رواية نصف جناني الاخر الفصل الرابع عشر 14 - بقلم ايزيس

هنا راوحت البيت. وهي طالعة الجناح بتاعهم سمعت صافي بتكلم جيجي. صافي: فهمتي هتعملي إيه؟ لو الخطة دي نجحت يبقي باباي هنا. جيجي وصافي: هههههه. هنا: ماشي. هنتسلى. هنا دخلت أوضتها، غيرت، وصلت، وعملت روتينها المعتاد، وذاكرت شوية. وبعدها نزلت تستنى أسر. شافت ياسمين حاطة الهاند فري في ودانها وبتسمع أغنية وبتعيط. هنا قربت ومسكت ياسمين من كتفها. ياسمين انتبهت وشالت الهاند فري. ياسمين وهي بتمسح دموعها: في حاجة يا هنا؟

هنا قعدت: مالك؟ حد زعلك؟ أوعي يكون خالتي صوفيا هي اللي زعلتك؟ دانا أجيبها من شعرها. ياسمين: مين؟ هنا ابتسمت: قصدي صافي. ياسمين ابتسمت: انتي طيبة أوي يا هنا. هنا: حبيبتي يا ياسو. قوليلي بقي إيه اللي مزعلك؟ ياسمين: أنا هحكيلك لأني معنديش صحاب. بس أوعديني أنه يفضل سر بينا وماتقوليش لأسر حاجة. هنا: عيب يا سطا.

ياسمين حكت لهنا كل حاجة عن معتز، بس ما قالتش اسمه. وحكت لها قد إيه كانت بتعامل شادي معاملة وحشة، وإنها ندمانة وحاسة أنها معجبة بيه ونفسها يدّيها فرصة تانية. هنا: اممممم.. انتي عايزة فرصة تانية. وتفتكري لما يلاقيكي بالانكسار ده هيفكر فيكي؟ أكيد هيزعل ويقول إنك لسه بتحبي الخاين. ف انتي بقي لازم تبينيله إنك فريش وفرفوشة عشان يعرف إنك نسيتي الخاين. ياسمين: بجد؟ طب أعمل إيه؟ هنا: أنا أقولك.

أسر وشادي وصلوا البيت ولقوا فرح العمدة شغال. أسر: إيه الصوت العالي ده؟ شادي: مش عارف. هنا وياسمين مشغلين الصب صوت عالي أوي على أغنية: 🎶 أنا طبعي كده وبحب كده وبحب أعيش وماعنديش إلا كده. دي حياتي أنا ودي ملكي أنا وأنا مهما يكون برضه هكون زي ما أنا. عايشة سني وبغني وبحب الحياة. قلبي عايش سنينه وحياته وهواه. بعمل اللي بحبه وبحسه وأكيد ثانية ثانية يا دنيا هعيشك أنا. 🎶

أسر وشادي واقفين يتفرجوا على الاتنين اللي بيرقصوا بجنان. أسر قفل الصب. هنا: مسكت حجابها لبسته. إيه ده؟ مش تكوحوا؟ شادي: انتي عملتي إيه في البت؟ جننتيها زيك يا مرات أسر. هنا: هو أنا لسه هجننها؟ هو فيه حد يعيش معاك ويبقى عاقل؟ شادي: بت انتي هتندمي. هامسكك من رقبتك أموتك. هنا: ولا تعرف تعمل حاجة. أسر وياسمين بيبصوا لبعض ومستغربين. أسر: بااااس جيم أوڤر. انتوا إيه؟ هو ضُرتك؟ هنا: هو اللي بدأ. شادي: اسم الله على البريئة.

ياسمين: إيه يا شادي؟ دي هنا قمر. شادي همس لها: مافيش قمر غيرك وربنا. ياسمين انكسفت. أسر: بتقولها إيه يا متخلف؟ شادي: بقولها ماتسمعيش كلام اللي في بالي. ياسمين ضحكت. هنا ببرأة: شايف يا أُس أُس؟ قصدوا عليا. أسر باس إيدها: فكك منه يا قلب اس اس. ويلا نطلع فوق. أخده وطلعوا جناحهم. هنا قاعدة على السرير وأسر بيبدل هدومه. أسر: أحمد أخويا هيخطب ندي صاحبتي بكرة. ممكن أروح من أول اليوم عشان أكون معاهم؟

أسر: رغم إنه بكرة الجمعة وكنت حابب نقضي اليوم مع بعض. بس ما أقدرش أمنعك تكوني مع أخوكي في فرحته. هبقى أوصلك. هنا ابتسمت: ربنا ما يحرمني منك. أسر: ولا منك يا هنايا. الصبح. هنا صحيت بدري. جابت رز وحطته في البالكونة على صينية صغيرة. وبعد شوية اتجمع العصافير يفطروا. هي متعودة تعمل كده في بيت أهلها. أسر صحي على صوت العصافير. أسر وهو بيفرك عينيه بنوم: بص لقي هنا بتراقب العصافير. قام حضنها من الخلف. أسر: بتعملي إيه؟

هنا: اششش. وطي صوتك عشان ما يخافوش ويطيروا من غير فطار. أسر انتبه للعصافير وابتسم: انتي بتفطريهم؟ هنا: اممم. أسر باس خدها: انتي جميلة أوي يا هنا. هنا: وانت حبيبي أوي يا أسر. همس في ودنها: عقبال ما تفطري ولادنا. هنا ابتسمت بخجل. ابتسم وقال لها تيجي نجري شوية. هنا: موافقة. وبعد ما جريوا ورجعوا وعملوا الروتين اليومي بتاعهم، أسر وصل هنا عند أهلها. ورجع البيت. وياسمين طلبت من شادي إنهم يخرجوا أي حتة لأنها مضايقة.

