رواية نور و الأسد الفصل السابع 7 - بقلم نور عصام

قال مختار: البت دي هتجبلي جلطة عن قريب. قالت أمه: ياخويا متحترم نفسك الأول. قال مختار: مابلاش انتي يا حجة. قالت أمه: حسبي الله ونعم الوكيل. قال أسد: هههههههه هموت يخربيتك، اهدي بقا وحلّي عنه. قالت نور: الحق عليا إني بفرفشهم وأغيرلهم مود الكآبة اللي هما عايشين فيه ده. قال أسد: تغيري مودهم بإنك تفضحيه؟ قالت نور: هههههههه ما الكل عارف إنه ماحصلش، أو بمعنى أصح مش بنفس الطريقة اللي أنا بقولها.

ابتسم أسد ومال على إيدها وباسها. قالت نور بكل حب: ربنا ميحرمنيش منك أبداً يا عمري. وبعد مرور أسبوع. قال أسد: خبط على نور ودخل وقالها جاهزة يا قمر. قالت نور: دقيقة ونازلة. قال أسد: تمام، أنا هنزل وأنتي خلصي براحتك. قالت نور: أوك يا قلبي. وبعد شوية خرجت من أوضتها وشافت أمل مرات عمها ماهر بتقول: خلاص يا حبيبي متزعلش مني، علشان خاطري سامحني، ده أنا أنور... سامحتني؟ ومالت على إيده تبوسها. راحت نور مصوّتة

وقالت: الحقوووووني يافضحتييييييي، ياسوادك يا جدييييييييي، يافضحتك يا معتز. نظر لها عمها ومراته وهما هيموتوا من كلامها. جرى أسد والجد والعائلة كلها على فوق وقالوا: إيه ده؟

قالت نور: يا فضحتك يا معتز يا جوهري، بيتك بقا كأنه بيت دعارة، يا ترى أنت عملت إيه في دنيتك عشان ربنا يعاقبك وتشوف كدا في عيالك، ينفع كدا أبقى ماشية ف حالي ويشاء السميع العليم أشوف الست دي بتبوس الراجل دا وكمان بتتحايل عليه يقرر اللي عمله بالليل واحنا كلنا نايمين. قال ماهر: أنا يا بت... قالت أمل: ميتة من الإحراج قدام الكل.

قال جدها: حسبي الله ونعم الوكيل فيكي، ماعدش فيا حيل، من يوم ما جيتي وأنا طالع نازل عالسلم، فرهدتيني من الجري. قال حمزة: يخربيتك أمي هتموت من الكسوف. قالت نور: تستاهل، حد قالها تقل أدبها على الراجل الطيب ده. راح أسد مسكها من قفاها ونازل بيها. قالت نور: ليه كدا يا باشا؟ أنا كنت فاكرة ماهر طيب طلع أعوذ بالله. قال أسد: اكتمي بقا، وشي بقا في الأرض من عمايلك في الناس. قالت نور: ما هما اللي مبيسترّوش على نفسهم. راح أسد على

السفرة وقعدها جنبه وقالها: على الله تروحي لأي مكان، فاهمة؟ قالت نور: ولا أروح المطبخ أساعده. قال أسد: لأ أمي هنا. قالت نور: ومختار فين؟ أنا لازم أقوم أشوفها. قال أسد: تصدقي معاكي حق، اختفى كدا فجأة. قالت نور: يالهوي، سيبني أقوم أبوس إيدك، الحقهم قبل ما يفضحونا وبيقولوا. شدها أسد وقالها: والله ما انتي قايمة من مكانك. راحت

نور معليا صوتها وقالت: يا مختااااار أنت، يا راجل، انته تعال هنا، مختااااار، مختااااار، انته يا مختااااار. طلع عمها مختار من أوضة المكتب وقالها: عاوزة إيه ياللي تنشكي في لسانك. قالت نور: انت كنت فين؟ قال مختار: كنت في المكتب مع جدك. قالت نور: احم، وأنا اللي كنت هظلمك، يلا متعوضة المرة الجاية. ضحك أسد والكل اتجمع على السفرة. قالت نور: كلو تمام، موجودين كلكم. قال حمزة: أه يا ختي، اطمني.

قالت نور: لا أنا مش مرتاحة، أنا هنادي عليهم واحد واحد، واللي مش هيرد يومه أزرق، وطبعاً عارفين هعمل إيه. شدها أسد وقالها: أهمدي بقا. قالت نور: سيبني، وقالت نبدأ بالكبير قوي، وقالت الحاج معتز موجود. راح أسد قام مسكها من إيدها مقوّمها وقايلها: والله ما انتي قاعدة معاهم على الأكل، ووقفها في نص الصالة وقالها: مكانك على ما أجيب حاجة من المكتب. نور بتبصلهم وتقول: هتسبوني كدا معاه ينتقم مني ويعذبني ويعقلني؟

قالت ياسمين: نعملك إيه يعني بعمايلك دي. قالت نور: تزعلوا عليا وتلطموا، بس بما إنكم عيلتي حبيبتي هتلطموا لطم جماعي، منا مش أي حد بردو، يلا الطموا. خرج أسد من المكتب وقال: نووور. قالت نور: الطموووووووح حلو قوي قوي يا باشا، بالك أنت، أنا لو معنديش طموح، وأمل ما كنت هبقى معاك دلوقتي. قال أسد: انتي مفيش فايدة فيكي، وبص قدامه لقي على الترابيزة شريط لاصق، أخده وف لحظة حطه على بؤها.

