رواية نصيبي في الحب الفصل التاسع 9 - بقلم توتة

نزل جاب المفك من تحت وطلع فتح الباب ودخلوا. لقوها واقعة على الأرض. نهال: هبه يا هبه فوقي. ندى: يلا نوديها المستشفى بسرعة. شالوها وودوها أقرب مستشفى. نهال: يارب جيب العواقب سليمة يارب. خالو: أنا مش عارف إيه اللي حصل لكل ده. ندي: اهدي ي ماما، إنشاء الله هتبقى كويسة. ملك: أنا السبب، أنا اللي قلت ليوسف. *** آدم: بصي، إحنا أول ما نروح الجامعة هدخل معاكوا، هعرفكوا الأماكن اللي هناك ولو عايزين أي حاجة كلموني. داليا: ماشي.

داليا: نور. نور: ............. داليا: نوور. نور: أي يا داليا. داليا: سرحانة في إيه. نور: مش سرحانة. داليا: طيب فكي شوية. نور: ماشي. *** يوسف: اللي أنا قلته يتنفذ بالحرف. سيف: أيوه، بس إحنا كده هنخسر الصفقة. يوسف: ملكش دعوة بالصفقة، اعمل اللي أنا قلته وأنا هكملها. سيف: بس أنا قربت أنفذ خططي في إني أرجعها. يوسف: أنا قلت اللي عندي. سيف: تحت أمرك. يوسف: يلا وريني عملت إيه. *** كانوا واقفين بره والدكتور خرج.

خالو: طمنا يا دكتور. الدكتور: للأسف البرشام اللي هي خدته كان خطر جداً، خاصة حالتها الصحية متستحملش إنها تاخد البرشام ده كله مرة واحدة. نهال: يعني إيه يا دكتور. الدكتور: ادعولها بس إننا نعدي الـ 24 ساعة دول على خير. نهال: طيب مينفعش ندخلها. دكتور: للأسف حالتها مش مستقرة. خالو: طيب يا دكتور شكراً. *** تيته: كلميهم يا إيمان، شوفي إيه اللي حصل. إيمان: حاضر. ساره: أنا اتصلت بيهم كتير ومحدش بيرد. إيمان: أنا هتصل على ندي.

جدو: اتصلوا على أي حد يطمنا. *** نهال: هي عين وصابتنا أنا عارفة. خالو: خلاص ي نهال اهدي، إحنا في المستشفى. ندي: إيمان بتتصل، أقولها إيه؟ خالو: قوليها بقت كويسة عشان يتطمنوا. ندي: حاضر. *** ندي: الو. إيمان: إيه يا ندي، حصلها حاجة. ندي: طمنيهم يا إيمان وقولي لتيته وجدو إنها بقت كويسة. إيمان: طيب، هي حصلها حاجة؟ ندي: لو عدى عليها 24 ساعة بخير هتبقى كويسة. إيمان: يعني هي بقت كويسة. ندي: لسه حالتها مش مستقرة.

إيمان: طيب ابقي طمنيني عليها ونبي ي ندي. ندي: حاضر. *** وصلنا الجامعة ونزلنا والعيون علينا والشباب بيبصولنا. آدم: إيه رأيكوا في الجامعة من بره؟ داليا: كويسة. آدم: وإنتي ي نور. نور بسرحان: ها. حلوة. آدم: ومن جوه أحلى. داليا: نور. نور: نعم. داليا: بطلي تسرحي كتير، إنشاء الله هتتحل. نور: إنتي مش حاسة باللي أنا فيه، أنا خايفة. داليا: خلاص بقا متشيليش هم. نور: بحاول. داليا: كل أما أكلمك ألاقيكي سرحانة. نور: معلش.

داليا: حتى البيت هناك برضه فيه مشاكل. نور: آه، أكيد هبه زعلانة دلوقتي على اللي حصلها. آدم: بتتودودوا في إيه؟ داليا: لا مفيش. آدم: ماشي، بصوا بقا. أنا هواديكوا المحاضرة دلوقتي وفي البريك هتييجوا في المطعم ده. داليا: ماشي يا برنس. آدم: يا إيه؟ داليا: لا كبر دماغك عادي. آدم: ماشي، على فكرة يا نور إنتي مش معانا خالص. نور: ما أنا معاكوا أهو، مروحتش في حتة. آدم: مش قصدي، قصدي إنك سرحانة. نور: لا عادي.

داليا: مش أنا لوحدي اللي ملاحظة. نور: خلاص يا داليا. آدم: اتفضلوا، اللي هناك دي. نور: طيب، إحنا هنرجع إمتى. آدم: لا لسه بدري، قدامك للساعة 4. نور: ماشي. *** تيته: قالتلك إيه؟ إيمان: بقت كويسة يا تيته. تيته: يعني فاقت؟ إيمان: لا، لسه هي نايمة دلوقتي. ساره: طيب أنا هطلع أغير هدومي وأمشي. إيمان: تصدقي إنك معندكيش دم، تبقي أختك في المستشفى وإنتي هتخرجي عادي كده. ساره: ما أنا اتطمنت عليها أهو.

إيمان: براحتك، اعملي اللي انتي عايزاه. ساره: لو حصل أي حاجة كلميني. إيمان: هتعملي إيه يعني، ده إنتي أختك في المستشفى وهتخرجي عادي. ساره: يعني أروح المستشفى أعمل إيه دلوقتي وهي لسه مفقتش. إيمان: لا عادي، متعمليش. ساره: ماشي يا إيمان، بس أنا هخرج وهرجع علطول. إيمان: ماشي، براحتك. تيته: متتأخريش ي ساره. ساره: حاضر ي تيته. *** دخلنا المحاضرة وفي شباب بتبص علينا. داليا: بص على قدك إنت وهو ي بابا، مش عرض رقص هو.

