رواية نصف جناني الاخر الفصل الثالث 3 - بقلم ايزيس

سليم: بت يا هنا، سواق سواق، اضرِررررب! وفجأة، هنا توجه بيضة على السواق، وسليم يوجه طماطماية. فينحني السواق لأسر، فترشأ البيضة على هدوم أسر والطماطماية في وشه. يبدأ الصحفيين تصوير في المشهد النادر ده، والتلفزيون يصور عشان تنزل الأخبار في الجرايد: "طبق اليوم: أسر المسيري بيض بطماطم". أسر بص لفوق، لمح بنت بتجري وتضحك. أسر: 😠😠😠 هاقتلها!

وركّب بسرعة عربيته عشان يهرب من الكاميرات، وساق بسرعة. كان كل هدفه أنه يلاقي مول قريب يشتري منه أي بدلة عشان يلحق المناقصة. بس المشكلة إنه أخد ورق شركته معاه. وبعد حوالي ربع ساعة، كان لقي مول وراح اشتري منه بدلة. طبعاً مش استايله خااالص، بس مش مهم، المهم أنه لازم يلحق الصفقة. بص في الساعة، لقي فيه قدامه ربع ساعة كمان. ساق بسرعة جداً، وخلاص كان هيوصل قاعة المؤتمرات.

بس فجأة، خبط في ست كانت ماسكة خضار ومشتريات من السوبر ماركت. وقف العربية. وفجأة لقي حشد من الناس اتجمع حواليه، وكله بيشتمه ويزعقله. رجل: مش تفتح، مهو تلاقي ماما اللي جايباهالك! أسر وعينه على القاعة، بيرد على الراجل: احترم نفسك، وماتلمسنيش. زيكو صبي القهوجي: ما يلمسكش ليه؟ خايفة على نفسك يا سوسو؟ أسر بصله بغضب وضربه بوكس وقعه على الأرض. وبعدها الناس مسكوا فيه وبهدلوا هدومه، وهو بيقاوم وعينيه مركزة على القاعة.

راجل تاني: لازم تودي الست المستشفى، نشوف يمكن رجلها انكسرت. أسر: خد العربية بتاعتي وديها أنت. سيبوووني وخد فلوس، بس سيبوووني. الراجل: نسيبك؟ دا إيه؟ انتوا تعملوا العملة وتهربوا؟ احنا هناخدك على القسم نعملك محضر. أسر وصل لقمة غضبه، وقام زق الراجل على الأرض وصرخ: سيبونيييييييي! وفجأة وقف متصنم مكانه بمجرد ما شاف كمال السعدني خارج ومعاه ورق الصفقة. مسك راسه، وقام واقع مغمي عليه من الصدمة.

الست اللي اتخبطت: خلاص يا جماعة، جات سليمة. أنا كويسة. شادي لمح عربية أسر، جري. لقي الناس شايلنه وهياخدوه على المستشفى. شادي قلق عليه وقام سانده بمساعدة الناس، ودخله العربية وساق على البيت، وكلم الدكتور. بعد فترة، جه الدكتور وفحص أسر وقالهم إنه ضغطه نزل عشان كده فقد الوعي. وأسر أخيراً استعاد وعيه. أسر ساكت مش بيتكلم. شادي بغضب: انت رحت فين؟ السعدني جروب خدوا الصفقة. هي دي اللي في جيبك؟

أسر صرخ وهو في قمة غضبه: شادييييي! بس مش عايز أسمع أي كلمة بخصوص اللي حصل. بس دي مؤامرة ضدي، وأنا لازم أعرف مين وراها. البت دي تجيبلي كل حاجة عن تفاصيل حياتها. هي تقريباً كانت في الدور الخامس، أكيد حد اتفق معاها عليا. شادي: تمام، اهدي بس اهدي. خلاص اللي حصل حصل. تكون في بؤك وتقسم لغيرك يا صاحبي. أسر: اطلع برا، سيبني لوحدي. شادي: تمام. خرج شادي، لقي ياسمين في وشه، لابسة وخارجة. شادي: رايحة فين يا ياسمين؟