قالت نور: امممممم امممممم، ومش عارفة تتكلم. قال أسد: للأسف لازم أعمل كدا عشان هخلص شوية شغل قبل ما أمشي، ولفها ورجع إيديها الاتنين ورا ضهرها ولفهم بالشريط اللاصق، وخدها قعدها على الكرسي وربط رجليها كمان وقالها: على الله بقا تتحركي. العائلة كلها بتضحك عليها وفرحانة فيه. قعدت نور عمالة تحاول تتحرك وعاوزة تقوم تخنقهم. بعد شوية راحت عليها ياسمين ولسه هتفكها. شافها

أسد من المكتب وقالها: سيبها، ولا عاوزاها تتكلم وتقول إنها شافتِك وإنتي بتقولي لحمزة هات بوسه. نظرت له ياسمين ورجعت لورا تاني وبعدين قالت: عمايلك السودا هي اللي خلتني أرجع. نور بتبصلهم وعمالة تهز دماغها. قام حمزة وفكها ولسه واقف جنبه. راحت نور ضربته بالبوكس في وشه وقالت: والله لفضحكم يا كلاب كلكم، أنا عارفة إنكم بت... قبل ما يكمل، راح شايلها وفاتح الباب ورميها برا وقفل. شافهم أسد وضحك. نور عمالة

تخبط على الباب وتقول: افتح يا كلب، إن ما وريتك، افتحووووو، وعمالة تخبط. خلص أسد شغله وراح يكمل فطاره. لفت نور ودخلت أوضة المكتب، وراحت نطة من الشباك واتسحبت ودخلت وقالت: بقا كدا يا كلاب بتضحكوا بيا؟ الكل بص لها. قال خالد: هي جت منين؟ قال حمزة: انتي دخلتي إزاي؟ قالت نور: من الباب يا عنيا، هيكون منين يعني؟ إيه الأسئلة الغير منطقية دي؟ نظر لها حمزة وقال: غير منطقية إزاي واحنا كلنا قاعدين أهو والباب مقفول؟

راحت نور قعدت بعيد عنهم وبصتلهم نظرة هما فهموها، وبعدين قالت: حمزة، أسد، خالد، ياسمين، أميرة، عاوزة سندوتش لانشون وبيض وجبنة ومربى وشيبسي وكانز ونسكافيه في خلال دقيقة يكونوا قدامي. الكل خاف وبيجهزولها اللي طلبته. وبعد لحظات كانو قدامها وبيقولولها: اتفضلي. أخدت نور الأكل منهم وبتاكل، وبعدين بصت لعمها مختار وقالت: مختاااار. ضغط مختار على سنانه وقالها: خير يا عملي الأسود.

قالت نور: ضربت عيل في الجامعة عاكسني، وقالولي عاوزين ولي أمرك الساعة عشرة تجيني، وإلا... ورفعت حاجبها. قال مختار بغيظ: حاااضر. نور بصت لعمها ماهر وقالت: ماااهر. قال ماهر وهو هيفرقع: خيير. قالت نور: بما إنك مهندس، أنا عاملة تصميم بس لسه ما خلص، باريت تشوفه وتخلص المطلوب عشان هيتسلم بكرة. قال ماهر بغضب: طيييب. نور بصت لجدها وقالت: وانت يا كبير. قال جدها: خير يا آخرة صبري.

قالت نور: الفيزا بتاعتي خلصت، ياريت تحطلي فلوس كتير، ولاحظ إني عروسة ومقبلة على الجواز وعاوزة طلبات ليا. ابتسم جدها وقالها: من عنيا. نور بصت لليلي وقالتلها: ليلي. قالت ليلي بأرف: إيه؟ قالت نور: عندي هدوم كتير عاوزة تتغسل، أرجع من الكلية ألاقيها متغسولة ومكويه، وإلا انتي عارفة أنا هعمل إيه. قالت ليلي من تحت ضريها: ماشي. نور بصت لأمل وقالت: أمل. قالت أمل بخوف: نعم.

قالت نور: الأوضة عندي مش عاجباني، غيري الفرش كله والستاير، عاوزاها بتلمع بتبرق بتشع نور كدا، وعالله ما تعملي. قالت أمل: حاضر. نور بصت لجدتها وقالت: وانتي يا ست سعاد هانم. نظرت لها جدتها ومردتش. قالت نور: عاوزاكي تخلي بالك منهم، انتي عيني هنا، أي حاجة قلتها متتنَفذش تعرفيني، وإلا أقولهم إني شوفتك وإنتي ماسكة إيد الحاج من تحت التربيزة بتاعت السفرة. قالت جدتها: حسبي الله ونعم الوكيل.

