رواية نصف جناني الاخر الفصل الخامس عشر 15 - بقلم ايزيس

أسر صحي بتعب. "هنا انتي جيتي يا حبيبتي؟ هي الساعة كام؟ هنا بصت له بصدمة وحطت إيدها على وشه بتمسح الروج. "ايه اللي انت عامله في نفسك ده؟ أسر مسح وشه لقي روج كتير. بص في المراية. "ايه دا؟ هنا أنا مش فاكر حاجة." هنا بصت بصدمة. "لقيت الصور على السرير." مسكتها. وأسر كمان قرب يشوف الصور وانصدم من اللي شافه. أسر اتكلم بصدق. "هنا والله ما عملت حاجة، أنا مش عارف." ولسة هيكمل كلامه هنا قطعته وحطت إيدها على بقه وقالت وهي بتعيط.

"أنا مصدقاك يا أسر، أنا بثق فيك." أسر باستغراب من رد فعلها. "طب بتعيطي ليه يا حبيبتي؟ أنا بجد مش فاكر حاجة." هنا حضنت أسر جامد وعيطت أكتر. أسر كمان حضنها. وبعدين بعدها عنه وبيمسح دموعها. "هنا أنا آخر حاجة فاكرها فنجان القهوة اللي شربته وبعدها مش فاكر إيه اللي حصل." "بس أنا عارفة إيه اللي حصل، أنا سمعت صافي وجيجي بيتفقوا على الخطة بس ماكنتش عارفة هينفذوا امتى."

"قلتلك يا هنا بلاش تتحديهم، هما مش ساهلين. بس جيجي زودتها أوي وأنا هنزل أطربقها على دماغها هي وأختها، كفاية لغاية دلوقتي." هنا مسحت دموعها وقالت. "أوعى تعمل كده يا أسر. الصور بتبين إن انت اللي بتبوسها مش هي. وبابا خالد ممكن يصدق. انت عارف أنا بعيط ليه؟ عشان مش عارفة كان إيه اللي ممكن يحصل لو ما سمعتش خطتهم. ياترى كان ممكن الصور تخدعني؟

"هنا أنا عايزك تثقي فيا، أنا فعلاً مش ملتزم في ديني بس عارف كويس أوي إن الزنا من الكبائر، والحمد لله عمري ما عملتها ولا هعملها أبداً. عشان كده لو حصل أي حاجة بعد كده لازم تكوني عاقلة زي دلوقتي." "أكيد يا حبيبي. بس سيبني أرد عليهم بطريقتي ونعاقبهم." أسر حضنها وقال بمشاكسة. "نعاقبهم زي عقاب زين الجارحي؟ هنا ضربته في كتفه. "لأ، عقاب زين الجارحي ده ليا أنا وبس." أسر غمز لها. "طب ما تيجي أعاقبك دلوقتي." هنا بعدت عنه.

"لأ، فيه ناس تاني لازم تتعاقب. ادخل خد شاور وامسح الأرف ده وبعدين أقولك نعمل إيه." جيجي وصافي قاعدين آخر انبساط ومستنين على نار يعرفوا آخر الأخبار بين أسر وهنا. وفجأة أسر نازل على السلم وماسك هنا من خصرها وبيضحكوا. جيجي وصافي: 😳😳😳 خالد: "أخيراً يا أسر باشا شوفنا وشك من الصبح." "مش هتصدق يا بابا خالد، أسر كان مستني على نار ومضايق إني اتأخرت." "انتي عارفة إني مش بقدر على بعدك." جيجي همست لصافي.

"انتي مش قلتي مفعول المنوم لغاية الساعة 12 بالليل؟ أومال إزاي صحي وخبي كل حاجة؟ "مش عارفة، هنعرف كل حاجة دلوقتي. وبعدين ممكن نستغل النقطة دي ونهدده مدام خبي الصور." "وحشتيني يا خالتي صافي، وانتي كمان يا أبلة جيجي." "إيه؟ أبلة؟ ليه هو أنا أكبر من بكام سنة؟ "أنا عارفة بقي، مانتي شادة ونافخة وسيليكون وربنا ستار على عباده." "انتي قليلة الأدب! "أمك اسمها رجب. 🤭 أوبس سوري." أسر وخالد وشادي انفجروا ضحك.