نور: اسكتي يخربيتك. داليا: إنتي بتكلمينا إحنا؟ نور: لا، هي متقصدش، يلا يا داليا وبطلي اللي انتي بتعمليه ده. داليا: كنتي سبتيني. نور: اسكتي يا داليا، إحنا مش جايين نعمل مشاكل. داليا: هسمع كلامك المرة دي. نور: كفاية اللي كنتي بتعمليه في القاهرة. داليا: حاضر، هحط في بقي جزمة وهسكت. نور: شاطرة. داليا: تعالي نقعد هنا. نور: اتفضلي. *** يوسف: تمام جدا........... يوسف: لا طبعاً، استنى 10 دقايق كده. .........

يوسف: أنا هتصرف، متقلقش. ......... يوسف: خلاص بقا، قولت أنا هتصرف. ......... يوسف: سلام. ......... *** خالو: روحي انتي ي نهال، هي لسه مش هتفوق دلوقتي. نهال: لا طبعاً مش هسيبها وأمشي. خالو: امشي انتي وأنا هـ... نهال: لا يا محمد، أنا مش همشي. خالو: يا نهال عشان ولادك. نهال: لا يمشوا هما. خالو: إنتي سايبة ماما لوحدها وهي تعبانة. نهال: لا، إيمان وسارة معاها. وبعد محاولات إقناع خالو لنهال، مشيت أخيراً. ***

ساره: اهدي يا مريم، أنا أول لما عرفت مصدقتش. مريم: إنتي مش متخيلة أنا حاسة بإيه، يعني هو يفضل عايش السنين دي كلها وفي الآخر يموت. ساره: خلاص بقا، ده اللي ربنا كاتبه. مريم: أنا مش قادرة أصدق. *** إيمان: أنا كلمت ندي وبتقول إنهم في الطريق وجايين. تيته: ومين هناك في المستشفى. إيمان: مش عارفة. *** المعيد: إنتي ي آنسة. نور: ........... داليا: ي نور. نور: أنا. المعيد: أيوه إنتي، أنا كنت بقول إيه. نور: ............

داليا: كان بيقول كيف.... المعيدة: الآنسة اللي جنبها. داليا: أنا. المعيد: أيوه. داليا: أفندم. المعيد: مسمعش صوتك تاني. داليا: أنا لسه متكلمتش. نور: اسكتي. المعيد: اتفضلي قولي أنا كنت بقول إيه. نور: ................. المعيد: مكنتيش مركزة معايا ليه؟ نور: أنا آسفة، مش هتتكرر تاني. المعيد: متتكررش تاني، اتفضلي. داليا: ده بارد. نور: يبنتي اسكتي، لسانك ده هيودينا في داهية. *** إيمان: جم أهم.

تيته: حمد الله على السلامة، إيه اللي حصلها يا نهال. نهال: الحمد لله، بقت كويسة بس هي نايمة دلوقتي. تيته: طيب الحمد لله. نهال: أومال فين ساره. إيمان: راحت لمريم. نهال: ليه؟ إيمان: عشان إياد. نهال: إنتوا كنتوا بتتكلموا على إياد أخو مريم. إيمان: آه. نهال: وهتيجي إمتى؟ ساره: أنا جيت أهو. نهال: خرجتي ليه؟ ساره: كنت بعزي مريم. نهال: كنتي روحتي مع ندي وإيمان. ساره: معلش بقا، هبه بقت عاملة إيه دلوقتي. نهال: لسه .........

قصدي الحمد لله، بقت كويسة. ساره: طيب مش هنروح. نهال: لا خالك هناك وهيتصل بيوسف. ساره: ماشي. نهال: هنبقى نروح لها بكرة إن شاء الله. ساره: ليه؟ هيا مطولة. نهال: لا، إنشاء الله هترجع بسرعة. *** يوسف: يعني إيه في المستشفى. خالو: عشان هبه. يوسف: إيه اللي حصلها. خالو: بلعت برشام المهدئات كله مرة واحدة وجسمها مستحملش. يوسف: طيب أنا جاي بسرعة، اديني العنوان. خالو: *********** يوسف: ماشي، مسافة السكة هكون موجود. ***

خلصنا تقريباً اليوم ومروحين. آدم: إيه رأيكوا في الجامعة بقا. داليا: ده المعيد اللي جوه ده بارد ومستفز. نور: إنتي اللي لسانك طويل. آدم: إنتي عملتي حاجة. نور: كانت هتعمل. آدم: يبنتي هتخدي رفد علطول صدقيني. داليا: ما هو الصراحة مستفز. آدم: معلش، استحملي. *** يوسف: طيب إحنا هنفضل قاعدين كده. خالو: مش عارف والله. يوسف: وهيا عملت أصلاً كده ليه. خالو: عشان المسابقة اللي سيادتك حرمتها منها. يوسف: ما هي الصراحة تستاهل.

خالو: مش كده برضه. يوسف: يعني أتصرف معاها إزاي؟ خالو: أي حاجة تاني غير المسابقة. *** آدم: وصلنا. داليا: يلا يا نور انزلي. نور: طيب، ادخلوا إنتوا وأنا هرد على التليفون عشان بيرن. داليا: ماشي. نور: الو. _وحشتيني. نور: مين؟ _معقول نسيتي صوتي. نور: معتز.