رواية نصيبي في الحب الفصل الثاني 2 - بقلم توتة

نزلنا نشوف إيه، وإيه الزعيق اللي جاي من تحت ده. لقيت ست بتزعق مع خالو. الست: أنا مش همشي من هنا غير وابني معايا. خالو: انتي فعلاً شكلك اتجننتي. الست: هو انت لسه شوفت جنان ده؟ أنا هوريك الجنان على أصوله. جدو: امشي من هنا يا هدى وبطلي مشاكل. مش كل أما تتزنقي في حاجة تيجي تقولي عايزة ابني. ابنك اللي بتقولي عليه ده مش طايقك أصلاً من آخر مرة أخدتيه فيها. وهو فرحان ومبسوط معانا هنا. هدى: أه، مهو ابنك وطبعاً لازم تدافع عنه.

خالو: لا، ده انتي زودتيها أوي ومحتاجة حد يلمك فعلاً. هدى: يلم مين؟ يا حبيبي شكلك انت اللي عايز تتلم. نهال: آدم ابني أنا، مش انتي. وأنا اللي مربياه مش انتي. وهو عندك، اسأليه. هدى: أه، مانتي خلفتك كلها بنات ومصدقتي تاخدي ابني مني. أنا مش عارفة أصلاً انتي إزاي عايشة معاه بعد لما سابك وجالك.

نهال: أولاً أنا راضية بخلفتي جداً والحمد لله عليها. وعندي بنت من بناتي أحسن من ميت راجل. ثانياً أنا اللي قولتلُه يتجوز عشان يجيب الولد اللي نفسه فيه. تيته: خلاص يا نهال، مانتي عارفة إنها مجنونة. إيه الجديد يعني. هدى: طبعاً، مهيا اللي مرات ابنك بس. خالو: أه، لأنك مش على ذمتي حالياً. ويلا بقا اطلعي بره، وقتك خلص. هدى: أنا هعرف أنا هاخد ابني إزاي، وهسجنكوا كلكوا. نهال: يستي بقا انتي معندكيش غير أم الكلمتين دول.

هدى: بس يا أم البنات، انتي مهياش ناقصاكي. نهال: لو أنا أم البنات، فانتي تبقي مين؟ هدى: الحمد لله يا حبيبتي، مكنتيش مالية عين جوزك وسابك واتجوزني. نهال: وانتي اللي مليتيها؟ ولا تحبي أفكرك؟ اللي حصل، شكلك نسيتي. هدى: بس أنا الحمد لله يا حبيبتي عندي ابني كبير وهيبقى مهندس قد الدنيا. نهال: تصدقي فعلاً إنك مبتحسيش. أنا مش عارفة أصلاً إيه اللي منزلني لمستواكي. يا باي.

وسابتهم نهال وطلعت لآدم اللي كان بيتابع الحوار بصمت ودموع. خالو: اطلعي بره. هدى: والله لأسجنكوا كلكوا وهاخد ابني برضو. كانت بتقول كده وهي خارجة من الڤيلا وبتزعق. *** ندي: نور! نور: ...... ندي: نوور. نور: نعم!! ندي: تعالي، هنطلع فوق. ملك: أيوه يلا. نور: ماشي. طلعنا الأوضة تاني. نور: هيا مين الست اللي كانت بتزعق تحت دي؟ ندي: دي حكاية طويلة.

ايمان: بصي يا ستي، بابا زمان لما اتجوز ماما كانت بتخلف بنات وكان نفسه يخلف ولد بأي طريقة. فماما عرضت عليه الجواز. بابا كان رافض الفكرة وتحت إصرار ماما وافق بابا إنه يتجوز، وياريته ما كان اتجوز. كان بيدور على عروسة لحد لما لقي هدى واتجوزها. وتيته شافتِها كام مرة وهي بتسرق في دهبها وتحطه عند نهال. تيته كانت عايزة تنفذ خطط هدى وتشوف آخرها، فاتفقت مع نهال وعرفتها كل حاجة. فتيته قالت إن في حتة من دهبها ضايعة. هدى قالت خلاص، دوري عليها في البيت كله، عندي وعند نهال حتى. فتيته وافقت ودوروا لقوها في دولاب نهال.

نهال بتمثيل قالت: والله ما خدت حاجة. أنا قاعدة معاكوا بقالي كتير وما شفتوش مني حاجة وحشة. بابا كان مش مصدق إنها ممكن تعمل كده وشك في الموضوع. نهال قالتله: ممكن أكلمك كلمتين لوحدنا. بابا كان عايز يفهم فيه إيه فوافق، وقالتله على كل اللي حصل. وهو الحمد لله صدقها وعمل إنه طرد نهال من الڤيلا. نور: طب وهو ليه طرد نهال وهو عارف إن هدى اللي عملت كده؟

