رواية نصف جناني الاخر الفصل الثامن عشر 18 - بقلم ايزيس

هنا كانت ماسكة بيضة وفجأة سابتها وانهارت بكا لما افتكرت أسر. سليم حضنها وقال: … أنا بكره أسر عشان زعلك. هنا منهارة: … أنا اللي زعلته يا سليم، أنا اللي زعلته. أنا بحبه أوي. أسر: … وأنا بعشقك وربنا، انتي كل حياتي. بس قولي زعلتيني ليه بقا؟ احكي يا هنا روحي. هنا بصت بصدمة: … أسر… أنا… أنا مش قصدي عليك انت، أنا قصدي بحب زياد. أسر قرب منها، مسك دراعها شدها وقفها قدامه واتكلم بغضب:

… هناااااا ما تختبريش صبري، لو كررتي الجملة دي مرة تانية هتشوفي حاجة مش هتعجبك. هنا بتحاول تخلص دراعها من إيده: … أنا قلتلك طلقني، انت ليه مش بتفهم؟ أسر بيحاول يتحكم في غضبه، مسك إيدها بهدوء وقعدها وقعد جنبها: … هنا احكيلي إيه اللي مخوفك؟ صافي هددتك؟ قالتلك إنها هتئذيني أو تقتلني؟ ولا قالتلك هتقتل حد من أهلك؟ أنا عارفها، بس ما تخافيش، أنا معاكي. اتكلمي يا حبيبتي. هنا بتفكر:

… انت حتي مش قادر تتخيل هي عملت إيه، اومال إزاي هتتقبل الحقيقة؟ أنا مش ممكن أدمرك يا أسر، أنا عارفة إني لو قلتلك هتسامحني، بس أكيد هتقتل معتز وتضيع نفسك، عشان كده مش لازم تعرف. أسر وهو بيشاور قدام وش هنا: … روحتِ فين؟ إيه قررتي تحكيلي صح؟ هنا: … أنا معنديش حاجة أقولها. وصرخت: … معندييييش. محمد كان بيتصنت ودخل لما سمع صراخ هنا: … أسر تعالي عايزك شوية. محمد وأسر وأحمد دخلوا مكتب محمد وقفلوا على نفسهم.

زينب وسليم كانوا مع هنا بس كلهم ساكتين. وبعد نص ساعة خرجوا من المكتب. أسر دخل عند هنا وطلب من الكل يخرج. أسر قرب وقعد جنبها ع السرير: … هنا لآخر مرة بقولك احكيلي اللي حصل معاكي. هنا: أسر: … تمام، انتي عايزة إيه دلوقتي؟ هنا: … طلقني. أسر بكل برود: … انتي طالق. هنا انصدمت ودموعها نزلت: … ا انت طلقتني صح؟ أسر: … صح. 🙄 بتعيطي ليه؟ مش هو دا اللي انتي عايزاه؟ هنا بتمسح دموعها: … دي دموع الفرح على فكرة. أسر:

… أوك، أنا ماشي. هنا لسة بتعيط: … أمشي؟ فاكرني هاقولك اقعد؟ ولا إيه؟ إحنا مش بنستقبل غربا في بيتنا. أسر ابتسم بس رجع لوضع الجد بسرعة: … أوك. وقام وخرج. وهنا انهارت بعدها. أسر بص لمحمد وقال: … أنا طلقت هنا. زينب ضربت على صدرها: … يا مصيبتي! ليه يا ابني؟ والطفل اللي بينكم؟ أسر بص لهم كلهم بصدمة: … طفل إيه؟ محمد: … هي هنا ما قالتلكش إنها حامل ولا إيه؟

أسر اتحرك ناحية أوضة هنا وكان هيروح لها، بس محمد همهس له بحاجة رجعه تاني، وأسر مشي بحزن. &&& أسر رجع البيت وهو شاكك مليون في المية إن صافي هي ورا خوف هنا، وقرر يعرف الحقيقة كلها. أسر دخل الفيلا لقاهم كلهم متجمعين. أسر: … بابا، أنا طلقت هنا. شادي وخالد: … 😳😳 ياسمين: … 😱😱 صافي وجيجي: … 😊😊 خالد: … إيه اللي حصل يا أسر؟ أسر بص لصافي وجيجي: … دي كانت رغبتها هي. وبعدها طلع أوضته وشادي وراه. شادي: … أسر، إيه الحكاية؟ فهمني.

