رواية نصف جناني الاخر الفصل العشرون 20 - بقلم ايزيس

زياد: طب هنعمل إيه مع مثلث الشر؟ أسر: أنا هاعمل فيهم عمايل ماحدش يتوقعها. هنا: لاااااا مش قبل ما أمارس هوايتي المفضلة فيهم. أسر وزياد: هتعملي إيه؟ هنا بصت بشر وقالت: هعمل زي فيلم "جئنا البيان التالي". هدخلهم خط إنتاج اللبن، أول حاجة مرحلة الحلب، وبعدين مرحلة البسترة، وآخر حاجة الغليان. نيييههههها. هي ضحكت كده. أسر بسخرية: إيه الأوڤر دا؟ دا خيال علمي اللي انتي بتقوليه. هنا: دا قليل عليهم. صح؟

طب إيه رأيكم نبني مفاعل نووي ونحطهم هما التلاتة فيه، وبعدين نجيب يورانيوم مخصب ونفجر المفاعل بيهم زي هيروشيما ونجازاكي. زياد بص لأسر: ممكن تسكت مراتك؟ أسر: هنا سايلنت. خلينا نعرف نفكر. هنا: مهو دماغي جايباني أوقع عليهم أشد أنواع العقوبة. أسر: شششش. هدوء. أنا عندي فكرة جاحدة. هنا: قول يا أذكى أخواتك. أسر: @@@@@@@@ زياد: أنا دلوقتي بس اتأكدت إنكم فعلاً لايقين على بعض. بجد كابل مجنون. هنا بصت لأسر: عجبك كده؟

فضحتنا قدام الأجانب. أسر: أنا ماكنتش كده. دي هي اللي جننتني. هنا: إنبي إيه؟ مين اللي لبسلي لبس عفريت وخضني؟ أسر: احم. أنا. طب مين اللي حدفت جيجي بالبيض؟ هنا: احم. أنت كنت عارف إني أنا. أسر: هههههه. طبعاً. هنا: مين اللي قفل عليا باب التواليت تمن ساعات؟ زياد: باااااااااس. يخرب بيتكم. انتو عملتوا كده في بعض؟ أنا هاكلم مستشفى الأمراض العقلية حالاً. ضحكوا كلهم. شادي وصل: أنا شايف ندالة وخطط بتتم من غيري. أسر:

جيت في وقتك. اسمع هتعمل إيه. &&&&&&&&&&&& جيجي وصلت البيت وكانت مرعوبة. صافي بتحط ميك اب وكانت خارجة. جيجي برعب ودموع ووشها فيه كدمات: صافي الحقيني. معتز عمل حادثة ومات وأنا اللي صدمته بالعربية. صافي وقفت بصدمة: إيه؟ انتي بتقولي إيه؟ حد شافك وهو عايش ولا مات؟ انطقي. جيجي منهارة: ما أعرفش. ما أعرفش. صافي: يعني فيه حد شافك؟ جيجي: لا. صافي ابتسمت بخبث: تمام. خد الشر وراح. يارب يكون مات. أنا هأتأكد بطريقتي. أوك.

جيجي كانت لسة خايفة وبترتعش. صافي حضنتها: اهدي بقي خلاص. أحسن إنه غار. دا كان بياخد مني كل شهر مبلغ وقدره كويس. خلصنا منه. &&&&&&&&&&&& فيه حد كلم أسر فون. دا الراجل اللي كلفه أسر يراقب معتز. أسر: إيه؟ مات؟ لا حول ولا قوة إلا بالله. أوك. زياد وشادي وهنا: مين مات؟ أسر: معتز. عمل حادثة. عربيته ضربتها شاحنة وهو راجع. كلهم: لا حول ولا قوة إلا بالله. ربنا يرحمه. ما تجوزش عليه غير الرحمة. هنا: بس صافي وجيجي عقابهم هيبدأ.

&&&&&&&&& في الليل في فيلا خالد. كلهم قاعدين. بيدخل شادي بحزن. شادي: أسر فيه خبر مش عارف هيزعلك ولا يفرحك. جيجي وصافي خافوا جداً. أسر: قول فيه يا بني. شادي بحزن: هنا انتحرت. خالد كان بيشرب قهوة. وقع الفنجان من إيده. جيجي وصافي بصوا لبعض بصدمة. أسر بيمثل الصدمة وقف ومسك في هدوم شادي: انت بتقول إيه؟ إزاي؟ ازاااااااي؟ شادي همس له: إيه الأداء الأوڤر دا؟ fake أوي. أسر مسك مفاتيح عربيته. وشادي جري وراه:

اسررررر. استني. رايح فين؟ وخرجوا هما الاتنين وسخسخوا ضحك. صافي قربت من خالد: دودي انت كويس؟ خالد بص بحزن: لا. أنا مش كويس. ياسمين بصت لباباها وعيطت وحضنته: بابا. أنا كنت بحب هنا أوي. ليه عملت كده؟ صافي وجيجي بصوا لبعض وطلعوا أوضة صافي. جيجي: اعااااااا. أنا أكيد عملت حاجة حلوة أوي في حياتي. كل العقبات اللي كنت خايفة منها خلاص اختفت من قدامي. صافي:

عشان تعرفي يا روحي إن أختك بتخطط تخطيط عالي أوي. أكيد الغبية ما قدرتش تعيش بإحساس إن حد سلبها شرفها. وأفكار متخلفة زيها. جيجي سمعت الكلمة دي وافتكرت اللي حصل لها. بس بسرعة نفضت فكرة الزعل من دماغها وقالت إن معتز عنده حق. هي عملية صغيرة وهترجع زي الأول وتتجوز أسر ويعيشوا بسعادة. صافي: بصي. عايزاكي تلازمي أسر زي خياله. لازم تكوني الصدر الحنين ليه الفترة الجاية. فاهمة؟ جيجي: طبعاً فاهمة. أكيد هاقف جنبه. &&&&&&&&&&

شادي بيكلم عمه. شادي: عمي. أسر نفسيته تحت الصفر ومصدوم. ممكن تسافر حضرتك بداله عشان صفقة مستحضرات التجميل اللي هنستلمها من فرنسا؟ خالد بحزن: تمام. بس عايز أعرف هنا انتحرت ليه وإزاي. شادي بارتباك: ما إحنا بنحاول نعرف يا عمي. وأكيد لو وصلنا لحاجة هنقولك. خالد: تمام. هاروح أجهز شنطتي للسفر فرنسا. خالد جهز شنطته وسافر. علما بأن الصفقة فاضل عليها أسبوع بس. هما غيروا المواعيد عشان خالد يسافر. &&&&&&&&&&&& بالليل في الفيلا.

الكل نايم. وفجأة حاجة لابسة أسود وميك اب مخيف مغير ملامحها وحاطة شعرها على وشها ودخلت أوضة صافي. قربت منها ولمست وشها وقالت بصوت مرعب: صااااااافيييييي. قومي يا صافي. أنا قدرك. صافي صحيت وصرخت لما شافت الحاجة المخيفة دي. صافي: اعااااااا. انتي مين؟ اعااااااه. هنا بصوت مرعب: أنا هنا اللي انتي أذيتيني وخلتيني أموت. صافي: ما حصلش. ابعدي عني. ابعدي عنيا. عااااااااا.

وخرجت تجري. وهنا دخلت في البلكونة بتاعت صافي ومنها على بلكونة جيجي وكررت نفس الموقف. بس جيجي منعنعة أغمي عليها. أسر صحي: خير يا تنت. مالك خايفة من إيه وبتصرخي كده ليه؟ صافي بتحاول تتحكم في نفسها: م مم مافيش. حلمت بس كابوس وحش. أسر: طب خدي اشربي. صافي لسة هتشرب سمعت صراخ جيجي. طلعوا كلهم يجروا. جيجي ماسكة في نفسها ومش قادرة تتكلم. صافي: جيجي مالك؟ جيجي: هنا. هنا عفريته. اعااااااااا.

وفضلت كده فترة فاقدة السيطرة على نفسها. وبعدها نامت. أسر سابهم وراح جناحه هو وهنا. وكان مبسوط لأنه أخيراً هيقدر ينام مرتاح في حضن حبيبته. أسر دخل الأوضة لقي هنا نامت. أسر بصدمة: هنا. بت يا هنا. يا قلبك القاسي. وليكي نفس تنامي بعد ما رعبتيهم برا؟ هنا: اممممم. سيبيني يا ماما. أنا بحلم بأسر. أسر طبطب على وشها: وليه تحلمي؟ ما أنا أقدر أحققلك حلمك. قومي بقي. هنا فتحت عينيها: أسر. إيه؟ خلت عليهم أفكارك المهببة؟ أسر:

أنا أفكاري مهببة؟ اسم الله على أفكارك الخيالية. طبعاً خلت عليهم وهيموتوا من الرعب. هنا: طبعاً. أنا ممثلة بارعة 😎. أسر: ماشي يا عم المغرور. يلا بقي نامي عشان الصبح بدري لازم تختفي من هنا. ومحمد جمبها. وأخدها في حضنه وناموا. &&&&&&&&&&&& الصبح في الجامعة. ندي بتدور على هنا في كل حتة. ندي: يادي الوقعة السودة. البت هنا مختفية وأنا اعتمادي في الأول والآخر عليها هي في مشروع التخرج. أعمل إيه يا ربي؟ أرن عليها.

