصت لياسمين اللي عمالة تضحك وقالت: يلا يابت عدّلي السرير خلينا ننام في أم الليلة دي، وإنت يلا من هنا، أنا تعبانة ومرهقة طول النهار. حمزه: أدعي عليكي بإيه؟ نور: امشي يا حمزه، أنا مش خارجة من هنا. أسد: مشي على أوضته لما شاف حمزه خلاص بينهار وبيخرج غصب عنه. حمزه: راح لعنده ودخل ورزع الباب وراه. أسد:

ببرود قاله: مالك يا عم؟ فيه إيه؟ حمزه: بعصبية قاله: مالي؟ وكمان فيه إيه؟ إنت مش شايف المجنونة مراتك عملت إيه؟ دي اقتحمت الأوضة وبوظت الليلة، وتقولي مالي؟ وبعدين قاله: والمصحف أنا هاين عليا أخنقها. أسد: مسكه من إيده وقاله: تعالي بس اقعد كدا واهدي. حمزه: يا برودك يا أخي. وبعدين قاله: بتزعلها ليه في ليلة زي دي؟ هو ينفع منك كدا؟ أسد: والله ما عملتلها حاجة. حمزه: يعني قاصدة تنكد عليا بجنانها دا؟ أسد: بالعكس.

حمزه: بجد إنت بارد ورخم. ابتسم وقاله: مش ممكن تكون خايفة؟ ودا اللي خلاها تعمل كدا. ميغرّكش إنك بتشوفها شقية وجريئة أحيانًا في كلامها، بس دا موضوع جديد عليها، وطبيعي تكون خايفة، وتعلقها خلاها تعمل كدا. وابتسم وقال: معلش بقا جت فيك. حمزه: اتنهد وقال: منك لله يانور، قطعتي حبل أفكاري بعد ما كنت مظبط كلمتين أقولهم للبت. أسد: هههههه، هههههه. حمزه: بتضحك؟ طب قوم ياخويا تعالي خدها. أسد: لا خليها شوية. حمزه:

هجم عليه وقاله: والمصحف أخنقك إنت! أنا أصلًا على آخري من مراتك وعمايلها. أسد: هههههه. وبعدين قاله: تعالي يا خويا. وخرجا من الأوضة. ياسمين: هههههه، يخربيتك يا بت يا نور، إيه اللي عملتيه دا؟ نور: هههههه، حبيت أغيذ حمزه شوية. ياسمين: والله كنت حاساه عايز يموتك. وبعدين قالتلها: أسد فين وإزاي يسيبك تخرجي؟ نور: والله يا أخت ياسمين، أنا هربت من الأسد بين طرفة عين وانتباهتها، وفي لحظة كنت عندكم.

ياسمين: هههههه، بس تعرفي إنتي بجد جيتي في وقت أنا كنت ميتة من الخوف والكسوف ومش عارفة أصلًا هتعامل مع الموقف دا إزاي. وتنهدت وقالت: يا الله، قد إيه فعلًا مش عادي. أسد وحمزه: برا الأوضة وسمعوا كلامهم. أسد: سمعت يا أبو الغبي؟ حمزه: طب خبط بقا عليهم، أنا بجد عايز... أسد: قاطعه وقال: اخرس ياحيوان. وبعدين سمعوا صوت العربيات وصلوا، قاله: يلا قبل ما يطلعوا. وخبط فعلًا. نور: فتحت

الباب وقالت بهمس لحمزه: عالله بقا تشرفنا على الاستعجال دا كله. حمزه: سمعها وزأها على أسد وقاله: مش عاوز أشوفها لمدة سنة. وقفل الباب. نور: الكلب الحقير بيقفل في وشي. أسد: ضحك وخدها ودخلوا أوضته. نور: بتفرك في إيدها. أسد: راح عليها ومسكها من إيدها وقالها: بحبك وبموت فيكي. وبكل حب واطمئنان قالها: أنا هدخل أغير في الحمام، وإنتي غيري براحتك علشان نصلي. نور: أومأت بعيونها. وبعد شوية انتهوا من الصلاة. أسد: إيه يا نوري؟

مش ناوي تنامي؟ نور: بتوتر قالت: أنا عندي تصميم مهم كان لازم أعمله، وتقريبًا كدا بردو جعانة، وجايز أكون عطشانة. أسد: بصّلها وقال: نور، إنتي خايفة؟ نور: بس سمعت كلامه انفجرت من العياط. أسد: ضمها لحضنه وقالها: حبيب قلب أسد، ليه خايفة؟ أنا أسد حبيبك، عمري ما أؤذيكي ولا أزعلك أبداً. وتأكدي مليون في المية إنك لو مش عاوزة إني أقرب منك دلوقتي مش هعملها، أنا يهمني راحتك يا قلبي. نور: بصتله وحست براحة وأمان.