شادي كان جمب هنا همس لها. "أول مرة تقولي حاجة صح، أنا باتفق معاكي جداً." "أي خدمة يسطا." أسر حس الموقف هيتأزم أكتر من كده. شد هنا من إيدها وقال. "يلا بقي عشان تنامي." أسر طالع على السلم ومش قادر يبطل ضحك. هنا ضحكت لضحكته. أسر حضنها. "حد قالك إنك عسل قبل كده؟ "كتييييير." "باسها. طب حد قالك كده قبل كده؟ هنا انكسفت وضربته. "حد قالك إن بوستك أحلى من بتاعة زين الجارحي قبل كده؟ "يادي زين الجارحي." *** في الصبح.

هنا صحيت بدري وعملت روتينها اليومي. ونزلت المطبخ لقيت الشغالة بتحضر فطار. خرجت شوية برا الفيلا تشتري حاجة. ورجعت تاني للمطبخ بسرعة. "أسعدك يا أمال." "لأ يا ست هنا مش عايزة أتعبك." "لأ. هساعدك. ولو خايفة من بابا خالد ما تقوليش إني ساعدتك. أنا بحب بنت صافي أوي عشان كده حابة أعملها أكلة حلوة بس مفاجأة تمام؟ ما تقوليش قدامهم." أمال بحب: "انتي طيبة أوي يا ست هنا، والله ربنا يباركلك." "شكراً يا أمال 😊" بعد شوية ع الفطار.

الكل بيفطر. هنا مبسوطة جداً لأنها انتقمت بطريقتها من صافي وجيجي. صافي وجيجي بعد ما أكلوا فطارهم وبطنهم بدأت توجعهم وجريوا على التواليت. خالد كان مندهش بس أسر فهم وبيكتم ضحكته وهنا مبسوطة أوي بس بتمثل الزعل على حالة صافي وجيجي اللي رايحين جايين على التواليت ويتألموا من الوجع. أسر أخد هنا عشان يوصلها جامعتها وهو يروح على شغله. أسر ضحك. "هو دا انتقامك؟ "ولسة ما خفي كان أعظم 😎"

"اممم بس كان ممكن نتسلى أكتر لو حطتيلهم حبوب هلوسة بدل حبوب الإسهال." "تصدق صح، كنا هننبسط أوي. خلاص المرة الجاية." "أبوس إيدك ركزي معايا وفكك منهم." "ودي تيجي برضو يا اس اس؟ انت تعرف عني كده؟ أسر وهو بيدور عربيته وبيسوق. "شكلك مش هتجيبيها لبر يا هنا." *** شادي كان طالع على شغله. بص لياسمين وهي تجاهلت نظراته ولسة هتمشي. مسك إيدها. "صباح الخير." ياسمين بزعل: "صباح النور." "إيه مالك النهارده؟ انتي كل يوم بحال ولا إيه؟

ياسمين مسكت خصلة من شعرها وبتلعب فيها. الحركة دي بتعملها لما تكون متوترة أو مضايقة. "قولي مخبية إيه؟ وسيبى شعرك الحلو ده بدل ما تقطعيه." "احم.. شادي هي لمار حبيبتك مش كده؟ شادي ابتسم. "لأ، مش حبيبتي." ياسمين ابتسمت وهديت وسابت شعرها. "طب ممكن أعرف مين هي حبيبتك؟ شادي بخبث. "قريب أوي هعرفك عليها." وسابها وخرج على شغله وهو بيبسم. وهي حست بسكينة ضربتها في قلبها. (كيف لم أنتبه لحبي لك يوماً؟

كيف غفلت عن تلك اليد التي كانت تتمسك بي رغم رفضي؟ وكيف لي لم أستيقظ إلا على يدك وهي تنسحب من يدي لتتركني أسقط في عالم الحنين والاشتياق لحبك.) *** هنا وصلت الجامعة ولسة هتدخل المحاضرة. لقيت زياد في وشها. "أهلا مدام هنا المسيري." "أهلا يا أستاذ زياد." "اشمعنى هو مش أنا؟ "انت اتجننت؟ انت إزاي تكلمني كده؟ "انتي وعدتيني تفكري في ارتباطنا وبعدها تتجوزي. انتي خاينة."

