رواية نصفك الآخر الفصل الخامس 5 - بقلم نور جابر

أسماء وقفت بخضة: انت. قصي وهو بيقعد على الكرسي: مش بجري وراكي ولا مراقبك، كان عندي اجتماع وشوفتك قاعدة قولت أجى أسلم عليكي. أسماء: طيب. قصي: بس شخبط شخابيط أحلى. أسماء وهي بتقعد: لا والله. قصي: بصي أنا جعان أوي. أسماء: وبعدين. قصي: هو إيه اللي وبعدين، تاكلي. أسماء: انت هتصاحبني يا بني، إيه القرف ده. وقامت تلم حاجتها من على الطربيزة. قصي: خلاص اقعدي. أسماء: بس يا ولا. وطلعت. قصي بذهول: يا ولا. جه الجرسون.

الجرسون: تطلب إيه. قصي وهو بيبصله: كرامة بدل اللي اتبهدلت دي. الجرسون: هي آنسة أسماء كده. قصي: انت تعرفها. الجرسون: بتيجي هنا من سنين هي وآنسة حياة، وبتشرب نفس الشوكليت من سنين. قصي: مشكلجية أوي هي. الجرسون: بس طيبة وغلبانة جدا. قصي بغيره برغم عمر الجرسون: طيب. الجرسون: دي زي بنتي. قصي بابتسامة: ممكن فنجان قهوة سادة. الجرسون: طيب. ومشي. قصي: إيه يا قصي بقا دي اللي توقعك. ومسك تليفونه. في المستشفى.

طلعت الدكتورة وجري عليها. رعد: هي عاملة إيه دلوقتي يا دكتورة. الدكتورة: هي كويسة، بس الجرح كان كبير شوية، محتاجة تاخد الأدوية اللي هكتبهالها في الميعاد. أميمة: أنا بنفسي ههتم بالموضوع ده. الدكتورة: وعلى فكرة هي محتاجة دكتورة تغذية، صحتها صفر خالص من قلة الأكل. رعد: طيب ماشي. الدكتورة: عن إذنكم. ومشيت. ودخلها رعد. رعد وهو بيقرب منها وبيقدامها وماسك إيديها: أنا آسف. حياة: على إيه. رعد: عشان رحمة. حياة: مفيش حاجة حصلت.

رعد: موجوعة. حياة: شوية. رعد: ألف سلامة عليكي. حياة: الله يسلمك. ممكن تديني تليفونك. رعد: ليه. حياة: عاوزة أكلم أسماء. رعد: ليه. حياة وهي بتتعدل: كنا متفقين إننا نتقابل. رعد: وأنا معرفش. حياة: كنت نازلة أقولك. رعد: طيب خدي كلميها. حياة: طيب. وأخدت التليفون. رعد لنفسه: أنا بجد مش عارف ولا فاهم أي حاجة. حياة: الو. أسماء: يا حيوانة مستنياكي كل ده. حياة: أنا في المستشفى. أسماء بخضة: ليه. حياة: اتخبطت.

أسماء: في أنهي مستشفى، انطقي. حياة: .... أنا هناك. أسماء: نص ساعة وأكون عندك. حياة: يا أسماء. قفلت أسماء. رعد: في إيه. حياة: هتيجي. رعد: ليه. حياة: هي أسماء كده. رعد: طيب. حياة: ينفع أسألك سؤال. رعد: قولي. حياة: هو انت بتحبني. رعد: بتسألي ليه. حياة: أول ما شفتك قولتلي إنك بتحبني، بس أنا مش بحس بكده خالص. رعد: امممم. حياة: أنا بتكلم بجد. رعد: وانتي بتحبيني. حياة: الصراحة. رعد: الصراحة.

حياة: بحس إني مطمئنة وأنت حواليا، وكمان قلبي وجعني لما أم عرقوب حضنتك. رعد بضحكة رجولية زادته جمال فوق جماله: مين أم عرقوب. حياة وهي بتبص في عيونه: رحمة. رعد وهو بيقرب من وشها وبيحط إيده على قلبها: بيدق ليه كده يا حياة. حياة بتوهان وتوتر من قربه: رعد. رعد وهو بيقرب منها أكتر: بحبك يا حياة. حياة وهي بتمسكه من لياقة القميص: رعد ابعد. رعد وهو بيلمس وشها بإيده: عاوزني أبعد. حياة: مش عارفة. رعد: طيب بتحبيني.

حياة: مش عارفة. رعد وهو بيقرب من شفايفها: قوليها يا حياة. حياة: رعد. رعد: قلبه. حياة: ابعد. رعد وهو خلاص هيبوسها: قوليها. حياة: ب. دخلت أسماء. بعدت حياة عن رعد ورجع رعد لورا. جريت أسماء وحضنتها بقوة. أسماء: مين اللي عمل فيكي كده. حياة: أنا اتخبطت. أسماء: في كدمات في رقبتك. رعد وهو بيبص على رقبتها بوجع وحزن من نفسه. أسماء وهي رايحة وواقفة قدام رعد: انت اللي ضربتها صح، انت اللي عملت فيها كده، ليه يا همجي كده.