أسر: … اقعد، هاحكيلك كل حاجة. &&& جيجي طلعت أوضتها وشغلت الصب بأعلى صوت وفضلت ترقص. دخلت بسرعة صافي. صافي: … انتي مجنونة ولا غبية؟ انتي عايزة اللي في الفيلا يقولوا إيه؟ فرحانة؟ روحي اسمعي هي برا في أي حتة. جيجي: … بقولك إيه، أنا مش بحب شغل النكد دا أبدا. أنا مسافرة يومين شرم احتفل بطريقتي وهاخد معايا ميرا ومعتز وريكو. صافي: … روحي، المهم ما تفضحناش. جيجي: … اتس اوكي. وجهزت شنطتها وسافرت.

أسر ممدد ع السرير في أوضته وحاطط إيده تحت راسه وبيفكر إيه اللي ممكن يكون خوف هنا، لغاية ما غلبه النوم ونام. مر يومين وأسر وشادي بيحاولوا يوصلوا لأي حاجة عن الموضوع ومش عارفين. وهنا ما بتروحش الجامعة ومش راضية تحكي أي حاجة عن الموضوع. وف يوم قررت تروح الجامعة لأنها مخنوقة. في المحاضرة: الدكتور: … مشروع التخرج بتاعكم هيكون مشترك، يعني كل اتنين مع بعض. وبدأ يختار الطلاب. الدكتور:

… هنا محمد فكري مع ندي يوسف الطويل، وشيري رشاد مع زياد كمال السعدني. زياد: … أوووف، كان نفسي أكون مع هنا. شيري: … ياربي بقي، أنا بحاول أبعد عنه بأي طريقة عشان متعلقش بيه أكتر. أبقى أنا وهو جروب واحد، ياخي تبا للظروف. أسر كان في مكتبه ومش قادر يركز، كل تفكيره في هنا، نفسه يشوفها. مسك فونه وكلم والدة هنا اللي قالت له إنها راحت الجامعة. أسر جات له فكرة حلوة، ضحك، قام خرج. بعد فترة.

هنا خارجة هي وصاحبتها من الجامعة وبيضحكوا لأن شيري بتحقد على ندي عشان شريكة هنا اللي بيسموها "وحش الكيميا". وفجأة. بيضة تيجي طايرة وتخبط في هدوم هنا. بصت بصدمة، لقيت أسر ساند على عربيته وبيضحك. جريت عليه وهي عاملة كده: … 😠😠😠 هنا: … إيه اللي انت هببته دا؟ أسر ببرود: … عادي، كان ليا تار عندك وخلصته. 🙄 هنا مسكت بيضة ورمتها على عربيته وقالت: … طب اهو.

أسر ضحك ومسك بيضة تانية وضغط عليها، فعصها ووقعت على دريس هنا. وطبعًا المشهد دا كله تحت أنظار طلبة كتير ميتين ضحك عليهم. وزياد كان باصص والحزن في عينيه. وبعدين فكر شوية وابتسم وقال: … من انهاردة مش هاقف في طريق سعادتك يا هنا، أنا بجد فرحان وأنا شايفك مبسوطة كده، ولازم أرجعلك فرحتك تاني. هنا اتجننت، ومسك بيضة رمتها على بدلة أسر. هنا: … أنا هاروح إزاي دلوقتي؟ أسر: … تعالي، أكسب فيكي صواب وأوصلك. هنا: … بصفتك إيه؟

