رواية نصف جناني الاخر الفصل الثاني والعشرون بقلم ايزيس

مر حوالي شهر، الامتحانات خلصت، وجيجي بتحاول تأقلم نفسها على حياتها الجديدة. في يوم، كانت بتاخد شاور، وفجأة واحد يدخل أوضة نومها من البلكونة ومعاه مسدس موجهه ناحيتها وهي لسة خارجة من الشاور. جيجي اتخضت وقالت: "معتز! انت مامتش؟ معتز قرب منها ولسة موجه المسدس ناحيتها: "كنتي عايزة تموتيني يا بنت الـ****؟ ليه؟ أنا عملت لك إيه؟ جزاتي إنك... إني قلتلك هاصلح غلطتي اللي هي كانت غلطتنا إحنا الاتنين؟

بس لا، أنا اللي هموتك دلوقتي." جيجي بتعيط: "والله ما كان قصدي، ما قدرتش أتحكم في الفرامل يا معتز، أبوس إيدك ما تموتنيش." تحت العمارة اللي فيها شقة جيجي: "الو! أيوا يا باشا، واحد بنفس المواصفات طلع الشقة دلوقتي." "اطلع وراه يا حيوان، إنت لسة واقف؟ إحنا جايين مسافة السكة." عند جيجي: جيجي بترتعش لأنه مصوب المسدس على راسها: "معتز استنى، أنا حامل." معتز: "نعم يا روح أمك؟ دا اللي هو إزاي يعني؟ إنتي بتضحكي عليا؟

جيجي: "والله يا معتز أنا حامل منك، ولحظة هجيبلك التحليل." وفجأة يدخل واحد يضرب معتز على دماغه بالمسدس. بعد فترة، خالد وأسر وصلوا شقة جيجي. معتز مربوط في كرسي وبيبدأ يفوق، وجيجي بتعيط. معتز فتح عينيه بتعب: "خالد باشا، هما اللي خططوا لكل حاجة، أنا بريء." خالد: "أنا عارف كل حاجة. اسمع يا معتز، عندي ليك عرضين، اختار اللي يريحك.

الأول: إنك تتجوز جيجي لأنها حامل منك، إحنا اكتشفنا أنها حامل لما أغمي عليها في السجن، وطبعًا هي حكتلي كل حاجة وقالت لي إنك والد الجنين. التاني بقى: إني أبلغ عنك البوليس بتهمة الشروع في قتل جيجي." معتز فكر، وقلبه رق. هو طول عمره وحيد ومالوش هدف ولا عنده عيلة، ليه ما يديش لنفسه فرصة يعيش صح ويبعد عن حياة الضياع اللي كان عايشها ويعمل أسرة هو وجيجي وطفلهم؟ معتز بص لخالد وقال له: "أنا موافق إني أتجوز جيجي عشان طفلنا."

أسر بتحذير: "طبعًا أنا مش ناسي إنك مشترك في اللعبة القذرة اللي عملتوها على مراتي، واللي سكتني عليكم إنت وهي وبابا وإصراره إنه يعمل منكم بني آدمين بأخلاق وضمير. عشان كده، أنا هخليك تمسك فرع شركة الأدوية في ألمانيا وتعيش هناك إنت ومراتك." معتز بفرحة: "موافق طبعًا يا أسر باشا، دا كرم من حضرتك."

خالد اتصل بالمأذون وكتبوا كتاب معتز وجيجي عشان يبدأوا حياة نقية بعيدة عن كل الحرام اللي كانوا غرقانين فيه، ويستنوا ولادة أمل جديد ينور حياتهم. تاني يوم الصبح، شادي مشغول و بيلف حوالين نفسه بيجهز لفرحه، وأسر بيساعده. وياسمين جات لها الميك آب أرتيست ومشغولة جدًا هي وهنا. بالليل، الفرح كان في جنينة فيلا خالد. شادي كان طاير من الفرحة، قد إيه استنى اللحظة دي من أول يوم شاف فيه ياسمين وقلبه نبض باسمها.