صافي انتهزت الفرصة وأخدت خالد معاها النادي. أسر دخل أوضة مكتبه وكان بيخلص شوية شغل. جيجي راحت المطبخ وطلبت من الخدامة تعمل قهوة لأسر. هنا في بيت أهلها بتساعد أحمد يختار بدلة شيك للخطوبة. ندي كلمتها وطلبت منها تروح لها عشان تختار معاها فستان. هنا طلبت من أحمد يوصلها عند ندي. في مكتب أسر. جيجي دخلت وقفلت الباب. أسر بدهشة: انتي مش قولتي هتخرجي مع طنط صافي وبابا؟ جيجي: لا. أنا حسيت إني تعبانة فقلت أقعد في البيت.

أسر: أوك. ممكن تخرجي عشان بخلص شوية شغل. جيجي اتجاهلت كلامه وقربت عليه وحضنته وهو قاعد على المكتب. أسر بعدها عنه بهدوء وقال: جيجي عيب كده. انتي زي أختي. ممكن تخرجي. جيجي: بس انت مش زي أخويا وانت عارف كده كويس. أنا بحبك يا أسر. أسر: وأنا بحب مراتي. لو سمحتي ابعدي. جيجي بتمثل البرأة: حاضر. وخرجت وطلبت من الخدامة تعمل لأسر قهوة. الخدامة عملت القهوة وادتها لأسر.

أسر شرب القهوة اللي جيجي كانت حاطة فيها حاجة. بدأ يحس إنه دايخ وفاقد السيطرة على نفسه. دخلت جيجي وكانت لابسة لبس استغفر الله العظيم لا داعي للوصف. جيجي قربت ومسكته من وسطه بتحاول تقومه. أسر بتوهان: ابعدي عني. عايزة إيه؟ جيجي: تعالي هاساعدك تروح أوضتك. انت شكلك تعبان. أسر: لا. م.. مش تعبان. أنا هاطلع لوحدي. جيجي بمكر: أوك. وسابته. كان هيقع. مسكته تاني. أسر بدوخة: هنا. هنا. انتي فين؟ جيجي: أنا جنبك يا حبيبي.

وأخدته وطلعته أوضته بصعوبة. أسر رمى جسمه على السرير بتعب وهو بيغمض ويفتح وحاسس بدوخة وبيمسك راسه. جيجي قربت وقلعت التي شيرت تحت اعتراض شديد منه بس مش قادر يقاوم. معتز وفضل يصورهم صور كارثية. كان واضح فيها إنه أسر صاحي وواعي للي بيعمله. بعدها أسر نام على طول. وجيجي ابتسمت بخبث وقالت لمعتز: بالسلامة. انت بقي يا ميزو. معتز بخبث: ما نقضي احنا كمان وقت حلو.

جيجي: معتز انت نسيت نفسك. يلا امشي بسرعة قبل ما حد يجي يشوفك وهات الكاميرا. جيجي حطت روج كتير وبعدها طبعت قبلات كتير في وش أسر. وخرجت وهي بتضحك. بالليل. أحمد وعيلته راحوا خطبوا ندي. وقعدوا مع بعض العيلتين وسهروا سهرة لطيفة. وهنا كانت شاردة بتفكر إزاي أسر ما يكلمهاش ولا مرة من الصبح. بس قالت إنه هو يمكن فكر يسيبها على راحتها في خطوبة أخوها. طلبت من أحمد يوصلها عشان اتأخرت.

شادي وياسمين خارجين من الملاهي وواقعين ضحك. وياسمين كانت مبسوطة جدا. بس فجأة... شادي: ازيك؟ شادي بابتسامة: لمار. ازيك عاملة إيه؟ مختفية من يوم المناقصة اللي كسبتوها. لمار (أخت زياد) : انت اللي مش بتسأل. أنا رنيت لك كتير بس انت ما رديتش. ياسمين حسست إنه لمار حبيبة شادي. اتبدلت ضحكتها وبقت شاردة وحزينة طول الطريق. هنا رجعت البيت لقت الكل قاعد ما عدا أسر. هنا بقلق: بابا خالد. أسر فين؟

خالد: هو في أوضته يا بنتي من الصبح نايم. إحنا قلنا شكل سهرته امبارح كانت صباحي. ههههههه. هنا بإحراج وقلق: احم. أنا هاطلع أصحيه. هنا فتحت الباب لقت أسر بالمنظر اللي سابته عليه جيجي. هنا جريت عليه بصدمة وهزته والدموع في عينيها: أسرررر. أسر فوق بقي. أسر صحي بتعب: هنا. انتي جيتي يا حبيبتي؟ هي الساعة كام؟ هنا حطت إيدها على وشه بتمسح الروج وقالت: إيه اللي انت عامله في نفسك ده؟

أسر مسح وشه لقي روج كتير. بص في المراية لقي نفسه مش لابس تي شيرت ووشه وصدره كله روج. أسر: 😳 هنا: ...