أسر قرب عليها وهمس لها: … بصفتي أبو اللي في بطنك. هنا انصدمت، برقت. أسر مسك إيدها وركبها العربية وركب جنبها. أسر وهو بيسوق: … هنا، مش هتقوليلي إيه اللي حصل معاكي؟ هنا عيطت: … أسر، لو سمحت لو بتحبني بلاش تحكي في الموضوع دا تاني، خلينا صحاب. أسر: … صحاب؟!!!! وصلها لغاية البيت وهي طلعت، وبعدها أسر رجع الشركة محبط. لسة هيدخل مكتبه وقفته داليا السكرتيرة. داليا: … أسر باشا، هي مدام هنا بقيت كويسة دلوقتي؟

أنا قلقانة عليها من آخر مرة كانت هنا واغمي عليها وشالها معتز ومشي بيها. أسر: … بتقولي إيه الكلام دا؟ إمتى بالظبط؟ داليا: … قبل ما حضرتك تيجي بيوم، مدام هنا جات الشركة وكانت مبسوطة أوي، دخلت المعمل بتاعها وقعدت فترة فيه لغاية ما كل الموظفين مشيوا، حتى أنا. بس نسيت ملف مهم ورجعت أخده عشان أكمله في البيت، بس لقيت معتز شايل مدام هنا ودخل بيها الأسانسير. أسر كان مصدوم من الكلام دا: … فين معتز؟ داليا:

… من يومين أخد إجازة. بس أنا عرفت إنه سافر شرم. أسر قرر يرجع لهنا. وفعلا راح خبط ع الباب. هنا فتحت، كانت لابسة بيجامة ميكي. هنا: … إيه اللي جابك تاني؟ أسر مسك إيدها وخلوا وقفل الباب وجرها وراه على أوضة نومها. هنا: سحبت إيدها بعنف: انت مجنون؟ اخرج من أوضتي، انت طلقتني ومش من حقك تشوفني بشعري. أسر بغضب:

… هنا، مش طالبة غباء، أنا جوزك، أنا رديتك بعد ما طلقتك على طول. اقعدي وردي عليا بصراحة، ولو كدبتي أو خبيتي حاجة مش هيحصلك كويس، فاهمة؟ هنا خافت من طريقته، وهزت راسها بحاضر. أسر: … لما اغمي عليكي في الشركة ومعتز شالك، إيه اللي حصل بعدها؟ هنا قامت مفزوعة وجسمها بقى بيرتعش. أسر وقف حضنها بحنان: … هنا، احكي، ما تخافيش، ما حدش هيقدر يأذيكي طول ما أنا معاكي. هنا انهارت في حضنه: … بس هما فعلا أذوني، أذوني يا أسر، غصب عني.

أسر اتجنن في اللحظة دي: … إيه اللي حصل؟ احكي. هنا حكت لأسر كل اللي حصل. أسر: … &&&&& في شرم، شلة شباب بتعمل كل حاجة تغضب ربنا. جيجي: … معتز، فين الدراجز (المخدرات) اللي وعدتني بيه؟ معتز: … صنف جديد يسطا، يستاهل بقك. لا منخيرك، ههههههه. وفضلوا يسكروا ويشربوا ويرقصوا. &&& أسر: … أنا هاشرب من دمه. هنا: … أسر، ابوس إيدك، مضيعش نفسك. أوعى تقتله، هتتحبس ومستقبلك هيضيع. أسر: … بقولك، أوعي من طريقي يا هنااا.

ودفعها، وقعت على السرير وهو خرج زي المجنون وما ردش على حد، وكان ناوي يسافر شرم ويقتل معتز. ركب عربيته زي المجنون، بس فجأة توصله مسج على فونه. يفتحها أسر ويوقف عربيته فجأة وينصدم ويغير مسار عربيته. &&& قرابة الضهر في شرم. جيجي بتفتح عينيها بتعب، تبص جمبها تشوف معتز مجرد من هدومه وهي برضو، والسرير فيه دم. جيجي: … لااااااااااا يا حيواااان. &&& أسر كان بيتكلم مع شخص. الشخص: … أسر، انت متأكد من الكلام دا؟