قالت نور: كمان بتدعي عليا، طيب أنا بقا لازم أقولهم على... راح أسد شدها من إيدها وجري على برا قبل ما تكمل. قالت نور: بتشدني ليه، سيبني عليهم، أنا لازم أربيهم العيلة دي. قال أسد: اتهدي بقا يخربيتك، ذليتي الناس. قال حمزة: أسد، خدني معاك، عربيتي عطلانة. نظر له أسد وبص لنور وقاله: انت عاوز تيجي معانا؟ فهمه حمزة وبعدين قال: متطر، أعمل إيه يعني؟ خالد رايح شغل برا. قال أسد: اركب، اركب. وبعد شوية.

قالت نور: مين فيكم هيشيلني يدخلني الجامعة عشان زهقانة ومش قادرة أمشي. قال حمزة: نعم يا ختي. قالت نور: بتعلي صوتك عليا، طيب، وبعدين قالت: فاكر لما أقفشتك؟ قال حمزة: أبوس إيدك كفاية. قال أسد: يلا يا نور انزلي وصليني. قالت نور: قولت مش قادرة أنزل، هو اللي يعيش مع عيلتكم ويتحرق دمه يقدر يمشي بعد كدا. قال حمزة: يا عم انزل شيّها وخلصنا من ذل العبيد اللي هي عملاه فينا ده، أعوذ بالله.

نزل أسد من العربية وراح فتحلها الباب ومال عليها. قالت نور: إيه إيه يا أستاذ انته. قال أسد: هشيلك يا حبي. قالت نور: لا، أنا خلاص رجعت في كلامي، خليها في البيت، ونزلت. ابتسم لها أسد وقالها: خلي بالك على نفسك. أومأت نور بعيونها ومشيت. وبعد انتهاء اليوم الدراسي رجعت البيت، وأول ما دخلت صوتت وقالت: يالهووووووي، الحقني يا معتز يا جوهري، الحقني يا كبير، تعالوا كلكو، تعالوا شوفوا يا مصبتييييي.

قال جدها: إيه ده يا بنت المجانين؟ قالت نور: مراتك الست سعاد هانم قاعدة وسايبة مرّات عيالها قاعدين جنبها كدا عادي، أومال لو مكنتش منبهة عليها قبل ما أمشي كانت عملت إيه؟ وبصت يمين وشمال وقالت: حد يجبلي حجر أو صخرة كبيرة. قال خالد: ليه يا ختي؟ قالت نور: عشان أحطها على قلب سعاد وأخليها تقول "أحد أحد" عشان تاني مرة متنساش اللي أقولها عليه. ضحك أسد: منك لله، نفسي مرة أدافع عنك.

قالت نور: طب والله منا قاعدة معاكم، أنا أصلاً خسارة فيكم، وطلعت أوضتها. قال أسد: والله لو ولعتوا فيها أنا ما هتكلم، حقكم. الكل ضحك. وبعد مرور شهر. راح حمزة أوضة أسد وقاله: أنا هنام معاك النهارده عشان التكييف عندي مش شغال. قال أسد: أعوذ بالله، ملقتش إلا انت تنام جنبي. قال حمزة: متسكتش بدل ما تيجي عالسيرة تعملنا مولد. ضحك أسد وبعدين أخد جنب من السرير وناموا هما الاتنين. وأشرقت الشمس بنور ربها.

صحت نور وجهزت وراحت عند أسد، خبطت مرة وفتحت على طول، وبمجرد ما دخلت شهقت لما شافت أسد وحمزة نايمين وصدرهم عاري، وراحت مصوّتة وقايلة: يا لهووووووووووي، يا خرابي، يا حظك الهباب يا نور، يا مصبتييييييييي. قام أسد وحمزة مفزوعين. قال أسد: إيه ده، الله يحرقك عالصبح. نظر حمزة عليهم وفهم تفكيرها وقال: يا فضحتيييين. قالت نور: يا فضحتك، هو انت لسه شوفت حاجة؟ يلا يا شواذ يا معفنين، أنا مكنتش أعرف إنكم كدا،

وبصوت عالي قالت: شواذ، شواذ، يا أسد، يا جدييييييي، تعالي يا مختار، الحق ابنك اللي بتقول عليه مفيش زيه، تعالي يا ماهر، شوف المحروس الغالي اللي بتقول دا، أنا عندي راجل، ااااه يا فضحتي ياني، أنا مستحيل أفضل على ذمتك دقيقة واحدة، وكمان ياسمين لازم تطلقها، أنا لا يمكن أخبي عليها. قال حمزة: لا، أبوس إيدك بلاش ياسمين، استري علينا. قالت نور: انت تعرف عني كدا؟ والله ميحصل. قال أسد: غوري يابت، وإياك أشوفك داخلة هنا تاني.