رعد بحدة: أسماء. أسماء: يوووه بقا، هو إيه اللي أسماء. دخل دكتور لابس كمامة ونضارة. رعد: جاي عشان العلاج مش كده. الدكتور: لا عشان ده. وطلع بخاخة وبخ في الهوا. في ثانية أسماء أغم عليها هي وحياة. ولكن رعد كان بيقاوم بس مش قادر. دخل الشاب وشال حياة وبص لرعد. الشاب: قوم يا رعد الألفي، أنقذ مراتك. وضحك بسخرية. رعد وهو بيحاول يقوم: قوم يا رعد، خدوا حياة، خدوا حياتك، قوم. وأغم عليه. زين: سهر، انتي بتعملي إيه.

سهر: أسماء رنت عليا وقالتلي إن حياة في المستشفى اتخبطت، لازم أروح وأشوفها. زين: طيب وأنا هوصلك. سهر: شكراً، أنا هروح لوحدي. زين: خلاص يا سهر، أنا قولت. سهر: طيب. زين: يلا. سهر وهي واقفة قدام السلم: يلا. زين: الأسانسير أهو. سهر: أنا هنزل على السلم. زين: انتي لسه بتخافي. سهر: زين لو سمحت ننزل على السلم. زين: تعالي، أنا معاكي. ومسك إيديها ودخلوا الأسانسير. حياة وهي بتفتح عنيها: أنا فين. صوت من وراها: إزيك يا بنت عمي.

حياة: حسام. حسام: كويس إنك فاكراني أصلاً. حياة: عاوز إيه يا حسام. حسام: من سنين عاوزك، ودلوقتي عاوزك. حياة: أنا اتجوزت يا حسام. حسام: بس أنا بحبك. حياة: يا حسام سيبني أمشي. حسام: روحتي اتجوزتي الألفي يا حياة، اتجوزتي قاتل. نزلت الكلمة كصاعقة على حياة. حياة: قاتل. حسام: هو محكلكيش، طيب شوفتي إني أنا بحبك أكتر، أنا قولتلك إني تاجر مخدرات. حياة: أنا مش فاهمة حاجة. حسام: جوزك قاتل، وزي ما قتل أخته هيقتلك.

حياة بصدمة: انت كداب، كداب. حسام: ابقي اسأليه، ده لو رحتي له تاني. حياة: خد اللي انت عاوزه وسبني أمشي. حسام: عاوزك. حياة: حرام عليك يا حسام. حسام: مليش نفس دلوقتي، لما يجيلي نفس يا قطة. وطلع وقفل الباب وراه. حياة: أكيد بيكدب، أكيد رعد مش قاتل. وفضلت تعيط. فاق رعد. وفاقت أسماء. أسماء بدموع: حياة يا رعد. رعد: هجيبها، متقلقيش. وطلع. رعد وهو ماسك تليفونه. Flash back. رعد: بدل بقى يا شمشير الـ Gps. في الخاتم. شمشير: حاضر.

رعد: عاوزو مش باين. شمشير: متقلقش. Back. رعد: كنت عارف إني هحتاج الموضوع ده. ونزل. سهر: زين سيب إيدي. زين: مش انتي بتخافي. سهر: بقولك سيب إيدي. فجأة الأسانسير وقف. سهر: عااااا. زين: بس بس. والنور قطع. سهر: زين أنا قولتلك ننزل في السلم. زين: بس متخافيش. سهر: أنا مش عارفة آخد نفسي يا زين. زين: طيب بصي، أنا هريحك. سهر: افتحوا الباب، أنا بتخنق، اااااه. حضنها زين بقوة. زين: إشششش.

سهر: مش قادرة أتنفس يا زين، خلاص بموت، مش قادرة. زين: خلاص، دلوقتي يفتحوا الباب. سهر وهي بتتهلوس من الخنقة: حياة.... رعد.... زين: وزين. سهر: بحبك. زين وحضنها بقوة ونزل قاعد في الأرض واخدها في حضنه. زين: انتي معايا، متخافيش. سهر بدموع: خليهم يفتحوا الباب يا زين. زين: بحبك يا سهر. سهر: بحبك يا زين، بس يفتحوا خلاص، مش قادرة. اشتغل الأسانسير. قصي قاعد في غرفته فاتح الإنستا لأسماء وبيتفرج على فيديوهاتها.

عاملة قطتين ولابسة ميكي. وبتغني: شخبط شخابيط لخبط لخبيط. غير. صورها وهي بتشرب شوكليت. قفل قصي وشغل الأغنية عشان يسمعها. شخبط شخابيط لخبط لخبيط.