أسد: بصّلها بنظرة أذبتها عشقاً وشوقاً له. نور: وشها أحمر ودفنت وشها في صدره. أسد: شالها وراح السرير ونزلها بهدوء ومال عليها. وهووب، ولحد هنا وأنا لازم أخرج من عندهم، دي ناس شكلها قليلة الأدب واحنا ناس مؤدبة. 🥰 ونروح بقا عند عرايسنا التانين. حمزه: بابتسامة حب راح على ياسمين وقالها: أخيراً. ياسمين: مكسوفة ومش بتتكلم. حمزه: لا أبوس إيدك اتكلمي، اعملي أي حاجة، أنا مصدقت المجنونة دي تمشي. وبصّلها

بخبث وقال: ولا أقولك متعمليش، أنا اللي هعمل. وانقض عليها ليذوبا معاً في بحور من العشق والغرام. 😏🥰🥰 بقلمي نور عصام. وتاني يوم الصبح أسد: بابتسامة صباح الورد لأحلى عروسة في الدنيا كلها. نور: صباح الجمال على عيونك العسلي دول. أسد: مال عليها وباسها من شفايفها، وبعدين قالها: هما عيوني العسلي دول بس اللي حلوين؟ نور: اتلم يا أسد، أحسن لك. أسد: اتلم؟ دا إنتي كدا بقا عاوزة تتعاقبي.

نور: لحد هنا وكفاية، إنت متعرفش أنا مين ولا إيه. أسد: لا عارف، من عيلة كبيرة قوي. نور وأسد: ههههه، ههههههه. أسد: حضنها وقالها: ربنا يباركلي فيكي يا عمري. وبصّلها بنظرة ذات مغزى. نور: فهمته وقامت من السرير وقالت: والله لأصوت وألم عليك البيت كله وأقولهم إنك عاوز تتحرش بيا. أسد: هههههه.

وبعدين قالها: قوليلهم، وأنا وقتها أعترف وأقولهم إنه ماكانش تحرش، بس إنتي اتغريتِ بيا وأنا في وسط أهلي وناسي، أومال لو كنتي خطفاني كنتي عملتي إيه؟ نور: بقا كدا؟ طيب. وفي لحظة كانت نطت على ضهره وقالت: الحقني يا جدوووووو. أسد: رماها عالسرير وقالها: يخربيتك، يقولوا إيه؟ بعذبك؟ نور: أيوا بتعذبني، الحقوني يا ناس. أسد: مال عليها وقالها: وما أحلاه عذاب. وانقض عليها. عند حمزه وياسمين

حمزه: يا صباح الياسمين على أحلى ياسمينة في الدنيا. ياسمين: صباح النور حبيبي. حمزه: إنتي قولتي حبيبي؟ ياسمين: بصتله ومش فاهمه يقصد إيه. حمزه: بجدية قالها: للأسف يا ياسمينة قلبي، إنتي غلطي ولازم تتعاقبي على غلطك. ياسمين: أنا؟ حمزه: أيوا. ياسمين: طيب أنا قولت إيه؟ حمزه: تتعاقبي الأول، وبعدين تعرفي. وما عطاها فرصة تفهم مزحه معاها وانقض عليها. وبعد شوية نور: بعد ما جهزت راحت البلكونة تستنى أسد عقبال ما يخلص لبس.