"انت واحد مجنون وأنا ما اسمحلكش تكلمني كده. أو إيه من طريقي." زياد مسك هنا من دراعها. "هتندمي يا هنا، صدقيني. هادفعك تمن تجاهلك ليا ده غالي أوي." هنا سحبت إيدها بعنف. "لو اتكررت تاني ها أقول لأسر وهو هيعرف يرد عليك بطريقة تليق بيك." معتز كان بيراقب هنا بأمر من صافي وراح لزياد واتعرف عليه وعرفه بنفسه. "أنا ملاحظ إن الباشا له تار عند هنا المسيري." "بتسأل ليه؟ انت مالك؟ "هاساعدك." "ليه؟ وإيه المقابل؟

"هدفنا واحد، نفرق أسر وهنا. أسر يلزمنا وهنا تلزمك. قلت إيه؟ "وإيه اللي يثبتلي صدق كلامك؟ "هاخليك تقابل صافي هانم بنفسها." "أوك، موافق." *** هنا خلصت محاضرتها وما راحتش الشغل لأسر، رااحت البيت لأنها كانت حابة تصفي حسابها مع جيجي وصافي قبل أسر وخالد ما يرجعوا البيت. صافي وجيجي قاعدين بيشربوا عصير فريش. هنا دخلت قربت عليهم وفتحت شنطتها طلعت الصور ورمتها قدام جيجي. "تدفعي كام عشان ما أفضحكيش؟ "انتي شكلك اتجننتي."

"أنا برضه اللي اتجننت؟ في واحدة محترمة تتصور مع راجل بالوضع ده." "انتي بتعاتبيني أنا؟ قولي لجوزك." "آه، حيث كده بقى لازم بابا خالد يعرف الموضوع ونجيب الكاميرات اللي في أوضة نومي أنا وأسر ونجيب تحليل المعمل الجنائي للقهوة اللي كان فيها منوم." جيجي وصافي بصوا لبعض وصافي اتكلمت بسرعة. "انتوا بتتكلموا عن إيه؟ أنا مش فاهمة حاجة. وإيه الصور دي؟ أنا مش مصدقة انتي يا جيجي وأسر! عمري ما تخيلت إن أسر يعمل كده."

"خالتي صافي، الكذب حرام. واللي يكذب بيروح فين؟ يا تنت." صافي مسكت هنا من دراعها. "انتي مش قدي." "فعلاً، أنا أقوى منك. هاقولكم رسالة أخيرة. جوزي خط أحمر. ودي آخر مرة تلعبي معايا عليه." "أكيد، لأن المرة الجاية هتبقي انتي بطلة اللعبة." "دا بعدك. أنا هنا مقالب وصحيالك يا سوفاجه." هنا خرجت وصافي كانت هتطق من الغيظ. كلمت معتز وخرجت بسرعة. *** هنا دخلت المطبخ لقيت حباية إسهال من اللي حطتهم لصافي وجيجي.

قالت في نفسها: خسارة أرميها، نتسلى شوية. أنا هاحطها في كوباية المية اللي في الصالة وأول حد هيدخل يشرب هيبقي الضحية هههههههه. بس لو كان بابا خالد أوقفه غير كده لأ! وألف لأ! 🤭😂😂😂 وطبعاً قرة عيني أسر مش بيجي غير المغرب، في الأمان يا ريس 😂😂. وبعد شوية شادي جه من الشغل وقرر يعترف لياسمين أنها هي حبيبته لأنه مش قادر يشوفها حزينة. "هو أنا ليه متوتر كده كأني داخل على امتحان ثانوية عامة؟

ساهلة جداً. أنا بحبك يا ياسمين. أو انتي هي حبيبتي يا ياسمينتي. بجاوب حلو اهو. ..أووووف أنا عطشان." مسك كوباية المية وشربها كلها. وبعد شوية مسك وطلع لياسمين أوضتها. خبط ودخل. "عايز حاجة يا شادي؟ تعالي ننزل نتكلم تحت." شادي قرب. "أنا هاقولك كلمة واحدة بس. أنا.... أنا.... أنا عايز أروح التوالييييييت. وسع من طريقي. ااااااه." ودخل التواليت اللي في أوضتها. هنا كانت بتراقب وميتة ضحك على شادي.

"كان نفسي تكون سوفاج أو اختها بس نعمل إيه. نصيبك يا شوشو 😂" *** صافي في شقة معتز ومعهم زياد. وبعد ما اتعرفوا على بعض وكل واحد وضح هدفه. "بص يا زياد. مهمتك بقى إنك تبعد أسر حتى لو يومين عن مصر كلها. أسر لازم يسافر." معتز بحماس: "وإحنا هنعمل كل حاجة وانت بعدها هتبقى الهيرو هههههههه" زياد بحماس أكبر: "موافق، بس الخطة إيه بقى؟ "الخطة...