قالت نور: طبعاً بتطردني عشان تكملوا الأرف اللي كنتوا بتعملوه، والتفتت ومشيت وقالت: الحقني يا معتز يا جوهري، تعالي شوف أحفادك، تعالي اتفرج عالتربية المنيلة بستين نيلة. قال جدها: إيه ده بنتي عالصبح، حرام عليكي، تعبتي أعصابي من الخضة كل شوية. قالت نور: تعبت أعصابك؟ هو انت لو مهتم بعيلتك كانوا بقوا كدا؟ لبس أسد وحمزة تيشرتاتهم ووقفوا على السلم. قالت ليلي: مالك يا حبيبتي، مين زعلك عالصبح؟ قالت نور بغضب: زعلني هو؟

أنا من يوم ما جيت هنا وأنا مش زعلانة، دا انتوا عمايلكم كلها سودا، وأنا خلاص قررت أمشي، بس قبل ما أمشي لازم أتطلق وأطلق ياسمين. قالت ليلي: نهار أسود، ليه؟ قالت نور: ليه؟ عشان ابنك المحروس وابن عمه. قال حمزة: يا فضحتك يا حمزة وسط عيلتك والمجتمع الراقي. قالت ياسمين: إيه اللي حصل يا نور؟ قالت نور: قولي إيه اللي محصلش، تعالي اتفرجي على حبيب القلب اللي انتي فاكراه محترمي. قالت ياسمين بقلق: عمل إيه؟

قالت نور: عمله أسود ومهبب، أنا لا يمكن أسيبك على ذمته ثانية واحدة، السافل المعفن ده. قالت ياسمين: سافل ومعفن؟ قالت نور: أيوا يا حبيبتي، بعد اللي عمله فيا، انتي لازم تطلقي، فاااهمة؟ وأنا بنفسي اللي هطلقك منه، الحقير ده. نظرت ياسمين لحمزة وزعلانة. قالت نور: متبصوش، علاقتكم خلاص انتهت، وكمان مش هتعيشي معاه في مكان واحد، الخاين ده. قالت ياسمين: خاين. قالت نور: طبعاً خاين وغشاش كمان، وأنا مستحيل آمن عليكي معاه الواطي ده.

قال الجد: إيه اللي حصل بس يا بنتين؟ نظرت نور لأسد وحمزة وقالت: حصل إني دخلت عليهم لقيت... نط حمزة السلم في درجتين وقالها: أبوس إيدك متفضحناش، آخر مرة استري علينا، إحنا مهما كان عيلتك بردو وولاد عمك. نظرت له نور بأرف وقالت: إياك تقول عيلتي وولاد عمي دي تاني، أنا بأرف منكم ومستحيل أخليكم هنا ثانية واحدة. قال الجد: للدرجة دي؟ قالت نور: أيوا يا جدو، دول كانوا بيعملووو... راح أسد نزل وحط إيده على بؤها وشدها بالإيد

التانية على السلم وقالها: انتي حلالك، قطع لسانك. نور بتحاول تزقه عنها وتقوله: سيبني، سيبني عشان أفضحك. أسد بيجر فيها على السلم بالعافية. نظرت ياسمين لحمزة بحزن. وقف حمزة جنبها وقال: قسماً عظماً مظلوم. قالت ياسمين: مظلوم؟ قال حمزة: وانتي يعني مش عارفاها، المفترية دي. قالت ياسمين: لا، نور متكذبش أبداً في حاجة زي دي، انت خونت. قال حمزة: خونتِك. قالت ياسمين: أيوا، وبزغل قالت: خونتني مع مين؟ رد.

قال حمزة بغيظ: مع أخوكي، وسابها وطلع. قالت ياسمين: مع مين؟ هو إيه أصله ده؟ وكمان هو اللي زعلان، ماشي يا حمزة، إن ما وريتك. قالت نور: فوق في أوضة أسد، أوعي تبعد عني، وإياك تلمسني تاني. كور أسد إيده وقالها: جنان، مش عاوز فوقي بقا واكتمي شوية. قالت نور: كمان ليك عين؟ قال أسد: نوووور. شوحت نور بيدها وقالت: بلا نور بلا زفت. فتح حمزة عليهم الباب، وهو طبعاً سامعهم بيتكلموا، دخل وقال: ع الله تكوني انبسطتي يا ست هانم.

قالت نور: عاوز إيه انت كمان؟ قال حمزة: اتفضلي يا أختي، صلحى اللي انتي هببتيه. فهمتها نور. قال أسد: إيه اللي حصل؟ قال حمزة: اختك زعلت وخصمتني وفاكراني خاين. قالت نور: أحسن والله، تستاهل. راح عليها حمزة وكله غيظ وقالها: قسماً عظماً أقتلك. قالت نور: اقتلني قدام جوزي، ماهو أنا مليش حد، وبصت لأسد وقالت: عاجبك إنه بيكلمني كدا قدامك؟ أومال لو من وراك هيعمل فيا إيه؟ وعملت زعلانة. وقف خالد على الباب وشايفهم.