شادي: "بحبك يا ياسمينتي." ياسمين ابتسمت بخجل: "أنا كمان." شادي بخبث: "انتي كمان إيه؟ هنا جات من وراه: "البعيد مش بيفهم ولا إيه؟ بتقولك وأنا كمان، يعني هي كمان بتحبك، مش عايزة فكاكة." شادي بغيظ: "وإنتي رامية ودنك معانا ليه؟ ما تتلهي في أي حاجة بعيد عننا." هنا: "وأسيبلك البت تاكل بعقلها حلاوة؟ ياسمين واقعة من الضحك. شادي: "يا أسررررررررر! أسر راح عندهم جري: "إيه يا ابني مالك؟ شادي: "ممكن تاخد مراتك؟

أسر غمز لهنا وضحكوا: "خلاص بقى يا هنا، سيبي العرسان على راحتهم." مسك إيدها ومشيوا. هنا: "ها، كله تمام يا يسطا؟ أسر ضحك: "عيب يسطا." خلص الفرح، شادي أخد ياسمين وراحوا شقتهم. في الشقة، شادي لسة هيقرب لياسمين، الكهربا انقطعت. قام يشوف فيه إيه. الكهربا وصلت. قرب تاني يبوس ياسمين، الكهربا انقطعت. وفضلت كده حوالي ست مرات. شادي اتعصب: "لاااااا! أكيد فيه حاجة غلط، أنا شامم ريحة هنا وأسر."

وفجأة يخرج أسر وهنا ومعاهم بومب وصواريخ ويحدفوا شادي بيهم ويفقعوا. شادي وياسمين: "اعااااااااا! شادي: "يا ولاد المجانين! أسر وهنا: "😂😂😂😂🤣🤣🤣" شادي: "أبو شكلك إنت وهي، براااااااا! أسر مسك إيد هنا وخرجوا يجروا. هنا مسكت بطنها فجأة: "اااااااه، أسر، مش قادرة." أسر اتخض: "مالك يا حبيبتي؟ حاسة بإيه؟ " وشالها. هنا ضحكت: "لا، بس كنت مكسلة أمشي، فقلت أعمل حركة تخليك تشيلني." أسر ابتسم: "يا بنت الجنية، بتعملي فيا أنا مقلب؟

ماااااشي يا هنا، هعاقبك." &&&&&&&&&& مر أسبوع كمان، وجيه فرح أحمد وندي. أحمد وندي كانوا مولعين الفرح ومش محتاجين حد يساعدهم في الرقص. أحمد غنى لندي: "معروف أنا من زمان ولا واحدة بتملالي عينيا جات هي حصل جنان شكلي هيتعلم عليا دي تعظيم سلام حلوة جدا مش عادية ده الحب ملوش كبير وانا إيه فاكر نفسي خبرة وبوقع ناس كتير وبعدي من خرم إبرة قال إيه جامد خطير خدت درس ميه ميه 🎶 طب هي ده اختراع قلبي راح غير مساره

دي جمالها يجيب صداع كام برج من عقلي طاروا أيوه أم عيون فظاعة دبت جوه القلب ناره 🎶 دبت جوه القلب ناره 🎶" زياد كان باصص ومركز على شيري، وفجأة راح عندها. وجلس على ركبته وطلع خاتم من جيبه ومسك إيدها وابتسم بحب وقالها: "شيري، تقبلي تتجوزيني؟ شيري: "لولولولولولولوليييييييي! زياد ضحك ولبسها الخاتم وهمس لها: "بحبك." شيري: "أخيرًا." &&&&&&&&& مرت الشهور، وجيه يوم ولادة هنا.

الدكتور: "خرج بسرعة، الطفلة مش راضية تنزل طبيعي، هنولدها قيصري." دخل وخرج بعد خمس دقايق. الدكتور: "سوري يا جماعة، فيه بوادر ولادة طبيعية." دخل الدكتور وخرج بعد شوية. الدكتور: "البنت بتسهل، نكون هنخدر أمها عشان نولدها قيصري، تكون هتنزل ولما نيجي نسحبها ترجع تاني." أسر بصدمة: "اللي إنت بتقوله دا خيال علمي يا دكتور." الممرضة: "يا دكتور، الطفل نزل." الدكتور: "دي كانت بنت؟ شادي: "شكله كان بيستهبل وعامل فيها بنت."

خالد: "دا إحنا هنشوف أيام سودة مع جوز المجانين وعيالهم." أسر دخل لهنا. أسر باس جبينها: "شفتي ابننا كان بيخدعنا وعامل نفسه بنت؟ هنا بتعب: "يعني إنت عايز تحط جناني على جنانك وتتوقع إننا نجيب حد عاقل؟ مهو لازم يستهبل علينا، هو اللي نعمله في الناس هيطلع علينا ولا إيه؟ أسر ابتسم بحب: "المهم، هو فيه واحدة بتبقى قمر كده لما تولد؟ هنا: "المهم، أنا قلت لك إني بحبك يا نص جناني الآخر."

أسر باس إيدها: "وأنا بعشقك يا نص أسر الحلو ❤️❤️" تمت النهاية.