بصت لقيت أسر في وشها. أسر: ندي. عايزك في حوار بخصوص مشروع التخرج. هنا بتقولك هي هتخلص كل حاجة وأنا هاجيبلك المشروع عشان تدرسيه. أوك. ندي: ليه؟ وفين هنا؟ أسر: مش وقته دلوقتي. أسبوع بالكتير وهنا هاترجع. أوك. ندي: هي كويسة؟ أسر: أكيد يا أذكى أخواتك. اومال هتخلص المشروع إزاي؟ ندي: احم. صح. سوري. أسر: أوك. أنا همشي. ندي: تمام. في حتة تانية. زياد:

شيري. طبعاً انتي عارفة صاحبك زيرو في الكيميا. فنتفق بقي. انتي عليكي المشروع وأنا عليا الأكل والشرب. شيري بتبتسم بشرود: طب والنيش والصيني على مين؟ زياد: نعم؟!!!!! شيري فاقت لنفسها: ها. احم. قصدي يعني. إزاي مش هتشارك؟ اومال أنا هشيل الليلة لوحدي؟ زياد: أبوس إيدك. اعتبرني هادخل المشروع ده برأس مالي. يعني لو احتاجتي أي مواد أو أدوات عليا. وأنا عليا الإبداع. شيري:

في نفسها. امممم. شهم أوي. هو راجل البيت اللي بيصرف وأنا اللي بحضر الأكل. إيه اللي أنا بقوله دا؟ يخربيت دماغي. شيري: لا. لازم نتعاون. على الأقل عشان تعرف الخطوات اللي هننفذها سوا. وقالت في نفسها: اااه سوا. والنبي أنا بعمل دا كله عشان يبقي قريب مني. ما أنا أقدر أعمل المشروع لوحدي. إحنا أصلاً ماكناش مخططين إن المشروع يبقي كابلز. أحلى كابلز ياربييييي. اللهم اخذيك يا شيطان. زياد: شيري. روحت فين يا بنتي؟ شيري:

ها. ابدأ بفكر في المشروع. زياد: تمام يا شيري. أنا هكون معاكي. وأمري لله. شيري همست: متجمعين في الكوشة إن شاء الله. زياد: نعم؟ شيري: بقول متجمعين عند النبي إن شاء الله. زياد: يارب. يلا نبدأ. شيري: يلا. &&&&&&&&&&& هنا بصت لقيت صافي قاعدة بتاخد شاور. راحت كتبت لها ع المراية بالدم: هموتك زي ما موتيني. جيالك يا صافي ومعايا جيش. في أي وقت قدرك هنا. خرجت صافي من التواليت وبصت قريت الرسالة وطلعت تجري لتحت وتصرخ.

هنا كانت في البلكونة. مسحت الرسالة بسرعة واستخبت. ياسمين: مالك يا تنت؟ صافي: عفريتة هنا. لاااا. مش عايزة أموت. مش عايزة. ياسمين: تنت. مافيش عفاريت ولا حاجة. انتي شكلك أعصابك تعبانة. صافي: تعالي أوريكي. طلعوا الأوضة مالقوش أي حاجة. جيجي دخلت أوضتها ولسة هتاخد شاور. بصت لقيت البانيو كله دم. طلعت تصرخ ومصدومة. ياسمين: لاااا. ما تفهموني يا جماعة. إيه اللي بيحصل بالظبط؟ أنا مش فاهمة حاجة بجد.

مر أسبوع وهنا تقريباً جننت صافي وجيجي. وجه اليوم اللي خالد جه فيه من السفر. في نص الليل. هنا متواجدة عند صافي وعند جيجي في نفس الوقت. الاتنين فضلوا يصرخوا وهنا بتقرب من صافي. وهنا التانية بتقرب من جيجي. لغاية ما خرجوا برا أوضهم وبيصرخوا وصدموا في بعض. والغريبة أنه الاتنين هنا شبه بعض بالظبط. ٢ هنا بيتكلموا بصوت مرعب: اعترفي يا صافي. اعترفي بجريمتك انتي وجيجي. جيجي: أنا هاقول كل حاجة. بس ما تقتلوناش. ٢ هنا:

بصوا كده وراكم. جيجي وصافي بصوا لقوا البنات كلهم. وكانوا أربع بنات نسخة من هنا. والشباب كلهم. وكانوا أربع شباب شبه معتز. صافي صرخت: لااااااااااا. واغمي عليها. جيجي: أنا اللي قتلت زياد. أنا اللي صدمته بالعربية. وإحنا خططنا لهنا عشان تتطلق. بس معتز ما قربلهاش. م م. وفقدت الوعي. وأخيراً ظهر خالد اللي سمع كل حاجة. بس انصدم من المشهد المرعب اللي شافه. أربع معتز وأربعة هنا. خالد: انتوا مين بالظبط؟ كلهم: إحنا...