نظر له أسد وقاله: عارف لو كلمتها كدا تاني، موتك على إيدي، ومسك نور من إيدها وباسها وقالها: حقك عليا يا روحي. قال حمزة: نعم، بعد دا كله وكمان بتتأسفلها؟ نظر له أسد بحب وقالها: قلبي ونور عيني، تعمل اللي هي عاوزاه، وإياك حد يفكر بس يزعلها، وحضنها. دخل خالد وقال: دلعك زاد قوي لنور يا حضرة الظابط. قال أسد: وماله، يالا أعيش يا حبيبي، ودلعها براحتي، وبصلهم الاتنين وقال: يلا من هنا، غورو، وطردهم وقفل الباب.

قال حمزة: أيوا يا خويا، هيص انت واحنا نولع، منك لله يا نور. قال أسد: نوري حبيبتي لسه زعلانة. لم ترد عليه نور. قال أسد بخبث: مال عليها وقال: لااا، دا قلبي مقموص بجد، وأنا ميرضيني، وابتسم وقال: حبيبي معايا وف أوضتي، ياحظك يا أسد، وقرب منه. قالت نور: هتعمل إيه يا حظ الظابط؟ ابعد عني. قال أسد: ابعد عنك؟ دا أنا مصدقت، وبخبث قال: دا أنا كمان بسبب حالتي اللي انتي وصلتينى ليها، لازم...

فهمته نور إنه يقصد كلامها عن إنه هو وحمزة، وقالت: أنا كنت عارفة إنك قليل الأدب، والتفتت للباب. مسكها أسد من إيدها وقال: على فين يا قمري؟ انتي اللي جيتي برجليكي، وأنا مستني، دا من زمان، وبص في عيونها وطال نظراته ليها، وبعدين قرب منها وهمس جنب ودنها وقال: معتش قادر ولازم أعمل كدا، وقبل ما تستوعب كلامه، انقض على شفتيها يقبلها بعشق جارف ومشاعر مجنونة. تحت في المطبخ. ياسمين زعلانة وبتفكر في كلام نور.

قالت أمل: يا حبيبتي، ما انتي عارفة نور وهزارها. قالت ياسمين: لا يا مرات عمي، المرة دي نور مش بتهزر. دخل حمزة ورد عليها وقالها: يعني انتي مصدقاها؟ نظرت له ياسمين وزعلت ومردتش. قال حمزة بزعل: ماشي يا ياسمين، خلي نور تنفعك، ومشي. بكت ياسمين. عند أسد ونور. قالت نور بصوت ضعيف وبحه: أسد، كفاية بقا، هنتأخر. قال أسد بابتسامة ودقات قلب يكاد تنفجر من عشقه لها: حبيبتي معايا وبين إيديا، وتقولي كفاية؟

دا والله عاوز أعمل حاجات تانية، بس مستني الشهر دا يخلص بفارغ الصبر. قالت نور باستعباط: حاجات إيه دي؟ قال أسد: امم، تعالي وأنا أقولك، وشدها عليه. قالت نور: بس يا قليل الأدب، وقامت من جنبها. ضحك أسد وبعدين قالها: مش هتبطلي جنانك دا بقا، ياسمين بجد زعلت؟ قالت نور: هههههه، ما انتوا اللي عصبتوني بمنظركم دا. قال أسد: يا بنتي، التكييف عنده مش شغال، وجه نام هنا عادي. قالت نور: عادي إني أدخل على جوزي ألاقي حد معاه؟

قال أسد: بت انتي، اظبطي أحسنلك، أنا سكتلك بمزاج. قالت نور: ولا تقدر تعمل حاجة، وانت كلك معاصي وذنوب بسبب عمايلك انت وحمزة. قال أسد: نهار أبوكي أزرق. جريت نور على تحت وراحت المطبخ وقالت: صباح الخير. قالت ليلي وأمل: صباح النور. قالت نور بمرح: إيه دا؟ أنا قولت صباح الخير، إزاي دا؟ وبعدين قالتلهم: فين جوزك يا ولية انتي وهي؟ ابتسمت ليلي وقالت: للأسف مشي، بس عادي، انتي متوسطيش فضحتي ناس تانية.

قالت نور: يادي الخسارة، إزاي فلتوا مني؟ أنا لازم أصحى بدري شوية عن كدا، فكريني يا أمل أظبط المنبه عالساعة خمسة الفجر. ضحكت ليلي وأمل: هههههههه، أعوذ بالله منك يا شيخة. راحت نور على ياسمين وحطت إيدها على كتفها وقالت: مالك يا بت يا سمسم؟ نظرت لها ياسمين وزعلانة ومردتش. قالت نور: اممم، لدرجة دي بتحبيه؟ يا خبتك. قال أسد: كان واقف على باب المطبخ بس هي مش شيفاه. قالت نور: طبعاً بحبه وبموت فيه، ودا الفرق بينا.