ياسمين: ميت مرة قلت لك ما تسألنيش رايحة فين. انت مالك أصلاً. شادي بغضب بيداريه: أنا مالي، ماااشي يا ياسمين. بس أحب أقولك أنا عارف إنك مارحتش الجامعة من يومين وكنتي مع حبيب القلب في كافيه. ياسمين بتوتر: ا ا إيه؟ انت عرفت منين؟ شادي: اسمعي يا ياسمين، أنا بحذرك، ابعدي عن معتز. انتي ما تعرفيش. ياسمين: انت قلت لأسر؟ شادي: تفتكري لو كنت قلت لأسر كان سابك كده عادي؟

ياسمين ابتسمت وقالت: أومال أنا بحبك ليه يا شادي يا عسولة. وخرجت تجري. شادي اتنهد بحزن: يا ريت تعرفي إني أنا كمان بحبك أوي يا بنت عمي. ولسة بيلف، لقي جيجي هاتدخل أوضة أسر. شادي جري: استني عندك. لو عايزة وشك الحلو ده يتعمل منه شاورما، ادخلي عنده. جيجي: مش فاهمة ليه بقي؟ شادي: أسر في قمة غضبه والعفاريت بتتنطط قدام عينيه، ومش عايز يشوف أي حد. وانتي حرة يا قطة. جيجي بصتله بغضب وجريت على أوضة اختها.

جيجي: صافي، انتي مش وعدتيني إنك هتكلمي أونكل خالد في جوازنا أنا وأسر؟ صافي: شور يا قلبي، هاكلمه بس مستنية الوقت المناسب. واطمني، أسر مافيش حد في حياته. وأنا بخطط حتة خطة بسببها أسر حتى لو رافض يتجوزك، هيوافق غصب عنه. وضحكت بخبث. جيجي بحماس: خطة إيه؟ صافي: تؤ تؤ، دا شغلي أنا. انتي بس احلمي، وأنا هحققلك كل أحلامك. هههههههه. جيجي: 😘😘😘 &&&&&&&&&& تاني يوم في الجامعة. هنا قاعدة سرحانة وبتسم. ندي: مالك عاملة زي الهبلة كده؟

بتضحكي للهوا؟ بتفكري في إيه يا قدري؟ هنا: اممم، بفكر في اللي سرق قلبي. ندي: مين ده ياختي اللي سرق قلبك؟ هنا: زين الجارحي. شيري: نعم ياختي! إحنا مش اتفقنا إنه زين الجارحي الكراش بتاعي، أنا ومراد الألفي الكراش بتاعك؟ ندي: هتتجنن منهم. أنا قاعدة مع اتنين مجانين بيتكرشوا على ناس مش موجودة أصلاً. أبطال روايات. شيري: اسم الله عليكي. انتي الكراش بتاعك ممثل تركي. سمعتهم بنت كانت مركزة معاهم أوي.

البنت: جاتك خيبة منك ليها. بقي أنا ببيض على إشاعة أنشرها في الجامعة، ويطلعوا في الآخر أبطال روايات؟ ياخي أبو شكله اللي يتصنتكوا تاني. ومشيت وهي هتطق من الغيظ. ضحكوا التلاتة المجانين. وقالت ندي: يلا بسرعة، لحسن مازن يعمل مننا كفتة لو اتأخرنا، وهو أصلاً شايط من هنا. لسة هيدخلوا السيكشن، لقوا زياد قدامهم. زياد ببراءة ونحنحة: بنات، ممكن أتكلم خمس دقايق مع هنا؟ هنا: لا. ندي وشيري: خلاص يا هنا، هنقف بعيد عنك شوية، تمام.