ندي: عشان هي كانت حامل في آدم. بعد لما خلفت طردها من الڤيلا على طول ورجع نهال. هيا بقا طولت مشاكل من ساعتها. وهو صغير خدته مرة بس مكنتش عارفة تعمل إيه معاه. كل لما يطلب حاجة منها تضربه وتلسعه وحاجات كده فظيعة. وخدته مرة تانية وسافرت بيه كرهينة. وكلمت بابا وهددته بيه عشان يدفعلها الفلوس اللي هي عايزاها. كان وقتها عمره 12 سنة وكانت حابساه ومبتجبلهوش أكل خالص ولا ميه. وكان شكله ساعتها يصعب عليكي أوي. صورت فيديو وبعتته وبابا دفع لها اللي هي عايزاه. وخد ابنه لأنه أصلاً كان نفسه في ولد ومستعد يضحي بحياته عشانه. ومن ساعتها وآدم بيكرهها. ده حتى لسه علامات العذاب اللي هي عذبتهاله معلمة في جسمه لحد دلوقتي. ومبتجيش غير لما تكون خلصت فلوسها وعايزة فلوس.

ايمان: وقبل كده جابت البوليس عشان تاخده. وسألو آدم يعيش مع مين، وطبعاً كان اختياره بابا. نور: الله يكون في عونه والله. ملك: بيصعب عليا أوي. نور: طب هو دلوقتي تلاقيه عامل إيه؟ سارة: لا نهال معاه بتهديه زي كل مرة. نور: يعني ندي وإيمان وملك أخوات من أم، وآدم من أم؟ ندي: أه. نور: وانتي وهبه أخوات يا سارة؟ سارة: أه. نور: ليكوا أخوات تانية؟ سارة: أه جو. نور: جو! هبه: اسمه يوسف بس إحنا بنقوله جو.

نور: أه تمام. بس هو فين دلوقتي؟ هبه: مسافر أصله عنده شغل، فبيسافر ويرجع. بيشتغل مع خالو في الشركات وكده يعني. نور: أه ماشي. ايمان: وانتي بقا يا ست نور إيه حكايتك؟ ندي: أه، ده إحنا أول مرة نشوفك. يعني دايماً تيته وجدو ونهال وبابا هما اللي بيجولك من وإنتي صغيرة. نور: أه، من ساعة وفاة بابا وماما. ملك: إحنا آسفين والله لو كنا فكرناكي يعني بيهم.

نور: لا عادي، مانا أصلاً عمري ما نسيتهم. بصي يا ستي، كنا زي أي عيلة عادية وكنا رايحين بنصيف يومين في مارينا عادي مع بابا وماما. وإحنا راجعين بنهزر والدنيا حلوة، حصلت أسوأ حاجة عمري ما أنساها في حياتي ومبتفارقش بالي. بدأت أدمع وأنا بتكلم.

فجأة وبدون أي مقدمات، ترلة لقيناها واقفة قصادنا. موتت بابا وماما وأنا اللي نجيت من الحادثة دي. كان ساعتها عندي 10 سنين. وبعدها عشت مع عمي في ڤيلا بابا اللي خدها منه بعد موته. ومن ساعتها وأنا عايشة مع عمي. وكل سنة تيته وجدو وخالو ونهال يجولي. وطبعاً كنت باجي هنا مع ماما وأنا صغيرة، بس من ساعة أما دراعي اتكسر هنا مبقتش أحب أجي هنا. وبالتالي معرفش أي حاجة عنكم.

ملك: خلاص يا حبيبتي، متعيطيش. ماضي وعدى. طب بصي، سارة وهبه من وهما صغيرين ومامتهم وباباهم في مشاكل وعايشين عادي. نور: .......... ندي: خلاص يجماعة بقا، إحنا طالعين نفرفشها ولا نقلب عليها المواجع. ملك: أيوه كفاية كلام في الماضي بقا. فجأة نهال خبطت على باب الأوضة ودخلت. نهال: يلا يا بنات، كفاية عليكوا كده وسيبوها ترتاح. نور: لا عادي والله، دول عسلات وفرفوشات. ندي: ربنا يخليكي ليا يا نونو.

نهال: كده كده هتقوموا تناموا عشان هتصحوا بدري. ايمان: ليه؟ ده بكره الجمعة؟ نهال: يا بنات سيبوا البنت تنام شوية. نور: لا والله عادي، دول عسلات. ايمان: 😘 نهال: طب شوية بس، متطولوش. ملك: مش هنطول، متخافيش. قعدنا مع بعض وسهرنا وحاسة إني كنت قاعدة مع عيلتي على عكس ما أنا واخده. نهال: البنات قاعدين مع بعض فوق. تيته: كويس والله عشان يطلعوها من الكسوف اللي هي فيه. جدو: شوفتي آدم يا نهال؟ نهال: أه، هديته لحد لما راح في النوم.

خالو: طب الحمد لله. يارب توب علينا من البلوة دي. نهال: أنا مش عارفة إيه ده، كل يومين تنطلنا وعايزة آدم. حجة بايخة. خالو: أنا خلاص عرفت هعمل معاها إيه. نهال: إيه؟ خالو: هتعرفي كل حاجة في وقتها. خلصنا قعدتنا وكل واحد راح أوضته ينام فيها. حاولت أنام بس مش عارفة أنام، مش متعودة على الأوضة دي. خرجت البلكونة أقف فيها شوية بدل الملل اللي أنا فيه ده، ولقيت.