نظرت لها ياسمين باستغراب. قالت نور: أفهمك، اسمعي ياقمر، اللي بيحب بجد لازم يكون عنده ثقة في حبيبه، ولازم يوجد له أعذار، ويسمع حبيبه الأول قبل ما يحكم عليه، أي نعم أحياناً الغيرة بيكون لها دور كبير في الموضوع، بس لازم نتحكم في نفسنا أكتر عشان ما نخسر أعز ناسنا وحبايبنا. قالت ياسمين: يعني لو واحدة جت تقولك أسد بيخونك مش هتزعلي؟

قالت نور: طبعاً هزعل، لأن الكلمة في حد ذاتها مصيبة، لكن هقوم بجناني وأروح له، مهما كان، أواجهه، وأسمعه، ولو كان مظلوم خلاص، لكن لو مش مظلوم، وقتها بهدل الدنيا على دماغه ودماغ اللي خلفوه، دا حقي ودي كرامتي، واللي يقف في وشي ساعتها بنسفه، بس أهم حاجة يكون معايا حق، فهمتيني ياقمر؟ ابتسمت ياسمين وبوستها. دخل أسد وقال: صباح الخير. قالت أمه: يا صباح النور عالقمر. عوجت نور بؤها وقالت: طبعاً القرد في عين أمه.

مسكها أسد من قفاها وقال: هو مين دا اللي قرد يابت؟ رفعت نور دماغها له وقالت: هو في قرد بعيون عسلي كدا؟ ياخلاثي عالقمر، متجيب بوسة يا قرد، قصدي يا قمر. ضحكت ليلي وأمل وياسمين. ابتسم أسد وقالها: من عيوني، ومال عليها. قالت نور: عاااااااه، الحقني يا جدوووو، وجريت. قال أسد بهزار: متزعلوش يا جماعة، أنا عارف إن جنان البيت دا على إيد مراتي، فتوقعوا منها أي حاجة بعد كدا. قالت نور: صباا...

وبعدين سكتت وقالت: بتعملوا إيه انتوا الاتنين؟ قام جدها بالعصاية بتاعته وقالها: إياك أسمع نفسك في البيت بعد كدا، انتي فااهمة؟ راحت نور وحضنته ومالت بدماغها عليه وقالت بطريقة درامية: ياعيني عليكي يا نور اللي ما انتي منصوفة من حد أبدا، حتى جدك حبيبك اللي كنتي بتقولي مليش غيره في الدنيا، هو سندي وضهري، عاوز يموتك، عااااج. شدها

جدها عليها وحضنها وقالت: معاش ولا كان اللي يزعلك يا قلبي، دا انتي الغالية يا نور عيني، وأوعي يابت أسمعك تقولي إنك يتيمه دي تاني، طول ما أنا عايشة، وطبطبت عليها. قالت نور وهي في حضن جدتها: يا حبيبتي يا تيتا، أنا عارفة إني مليش حد غيرك في البيت دا، وبعدين رفعت وشها وهي في حضنها لسه وقالت: إلا هو، انتوا كنتوا بتعملوا إيه يا حجة؟ ضربتها جدتها على كتفها وقالت: قومي يابنت الكلب من هنا، وإياك تتكلمي معايا تاني.

شوحت نور بيدها وقالت: هو إيه أصله دا؟ ضحك أسد وبعدين قالها: مبتستريش أبداً. قالت نور: انتوا اللي مش بيطر فيكم حاجة، عيلة تغم. ضحك جدها وبعدين قالها: هتروحي الكلية؟ نظرت نور لياسمين وقالت: لا، هقعد مع ياسو النهاردة. قال أسد: إيه دا بجد؟ قالت نور: أيون. قال أسد: طيب، أنا هقوم أمشي، لأني هروح عالماصنع الأول. قالت نور: خلي بالك على نفسك يا باشا.

مسكها أسد من ودنها وقال: متعمليش مشاكل ولا مقالب في حد، نفسي مرة يجي حد يقولي مراتك زعلانه عشان زعقناله. قالت نور: نعم؟ قال أسد: أيوا، نفسي أزعق فيهم وأجيب لك حقك يا حبيبتي بدل ما أنا على طول كدا بقول حقكم عليا. قالت نور: والله انت ما عارف إمتى يابني، وشوحت بيدها وقالت: اتفضل روح شوف شغلك. غمزلها أسد بعينه وقال: باي يا قمر.

بعدت نور شوية وقالت: شايف يا جدو، هو اللي بيعمل حركات قلة أدب أهو، وأنا بعدت عشان أنا بنت عيلة ومتربية. قال أسد: أعوذ بالله، ومشي. ضحك نور وجدها. وبعدين قالت نور: جدو حبيبي، أنا عاوزة أخرج مع ياسمين شوية. قال جدها: هتروحوا فين؟ قالت نور: للأسف يا جدو، متطرة أ صالحها هي والمزة عشان زعلانين من بعض، مش عارفة ليه. قال جدها: مش عارفة ليه؟ قالت نور: وأنا أش عرفني؟ هو أنا بتشرّف في حد في البيت؟ أنا في حالي زي ما انت شايف.