وبفرحة غنت وقالت: ليلة امبارح مجانيش نوم، واحنا لسه في أول يوم، قبل ما ترميني في بحورك، مش كنت تعلمني العووم؟ مش كنت تعلمني العووم؟ حمزه وياسمين: سمعوها وهي بتغني. حمزه: إيه دا؟ مش دي اللي كانت مرعوبة امبارح؟ تعالي نغيظ عليها شوية. ياسمين: بلاش. حمزه: والله ما أنا سايبها. ياسمين: افتكر إني قولتلك بلااااش. حمزه: ههههههه. واخدها من إيدها وراحوا البلكونة بتاعته. نور: شافتهم وابتسمت. حمزه: يا صباح اللي بتغني؟

إيه هو الأسد جامد قوي كدا لدرجة نساكي الدنيا وبتغني؟ نور: بمكر لأنها فهمته قالت: طبعًا يا بني، دا الأسد وأنا خلاص بقيت أسده. وعلشان كدا أنا لازم أفضحكم قدام العيلة كلها وأقول إنك امبارح واحنا في القاعة قولت لياسمين: الحمد لله إننا اتجوزنا قبل ما حد يعرف إننا أصلًا متجوزين من وراهم، وفي بيبي جاي في الطريق. رواية نور والأسد بقلمي نور عصام.

حمزه: نهارك أسود، إنتي عاوزة تخربي الدنيا على دماغنا وتطردينا من البيت والعيلة كلها؟ ياسمين: ابتسمت وقالت: أنا قولتلك بلاااش، لبس بقا. نور: بصوت عالي قالت: تعالي يا أسد، شوف المصيبة اللي اكتشفتها، تعالي يا حبيبي. أسد: كان بيسمعهم راح عليهم وقال: ماله القمر؟ مين زعله؟ نور: يا حبيبي، أنا مكنتش عاوزة أقولك ولا أنكد عليك امبارح، بس خلاص الكل لازم يعرف. ياسمين: علشان خاطري أنا يا نوري، استري علينا المرة دي.

نور: خاطرك غالي قوي يا ياسمين، بس الواد دا... أسد: طيب لو قولتلكم علىشاني أنا يا قلب الأسد؟ نور: بتنهيدة قالت: استغفر الله العظيم، دايما تضغط على الوتر الحساس بتاعك من ناحيتي. أسد: هههههه. وضمها لحضنه وقالهم: جاهزين ننزل؟ حمزه: أيوا يلا بينا. وبس خرجوا من الأوضة. نور وياسمين: حضنوا بعض. حمزه: إيه دا؟ دول كام ساعة وكمان لازقين في بعض؟ نور: بس وحشتني، وبلاش إنت تتكلم أحسن لك.

أسد وحمزه: برضو حضنوا بعض وباركوا لبعض، وكل واحد أخد عروسته. والتفتوا علشان ينزلوا، شافوا باب أوضة خالد مفتوح ومحمود بيحضنه وبيقوله: ربنا يخليك ليا، والله من غيرك ماكنتش عارف هعمل إيه، إنت ريحتني. نور: فتحت عيونها وصوتت وقالت: يالهووووووي، يا خرابييييي، يا فضحتك يا معتز يا جوهري. وبصت لخالد وقالت: حتى إنت كمان يا خالد تطلع معفن كدا؟

وأنا اللي كنت فاكرة إنك محترم. أنا لازم أقول لأميرة تطلق منك، مستحيل تفضل على ذمة واحد زيك. وبصت لمحمود وقالت: أكيد إنت اللي غويته، أنا سمعت كلامك ولازم أفضحك. ومسكت ياسمين من إيدها ونزلوا على تحت. محمود: اتفاجئ بكلامها وبقا مكسوف ومش عارف يقول إيه. خالد: أه يا بنت الل... محمود: بصّله كلهم وقال: أوعى يكون اللي فهمته صح. حمزه: هو بعينه، مفيش غيره. محمود: إيييييه؟

أسد: معلش، هي بس علشان أول مرة، تلاقيها بتحرق شوية وبتوجع، إنما بعد كدا هتتعود وتلاقي نفسك مفضوح كل يوم الصبح، وأحيانًا بالليل. وبهزار أكتر قاله: بالك إنت لو نور مفضحتكش كل يوم، تلاقي نفسك ناقصك حاجة ويومك زفت ومش مرتاح. محمود: نعم؟ وقام من عالسرير وقال: أنا لازم أنزل أبرر موقفي. حمزه: تبرر موقفك لمين؟ دول كلهم مفضوحين قبلكم. محمود: إيه؟ أنا لازم أروح للحاج معتز يجيبلي حقي ويردلي كرامتي.