هنا: أندال وربنا. وانته، اخلص، عايز إيه؟ بصلها واتكلم بنحنحة: أنا آسف يا هنا، وعايز نبدأ صفحة جديدة مع بعض. إيه رأيك؟ مدام انتي مش بتحبي الصحوبية وكده، خلاص أنا هاخطبك. أنا بحبك يا هنا. هنا بصدمة: إيه؟ تخطبني؟ بس بس، انت مش فارس أحلامي يا زياد. زياد: نعم؟ أنا زياد السعدني. البنات تتمنى نظرة مني. تقولي مش فارس أحلامك؟ أومال مين بقي فارس أحلامك يا ست هنا؟ هنا: زين الجارحي. البنات سمعوها وانفجروا ضحك.

زياد بعدم فهم: ده معانا في الجامعة؟ هنا: لا، ده بطل رواية. زياد: نعمممم؟ وقال في نفسه: مستني إيه من الهبلة دي؟ بس إيه، مزة وتستاهل الواحد يستحمل ام جنانها ده. وبعدين قالها: خلاص، توعديني إنك تفكري؟ وأنا أوعدك إني أبقى زي زين الجارحي. هنا: هحاول. وطبعاً كان فيه حد من رجالة أسر بيصور المشهد ده كله. دخلت هنا والبنات السيكشن، وهما هينفجروا ضحك على هبلها وبيقلدوها. مازن: هنا، قربي تعالي، عايزك. هنا: إيه؟

عايز تتجوزني انت كمان ولا إيه؟ عشان تبقى كملت. مازن: نعممم؟ هنا: ما تاخدش في بالك. نعم، عايز تسقطني كمان ولا تحرمني من الامتحان؟ مازن ابتسم: لا يا هنا، أنا عرفت إنه مالكيش ذنب في الانفجار اللي حصل. أنا راجعت المواد ولقيت حصل خطأ، وكان فيه مادة قابلة للانفجار فيهم. عشان كده أنا اديتك أعمال السنة كاملة. هنا بصتله ودمعت وعيطت: بجد يا دوك؟ مازن: بجد والله. بتعيطي ليه يا بنتي؟ هنا: الظلم وحش أوي يا بيه. مازن: بيه!!!

انتي بتشحتي؟ هنا: قصدي يا دوك. مازن: اتفضلي مكانك. &&&&&&&&&& في مكتب أسر. أسر بيتكلم في الفون: شكك طلع في محله. البت ليها علاقة بكمال السعدني. أنا صورتها وهي واقفة مع ابنه. أسر: تمام، هاتلي بقي كل المعلومات اللي جمعتها عنها وتعالى بسرعة. أسر قفل مع الراجل، وفجأة يدخل مازن ومعالم الصدمة على وشه. مازن: قريت آخر الأخبار على النت. أسر: لا، إيه اللي حصل؟

مازن: مصورينك بالبيض والطماطم، وبقيت تريند على مواقع التواصل الاجتماعي. والألعن من كده، الخبر التاني. أسر: إيه تاني؟ مازن: بنت طالعة لايف وبتقول إنها حبيبتك ومتجوزين عرفي. والفيس والإنستا وكل مواقع التواصل مقلوبة عليك، والصحفيين تحت مستنيينك. أسر: إيه؟ وأنا هاتصرف إزاي دلوقتي؟ مازن: مش عارف، مش عارف. وصل الراجل اللي كان بيراقب هنا، أداله الملف. أسر مسك الملف وقال لشادي: يلا، نازلين نشوف المصيبة دي.

أسر نزل ولقي الصحفيين في كل حتة. الصحفي: إيه رأيك في التهمة الموجهة ليك يا أسر باشا؟ أسر: الكلام ده كدب، وأنا بحب واحدة وهاتجوزها قريب جداً. صافي كانت بتتابع البث المباشر ومبسوطة عشان خطتها ماشية كويس، ومتحمسة عشان أسر يقول العروسة جيجي. الصحفي: ممكن اسم العروسة عشان المصداقية. أسر: العروسة ا... ا... بص لقي ملف هنا في إيده، وقعت عينه على اسمها وقال: العروسة اسمها... هنا محمد فكري الأمين. زينب

في البيت بتتابع التي ڤي: 😳