قال جدها: بريئة من يومك، وبص ل ياسمين وقالها: حبيبتي قومي احجزي وانزلي مع أختك. وبعد شوية. قالت نور لليلي وأمل وجدها وجدتها: ع الله حد يقولهم إننا رايحين، فاهمين؟ وإلا أقول إني شوفتكم وإنتوا... حطت ياسمين إيدها على بؤها وقالت: كفاية، أوعدك مش هيقولوا حاجة، ومشيو. وبعد بعض الوقت وصلوا المصنع، طبعاً بعد ما نور حكت اللي حصل ل ياسمين إنها كانت بتهزر كالعادة. دخلت نور المصنع وطلعت فوق وشافت السكرتيرة وقالت: أسد موجود؟

قالت السكرتيرة: احترمي نفسك، اسمه أسد بيه. تجاهلت نور كلامها وقالت: ويا ريت يكون حمزة معاه. قالت السكرتيرة: إيه قلة الذوق دي؟ رفعت نور حاجبها وقالت: انتي بتكلميني أنا كدا؟ قالت السكرتيرة: أيوا انتي. قالت ياسمين: يعيني عليكي يا بنتي، روحت بلاها. نظرت لها نور من فوق لتحت وبدون سابق إنذار مسكتها من شعرها وقالت لها: اتعلمي إزاي تتكلمي مع اللي قدامك، وشوفي مين واقف قدامك وبيكلمك، إيه؟ معندكش تمييز خالص؟

قالت السكرتيرة: ااااه، سبيني يا مجنونة انتي. قالت نور: من عيوني، أوريكي الجنان على أصله، وبتشدها من شعرها بقوة، ولفّتها برا مكتبها، وعمالة تلطش فيها. قالت ياسمين: كفاية يا نور. خرج أسد وحمزة وخالد من المكتب واتفاجئوا بنور ماسكة البنت من شعرها ومايلة دماغها لتحت. راح عليها أسد وقال: إيه دا؟ وبيحاول يفك شعر البنت منها. قالت نور: مفيش فايدة فيها. مال عليها أسد وحضنها بإيديه وقال لحمزة: فك إيدها من شعرها، هتقلعه.

بيحاول خالد يشيل البنت منها. وأخيراً قدر حمزة يفك إيدها من شعر السكرتيرة. قال أسد: أنا آسف يا آنسة. قالت نور: انت بتتأسف؟ سيبني عليها أربيها، قليلة الذوق دي. دخل بها أسد المكتب وياسمين وراهم. قال حمزة وخالد: متزعليش يا منى، إحنا آسفين. قالت منى بدموع: ممكن أعرف مين دي؟ قال خالد: دي البشمهندسة نور، مرات أسد بيه. قالت منى بخوف: أنا آسفة يا فندم، بس هي اللي... قال حمزة: خلاص، حصل خير، والتفتوا ودخلوا المكتب.

قال أسد: ممكن أفهم إيه اللي حصل دا، وإزاي ضربتيها كدا؟ قالت نور بغضب: إيه؟ زعلان عليها قوي؟ قال أسد بصوت عالي: هي مين دي؟ انتي اتجننتي؟ قالت نور بزعل: أيوا اتجننت، لما أشوف جوزي زعلان قوي على حتة سكرتيرة قليلة الأدب، أدبها عليا كذا مرة من غير ما أغلط فيها ولا أعملها أي حاجة. قال حمزة: إيه اللي حصل يا نور؟ اهدي وافهميني. قالت نور بعصبية: مش هفهم حد حاجة، أنا مغلطتش، واللي يغلط فيا لازم يتربي،

وبصت لأسد وقالت: وانت إياك تزعق فيا تاني كدا، وبصت لياسمين وقالت: جاية معايا ولا أمشي؟ حط أسد إيده على شعره وقال: استغفر الله العظيم. راح خالد على نور وقال: حبيبتي اهدي واقعدي. قالت نور: مش ههدي، وأوعى من وشي انت كمان، وراحت عالباب. شدها حمزة من دراعها وقالها: مش هتمشي. قالت نور بغضب وعيون حمرا: أوعى من وشي يا حمزة، أحسن لك، أنا عفاريت الدنيا بتتطاط في وشي. راح أسد وقف قدامها، ومرة واحدة باسها من شفايفها.