أسد: كان جاب لنفسه كدا، هو أول واحد كرامته ضاعت في البيت دا من يوم البت دي ما شرفت هنا. حمزه وأسد وخالد: هههههه، هههههههه. محمود: أوعى إنت وهو. ونزل وهما وراه. نور: واقفة في الصالة وقالت: يا أهل المنزل، يا أهل الدار، أغيثوني، إنتو فييييين؟ ليلي وأمل: طلعوا من المطبخ: مالك يا حبيبتي؟ وراحوا عليها. نور: فين باقي العيلة؟ محمود: يا فضحتك يا محمود، روحت بلاش. جدها وأعمامها: طلعوا من أوضة المكتب. وجدتها

خرجت من أوضتها والكل قال: صباح الخير لأحلى عرسان. نور: قالت: الحقوووونيييي. محمود: بصّلها وقال: أبوس إيدك بلاش. أسد وخالد وحمزه: واقفين هههههه وميتين ضحك. نور: بصت لمحمود وبعدين بصت لليلي وأمل وقالت: عصافير بطني بتصوصو، عاوزة أفطررررر. جدها: كله إلا عصافير بطن حبيبة جدها. محمود: بتنهيدة قال: أشهدو أن لا إله إلا الله. أسد وخالد وحمزه: بصّوله هههههه. العيلة كلها باركت للعرسان وكانوا مبسوطين. جدتها:

قالت: ربنا يسعدكم يا حبايبي ويرزقكم بالذرية الصالحة يارب. الكل قال: آمين. نور: راحت على جدتها وقالت: ادعيلي كويس. جدتها: والله يا بنتي بدعيلك. نور بمرح قالت: لا يا سعاد، إنتي ماكنتيش بتدعيلي من قلبك، لأنك لو دعتيلي كويس كنتي نجدتيني من هـ الأسد امس. جدتها: فهمتها وضحكت وأخدتها في حضنها. وبصت لياسمين وكمان ضمّتها لحضنها وباركتلهم. وبعد شوية الكل اتجمع عالسفرة. نور: يااااه، دا أنا كنت جعانة بشكل، تقولش مأكلتش من أسبوع.

أسد: بهزار قال: أومال مين ياختي اللي أكل الأكل كله امبارح. نور: بصتله وقالت: لا تعبث بي أيتها الديك الشركسي ودعني أفطر بسلام. وبمرح قالت: والله تراني أحكي باللغة العربية الفصحى، طبعًا ما أنا مهندسة بردو. الكل ضحك. نور عصام. حمزه: إيه دا؟ اتحولت من أسد لديك على إيدها؟ جدها والكل: ههههههه. أسد: كلي بقا واسكتي شوية. نور: قالت: تدري يا وجه القمر؟ إنت لو ماكنتش معايا عالسفرة، مكنتش هأكل ولا أشعر بطعم الأكل.

أسد: ابتسم لها. نور: والله تراني أقول شعر رومانسي، حقًا إني لشاعرة رومانسية. الكل ضحك. حمزه: اممم، شاعرة قوي. نور: مبلاش إنت. حمزه: أعوذ بالله. محمود: بيتكلم مع جده بصوت هامس. الجد: ليه كدا يا ابني؟ خليك معانا يومين. نور: قالت: بيقولك إيه الواد يا جدو؟ الجد: ولا حاجة يا حبيبتي، أنا بس بقنعه إنه يقعد يومين. نور: يا مصيبتي! هو غواك إنت كمان لدرجة إنك تقنعه؟ يا معتز يا جوهري، يا فضحتك يا نوووووور، حتى الغالي ضاع منكم.

محمود: قام جري وقال: أنا ماشي ومش داخل البيت دا تاني. أسد وخالد وحمزه وأعمامها وأمل وليلي: هههههه. جدتها: يابنتي حرام عليكي، الواد قام من غير ما يكمل فطاره. نور: هو اللي قليل الأدب، أعمله إيه؟ روايات بقلم نور عصام. أسد: يلا اجهزوا علشان هنسافر شرم. نور: على جثتي وجثة ياسمين. ياسمين: قالت: وياسمين مالها دلوقتي؟ نور: إنتي يابت مش قولتيلي إنك مش حابة تروحي شرم وهتموتي وتروحي جمصة؟ ياسمين: أنا؟ نور: أيوا إنتي.

حمزه: على جثتي تروحي شرم من غيرنا؟ دا أنا اللي حاجز الفندق ومظبط كل حاجة. نور: يعني إنت مصمم.......