اتصدمت نور بتصرفه، وبعدين زقته عنها ووشها احمر. ضحك حمزة وراح عليها وقال: أخيراً قفشتك وانتي... ضحك خالد وقال: والله ما انت مكمل، أنا اللي لازم أكمل، وبعدين قال: فاكر يا دة يا حمزة لما قفشنا نور وهي بتقول لأسد هات بوسه، ومش بس كدا، أنا عاوزة أقعد معاك على انفجار ونكون براحتنا، عشان ممكن متكنش بوسة بس. قال حمزة: طبعاً فاكر، وشوفت بعيني كمان. قالت ياسمين: حصل، وأنا كمان شوفت. نظرت

لهم نور وابتسمت وقالت: حتى انتي يا كلبة؟ قال أسد: بس يلا انت وهو، اخرس، منك له، له. نور بصت له بزعل. قال أسد: خلاص، عشان خاطري، والله مقدر على زعلك. راح حمزة عليها وباس إيدها وقالها: ارحميني، أنا مصدقت الموظة تتصالح وتنسي اللي عملتيه الصبح. قالت نور: يعني أنا غلطانة؟ قال حمزة: لا طبعاً، أنا اللي غلطان وابن كلب. نظرت نور لياسمين وقالت: شوفتي؟ اهو اعترف بغلطه، يبقي مستحيل ترجعي له.

قال حمزة بصوت عالي: يا نااااس ارحموني منها، كل ما أعدلها من ناحية تعكننها من ناحية تانية. قالت نور: أنا كدا، طيب، أنا بقا لازم أقول لأسد إنك كنت عاوز تاخد ياسمين وتشربها حاجة صفرا فوق السطح، وكمان... قال حمزة: وربي ما حصل. قال أسد: يعني مراتي كدابة؟ قال حمزة بصوت هامس: هي تعرف غير. ضحك أسد وضَم نور لحضنه. راح حمزة على ياسمين وقال: اشمعني انتي يعني؟ قالت نور: دا يصح في وجودك، مش عاملك أي اعتبار.

راح أسد وشد ياسمين من حمزة وحضنهم هما الاتنين. قال حمزة: والمصحف دا كتير عليا، منك لله يابعيدة. قالت نور: بيدعي عليا يا أسد وانت جوزي وكمان ظابط، شوف شغلك معاه عشان ميتجرأش ويعملها تاني. راح أسد على حمزة ومسكه من قفاه وقاله: انت إزاي تتجرأ تدعي على مراتي، وكمان وأنا واقف؟ قال حمزة: محصلش، أنا بدعي على بنت عمي مش مراتك. قال أسد بمرح: قالها للأسف، طلع بيدعي على بنت عمه، وأنا مقدرش أعمل له حاجة خارج القانون.

قال خالد: نور، أنا... قبل ما يكمل، قاطعته وقالت: انت تسكت خالص، أنا بس أروح وأقول لأميرة تغير فكرتها عن جوازها منك، لأني شفتك على حقيقتك وانت بتبوس السكرتيرة، يا حقير. قال خالد: قسماً عظماً، منا قاعد معاكم، وخرج. قالت نور: استني، مش هقولها إنك بوستها، هقولها إنك متجوزها، ودا حلالك، تعالي. ضحك أسد وحمزة وياسمين. وبعدين حكت اللي حصل من السكرتيرة. قال أسد: معلش حبيبتي، هي متعرفكيش، بس لو عاوزاني أمشيهالها.

قالت نور: لا لا، انقلها بس. قال أسد: من عيوني يا قمر. قالت نور: وتجيب راجل مكانها. نظر لها أسد ورفع حاجبه. قالت نور بدلع: حضنته وقالت: راجل بشنبات كمان. قال أسد: ااه من قربك المهلك لقلبي وعقلي، وبعدين قالها: حاضر، انتي تؤمري. وبعد مرور شهر آخر. قال أسد وحمزة: إحنا حجزنا القاعة وكل شيء تمام. قال خالد: جدو، أنا عاوز أتتجوز أنا كمان، إيشمعني هما؟ قال الجد: لا، كتب كتابك على أميرة معاهم، لكن الفرح لما أميرة تخلص دراسة.

قال خالد: يا جدو، هو أنا يعني اللي هعطلها من الدراسة؟ قال الجد: أنا قولت كلمة. قال خالد: اتنهد وقال: كتب كتاب، كتب كتاب، أهو أحسن من مفيش، المهم أعرف أكلمها براحتي. وبعد كام يوم، أقيم حفل راقي لأسد ونور وحمزة وياسمين. قالت نور: حبيبي، مين البت اللي جاية علينا دي وبتبصلك قوي كأنها هتاكلك؟ نظر لها أسد وابتسم. قالت نور: كمان بتضحك لها؟ قام أسد وقف عشان يقابلها. راحت البنت على أسد وباركت له وبوستها.

قالت نور: وكمان بتبوسيه؟ وربي لأكون فضحاكي في القاعة كلها، ونزلت وقالت: يا جدووووووو. قال أسد: تعالي هنا يا مجنونة، دي علا بنت خالتو. راحت نور عند بتاع الدي جي وقالت: هات المايك. قال أسد وحمزة وياسمين: يا فضحتك يا علا وسط البلد. قالت نور: .........